Penthouse Sky Lounge (已結業)

之前見過朋友既相，影到個環境好靚，一直都好想去睇下係咪真係咁靚。上星期，出左糧諗住豪一豪，約左幾個朋友上去試新野。我地8點幾去到，個場真係幾靚架喎，比我想像中大好多，最正係有夜景睇丫麻。我地係以任飲入場，男仔$250一位，女仔就$200一位。另外，我地又叫左d小食黎食，個waitress話朱古力心太軟係招牌甜品，於是我地就試下啦，真係好好味，甜度啱啱好，唔會太「漏」，值得一讚!本來只係叫左一個，見佢咁好味，我地就叫多左兩個心太軟黎食。之後仲叫多個薄餅食，都唔錯喎。就算唔點醬都好食。令我更估唔到既係，呢度都幾多新歌唱架喎。可惜果日太多人點歌，唱唔到好多。Overall我覺得唔錯，如果包場應該仲正。

呢間野真係出乎我意料之外，尋晩放工之後，６點幾7點同個朋友去飲野，原來有Happy Hour, 野飲係買一送一，我地兩個人一人一杯岩岩好！朋友之前黎過，我就第一次上黎，個環境真係一流，有無敵大海景，坐係bar枱傾下計，仲可以玩下飛標，都唔錯! 之後我地叫左d小食黎食，都ok喎！雖然肉丸稍為咸左，不過個薄餅好香口。最後埋單每人百幾蚊，我覺得幾抵呀，地方大又多位，都唔洗點等！

之前同朋友黎過呢間開party，個場好大好靚，可以望晒成個維景，真係好正。星期五晚同三個朋友，悶悶地無野做就去左食dinner，諗住可以靜靜地傾下計，好浪漫。今日早左黎，７點幾未到食飯時間，所以人未係好多，望住個270度海景傾計一流，於是我地都叫左d酒飲下。呢度仲有得唱k，都有好多新歌喎！之後叫左d set dinner, 比預期中好喎，之前黎開party只係飲野無食野，唔知道d野食水準去到邊。我地叫左一個PIZZA，一碟煙鴨胸肉，一碟白汁意粉，我地四個都覺得好食。Pizza 好好食，４個人食略嫌太飽，但值得一試。推介呢碟鴨胸，好juicy！好味！上碟都幾靚架，d伴菜都好好食，伴菜有好多件薯仔，好抵食呀！So far 我覺得幾好，下次生日都會考慮再黎過。

响團購網用左$88買左張CUOPON, 包兩杯DRINKS, 自助沙律吧, MAIN COURSE, 同唱K (限時6PM-10PM)同深井原居民一齊嚟試吓呢個埸, 一去到就見到270度維港景, 用呢個價錢嚟講冇得挑剔沙律同MAIN COURSE 不過不失, 唔可以叫做好食, 又未去到難食嘅地步, 不過有D食物妁幾鹹但係呢個場嘅其中一個賣點就有D出事啦, 去到問D職員佢地話8PM 先可以唱, 咁即係唔係4小時不停唱啦 (COUPON 寫就係4小時不停唱)! 同埋呢度冇乜唱K氣氛,D STAFF 9:30PM 已經叫你埋單啦. 如果想平嘆維港景, 對食物冇要求又唔特別想唱K, 呢度係唔錯嘅選擇~飛仔就冇下次啦.

响某團購度買左2個DINNER + 4小時任唱，(dinner) $88 + (10%) $18 + (nut) $10 = $116 per person晚餐主菜叫了雞扒 & 三文魚扒，質素ok，算好食，不過薯菜小左啲。甜品 & 沙律 (任食的) 款式太小。nut 竟然是咸味爆谷.......... 是我不懂欣賞嗎？我總是覺得怪怪的。飲品ok，正常。有一大片窗，望到有海景，環境唔錯。不過呢間餐廳我只比25分....扣分扣得至多既地方，正是佢既賣點 - "唱k"當晚我同男朋友一心來唱歌，但職員話當晚10:00有唱k比賽，所以顧客們無得點歌/ 唱歌(之前沒有講明呢........)，到左9:00pm 見到有客人人唱，我即刻點歌!! 不過點左4 - 5 首都上唔到 (反而最後點果首，一點即刻有得唱 =..=")，唱左一首歌就比人趕 ，果時我地只係坐左2個鐘咋............明明講明係任坐任唱4個鐘架麻...........我既總結係..... 來過食過試過更算了，唔會再返 "卓"

