Pepper Lunch Express (已結業)

接近5點好肚餓好想食野, 但夜晚約左上朋友屋企食飯, 本身只係打算去food court食少少野, 但一去到就俾pepper lunch吸引左, 忍唔住叫左個黑椒牛肉飯做下午茶, 仲要加蛋加芝士。呢個時段成個food court都冇咩人, 叫左好快就有得食。返埋位之前就落左埋黑椒汁同蜜糖汁先。counter擺醬料果個位同餐具都有d污糟, 衛生方面可以改善下。一埋位就趁熱快手撈勻所有配料先, 鐵板夠哂熱, 成個飯熱辣辣令人胃口大開, 尤其加左會拉絲既芝士就更加惹味。牛肉同其他配料份量充足, 牛肉唔會太韌同太肥, 呢個價錢都好合理。

今日見凍凍地最岩就係去食鐵板飯啦，女友叫左個招牌牛肉鐵板飯，我就試左個安格斯牛柳粒飯，今次都係落左芥末汁，但唔會落太多，如果唔係就會太咸，牛柳粒好食既，中間都仲keep到有汁的，下次我會試下加芝士，可能會再香d。

今晚下班後約了細佬和弟婦吃飯，在大家都想不到要吃什麼的時候，突然好想吃Pepper Lunch，所以就來了😂平時都會吃黑椒牛肉飯，今晚想吃雞，所以點了黑椒雞肉飯。我覺得他們家的飯看似很簡單，但是我很喜歡吃。用鐵板上菜，熱騰騰的，冬天吃一定很溫暖☺在飯上面有粟米，蔥粒，黑椒碎，旁邊放著雞肉。一上菜，首先拌勻所有的材料，然後我喜歡加點蜜糖醬汁，再拌一下就可以了。粟米甜甜的，雞肉不會過熟，有點煎香的味道，加上蔥粒的香和黑椒的微辣，還不錯啦，好吃。

早起的鳥兒「小秘書」今日準時收工，啱啱仲趕到接埋兩個姪仔一齊去「PepperLunch」食個下午茶餐 ☕️唔好怪我大鄉理 ... 今日其實係我嘅第一次👉🏻👈🏻 眼見面前一大盤🐮黑椒牛肉飯仲要配埋汽水 🥤 同雞蛋 🍳，埋單都只係$45🤪 雖然成個配搭睇起嚟好熱氣咁，不過味道真係野味喎💨💨

夜晚嚟到food court，聞到四周圍都香噴噴，搞到我都想食pepper lunch，價錢方面$50，平均消費同其他餐廳都差唔多，所以冇咩點考慮就買咗，冇加嘢飲係附近唔遠嘅一個位坐低咗，望住間舖頭咁等號碼，點知見到佢放咗好多個飯係出面，但係號碼又冇郁唔肯定啲飯係我嘅定係其他人嘅，所以冇走過去問點知過咗好一段時間，到我個號碼，我走過去拎，發現佢俾我嘅就係一直放係個度個個飯！個飯放咗好耐，已經冇冒煙，就算落蜜糖醬都冇嘢彈出嚟好嬲，明明一早整好咗又唔叫但係pepper lunch正正係要熱辣辣先好食嘅嘢，佢竟然因為人為而搞到佢唔好食需要一樣有牛肉，黑椒，粟米，蔥，但係就冇咗熱辣辣鐵板嘅香味

今日晌將軍澳開會，完左同事返屋企食住家飯，無人陪之下最好就去food court食。呢度其實都有好幾間食店，但最吸引的都係pepper lunch。鍾意黑椒的我當然食返黑椒牛肉飯啦，無叫珍寶因為今朝食左早餐。黎到都好正常，熱辣辣，趁未凍快d加埋蒜茸汁先。都係正常味道，不過d牛就韌左d, 唔知係咪我炒得耐左。雖然加左汁，但鐵板夠熱，都有d飯焦。食飽飽好滿足。不過諗起一陣要再返公司做野就。。。咁快食完又食飽，梗係要行陣商場先走人啦。

Pepper Lunch Express Pepper lunch進駐將軍澳喇！開左係Pop Corn 個food court ，添好運隔離Express比店舖的食物款式較少但都有較新出既XO醬黑椒海鮮飯一於試下~!!XO醬黑椒海鮮飯 $59飯量好少喔~xo醬是分開上的 讓我們自己淋上去炒飯如果鐘意再惹味d既另外仲有個蒜蓉汁可以點或淋上去兩款都會比曬你海鮮有三款，包括魷魚、蜆肉、蝦仁，每款少少炒完好香 但我覺得d黑椒好辣！第二次去食既時候決定加大試下加大XO醬黑椒海鮮飯 $64加大份量只需加$5海鮮份量upupup!!飯都多少少$5多好多海鮮~抵食好多下次都要加大好了~~