Pause Cafe

营业中

休息中

星期四請咗半日假入大嶼山行下，諗住weekday 會少人啲，由碼頭行到cafe 大概10mins , 11月嘅天氣好舒服，陽光曬喺皮膚上好和暖。以為平日唔多人，點知cafe 得返2張檯同bar 位，最chill 嘅outdoor 位置已經full咗。揀咗張近廚房位置嘅檯，餐廳樓底好高，好多藝術品，menu 選擇唔算多，主要輕食，無意粉飯嗰啲，除咗menu 可以出去凍櫃睇下啲cake 另外仲有黑板都有寫少少甜品資料。自己出去點餐即時settle payment , 之後有waiter 送餐，staff 2個，一個外國女仔，另一個係印巴藉男仔，2個都幾勤快。點咗個牛油果吐司HKD95，三文魚bagel HKD80(無bagel , 都轉埋吐司）呢個包係酸種，硬身，份量唔多，簡單製作。另外叫咗French toast, HKD130, 呢個包係好好食，法式方包，好軟熟好有彈性😋😋，中間有薄切芒果，面唔係雪糕球，係cream cheese , 旁邊有少少石榴點綴一下。mocha 同cappuccino 都要大嘅，40同39食完行去散下步，彩虹瀑布電視, 社交平台見好多，親身第一次見，好興奮🌈

第一次踏足梅窩🔆行山前去左一間好cozy既cafe醫下肚😗🥚🍆Eggplant Omelette平時真係比較少見，蛋餅上有harrisa，微微辣又幾惹味😋 另外，🥑Avocado Smash牛油果成尺厚，加埋青寧汁好refreshing！飲品方面，不外乎都係Matcha Latte同Beetroot Latte🥛。值得一提，佢地係同出面cafe飲開有少少唔一樣，完全唔甜架，唔會搞到個口甜姐姐👍🏻對於成日叫少甜既人可能係好選擇🤣

早前的梅窩一日遊～見到行程推薦都介紹呢間Cafe但去到環境同食物質素都有點失望呢🥲😢😢性價比低Cafe 由外國人開架 比較休閒風格Match Latte $28飲品係好大杯！不過呢杯冇咩抹茶🍵味同好淡🤣🤣吾好飲Turmeric Latte $28呢杯係薑黃味 好似好特別咁 我朋友就叫左 但我試左一啖就不了🤣🤣好似飲緊中藥咁omg 好奇怪🙃🙃Smashed Avocado 🥑 $95呢個聽講係signature 但我同朋友都吾鐘意🤣🤣 佢正常上面係流心蛋 之後有大量牛油果醬 底層係bread 應該係我講錯 吾知點解變左炒蛋😣呢個係似健康餐 冇咩味😉😉個包係要咬好耐🤣我地expect 係脆Daily cake $35是日蛋糕係Apple crumble cake 應該算係最好個個食物 但係超級無敵甜！！！Pause Cafe 大嶼山梅窩涌口街21號地舖#打卡cafe#生活小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #相機食先 #hkig #hkgirl #食好西 #西餐 #餐廳 #香港美食 #香港好去處 #甜品

雖然巳經進入秋天，天氣還是十分炎熱，星期六下午帶著口罩在梅窩大街上走了大約一小時，已經汗流浹背， 突然發現眼前一間純白清新的文青Cafe，有如發現世外桃源一般。這間別緻小店充滿了歐洲風情，簡約中帶點心思，跟老闆娘聊天，原來她來自英國倫敦，祖籍蘇格蘭，已經在香港梅窩落地生根多年，因為歡喜這裡，特意開設這間Cafe，分享自製的清新美食及甜品，頗有意思。當日飲品叫了Green Tea Latte及Blueberry Mojito, 食物點了French Toast, 賣相非常美麗，打卡一流。味道方面也不錯，不會太甜，貫徹了清新的感覺。幾位閨蜜，談天說地，分享美食，互相拍照，一座就是差不多兩小時!因為喜愛，星期日早上再到訪，吃了一個美味的Egg Benedict，早上人流沒有想像的多，感覺更加自在寫意，給繁忙的都市人，提供一個慢活的空間。

