Pickabowl (荃新天地2)

营业中

休息中

餐廳位於荃新天地2期地下，喺商場外圍路上都會見到，非常當眼。餐廳俾到我年輕活力既感覺。夏威夷四重奏 $114有辣味三文魚、經典吞拿魚、泰式熟蝦、牛油果。配菜係彩虹組合，有青瓜、紅黃椒等等。選左黃薑椰菜花和半糙米飯。D. I. Y. 自選 $90我選左慢煮天多利雞和西班牙蒜油八爪魚，配菜選左和風組合，底層選左黃薑椰菜花和半糙米飯，再追加$12牛個半油果和$8泡菜。再加飲品$8 Coke Zero 和$8 錫蘭檸檬茶。兩碗飯都非常大碗，餸菜比飯還要多，塞得滿滿，我地食得非常滿足。呢個份量，大胃王食佢絕對夠飽肚！魚生同熟肉都係大粒方塊，配菜亦都一樣切成大大粒，一啖肉一啖菜再加一啖健康飯，清涼既口感係炎炎夏日必食之選！

今天想吃夏威夷飯所以搜尋了一下看見荃灣這間店十分多好評於是試一試,結果很失望。點了兩個魚生飯, 魚生好像未解凍好，不太新鮮最重要配料同埋醬汁完全冇味; 配搭很奇怪跟我在夏威夷旅行/ 香港吃過的poke bowl味道有很大出入,沒想過這麼簡單的食物都可以弄得難食………………………………………………………………………………..……………………………………………………………….

呢排返公司成日見到有個女同事食poke bowl，睇落好豐富但又好似好健康咁，我又跟風試下🤣 Poke Bowl中文係美式魚生蓋飯，意思係將一口大小嘅魚生同蔬菜放喺飯上面，再用醬料撈嚟食，比起日式嘅魚生飯會多啲唔同味道嘅醬料，飯底亦都可以自由配搭糙米飯或者蔬菜，比食白飯更加健康！和風組合Classic Combo $89 (追加半份魚生+$18)🥗呢個和風組合係預設咗嘅set，入面本身已經包咗三文魚同埋吞拿魚，但由於同事超級鍾意食吞拿魚，佢竟然再追加半份煙熏油辣味吞拿魚🤣🤣 佢3款魚生都係唔同醬料，加埋下面綠色嘅豆做配菜，成碗都色彩繽紛睇見都想食😍D.I.Y自選$90 (追加半份魚生+$18, 套餐+$25)🥗餐牌上真係花多眼亂，有10幾款已經係佢拼好咗嘅，但因為我想make sure啊每樣嘢都係我想食嘅配搭，我就揀咗自選餐，可以自選魚生，配菜，以及個base😋 魚生我揀咗辣味三文魚，香草芥末大蝦，追加半分蒜油八爪魚，每樣都好新鮮而且撈埋啲將好惹味😎 配菜就揀咗蛋黃組合，入面有青瓜同埋菠蘿，用蛋黃醬撈埋幾清新。至於個base我揀咗最邪惡嘅撈烏冬，烏冬係稻庭烏冬，所以非常煙靭有咬口，係高

夏日炎炎 有時真係只會想食涼野 間唔時晚餐我都會走碳水 起荃新等戲開場 見到有間Picaka bowl非常正中我心目中想食既野呢間隨咗可以自選配料之外 連醬汁主食都有選擇 我叫咗份吞拿魚拼三放魚跟沙律菜底 揀咗蛋黃組合 呢個醬汁會跟埋 佢呢度仲有壓縮蔬果汁 原味原汁 🤩有真係健康既飲品 食完個人醒晨哂 唔會食完烚眼瞓 睇幾悶既戲都唔會訓著教😂 同行要咗蒜辣八爪魚 三文魚 佢都表示調味上都幾滿意 各樣野都岩岩好 間唔中食下都幾舒服 不過佢份量真係幾大下 我叫沙律菜底無要飯 飽到第二日中午skip埋早餐

