Peace Cafe (已結業)

可以看到男神黃子華的show真的很興奮! 看show前與友人來到這間peace cafe醫肚，平伏一下內心的滾動!這間寧靜的cafe選址於熙來人往的地段，顯得格格不入，一進店內彷彿進入了世外桃源。店內的設計，佈置，裝飾都予人平和溫柔之感，猶如店名。食物款式選擇不少，有大路款的，也有一些較為特式的食物，很適合多人的聚會。鮮果沙律 ($72)有蘋果，梨子，芒果，生果款式不算多，但份量尚可，味道正常，感覺沙律醬有點多，而且出很多水娛變得稀了，如沙律醬可分開上更好。和風燒雞酥皮 ($65)，想不到原來是酥皮做底的pizza。即叫即製的pizza熱辣辣，酥皮做得很酥脆，牛油香十足，燒雞肉不多，配上燒汁和面層的芝士與沙律醬，惹味十足，兩者也很夾! 很不錯呢!黑松露全日早餐 ($128)包括煙肉，腸，火腿，松露多士，沙律，牛油粟米，松露炒蛋，食物款式都是大路款，可能是有黑松露的緣故，定價有點高。肉類沒有什麼特別，炒蛋挺嫰滑，黑松露味濃郁；多士烘得脆口，黑松露份量亦不少，故亦很香口。整體來說不過不失。最後亦來一款甜品心太軟試試，可以向店員詢問是日的甜品，因每天款式不同。同樣是即叫即製，熱辣辣之餘，一上

在落大雨的星期六，係尖沙咀做完 facial 後，想搵附近一間可以坐得耐少少的樓上cafe，一搵之下就黎到這間 Peace cafe。這間店舖燈光、環境、氣氛都唔錯，我地就坐係近窗邊的梳化椅，空間算是幾寬闊，坐都幾舒適。cafe內有老闆的珍藏，有隕石的小小展覽區，還有選擇玩 board game的小角落。我地就拎左 Panguin Jump，第一次玩完來都幾好玩～玩了幾舖後，野食開始陸續送來，我地叫了1個set，香煎三文魚扒配擰檬忌廉汁伴薯蓉（$188）。先送來餐湯、牛角包、沙律，餐湯是羅宋湯、沙律是芝麻醬沙律，牛角包焗得鬆軟熱辣辣。香煎三文魚扒大大塊，外皮煎得脆卜卜，配檸檬忌廉香草汁使三文魚扒食落去味道酸酸甜甜肉質更滑，更開胃，同埋薯蓉都整得好香。餐飲就叫左蘋果茉莉花茶（+$25）&薄河朱古力（$42），蘋果茉莉花茶味道很清香，當食左濃味野、同甜品後，清下口腔味道是不錯之選擇，而且飲完後，店員會過黎幫我地加水。芝士黑松露薯角（$72），滿滿的黑松露舖上在薯角，薯角焗得好香脆，味道都唔錯。煙三文魚伴酥皮pizza（$72），這裡的pizza全部用酥皮製作，幾特別，口感很酥脆，pizza

友人有心事，約左我黎Peace Cafe傾訴一上到黎已經有家的感覺好像坐在家中的sofa上一邊和朋友傾計，一邊享用晚餐，好舒服，好自在set dinner 包括: 沙律提子旦糕仔餐湯是雜菜湯，加$15可on top加酥皮Main course係香煎三文魚扒配檸檬忌廉汁伴意粉$188三文魚皮脆肉滑，每一口都食到魚的油香，好美味， 蘸埋檸檬忌廉汁一齊食，更帶出魚的鮮味，好出色紐西蘭肉眼扒配黑椒汁伴薯菜$208份量好大，最值得一讚係D薯菜， 黃椒和蕃茄仔焗後好甜好juicy, 薯蓉亦好滑餐茶: 檸水和檸茶甜品加$20可轉比利時朱古力心太軟比利時朱古力好濃郁，好滑， 這個甜品真的做得好好食埋呢個甜品真係大滿足，好想食多一個啊唔經唔覺，傾下講下，就在這個舒適的環境下渡過三個小時，好enjoy啊

Lunch time , 又搵地方食飯加上偷懶一下， 到弓呢到簡簡單單既cafe shop 雖然裝修簡單， 但店員充滿了人情味， 好好人。呢到lunch set 好抵， 平均$48-$72， 款式多，還有包括飲品。因為我同同事想食下其他， 所以散叫了黑松露雜菌忌廉意粉（$108）好creamy , 食落都香松露味及忌廉， 好滑， 唔怕乾淨淨。小食拼盤（$168）多選擇， 分別有蒜香蜜糖雞翼（豉油及蜜糖味道比較特出）， 蜜糖芥末芝士腸， 煙雞胸（本來係煙鴨胸，似乎餐廳有的食材），蒜蓉多士（好蒜味， 又好脆）蘋果檸檬茶（$39/熱）及檸檬桂花蜜（$58/凍）

