Pattern

营业中

休息中

環境：👌🏻👌🏻👌🏻👌🏻態度：👍👍👍👍食物：👍👍👍👍性價比：👍👍👍👍👍第一次去呢間餐廳，感覺好特別。入面既裝潢好輕鬆，好有童年回憶。餐廳入面大概十枱左右，但就連bb櫈都有得提供，好貼心。上菜速度快，首先蜜糖雞芥末雞翼同薯條到先，雞翼重蜜糖味，少少芥末味，好好食。薯條口感似粗版IN & OUT薯條。主菜外觀似高級餐廳既意粉，但比高級餐廳平一半，味道都ok架👍Apple cider 加菠蘿幾夾。最驚喜係埋單有4次扭蛋機會可以儲印花換野，每個扭蛋有既印花數目5同，好得意。我扭曬4個可以換到一客雞翼🤣🤣值得推薦！

星期日約咗班朋友去大埔搵野食行下行下去到呢間，見間餐廳幾靚價錢又合宜就衝咗入去食啦⋯⋯我地五個人叫咗個四人餐，有三個小食三個主食同埋一份豬肋骨。食物超快到，仲要樣樣新鮮即整，無得輸！首先三樣小食先到第一樣：薯條，熱辣辣新鮮炸，都好難唔好食😂第二樣：密糖芥末雞翼，又係熱辣辣，仲要無雪藏味👍🏻👍🏻第三樣：釀磨菇！好味不過就係每一樣小食都好細份，每人一件（食食下先記得影，所以薯條已經比我地食咗一半，雞翼四個人每人一件）跟住我地揀咗巴馬火煺黑松露意粉好重黑松露味又好creamy 😍😍帶子茄子三重芝士意粉呀⋯⋯好重芝士味又好creamy 好好食夏威夷pizza,好足料，不過係個人唔太鐘意薄底，但味道都好好豬肋骨呀可以轉蒜茸包，蒜茸包又係新鮮整好脆，不過個豬肋骨甜咗少少包四人餐飲，我就揀咗焦糖朱古力好可愛😍見到心情都靚晒！不過係略甜，如果唔係今日餐飯樣樣食物都係100分😂😂😂會再食多次！

早前落左足足兩星期雨，呢幾日見天氣好，一於去游下水做下運動啦。位於太和既Pattern, 距離大埔游泳池只有5-10分鐘路程，星期日中午到達既我地都要等位超過15分鐘，唔想等位既朋友真係建議早d黎。餐廳雖然出名漢堡包，但係一人一份未免太heavy,所以我地叫左一份脆辣雞煙肉漢堡同埋一份焗豬扒意粉。焗豬扒意粉蕃茄味濃，豬扒入口好鬆軟，意粉焗過後唔會過乾，好好味。脆辣雞煙肉漢堡等候需時，上檯時真係令我地「哇」左一聲，因為賣相真係好巨型，包裡面除左夾住煙肉同脆辣雞扒外，仲有好多沙律菜同汁，個人認為沙律汁過多，食起黎唔太方便，建議可以落少d。薯角方面熱辣辣，而且夠脆，值得一讚。兩個餐連飲品都係100 蚊鬆d，咁既質素，真係算唔錯架啦。

係太和入面，落大雨又夜既時間真係無心情去search有咩好食其實真係隨便入一間餐廳食但又十分驚喜🙈晚上大約9點幾入到舖頭有一半位置都係有客人既選擇了門旁邊既4人位坐未入去之前已經見到羊西冷就知連餐牌都唔駛睇即刻就可以落單啦羊燒得剛好肉仲係好嫩既無氈味個燒汁有少少炭味如果蒜蓉包可以再烤多少少應該會更香旁邊個位話唔想食pizza 所以揀左意粉黑松露味唔係太重巴拿馬火腿亦唔多但個汁好creamy如果黑松露既味道強一點會更好味由於羊西冷跟餐有野飲睇到餐牌有推介 朱古力我倆睇到最特別既係炭燒榛子朱古力我地叫左少冰少奶朱古力味更濃唔似外間既榛子朱古力呢杯好香榛子味朱古力同榛子味各佔一半旁邊個個拎住杯朱古力飲到唔捨得放手🤦🏼‍♀️