謙謙跳繩後肚餓係荃新2期到搵食， 見到近期新興的夏威夷蓋飯， 行入去睇色彩繽紛的材料， 自由配搭， 生熟材料任選，有飯有烏冬有椰菜花有糙米好多健康選擇，真係睇到眼花🤣我地一人叫一碗 D.I.Y自選 ， 可以選兩款刺身或熟肉， 再選一款配菜組口， 最後選個底層，謙謙仲升級左套餐有甜品。🥙 煙燻油辣味吞拿魚+加州三文魚+紅菜頭組合+黃姜椰菜花併半糙米飯另加一份蟹籽 ～ 我估唔到呢個新食法健康得來又幾滋味， 吞拿魚辣得來開胃，三文魚有沙律醬無得輸，個配菜紅菜頭咁食法又幾爽口，蟹籽拌勻d 椰菜花和糙米飯口感一流。其實咁叫一碗份量都真係好多，食完超飽。🥗 慢煮天多利雞+薑汁松板豬+泡菜組合+沾烏冬 ～ 謙謙開頭咁配搭我仲笑佢怪，點知出來效果又幾夾喎，松板豬切到一粒粒好爽口喎， 個慢煮雞粒就軟滑d ， 泡菜+溫泉蛋+烏冬拌勻食，謙謙話滑得來帶點惹味。甜品份量比較細杯，不過謙謙都比左第一口我食，食完甜哂。

👍🏻 D.I.Y自選每一碗自選蓋飯都要揀2款魚生/肉類、1款配菜組合、1款底層🥰今次我要左自家製醬油經典吞拿魚、西班牙蒜油熟蝦 搭配最愛嘅Mayo底 兩款海鮮依然保留到鮮味 然後我仲加錢要咗牛油果同埋蟹籽 材料咁豐富 啖啖都係大滿足🥰都建議大家選擇半白飯、半糙米飯🍚👍🏻 蒜片油八爪魚🐙好似我朋友呢啲懶人咁 最鍾意就係唔使自己揀 所以呢度都有一啲已經配搭好嘅組合 今次嘅旋片油八爪魚係跟泡菜底 有泡菜青瓜等搭配韓式辣醬 有啲似韓式拌飯🤗八爪魚份量都幾誇張 煙韌但唔難咬 同埋切到細細粒 方便同飯一齊食👦🏻最抵係黃薑椰菜花加白飯 黃薑味道增添一份清香 都係唔錯嘅選擇👍🏻 Red Dragon（跟蓋飯加36蚊）冷壓果汁嘅營養唔需要多講 都係近年大家熱捧既 呢款果汁入面有蘋果🍎、紅提子🍇、藍莓🫐、火龍果、紫椰菜 顏色鮮艷 飲落唔會好甜 有refreshing嘅感覺注意事項⚠️-Menu上面有列出其他自選配料 想再食豐富啲的話 記得要留意啦!📝

夏天是時候減肥，加上悶熱的天氣令到胃口一般，想食點清新食物降溫，Pickabowl 是幾好選擇，今次去荃灣分店，地方夠大又舒適。menu 好多選擇，視乎你想食 魚生、肉類或海鮮，也有不同沙律、飯、烏冬配合。套餐不合心意，也有DIY自選看得到食材相當新鮮色彩繽紛，賣相已經好吸引Giant's Bowl 夏威夷四重奏 $114四重奏是辣味三文魚、經典吞拿魚、泰式酸辣大蝦、牛油果）配彩虹組合，底層是沙律辣味三文魚少辣幾過癮，吞拿魚鮮味，蝦肉爽口，個底是彩虹組合，有青瓜、蕃茄、甜椒配自家製醬汁，除色彩繽紛，味道微酸幾開胃，配沙律幾夾。另外點了 D.IY自選 $90有薑汁松板豬、蒜辣八爪魚、慢煮雞胸（另加$18），配菜是紅菜頭，底層是黃姜椰菜花＋半糙米飯，再另加 泡菜 $8、Cranberry 莓乾 $8豬肉好香夠濃味，八爪魚蒜粒好辣好惹味。有我喜歡夠健康的紅菜頭、紅腰豆、羽衣甘藍等

最近大魚大肉，想食啲健康啲又好食嘅晚餐今次揀咗兩個自選組合😋佢嘅選擇其實都幾多不過最吸引我就係椰菜花飯適合唔想食咁多碳水既人， 市面亦比較少見感覺上用料新鮮，配料選擇多，有三文魚、吞拿魚、八爪魚、蝦、雞同豬，第一次食樣樣都想試。Veggie combo 有6樣🫣🫣有選擇困難症第一個自選叫慢煮天多利雞，西班牙蒜油三文魚，泡菜veggie combo，黃薑椰菜花配半糙米飯。🥗泡菜有蒟蒻，有驚喜，口感勁豐富，因為睇圖未知有啲咩配料。味道又唔會好淡。蒜油三文魚，蒜香味好出 估唔到會同魚生夾到。蒜🧄食落去有少少煙韌，幾特別。淨係蒜油配飯都會好好味😋雞肉清淡嫩滑，但印式香料汁，味道唔出，我個人麻麻地。第二個自選叫香草芥末大蝦，西班牙蒜油八爪魚，蛋黃veggie combo，黃薑椰菜花配半糙米飯，加蟹籽 🥗海鮮配料冇得輸，就算配蔬菜或者單獨甘食，都好食。香草芥末個醬以為會好濃味，但好平衡。而八爪魚唔會好韌，咬唔到，配蒜油一流。蛋黃其實冇乜想法係啲乜嘢，結果有菠蘿、青瓜、脆麵包粒、中華沙律🥗整體好易入口，唔會覺得好青唔想食（揀飲擇食嘅我）🤭🤭🤭我地兩個都加$25跟餐，有湯、甜品、溫泉蛋😚溫泉蛋拌飯😌甜

