PHI Coffee & Pancake (太古城道)

营业中

休息中

約左人太古城食lunch搵到依度都有PHI 即刻推介比個fd依家新出左芒果熔岩好吸引🔹濃鮮龍蝦意大利飯面頭都幾多龍蝦肉飯口感岩岩好龍蝦汁個味道都幾濃郁🔹漢堡扒全日早餐未試過佢既all day特登點黎試下有漢堡扒配牛腩汁，煙三文魚，牛油果厚蜜糖多士，煎蛋都好多野食漢堡扒好厚身佢特別配搭個牛腩汁蘸完味道豐富左好多牛油果夠哂淋整體都唔錯🔹藍莓希臘乳酪梳乎厘依個一上就好澎湃藍莓醬瀉出黎咁口感鬆軟又帶少少空氣感依度梳乎厘水準真係keep 得好好夾埋藍莓醬又無咁膩🔹蜜瓜在沙冰降溫時蜜瓜味唔算好濃個種飲落又唔甜，好清爽🔹凍朱古力又係唔會太甜朱古力味都幾濃

好耐冇同閨蜜聚餐💕揀咗間大家都鍾意食嘅pancake店食餐廳除咗主打pancake外仲有意粉🍝意大利飯同多士等等ღMy First Summer Melon Souffle 蜜瓜在初夏升溫時 $142擺盤好吸引🤩梳乎厘震揗揗，蛋味濃郁，入口好滑好鬆軟😋加上清甜多汁嘅蜜瓜🍈睇得又食得ღHamburger Steak With All Day Breakfast 漢堡扒全日早餐 $132好豐富😍一望落去已經比個厚厚嘅漢堡扒吸引住，一啖咬落去好juicy，而且肉味香濃🤤搭配煙三文魚、牛油果🥑清新嘅沙律菜🥗太陽蛋同香脆多士，超級滿足呀！ღTuna Orecchiette With Dragon Fruit Sauce 粉紅吞拿魚貓耳朵粉 $112粉紅色嘅貓耳朵粉粉嫩嫩好靚呀💓煙煙韌韌好有咬口搭配入口鬆化嘅吞拿魚腩幸福滿滿~ღ Smoothies $68@蜜瓜在沙冰降溫時｜仲夏芒芒狂熱 兩杯沙冰飲落冰涼解渴，唔會過甜，而且每杯都有清甜嘅果肉💛💚

一間好啱打卡嘅cafe純以拍片影相角度黎講，呢度真係好鬼啱打卡光線啱啱好，唔駛點教，靚靚嘅食物擺盆同餐具木系裝潢，坐到4人位，更有空間感同舒服同朋友仔叫左2個main，其中一個餐追加甜品大家再share 一齊食🔸芝士toast + 熱美式咖啡 $98炙燒半溶芝士鋪滿中間夾住咸香巴馬火腿嘅軟熟法式吐司，完美配搭美式咖啡就一般般，味道較淡無咩特色🔸英式全日早餐 + 士啤多梨Pancake + 熱抹茶Latte $138份量大，有一份好好食嘅土司，油香味濃嘅豬肉腸同煙肉，黑醋沙律菜同茄汁豆解解膩，2隻太陽蛋，唯一美中不足係個菇無咩調味同有點凍左Pancake有點像雞蛋糕，實在感較重， 士啤多梨醬酸酸甜甜好開胃，到配埋個mousse一齊食，好滿足

呢間cafe喺太古城商場附近,第一眼就能感受到濃濃的文青風格。大量木質元素點綴其中,散發出一股自然舒適的氛圍,好適合我呢啲鍾意文青風格嘅人。首先,我試咗佢嘅「Midsummer Mango and Coconut Souffle」,呢個甜品看落去真係好靚,金黃色嘅表面閃爍著夏日嘅光芒。入口即溶,綿密濕潤嘅口感令人難忘。甜美軟滑嘅芒果配上椰子香味濃郁嘅忌廉,可謂絕配。佢個樣好靚,有啲唔捨得食, 破壞佢呢份美態。另一份我試過嘅係佢嘅「PHI All Day Breakfast」,呢個全日早餐又係整得好靚又足料。首先最吸引我嘅係佢有一個小樽,可以自己調校蜜糖嘅份量。仲有軟綿綿嘅迷你pancake,真係幾好味! 係用心嘅all day breakfast。總括嚟講,呢間cafe氣氛好好,掌握到文青風格嘅精髓,令我有一種身在藝術空間嘅感覺。佢嘅嘢食都整得好精緻。下次有機會再黎,一定會再試吓佢嘅其他菜式。我覺得可以嗌一份鹹點, 一份甜點咁就啱啱好！