今日下午想食西式野，見到隔離舖排晒隊，但見呢到好多位就諗住食下呢間我地點左兩個意粉，$5X & $6X可以分唔同價錢配飲品，不用收加一帶子份量得三粒，而且好細，細過$1硬幣，不過個黑松露汁幾香，有埋雜菌無咁單調卡邦尼個汁太漏，食左幾啖已經好滯好想嘔，而且「伴碟」既芝士粉似污糟多過擺盤😓檸檬茶個味道好怪，可能茶底唔同食完呢一餐因爲兩個意粉都好漏，滯到好辛苦，同朋友不約而同話唔怪得呢到咁多吉位，隔離餐廳排晒長龍😓😓😓加上隔離枱有個女客人除左鞋，盤腳赤腳坐係到，睇到都唔開胃.............衛生問題店員應該出下聲卦😓😓😓😓😓

其實已經係常客，不過今次第一次寫食評（因為平時一上菜已經好快開動，冇圖冇真相嘛🙈）今日食左店內既主打，板燒羊西冷因為怕羊騷既關係，叫左8成熟煮得岩岩好，一d都唔會覺得老，同埋肉質柔嫩，好正意粉入味，個番茄醬好食就唔多講啦。（題外話配菜既意粉都幾大份，唔怕唔飽）食完之後順勢就食左個甜品（難得放假就食盡佢😋）心太軟加朱古力雪糕第一個反應，咦，咁細個既，唔係中伏呀不過都叫左，試左先啦切開左都唔係好流wor不過食落口先知，我錯了！首先講個心太軟，雖然心冇面便其他甜品影相咁流心，但係外層個皮焗得岩岩好脆而不燶，個心都比得出個入口即熔既口感。然後就到個雪糕，影相可能唔係好睇到，不過雪糕中間有d一粒粒既細朱古力粒，連埋個心太軟一齊食個口感好立體，有熱同凍，軟硬脆，簡單來講就係正。👍🏻總結，其實都成日去呢間餐廳食，意粉就比較少叫，因為覺得羊扒同pizza好食d同埋下午時段去係冇加一，十分低食不過如果你同某d高級茶餐廳比(RT)，真係價廉物美既西餐，就算加左一因爲本身唔貴，都唔係貴太多，抵食!!😋(背景音樂都好正)

食過咁多次Pattern 捻住實無死 就試下其他 不過今次都有少少失望😞唔知係唔係趕住趕住咁整 個吞拿魚和風野菜沙律真係求求其其 個醬好少 搞到好dry咁 D吞拿魚一舊咁dum係一邊就算 D蟹籽得少少 仲要個碟底黐左D蟹籽😑😑今次照舊食左必食嘅蜜糖芥末🐔翼 都係咁好味😋我地叫左海鮮墨汁意粉 就落錯左巴馬火腿黑松露忌廉意粉 個墨汁意粉第一眼睇 已經見到意粉本身嘅顏色 墨汁又唔結撻撻 水狀 食落墨汁味唔濃 味淡 而且D海鮮真係少到無朋友 爭D搵唔到😤😤（上圖是撈亂後的圖）仲試左他他醬魚柳包 食唔到他他醬嘅味道 食到蕃茄味 無咩特別 試過就算朱古力芭菲 雪糕似手作之店嘅味道 加左粟米片 40蚊 唔抵總括黎講 麻麻地啦😕間舖仲整左個大招牌係門口 我地做正隔離 無路行 D職員都要跨過有人坐嘅櫈過黎真係幾危險 位置又逼 無以前咁舒服

呢間位於太和的店鋪，其實已經黎過好幾次。在太和火車站對面，店鋪不大，美式簡約的裝修，最岩用黎渡過寧靜的下午😌一口和牛香蒜意粉好像是其中的招牌菜？意粉軟硬度剛好也不會太乾身，配上炸脆的蒜蓉和不肥不瘦的和牛粒，十分惹味芝士茄汁焗豬扒飯，就係呢個飯！繼三多雞脾，呢個飯係令我想一去再去既大埔餐廳😂佢唔係普通焗飯咁酸咁濕，芝士都唔係好似平平既泥膠芝士。Pattern既豬扒飯是以炒飯作底的，炸過的豬扒不會炸粉不會太厚，肉身也不會太「林」，上面佈滿的芝士香味配上所有配料簡直是錦上添花😌Pattern (太和)太和大埔太和路15號太和中心13號地舖