荃灣實在很多美食，但比較好的健康食店就不多了！找着找着就決定到這家試試。 店位不多，係快餐形式，在門口已經要決定食什麼，並且要立刻落單，付款才可入座！有選擇困難症嘅我，避免阻礙後面落單，我當然要識做拿開餐牌慢慢研究啦！ 餐牌有兩面，一面係已經設定的食品，另一面DIY自選配搭。話自選其實都有限定啊！ Step 1, Step 2, Step 3…. 跟着步驟去選！ 唔熟識都幾煩！餐牌啲字體及相，我覺得比較細，真係要慢慢睇！🧐 如果眼力不好，店旁邊有個電子版可能會睇得比較舒服些！ 其實，可以選擇的食物都在店內嘅玻璃快餐櫥窗，一目了然！可惜未俾錢就不能入店裡面！ 收銀店員在門口已經大聲呼喝 …… 「先落單才可以進入」! 😬落單付款後，記得掃個安心出行先去入座！ 收銀員會給個pager, 如果食物準備好，呼叫器着了訊號燈就可去前台取餐！店內有提供免費水（自助形式）。可以選擇的食物其實很不錯呀！只有少少可惜，自選配搭內嘅「飯」、「烏冬」係唔可以配「沙律菜」！ 這方面似乎自由度不夠吧！ 我在外地嘅Poke Bar，自由度什高，而且有Kelp Noodles （海藻麵）。 食完準備來開店時，忍不

Pickabowl評分：🌕🌕🌕🌕🌑估唔到荃灣都開咗夏威夷蓋飯餐廳🍴夏威夷蓋飯是夏威夷人的一種料理生魚的方法，將生魚切塊，然後用醬汁醃漬後蓋於米飯上。 隨着日本移民的到來，日本料理對原本的夏威夷蓋飯從用料到形式產生了極大的改變。除了原有的食材外，鮪魚更為流行，還可加有毛豆、日式海藻，調味料則變為醬油、小蔥以及香油和柚子醋，並以蓋飯的形式佐壽司薑作為主菜出售。記得細細個去夏威夷，嗰時又話一定要試Poke Bowl，因為係當地嘅名菜亦都可以見證着日本文化對佢哋嘅影響。近呢幾年喺香港見到越來越多夏威夷蓋飯，早期比較多係港島，到而家居然連荃灣都有咁梗係要食啊！通常餐廳嘅自選度都好高，可以自選材料，咁我揀咗沙律底配辣味吞拿魚同蒜蓉蝦，同埋配左牛油果🥑，加上餐廳調製嘅醬汁，酸味味咁好開胃呀！

/𝑃𝑖𝑐𝑘𝑎𝑏𝑜𝑤𝑙🇭🇰/#sa荃灣篇➖➖➖<清新健康poke bowl ✨>➖➖➖有時想食輕盈少少🤏就揀poke bowl 啦✨其實間唔中都會bookmark 啲poke 店今次終於去左呢間都幾出名嘅舖 第一間店係荔枝角 最近先知原來荃灣都有選擇方面除咗白飯同埋沙律之外亦有糙米飯同埋椰菜花飯✨蛋白質就有平時食到嘅三文魚、吞拿魚、八爪魚🐙 都有蝦、雞肉、豚肉款式係唔同嘅醬汁😆😆整體來講都飽肚嘅 醬汁方面覺得冇咁多不過係無負擔💛➖➖➖1️⃣DIY 自選 ①$86 呢度可以揀兩款蛋白質+一款配菜+一款base 煙燻油辣味三文魚 + 經典呑拿魚 配菜要左rainbow (有番茄、青瓜、甜椒) 配自加制醬油🥰🥰仲有菠蘿粒tim Base 要左黃薑椰菜花加白飯！ 我幾鍾意食三文魚嗰隻辣味有啲似平時嘅山葵乳酪汁 微辣 幾過癮☺️☺️另外嗰款吞拿魚正正常常啦配菜嘅蕃茄同青瓜仲有甜椒切成粒 可以連埋中華沙律一齊撈飯食最後個base 嘅椰菜花夠碎 會食到少少薑黃粉嘅香味🤤➖➖➖2️⃣DIY 自選② $86 🌟另一款自選揀左印式香料汁慢煮天多利雞肉同埋泰式魚露泰式熟蝦✨ 呢兩款都係熟嘅覺得蝦係幾有驚喜