Pause Cafe 外型歐陸風. 2層白色裝修. 樓底好高感覺舒適去到要自己搵位. 因為店員人數較少唔係太得閒理你或者可以揀問店員拎坐墊坐係門口樓梯亦得感覺幾chill😆~Mocha Latte~🍵非常失望. 完全無抺茶味. 連奶味都好淡...真係唔係好知飲緊咩🤦🏼‍♀️朋友話佢杯latte都係好淡🧐🍰~Daily Cake~蛋糕個名唔太清楚. 大概係紅莓因為係無寫出嚟. 亦無放係玻璃櫃. 完全係見人叫再跟住叫🤣一食落口..好明顯既雪藏味..😑中間類似紅豆既物體完全係冰既..所以食唔出係咩. 成件蛋糕食咗幾啖就食唔落去打卡影相係一流. 但野食就...

趁情人節遠離一下市區，梅窩假日人流都可接受，環境寧靜且休閒。到訪前都不知道梅窩有咖啡店，於是試試當作下午茶，店所在的建築屬於較少樓層的村屋，但樓底很高，加上整體以白色為主調，空間感極佳；有室外座位，而店外偶爾會有文藝小攤檔，店員也很有禮貌。點了 【French Toast 】，和飲品【Ice Latte】和【Flat White】。雖然很多食肆也有French Toast，但這是我在港暫時吃過質素最高的，份量也很多，與雪糕配合一流；咖啡有M/L size可選擇，份量挺大。

20211001 假期梅窩遊 梅窩比我想像中原來要似愉景灣 好多外國人居住 有間由外國人主理嘅文青 主要賣gluten free 小食同咖啡☕ pork taco 個肉一啲都唔乾 幾 juicy😋相信taco 個 tortilla 都係自家製所以係黑色 gluten free幾特別, 都有略略煎下先上，酸菜味道開胃唔太酸👍🏻 homemade cheesecake 都唔太heavy 但 creamy, iced mocha 朱古力超濃😍 店主都親切又熱情 值得到訪👍🏻

行完山於是到這間cafe飲杯嘢吃點東西補充一下體力。Pause Cafe給人寫意悠閒感覺，店內裝修簡約別緻，店員態度親切友善！由於距離關門只餘下四十五分鐘，所以只可選擇快飲快食。是次點了Ice Lemonade、Ice Lime Soda & Blue Berry Marble Cheese Cake！兩款飲品味道不太甜，正合我們行完山的需要！最愛cheese cake 新鮮鬆軟，甜度亦適中，好味道！下次會早點到，這樣可以試食其他食物！

等左1.5 小時先到，個廚仲出嚟鬧客人街坊都知依間嘢逢假日人山人海，有次聽聞啲咖啡好飲咗，突登星期六12點落去食。去到點嘢食話要等30-45 分鐘，都ok啦等一陣。叫左嘅Iced Americano 先到，野食繼續等。等左30分鐘，未到，再等30分鐘，話要等多20分鐘。其實都等左超過一個鐘，餐廳都冇安排任何小食/ 水去安撫久等嘅客人。其間問佢可否俾兩塊包醫下肚先，都搞左15分鐘，最後唔知做咩個廚好嬲咁走出嚟話，佢一路係廚房做野blablabla。之後仲怒氣匆匆出嚟dump底塊麵包，隔離枱同我哋睇到都好意外。總結嚟講，得罪街坊冇運行，咁好嘅態度真係幾好味都唔會再去，梅窩除左佢，仲有好多好味嘅餐廳。

趁放假去左依一間位於梅窩嘅Pause Cafe, Cafe裝修都幾Chill, 同朋友傾吓計，食吓野，感覺好舒服，同間Cafe嘅名字一樣，可以暫停一吓，比自己relax吓。食物同飲品方面，order左一件Homemade cheese cake, 好rich, 好濃郁，餅底好脆，飲品就叫左Matcha Latte同Espresso🥰