以前還好，而家lunch出餐平均45分鐘, 好多蚊蟲。咖啡唔合格，其他嘢飲連粉都未溶晒。完全唔合格，真係次次都唔洗排隊至機會佢。一去到時聽到人喺度問佢地有冇用电蚊拍or蚊拍，坐多2分鐘已經明白晒點解。 真係好多好多。而家除非想食螞蟻同蚊做餸，如果唔係都唔會再去！食物: 除咗Bolognese，其他主食都最多平均線環境: 極度 極度極度極度極度極度極度極度惡劣，唔講而為參觀昆虫館。衛生: 極度 極度極度極度極度極度極度極度惡劣，唔講而為參觀昆虫館。 要連續換兩杯野飲，因為都有昆虫仔。 不過應該係之後走入去而唔係喺廚房就有掛…….

唔想食咁飽，又想食甜野，就決定嚟食梳乎厘😋 一入門口見到獨角獸出現，餐廳佈置得好夢幻好靚😍 🦄甜蜜芋泥獨角獸梳乎厘 $168既然今次主題係獨角獸，當然要食返主題梳乎厘啦🤩 擺盤真係好靚好打卡able📸 芋泥味就唔係好覺，對芋泥控嚟講有啲失望😔 不過梳乎厘個水準依然keep到，蛋味香濃，質地Q彈軟滑🤤✨經典英式伯爵茶梳乎厘 $168梳乎厘就唔洗講啦🤭 伯爵茶味香濃，每淡梳乎厘都配茶香加忌廉一齊食就剛剛好，味道豐富唔會膩👍🏻✨豬柳蛋煙肉熱香餅漢堡配乳酪杯 $98近期大熱梗係唔少得熱香餅漢堡，配埋乳酪成為一個all day breakfast，但其實同乜記個早餐大同小異😂 味道係ok嘅！✨綿綿獨角獸沙冰 $68睇外表已經少女心爆棚😍 香芋沙冰好似幾有特色，飲落都有香芋嘅味道，不過都係略嫌唔夠濃😅 ✨鮮奶咖啡 $38coffee milk嘅配搭，比例唔錯，不過不失。🔍整體感覺：今次主題夢幻，餐廳都佈置得好靚，同朋友嚟打卡影相真係幾靚📸 食物質素都keep得唔錯，主打嘅梳乎厘的確有水準👍🏻

呢日送完小朋友返學有一個鐘me time☺️咁就去咗學校附近嘅phi coffee & pancake度嘆返個早餐😋PHI晨曦全日早餐（炒菇，煙三文魚，豬肉腸，炒蛋，牛油果，黑醋沙律，吐司） $98呢份早餐真係好豐富真係好鐘意呢度嘅牛油吐司,本身已經夠軟熟,落埋蜜糖🍯食更加正😍😍😍豬肉腸帶少少辣都食正炒菇一般食落無乜味其他正正常常鮮奶咖啡呢度嘅咖啡一向有水準今次亦一樣,拉花都靚#hkfoodie #太古美食

大家見到呢個水吧染左頭髮，身形偏瘦既女仔千祈吾好入去食！今朝叫左幾份早餐早餐係吾錯但係早餐食晒，咖啡都未到就有啲過分！聽到其他枱好多都吹緊嘢飲見到個水吧仲喺度慢慢沖，又唔比人幫仲要黑哂面發脾氣，無料就吾好企水吧咁樣既做野態度，真係不知所謂😡😡😡同個好高戴眼鏡既男仔吹咗幾次單，佢都有過去幫手跟單，但係個女仔剩係係到發脾氣😓😓由10點15分左右落單，到11點3，等足60分鐘都未有飲品，最後都係趕時間轉外賣杯帶走，仲要唔好飲🤢🤢🤢建議大家見到呢個女仔都吾好入去

