Peace Cafe (已結業)

和一班朋友相約聚餐，選了地點方便的尖沙咀，其中一人介紹這間Peace Cafe，既然未試過，大家都樂於一試。雖然看過網上的時評是好壞參半，不過當晚大家整體上都覺得滿意。晚餐的餐包鬆軟可口，暖暖的很不錯。餐飲選擇不少，我要了柑吉檸蜜，甜度適中。沙律是普通的蘋果沙律，ok啦~意粉要了個忌廉汁焗雜菌意粉，味道濃郁，雜菌也很豐富~食完正餐還有甜品，有多款選擇，包括藍莓芝士蛋糕、朱古力慕斯、tiramisu等，份量較小，過下口癮都ok，味道也不錯。當晚場內沒有其他顧客，我們都坐了好久，店員的服務態度也誠懇有禮，印象不錯！

因朋友建議約左這間Cafe食dinner, 所以之前兩日係度睇下食評o 唔ok, 當時見到人地寫到很差, 我還擔心食得唔開心.食完之後我地4人也覺得不錯, 服務, 環境, 食物也可以. 係價錢貴了D.這是在舊式大廈的樓上cafe, 因有AB座 & CD座的兩個門口, 所以地下的大廈門口也不容易找.入內的裝潢很光猛, 全部是梳化位, 坐得很舒服, 唯獨冇WiFi上網 略有不足 因我最後到, 所以一坐底已經要叫野食.一睇Menu 心諗儐錢由$88起也唔平喎! 我叫了遁 , 先來個蘑菇湯 & 餐包, 也ok, 湯&包都是微熱.主菜 , 煙三文魚的煙味很重, 我個人就唔多like , 魚的香料太重味道太咸, 看佢好似很小, 食落份量 也很多, 最後都食唔晒.朋友們叫了 [ 日式芥辣汁鰻魚飯] & 不知什麼汁的 , 鰻魚飯上綠色芥辣的芝麻很有認真製作的感覺, 超香! 朋友話幾好食, 我睇個樣也幾正, 應該不錯! 餐飲不是一般的只得奶茶, 咖啡等, 也有柚子蜜, 花茶選擇 如要轉壺裝花茶加$15.-當日甜品有三款選擇: 玫瑰果凍, 士多啤梨Mousse蛋糕, New york 芝士蛋糕. 我

行完街搵野食,樓下唔吸引係HMV對面,算是誤打誤撞,聽老闆講係新頂開咗無耐.set餐叫咗2個香草海鮮意粉好入味海鮮唔(聲)及1個三文魚扒煎得非常好唔會熟過(籠)又大件配蛋沙律感覺健康.餐湯係羅宋湯好有家嘅feel無味精.前菜係蟹子蔬菜沙律,無加醬可以清一清才食主菜.甜品藍莓芝士餅唔(餾)甜度啱啱好.另點了4杯特飲(相中)蜂蜜木瓜鮮奶,草莓乳酪唔過甜,蘋果咖啡落糖後蘋果味更特出,芒果益力多酸酸甜甜好開胃.呢度環境舒適,以健康為主,又唔貴,樓上cafe嚟講唔錯.

本人今次第一次寫食評, 因為真係不吐不快, 樓下食家CTS講嘅情況完全出現哂, 絕對同意佢的comment, 不過我會加句係 ‘試都唔好試.’除咗零服務及唔夠食物外, 佢地根本就唔想做生意. 事緣我也以包場方式搞party, 電話中講好收費方式及價錢, 埋單時卻反口, 仲話自己一定無咁講過, 仲話係我聽錯, 叫個同事打俾老細check. 我嗰時已表明唔想嗌交, 心諗又無電話錄音, 自己蠢咗, 唯有照俾, 已經攞起銀包, 點知個Staff check 完之後, 話我一定要照俾, 又話無電話錄音, 又話自己開咗三年, 黑口黑面, 態度極之惡劣. 好似我欠佢好多. 我問佢係咪俾老細鬧完而家向我發洩, 佢話佢老細好撐佢地, 仲話我唔俾就報警, 真係好笑, 我根本唔怕佢報警, 睇吓警察會唔會話佢浪費警力.但我真係唔想同D咁嘅人嗌交, 諗住俾錢走人, 點知佢地一邊找錢, 一邊仲鬧我'R' 咁多野覺唔覺得自己好cheap, 真係火都黎, 我即刻反問佢我'r' 咩呀? 酒水都係我自已帶嚟.最後我好聲好氣同佢地講叫佢地注意一下D態度, 做生意唔係諗住做一次, 點知佢竟然話 '做你生意就係' 天啊, 這是