同一樣嘅二人餐 但係主菜唔同左。味道都係過得去個蜜糖芥末雞翅都係咁好味😋😋😋今次試左一口和牛蒜香意粉 真係好多蒜 和牛粒嫩口 不過意粉硬左d 個人覺得（兩者各自各好味 不過炒埋一碟有少少唔夾 意粉都係juicy 會好味d）真係辣菠蘿🍍雞🐔包 真係有🍍噶😂😂而且辣味十足 不過個辣味蓋果曬其他材料嘅味道 有d失望 😢😢😢得個辣味 仲要＋8蚊 😒😒兩個主菜係推薦出黎嘅 失望之餘都唔會再試最後仲試左推薦嘅招牌朱古力 無咩特別 都係朱古力粉嘅味道 我都係鍾意玫瑰🌹茉莉花茶多d😋總括黎講 都不過不失啦。

Nestled near the busy main road in Tai Wo, Pattern is a western person’s dream. This restaurant is located on the opposite side of the active Fire Station. The Atmosphere, food and service was impeccable. Quickly, the food aroma wafted off the plate. The food was mind-blowing! Perfect Texture, impeccable and explosions of taste. The squid-ink spaghetti was top-notch, it was heavenly. The squid-ink was all over my mouth just like small a explosion. Perfection! The service was perfect. It was abov

由於想試多D 所以食左兩人餐。前菜試左吞拿魚和風野菜沙律 味道還可以😊蜜糖芥末雞翼真係幾好味 值得推介😋😋煙三文魚海撒漢堡配薯角 塊麵包皮真係幾大塊 😀其他都還可以巴馬火腿黑松露忌廉意粉好味得黎唔會膩 正😋😋

新年訓醒都差唔多十二點，起身第一餐梗係要食好西。開業兩年幾，試試呢間餐廳，店鋪以蛋黃色為主，門口環境亦明亮乾淨清潔，適合一家大細和朋友聚舊。首先叫左香蒜一口牛意粉，牛肉煎得恰如其份，仲有左少少粉紅色。朋友叫左他他醬吉列魚柳漢堡包配薯角，吉列魚柳竟然炸到保留肉汁，有驚喜。最後餐飲叫左杯蒸餾咖啡同玫瑰茉莉花茶。咖啡味道正常，花茶可隨意添飲。小店由一家人打理，非常親切有禮。難得試新野無失望，下次會再黎試個晚餐

跟男朋友2人第一次到這家餐廳, 大概2pm 到, 等左15mins左右,但發現幾好味等耐小小都值得!我叫左芝士帶子意粉, 男友叫左蒜香一口牛意粉 (大概個名係咁上下)芝士帶子意粉好好味!!! 男朋友都話我個意粉好味d, 但佢果個都唔錯,好香蒜味!大概$60-$70 一個餐, 跟餐有杯凍飲, 叫左2杯凍檸茶好大杯最想講係幾中意個環境, 食到一半發現有2pair 情侣等位, 侍應無話見我地隔離有位就叫佢地坐過黎,反而分別比左2張4人台2pair 情侣坐, 可能見有位想大家坐得舒服d(我估haha)見好多台都食完會慢慢傾計, 所以等位會耐小小都係其中一個原因

和友人專程一試牛切牛肉漢堡, 漢堡用料足, 足夠一個人份量, 可惜牛肉比較ˋ鞋’, 肉味也不突出, 但師傅仍然用心烹調, 可以見到件牛肉充滿肉汁, 外層麵包又烘到卜卜脆, 足以彌補内裡不足, 況且$68的價錢可算是抵食。再來了一件夏威夷至專pizza(類似這個名), 反而有驚喜! 香濃的橄欖油經烤焗後發出的香味, 加上本人極喜愛既薄批底, 簡直吃到口,手不能停!最後埋單, 下午茶冇加一, 真的抵食又好味的一餐!

Woo千島醬烤雞薄餅滿佈芝士，餅底好薄咬一口薄餅，芝士可以拉出絲(好正的口感)芝士和薄餅底焗得好香口，雞肉鲜嫩加上菠蘿的甜，好美味的組合一口和牛香蒜意粉和牛粒煮得過熟(但味道不錯)，意粉煮得彈口，加上好重蒜的調味，整個意粉，好香口蜜糖芥末雞翼蜜糖味太重，蓋過了芥未的味道(只有甜的味道)吞拿魚和風野菜沙律沙律調味汁較少，吞拿魚味道不特出，勝在蔬菜新鲜吸引的apple cider+rose 玫瑰花數粒(但味道特出，滲出淡淡的玫瑰香味)不錯的味道跟餐凍飲大大杯 食物味道不錯(餐的價錢抵食)