平常我也不會打食評，這一次不得不打還要離開店舖後開食評今天係母親節打後嘅星期六，我同屋企人經過一間好靚嘅舖頭，裏面有獨角獸，想去打卡食梳乎厘，但我去到門口，無人接待我地，翩翩門口就企咗一個女同事，我望一望去舖頭裏面，其他人喺度執緊枱，忙緊照顧其他客人，只有一位女同事企喺度聽到一位男同事講，門口有客，但位女同事竟然講咗句粗口，關我x事問題我哋就企喺度 我同我屋企人聽到都唔知畀咩反應同行仲要有小朋友好彩即時有另外一位女同事帶我地入座但今時今日咁嘅服務態度唔得唔知我以為佢係老闆不過叫咗個藍莓梳乎厘係幾好食只是等待真的需時囉，要30幾分鐘個位女同事服務態度有待改善

睇到有pet friendly餐廳即刻狗衝過去，滿心歡喜諗住同狗狗打下卡去到店員黑口黑面話狗唔入得，話轉左條款我地山長水遠去到一句話「轉左條款」就轉身走左睇返post都係上個月嘅事唔入得應該要del返個post，唔好誤導人令人浪費時間

Phi ：一間我常去嘅Cafe～我最推薦嘅係佢哋嘅超值早餐，50幾蚊左右，就有一個非常抵食美味嘅豬柳蛋漢堡配特色飲品。豬柳蛋漢堡有唔鹹嘅豬柳，有芝士、一片薄煎蛋，加上頭尾兩塊pancake墊住，加啲楓糖漿，清清甜甜非常可口。套餐包括特別的飲品，例如焦糖牛奶、玫瑰牛奶、各種特色咖啡等等。係我同一家人平時早餐嘅不二之選。至於pancake，我通常下午茶嘅時候會嚟嗌朱古力pancake! 特別欣賞朱古力梳乎厘班戟富空氣口口地，食落鬆軟幼滑，更加有香醇嘅朱古力醬、極度濃郁嘅朱古力磚塊。一家大細都讚不絕口。另外有一款士多啤梨班戟，士多啤梨味道都好清新，值得欣賞。我都試過佢哋嘅午餐。推薦燴牛柳紅蘿蔔意大利飯。醬汁香醇，透着淡淡嘅紅蘿蔔香，牛柳切得好細滑，調味有黑椒嘅香氣，自然清新，都有意大利飯嘅忌廉口感。個人十分喜歡。

🍛🍲🥘🌯🥗星期日見好好天想帶屋企嘅狗狗出去行下。 經朋友介紹， 原來太古城有一間寵物友好餐廳，所以就即刻打咗電話去預約book位。 下午到達餐廳後， 職員畀咗貓狗可以飲嘅奶畀狗狗飲，bb飲到舐舐脷! 呢間餐廳我有食過佢位於中環嘅分店， 性價比比較高，主打嘅梳乎厘班戟好好食! 太古分店比較方便，可以泊車喺太古城中心，食夠200蚊有三個鐘免費泊車。▪️ Midsummer Pastrol Sharing All Day Breakfast $288 (for 2 ppl)今次我哋淨係叫咗一個週末限定2人 brunch set， 入面有兩人份量嘅 all day breakfast， 新鮮生果， 兩杯乳酪& 兩杯嘢飲。我覺得佢嘅pancake幾好食，腸仔唔會好鹹，太陽蛋煎得剛剛好有蛋香，牛油果新鮮，乳酪唔會好甜， 而其他嘢係正常發揮。呢個set包咗兩杯嘢飲 可以選擇Classic Coffee，Chocolate，抹茶latte或者果汁。▪️ Cappuccino不愧為泡沫咖啡，泡沫多到就嚟爆出嚟😂 咖啡幾香，澀澀地，有回甘味。▪️ 抹茶latte一個抹茶latte拉花竟然係狗狗，真係超級得意！