都市生活太繁忙了，每逢假日就好想遠離煩囂，這次走進離島梅窩，原來有一間「Pause cafe」，店內色系以白色為主，樓底高，空間感強，牆身還掛有貝殼吊飾、掛畫等，別有心思，設計簡約清新，又充滿度假風，走進去心情也變得特別輕鬆、舒服，猶如店名一樣pause(暫停一下腳步，享受生活，chill and hea 一日！）❇️Eggs Benedict with Salmon🌀味道不錯，沒有選擇錯。❇️Beef Burger🌀牛肉肉質粗糙又乾，有待改善。❇️Spring Salad🌀有無花果和啤梨，感覺頗清新，而且還有核桃，口感有軟有硬，非常有嚼勁！❇️Matcha Latte🌀份量足夠，但是沒有抹茶味，奶味淡，有好大的改善空間🥲❇️carrot cake🌀超級無敵甜，不值得試🙈整體來說，環境舒適，但食物質素就一般。

上網見到網民推介Pause Cafe, 身為吃貨小編當然要過來嚐一嚐。點左Matcha Latte, blueberry mojito, 牛油果蛋多士，蘋果芝士蛋糕。首選推介既牛油果蛋多士果然無令小編失望，真係超好味！上面粒蛋係溏心蛋，切開都吾怕流到周圍，牛油果高纖高蛋白質，十分健康，好岩減肥人士食用，最底麵包好鬆軟。蘋果芝士蛋糕，入面好大粒蘋果肉，芝士蛋糕好好味，個餅底好厚實又吾會太硬，而且芝士蛋糕係每日不同口味。Matcha Latte🍵，抹茶香濃，吾甜，都吾錯。Blueberry Mojito 🍸，超香薄荷味，檸檬加藍莓既果汁，仲有一粒粒藍莓。所有環境，食物都好適合網美打卡，relax，放慢腳步既節奏。YouTube: #心心VictoriaVlog

梅窩打卡Cafe☕️ ［Pause Cafe]估唔到黎到梅窩都有間咁靚嘅cafe😻成個感覺好舒服🍃🌟 Specialty Cake - Homemade Cheesecake with Mango & Papaya Jam 🧀🥭($50) 芝士好濃郁 食得出係真材實料!平時唔係成日食芝士既話🧀第一啖食落去可能會有啲唔慣 因為有少少發酵嘅味道🤏🏻但食食下就會覺得好好味😋加埋Mango Papaya jam食落去酸酸甜甜 令到個芝士蛋糕無咁膩😽🌟Apple Crumble Cheesecake🍎($35) 玉桂味好香🥧入面仲有一粒粒蘋果 有啲咬口 成個蛋糕甜度啱啱好 食落去都好creamy🤤 餅底比較厚身 仲有啲脆脆地 啱晒啲對餅底有要求嘅客人🥰Iced Matcha Latte 🍵🥛($34)奶嘅比例較多🥛抹茶味較淡身 唔突出🍵 唔算太驚喜🌟 Fresh Lemonade🍋 ($25） 飲落去好清新 好重檸檬嘅酸味 🤤配梳打水消暑解渴一流啊💦

🥑🥑🥑唔知大家最近有冇比調教你mirror搞到好想出走去下梅窩感受下渡假生活呢🥰呢間位於梅窩嘅Cafe牆身掛咗好多好有心思嘅佈置 裝修好有異國風情feel😍入到去好自然可以Hea返幾個鐘😂今次叫左個burger 同avocado toast 試下其實價錢都唔平 不過勝在牛油果好足料去開梅窩嘅朋友就可以去試吓同打下卡喇😚

夏天去梅窩沙灘勁熱又餓咗勁耐😩🧊意外發現到一間世外桃園既cafe Pause Cafe裝修好適合鍾意打卡既foodies 成個氛圍好chill 北歐風既設計簡約得黎又有一種好西式家居感覺 outdoor area仲有客人會帶狗狗黎食野 入面啲野食又健康又好味🍵🍵今次試咗granola bowl同mushroom omelette granola bowl既生果好新鮮 平時少食紅石榴同火龍果 今次食完竟然覺得呢兩種水果好好食 味道同yogurt都好襯 酸酸甜甜勁夾杯fresh lemonade 本人鍾意食酸 杯fresh lemonade就好岩我 mushroom omelette賣相都好靚 mushroom味道好出 好想再去試下其他野食🤤🤤🤤店員都係外國人 需要用英文落單 如果chill住去梅窩 不妨考慮食下呢間cafe😙