與一班朋友聚會, 以包場形式以方便傾談遊玩, 卻換來昂貴消費及一吐氣無可否認, cafe 位置於旺區優勢, 裝修尚可, 但大熱天時, 冷氣完全不足,20 多人焗於餐廳一小角, 死角位只以風扇頂替, 經投訴後服務員稱冷氣已開最大, 且態度已不友善.用餐時完全沒有服務可言,服務員全程黑口黑面, 唔知跟投訴冷氣有無關係, 20 多人只提供3瓶飲料, 雖unlimited drink飲完可refill , 但咁多人1 round 已酌完, refill 速度慢, 最大問題係水瓶不可放於餐枱上, 每人需行出bar枱自己酌, 細小環境行出行入, 非常不便, 用餐時無人清理餐枱, 要求多次只清理一次, 每次需要朋友將髒碟搬到bar枱食物大部份都是簡單小食, 意粉,多士及不同多士, 質素跟屋企簡單煮食無分別, 埋單每人$150人, 簡單食物價值跟本不值這個價錢, menu上set dinner 不需$100已包main course ,, drink 及dessert, 如散叫份量及價錢必好過party set.總括而言”不值一試”

29-8-2009天色麻麻又無啦啦落起雨來, 令新界西「餵相機」計劃泡了湯, 唯有留守市區行吓街吧. 以前成日去 Peace Square (e.g. http://www.openrice.com/restaurant/commentdetail.htm?commentid=166047), 轉手後反而未嚟過, 上嚟坐吓飲杯嘢吧. 叫了一份 tea set, 有「是日蛋糕」一件及 pineapple smoothie 一杯 (屬「特飲」, 要加 $), 朋友飲; 另散叫一杯 iced chamomile peach tea (好似 $28), 我飲. 「是日蛋糕」係 New York cheesecake, 賣相平凡, 食落唔算好滑溜, 但芝味濃郁, 質地黏稠, 面頭的 sour cream 比例剛好, 出奇地好食! 睇唔出樓上 cafe 出品都咁唔錯, 值得試試.試了一啖 pineapple smoothie, 打得唔算好幼細, 但十分真材實料, 味道十足上年 Christmas 私房菜的 pineapple sherbet "refresher" (http://www

無意中在OPEN RICE 看到這間CAFE的介紹，因離工作地點不太遠，故和同事去試試地點在HMV的對面，算是易找踏入CAFE，潔白的傢俱配合一室的陽光，感覺悠閒，街上匆忙紛亂的世界立時離我而去當時只有兩枱大枱的顧客，反而近窗邊的梳化位空置了，二話不說，當然要選個臨街的有利位置。曬著暖暖的陽光來一個歐陸的午餐。午餐有墨西哥卷, 三文治和沙律餐，但沒有圖示分量，怕不飽肚，還是選個意粉套餐安全分別點了白汁蟹柳蝴蝶粉及黑椒香草煙肉意粉沒有餐湯，郤有一塊有驚喜的芝士烘麵包，有點吊詭白汁蟹柳蝴蝶粉 -- 金寶忌廉湯的味道，加上蟹柳即成黑椒香草煙肉意粉 -- 沒有汁，有點干，又是一碟超簡單的拼湊出品餐飲可選柚子茶或檸檬茶加椰果，算是有點意料之外總體而言，食物的製作糟蹋了一室的清幽~~另...可能客人不多，有枱客走後久久沒有人執枱，印象大打折扣~~

朋友於報章內發現這間樓上咖啡店, 報導內說咖啡店會因應客人喜好提供香薰, 賣點不錯.環境: 不錯, 因為有遊戲提供,有點吵,不過,大部份樓上咖啡也是這樣,這個環境在香港來說,已算不錯.裝修以白色為主,配以紫色的Cushion,很乾淨.到達後, 店內的確點著香薰精油, 但是直至離開, 店員也沒有提出有此服務,而且用餐至一半時,精油點完,店員也沒再點著香薰,似乎只是一個報導的賣點.食物:共點了煙三文魚沙律, 三文魚酥, 白汁蜆肉蟹柳長通粉, 香蕉朱古力特飲, 薰衣草橙汁.煙三文魚沙律 - 煙三文是一般餐廳使用的來貨,沒什麼特別. 沙律菜份量實在少得可憐. 明白煙三文的成本較貴, 但沙律的主要份量應為沙律菜, 以約50元的價格來說, 煙三文魚與沙律菜的份量竟相等, 結果整碟沙律感覺份量太少.三文魚酥 - 以酥皮弄成小杯裝,內有煙三文及粟米粒. 因為雜誌推介, 也點來這一道來一試. 首先, 雖是名為"三文魚酥", 廚師於食物賣相上卻沒注意這點, 將三文魚放置於粟米粒下,而且用了一個還是太大的小圓碟, 看來是"很孤獨的三個三文魚酥", 賣相不吸引. 味道方面, 也沒什麼特別, 只有三件的三文魚

上兩個星期o既一個晚上同honeyo係尖咀覓食,冇意中撞左上黎呢度.諗住我叫個set dinner, honey叫個意粉就算啦.點知落完單之後,個女侍應問我哋另外嗰杯飲品要咩,我哋話唔使啦,一杯飲品夠,點知佢竟然話:"minimum charge係一人一杯飲品",根住我話:"吓,但我哋叫左兩個意粉囉喎".但佢堅持話minimum charge係一人一杯飲品我當時真係十個O咀 x 2結果我哋咪唔食,即刻走囉.btw,我好似唔覺眼個menu有寫minimum charge (but not sure)個人認為:佢有冇攪錯?有咩理由我哋兩個人嗌兩個意粉都仲唔夠?!如果佢認為要sell飲品先有$ 賺,咁晚餐不如全部都一定要set 啦.另外,o係依家咁o既經濟環境,佢都仲咁堅持minimum charge, 恐怕命不久矣!!