感覺好peaceful既peace cafe🤤 仲有好多boardgame🙈晚市套餐選擇好多，有餐包，餐湯，沙律同甜品。餐湯係我最愛既粟米湯，好濃好滑仲好多粟米粒🙈 跟埋牛角包上，送湯一流。叫咗2款小食，第一款係煙三文魚伴粟米碎蛋手壓薯蓉 ($72) 粟米好甜好爽脆，而個薯蓉係好食到不得了！！完全可以當正餐食，薯蓉用新鮮薯仔做，好滑好重薯仔味。加埋粟米同碎蛋，此物只應天上有！🤤和風燒雞酥皮pizza ($65) Pizza 皮係平時泰國菜入面食到，用黎點咖哩既薄餅，口感十分酥脆，鬆軟。燒雞味道都幾香，醬汁用咗芝麻醬，同pizza味道都幾夾，好快就食完🤣素菜全日早餐 ($108)見到呢個all day breakfast 係十分之興奮！一來又有薯蓉，二來係個碗入面終於唔係茄汁豆，而係牛油粟米🤤❤️ 整體食落不錯，個蛋都炒得好濕潤好滑~ 同埋份量都唔細。套餐入面個主菜就係香煎三文魚扒配檸檬忌廉汁 ($188) 三文魚煎得好香，外脆內軟，同埋呢個忌廉汁帶點微酸，食落都幾開胃~ 鍾意水晶或者隕石既朋友更加唔好錯過，呢度有個小角落放落好多特別既石頭仔！更可以買翻屋企~

這間位於尖沙咀的樓上餐廳，沒有顯眼的招牌，就連易拉架都沒有。如果不是朋友帶我上來，也不知道原來這𥚃有一間樓上小餐廳。餐廳的佈置很有家庭 feel, 給人一種很溫馨和平易近人的感覺。從每一碟菜式熱烘烘從廚房端出來，我們都感受到店主的細心和誠意。和朋友待在這裏可以玩玩 Board game, 吃點小吃，飲杯飲品，輕輕鬆鬆就可以渡過幾個小時。貓山王榴槤酥皮Pizza ($88)👍👍👍👍👍這個貓山王榴槤Pizza, 雖說是 Pizza, 但餅底卻不是普通餅底，而是酥皮餅底，熱烘烘的酥皮又脆又酥，加上香噴噴的貓山王榴槤饀，軟糯香滑，食落一點甜膩也沒有，榴槤迷必試。黑松露什菌忌亷意粉 （$148/Dinner Set)👍👍👍👍晚餐包括：主菜、餐湯、沙律、甜品和飲品。簡單清新的黑松露什菌忌廉意粉，鮮什菌配以香味濃郁的黑松露忌廉醬，令每一口意粉都充滿著野菌的香氣，亦令每條意粉都掛上了濃稠的忌廉汁。香煎三文魚扒配檸檬忌廉汁（$188/Dinner Set)👍👍👍👍晚餐包括：主菜、餐湯、沙律、甜品和飲品。三文魚扒的外皮煎得很香脆，魚肉還保持嫩滑。伴碟的薯仔和燈籠椒，雖然是配菜，但真的處理得不錯，令整個主菜

我有三個小朋友，朋友介紹下嘗試peace cafe幫囝囝慶祝，朋友話Cafe內有玩具俾小朋友玩，大人食嘢都食得輕鬆啲，食物OK、飲品OK.....因為工作太忙蛋糕也未安排，所以問吓Cafe有冇蛋糕提供，竟然有😄.....諗住都係一般般，點知好好味！😋👍🏻店長話係傳統德國黑森林蛋糕，好滑、好鬆軟、不太甜！👍🏻👍🏻

上年來過感覺不錯，但最近下班跟同事dinner，感覺好像不同了，估唔到。。。點完餐，等左成八個字野食都未到，催都催過2次，好無奈，究竟係漏左單定係咩。。。好啦 等左八個字後，個卡邦尼意粉終於到左，水汪汪咁淡而無味，想點呀，今日廚師失手？再黎個牛咬都咬唔開，成舊橡筋咁。。。仲要比個同事話伏左佢餐飯飲品個d就不過不失啦…但咁既價錢咁既食物質素。。真係唔會再黎唉 失望而回!味道質素變差，但食物就。。咁樣不會再來了。

非常推薦呢間cafe 在尖沙咀鬧市發現了一間樓上cafe 因為有靠窗陽台位環境好舒服由晏就開始嗌左杯花茶係近期受歡迎既 「碟豆花」藍色好靚 加上陽光照入黎一定要影張相老闆娘好好 問我想唔想變色跟住佢俾左杯檸檬汁我倒入去搞一搞杯野即刻變紫色好夢幻啊同朋友坐得好舒服晚上繼續係到坐係到食嗌左「卡邦尼意粉」「叉燒蜜汁雞翼」「香蕉朱古力窩夫」「芒果菠蘿奶昔」「卡邦尼意粉」非常有驚喜意粉好有咬口 真係好好味！而「芒果菠蘿奶昔」都好好味好大杯 好飽肚仲有小小碎冰 好fresh 好清新如想在鬧市中找個寧靜地方食飯或者同成班朋友傾計非常值得去呢到下次一定會再黎