夏天咁，熱胃口真係唔多好，食夏威夷蓋飯真傾一個唔錯嘅選擇，pickabowl仲可以黃薑椰菜花便飯底，真係夠哂健康夏威夷四重奏($114)辣味三文魚、經典吞拿魚、泰式熟蝦🦐💕、牛油果🥑💕、彩虹🌈配菜、中華沙律、黃薑椰菜花💕+白飯整體好好味，份量適中，唔會多到食唔哂推介黃薑椰菜花，食落清新唔膩，一啲都唔罪疚，又唔多澱粉，啱哂減肥嘅朋友泰式熟蝦好香泰國香料味，好惹味DIY自選($90)💕經典吞拿魚、蒜辣八爪魚🐙、彩虹配菜跟餐(+$25) 有海帶湯、綠茶布丁、溫泉蛋蒜辣八爪魚好香好惹味跟餐有3樣嘢都幾抵食，溫泉蛋超creamy🥰蜜桃汽水+$10幾好味有粒粒果肉

食話幾次，水準都keep到咁好今次食經典雙拼🙆🏻‍♀️三文魚粒同吞拿魚粒睇落以為好少其實堆埋左兩座山仔所以都好夠食 配料係南瓜粒 玉子粒之類既和風style可以配全椰菜花飯生酮人士都岩食！

除咗荃灣呢間分店，佢哋喺荔枝角都有分店。我之前就係喺荔枝角食過，又係買外賣返屋企食，就覺得佢哋感覺好輕盈，好清爽，好啱呢啲超級熱嘅天氣時食。同埋我鍾意佢可以唔使一定要白飯，佢仲有椰菜花底，或者烏冬或者沙律，我多數都同老公買三盒，一盒沙律，兩盒飯，咁就可以當一個晚餐。之前嚟都冇見到有呢個泡菜八爪魚配料，我同老公都好鍾意食泡菜，就一定要試吓。佢呢個八爪魚係用蒜頭油浸，佢嘅蒜頭質地好煙韌，令成個飯多咗一個層次。但係略嫌有多咗少少油喺個底，因為佢係油浸嘅關係，總會有啲油。整體好香口好濃郁，比平時嘅款濃味少少，啱我哋呢啲鍾意重口味嘅人！另外叫咗一個豚肉飯，呢一款就比較清淡啲，啱鍾意清爽啲清新啲又唔鍾意食魚生嘅人選擇。我就係唔係太鍾意食魚生，所以唔會揀魚生，所以次次嚟都食熟嘅😋下次嚟唔知有冇新嘅口味呢？

［荃灣］Pickabowl.夏威夷四重奏食剩指數:0/100四重奏分別係辣味三文魚、吞拿魚、泰式熟蝦同牛油果三文魚同吞拿魚好多粒味道好新鮮泰式熟蝦都有3隻好爽口彈牙牛油果真係估唔到咁大個外面好多都係俾幾片呢度有成半個以上撈飯真係好爽醬汁配菜係彩虹組合有紫洋蔥、蕃茄、青瓜、甜椒、自家制醬油整體感覺好fresh飯底揀黃姜椰菜花+白飯滿滿既蔬菜加埋海鮮好食得嚟又好健康.經典三文魚食剩指數:0/100另一個飯揀左經典三文魚角切三文魚配以烤南瓜、玉子燒、炸豆腐、四季豆、毛豆、自家制醬油口感好豐富有蔬菜既甜味同三文魚既鮮味同樣揀左黃姜椰菜花＋白飯以椰菜花飯取代白飯食少左澱粉但係又可以夠飽.套餐(溫泉蛋+昆布湯+綠茶布甸)食剩指數:0/100 +25$就有溫泉蛋+昆布湯+綠茶布甸真係好抵昆布湯有昆布同豆腐清清地幾香溫泉蛋可以撈埋落飯綠茶布甸細細個濃抹茶味味道偏甜少少質感好滑算係唔錯