一上到去環境感覺同其他lounge唔同 ~ 坐既位置望到海境...,可能個日7點半就上到去啦 ! 感覺有d空曠唔係好多人 ...d野食到左之後氣氛就唔同哂啦 !! 我地叫左湯,燒安格斯肉眼扒, 忌廉鮮什菌意粉同埋甜品心太軟.... 味道唔錯....份量十足(因為我地兩個人去食) 但甜品""心太軟"真係好好食呀 ! 食第一啖既時候... 望住d朱古力流出黎既時候...有d感動 tim !! 我地食完飯...飲左一支紅酒...傾下計...就埋單走....服務都唔錯 .... 野食都算係有驚喜(特別係甜品) ... 空間好大... 海景好靚 ... 個晚我地食飯既氣氛都唔錯 ~~ 個度仲有鏢機...我都初試牛刀玩左一鋪,個度個manager仲好好人咁教我點玩tim ! 我諗下次可以試下係度搞生日 , 因為個度原來有唱K自助晚餐.... 好似係$300一位 !! 價錢都抵 !! 至少有野食,又有紅白酒飲...地方品流唔複雜 !! 真係可以考慮一下 ~~

This place was absolute disaster!Service is terrible:It was a B-day evening for our friends, a few of us arrived early and ordered Chicken and Nachos for appetizers.one hour later, the chicken came, however the nachos was never heard of.We’ve mention this to the manager, they not only ignore us, but kept telling us that they will check. Four times asking them to follow the order, 1.5 hours later. They told us that there wasn’t such order placed. ( while you can see 10 waiters just walking around

想包場開 party 於是去試試晚餐和看看場地。食物出乎意外有水準，賣相吸引，味道相當不俗，份量也足夠。用餐途中發生少少意外，店員很用心去處理問題，認真誠懇既服務態度真的值得一讚 。９時前比較靜，適合情侶睇海景食晚飯。入夜後變得多人多煙（意料中事，始終是 lounge 唔係餐廳），同朋友去飲野傾計都唔錯。美中不足既係飲品味道一般，場地煙味很濃，枱比較矮進食有點辛苦，上菜速度較慢（可能在 VIP 房，店員不想常常騷擾的關係）。不過有美食靚景服務搭救，整體上很滿意的一餐

If you are considering going to this place for drinks, be very careful. This place literally steal from you. Maybe when the economy is bad, company need to steal from customer to survive. Our friends (about 10 people) went there last week and had booked a room. They order 2 sets of 3s of the Chivas. The practice always is that they would leave the empty bottles in the room so that you know how much you ordered. At the end when they asked for the bill, they still had 6 bottles in the room p

尋晚同難得舊同學聚會.....佢介紹呢間幾好味o既餐廳一入到去覺得呢間餐廳環境頗舒適又有海景好靚餐牌選擇不多,得個四種類Appetizer,Soup, Main Dish,Dessert價錢約$98-168由於我哋係得四個人所以叫左都三個set share食都夠晒飽Appetizer都係啲大路野啦.....反而我好中意湯#黑松露蘑菇湯#一般啲磨菇湯都勁行掉幾片磨菇就算但佢地個啲竟然係將啲磨菇磨到勁碎左先再煮做湯所以勁有磨菇味......睇得出個廚師好有心機Main Dish我地叫左個燒三文魚配香草牛油汁+燒春雞配什菜香草汁+香煎羊柳配秘制肉汁本人首選推介個#香煎羊柳配秘制肉汁#講下啲羊柳先喇...又嫩又冇騷味再配埋個秘制肉汁.......超正果個汁好特別我係其他餐廳從未食過酸酸甜甜好開胃.....食落有陣果香....好特別另外個三文魚都不錯.....煎到岩岩好外面脆入面岩岩熟仲有一定要提下個handmade著蓉!!真係不得了!!個薯蓉食完完全唔會覺得濟薯蓉本身相當夠味可以就咁食!!入口非常滑幼但又可以食到有細細嘅薯粒...好特意Dessert叫左個waiterss話必試嘅#心太軟#個心