極力推薦大家試試轉手之後重開的Peace Cafe 尖沙咀難得搵到一個環境舒服優閒嘅樓上Cafe有home sweet home嘅感覺🏡💕☝🏻️跟餐的沙律、牛角酥同花茶😋 食物好有水準 特別喜歡他們的牛角酥 黑松露意粉 沙律 食得出廚師有用心煮的👍🏻👍🏻仲試咗佢地嘅酥皮Pizza, 都好好味!試了桂花花茶也不錯 而且仲會幫你refill 好鍾意佢地嘅玻璃器皿👍🏻地點好就腳，好近尖沙咀地鐵站，附近就是iSquare係依度可以優優閒閒咁嘆一個下午😊

要在聖誕節前辦一個20+多人的聚會，做了一輪資料搜集後，決定選擇這間餐廳。今晚完成聚會，朋友都對餐廳選擇讚不絕口。一來地點近I Square, 非常方便。另外餐廳感覺溫馨舒服，適合朋友聚餐。餐廳東主會主動添加飲品食物，食物質素十分不錯，尤其是紅酒燴牛肋骨飯。他們知道我們有朋友吃素，也主動加了一道素菜。推介這間餐廳!!!

今晚與友人共聚，在鬧市中竟遇上了這家Peace Cafe。店如其名，環境寧謐、佈置簡約精緻，座位空間感充足，坐下來感覺平靜。店員服務態度殷勤有禮，值得欣賞！兩人點了一份三文魚扒及一份紐西蘭肉眼扒共享。餐前麵包熱上香軟美味，餐湯選了香濃足料的羅宋湯，配以清新的沙律；就是餐飲也有花茶、咸柑桔蜜、柚子蜜等健康滋潤之選，全都恰到好處，絕非馬虎之作。最後店方還送上tiramisu，的的骰骰的一小件甜點，份量剛剛好，為這晚餐劃上完美的句號！

之前食過Lunch 價錢$52-58都算平。款式不多但味道都唔錯。今年生日朋友請食生日飯所以嚟試下晚餐。原來晚餐都唔錯喎。我地4個人叫佐煙三文魚沙律，辣茄醬海鮮意粉，黑松露意粉都好好味。個煙三文魚沙律仲砌得好靚。花茶都有好多款式喎！原來佢地仲有包場服務。朋友話下次包場攪個Party 都唔錯。因為都有D大人細路都啱玩既遊戲。美中不足就係梳化有點舊同座大廈入口較細有D艱搵。不過環境都好舒服感覺又幾warm 喎。而且交通方便，一大班gathering 都唔錯。

家族聚會最頭痛諗地方，經朋友介紹下去咗尖沙咀peace cafe，本身都無乜信心，但見個地點咁方便，諗住試一試到埗後先黎個小驚喜，原來駐場大廚係個廿零歲小傢伙，仲要留學德國，場地亦比我想像中大得多，我地一行廿幾人，都好寛敞，可能因為我地太嘈，趕走咗其他人開波先黎個羅宋湯，沒特別，心諗“中伏”，跟住黎個三色小酥盒、蘋菓撻，立即扭轉局面，有色得黎，又唔太膩，一口一件無手尾，再黎多個日式雙併及炭燒雞肉串，保持正常味道，前菜立即過關，眾人無投訴主菜，仔主廚先黎好多不同款酥皮Pizza，款式多到數唔到，個皮比乜hut物hut好食得多，再加個白酒蜆肉意粉，意粉有點失手，腍咗少少，正當我們後生們食得開心時，老闆好細心咁黎個脆皮燒腩仔+鮑汁冬菇花膠伴鴨掌+叉燒炒烏冬把一眾老人家的心都俘虜，唔係話個味道好出色，而係顧及到老人家唔太喜歡西餐嗰一份細心埋尾嚟個法式TIRAMISU LAYER CAKE終結全場無話有邊一樣好食到要聽日立即去多次，但如果再有聚會，我會再次選擇他們，因老闆好有心，他們都當我地係朋友，香港地太多商業品道濃烈的大眾餐廳，與其支持大商家，我另願選擇有“家”的感覺的香港cafe

非常舒服的環境, 最適合朋友聚會傾偈，餐廳有棋類遊戲供應，好似預左我地長hea咁，食物有水準，除左個頭盤沙律我嫌份量較少外，個海鮮意粉同個藍莓芝士蛋糕都有驚喜，非常唔錯，日後黎尖沙咀又有一個好去處。