在繁榮都市中，要找一個既適宜閒坐而舒適的地方，不是要付上昂貴的代價，便是要到郊區一帶。今天突然收到友人焚化爐的來電，也造就了這一小片好地方的發現。有時候，在這裡的資料庫內四處查看，總會發現一些"被人遺忘"的小店，這家茶座就是其中一員。有食友說樓上cafe的食物質素，有時間真的物非所值，更甚至是高價錢爛食物的也大有存在，對此類cafe餐廳自己總會有點戒心。到達時店內只有一檯客人，這間"小白屋"環境寧靜之餘，自然光亦相當充沛，選擇了在窗旁的位置，看著街下人來人往，聆聽著播放著的純音樂，身心頓時得到舒泰，加上坐的是近似梳化的座位，令人舒服得有點不捨得離開的感覺。友人幾經尋找下終於到來了，問好之後各自選了不同類型的食物，便開始談一下大家的近況和身邊發生的事情。午市套餐包括了<<法式多士>>，法包焗得整片脆口，雞蛋沙律味道帶甜而味亦香，醬汁有點像甜的荷蘭醬，味道不錯。我要的<<蕃茄德國香腸天使麵>>，味道普通，茄鮮味一般而醬汁有點水汪汪的，還好天使麵有點咬口彈牙。友人的<<百里香雞肉卷>>，味道不甚出

星期日幾個女仔食完飯想搵地方坐下,又唔想去諾士佛臺D Pub, 有朋友提議到這間樓上cafe,入到去見環境白白淨淨都幾classy呀.我叫了花茶,朋友要個聽落有點古怪的薰衣草橙汁,不過飲落真係好得意, 有D甜,有D香,好難講......若想去飲嘢的朋友一定要試試.不過,其他個幾杯咖啡就一般D.本來只係飲嘢,不過見人地D 雞翼好香,又試試, 都幾鬼正, 好入味, 又見人地個 BLUE BERRY CHEESE Cake唔錯,再來一件,都OK. 佢地當日的晚餐係香草忌廉汁田螺意粉, 估唔到樓上CAFE 都有似樣嘢食呢, 下次會再認真試試個晚餐.

幾個朋友搵左幾間cafe都full 晒 =.= 撞左來呢間 叫peace 既cafe "星期六黃金時間竟然有位wow " 朋友第一個反應覺得呢間野應該唔多好不過冇法子啦, 間間都full,反正坐下坐落一d都唔peace 吖 好嘈吖其實都係咁岩得返一張枱俾我地 朋友都叫左各式沙冰, 都話幾好飲 我覺得賣相都幾好不過我向來都唔飲呢d 野 我叫左杯cappuccino , 有小小驚喜 !!冇左傳統cappuccino肉桂同cream 的味道有小小可可的清香 不過咖啡粉應該係普通級數的, 唔算太滑但係熱熱的cappuccino好有奶味, 掂 !! 下次試下搵個靜d既時間來應該唔錯 因為除左我地之外仲有幾枱都係坐到咁夜 @@ 嘈死人啦

尋晚9點幾同3個朋友上去食dinner其實我覺得呢間cafe真係唔錯, service真係幾好, waitress好有禮貌, 唔似上一個人咁講野食既款式係少左d, 但係真係好好食我地食左4個唔同類型既意粉, 同1個雞翼雞翼$40 得4隻,係幾貴, 但係味道真係好好!意粉都係四十幾五十幾蚊1個,唔算貴, 我諗係因為佢個location唔係好易發現到有個吞拿魚意粉真係好正! 同枱有3個話好食, 有1個話唔岩口味白汁西蘭花蝴蝶粉都好味.不過呢間cafe有樣野唔好既係一定要每人叫一杯飲品 (minimum charge係以飲品計算)d飲品都幾好味, 係貴左些少.而且音樂伴奏幾好, 傾計好舒服又好多games可以玩所以下次再約fd去尖咀,呢度都係一個best choice

唔值得去, 只係整理的cafe.同一般cafe差唔多整齊.所以冇特別. 佢地的食品唔好食, 飲品十個唔好飲, 服務差得離譜. 我撞上去, 冇fd介紹過,下次都要光顧d有口碑先得. 星期日夜晚坐左三個鍾, 只得我d fd 同另外二人光顧,唔怪得冇人去.