近排 Phi coffee & pancake 做緊獨角獸主題🦄🦄🦄我地作為獨角獸愛好者點可以唔嚟打吓卡呢🤩我地叫咗漢堡扒全日早餐有漢堡扒,法式吐司,煙三文魚,牛油果,煙肉,煎蛋等漢堡扒非常厚切👍🏻食落口好juicy啖啖肉汁吐司好軟熟,配合埋蜜糖味道更好粉紅吞拿魚貓耳朵粉吞拿魚充滿鹹香貓耳朵粉配合粉紅色火龍果醬汁整體都唔錯👍🏻甜蜜獨角獸香芋梳乎厘梳乎厘pancake水準同之前食過嘅一樣,都係非常鬆軟,充滿空氣感中間粉紫色嘅係香芋cream側邊伴有棉花糖&麻糬梳乎厘pancake上嘅香芋奶蓋同pancake味道好match繽紛獨角獸咖啡第一啖我係覺得唔好飲嘅,因為我未落咖啡😂但唔飲咗第一啖先係無位落咖啡嘅落咗咖啡後即刻好飲好多😋😋😋甜甜地嘅香芋奶味可以帶出咖啡香濃味#openrice#phicoffeepancake#hkfoodie

之前去過中環分店，覺得中規中舉吧，不是特別好吃，但食物賣相不錯。太古分店實在強差人意…souffle pancakes 雖然輕身，可惜質感很水， 感覺應該是食譜出了點問題，或是烹調控制不好，不難吃但也不好吃，配搭及口味上毫無層次。all day breakfast 非常普通，雖然有牛油果，但在其他地方絕對可以吃到更好的。oreo milkshake 超級難喝… 我沒有喝過這麼差的飲料，既沒有奶味也沒有oreo味，感覺比較像是浸過oreo的水，比清水還要難喝… matcha latte 淡而無味，除了顏色以外，與抹茶可算是沒有任何關係。------印象中服務是可以的，只可惜打救不到味道的缺失，而且太古分店也沒有中環店裝修得吸引，實在沒有任何原因再到訪… 要是想打卡，還是建議別點飲料，或直接去其他分店吧。

今晚放工搵食，一心想去食pancake, 於是到附近的PHI Coffee & Pancake食晚餐和甜品Pancake。 入到餐廳，立即兩眼發光，原來餐廳做緊獨角獸主題，整間餐廳都有獨角獸的佈置，連餐牌都轉了獨角獸餐牌。我立即點了獨角獸的食品和飲品來打卡。☕️ 繽紛獨角獸咖啡銀盤上有一杯濃厚鮮奶，上面打了厚厚的奶泡，在奶泡上放上不同形狀和不同顏色的棉花糖，隔離有一個裝有濃縮的黑咖啡的玻璃瓶。首先要把濃縮黑咖啡倒入色彩繽紛的棉花糖奶泡上。棉花糖輕柔地漂浮在咖啡之上，為咖啡增添了一抹甜美的氣息。🍴炙燒半蓉芝士吐司吐司烘烤得恰到好處，外酥內軟，香氣四溢。上面覆蓋著半溶化的芝士，它帶有一絲絲的粘性，入口即化，與吐司完美融合。而多士夾著一片Parma Ham, 豐富了口感和咸香味道，使得整個吐司更加美味可口。🧁 甜蜜芋泥獨角獸梳乎厘疏乎厘上面鋪滿着粉紫色的忌廉，忌廉上更放上色彩繽紛的大小不同形狀的棉花糖，其中更有獨角獸棉花糖，而疏乎厘旁邊有三粒芋泥。芋泥的綿密與香甜在口中散開，而疏乎厘則帶來了輕盈與細膩的口感，與芋泥完美融合，讓人陶醉，再加上色彩繽紛的棉花糖，甜甜蜜蜜，真的是讓人回味無窮。