PizzaExpress (威靈頓街) (已結業)

Pizza Express已經食過好多次啦，次次黎都叫唔同野，每次都好滿意。通常叫最多係pizza，個底軟硬適中，啲醬又岩岩好，唔多唔少，通常諗唔到食咩，都會食pizza。今次仲試埋佢個焗麵包球，麵包焗得好香，攞出黎仲係熱既中間個醬都好味，似係濃縮既磨菇湯，點麵包好正愛店之一。❤️呢間分店個環境幽暗，好岩Friday night係度飲返杯🍻，不過因為係中環區，所以通常都係選擇食完飯，再去其下地方飲，🥳下次再黎。

說到那時, 工作太多的我遲了去食飯. 下午後先記得係時候食野, 當然會食我都幾愛既PIZZA.好的,就去搵搵食, PIZZA EXPRESS,  有位即入去, 唔問咁多,待應好有禮好有動力, 仲有個幾型仔的CAPATIN...不過要講英文..佐我又無問佢係咩國藉.講反自己先...坐落都夠位, 自成一角, 有裝潢既特色, 暗暗地好氣氛.餐牌圖文都有, 唔錯, 可以PREVIEW左先叫...另一個女經理來向我介紹,問我想食咩, 又同我堆介, LUNCH SET叫任何一PIZZA,可送飲品同SALAD喧我又覺得幾抵下WO, 咁咪叫左個PARMA HAM PIZZA.飲品好味, 唔依CONCENTRATE, SALAD凍凍地,新鮮!來到正題, PRAMA HAM份量都好好, 放滿每片PIZZA茄醬都甜甜有味. 餅底唔厚, 好食, 唔會食包都夠...有點音樂配埋, 很有活力...下午都唔算多人, 所以可以坐多一陣玩手機...影下相...如果有人陪就更好...更加會令我再反多黎一次!

呢間Pizza Express好大間，有好多位，唔驚要排隊等位。感覺今年多左新菜式，多左中西合壁既fusion菜，有新鮮感👍🏻燉牛肉螺絲粉係fusion菜，燉呢個方法係中式先有，d牛肉燉到好淋，個汁都似中式炆牛尾個汁，夾落螺絲粉完全冇違和感北京填鴨pizza 🍕 好有驚喜好好味! 首先第一次見pizza上面有蔥haha 個精粹係個醬到，真係完全係食北京填鴨會點既醬😆好特別，好惹味！每塊pizza上面都有1-2塊鴨肉好正！Le Rose pizza 🍕 一個正常有辣肉腸Parma ham既西式pizza，不過不失都幾好食. 值得一讚嘅係佢哋Pizza嘅size係有8大塊, 可以有多啲朋友一齊分享😊餐廳最唔好嘅地方係服務，佢哋上菜埋單拎嘢飲嘅速度非常非常非常之慢，三催四請都唔應人😤

終於嚟到星期五，為左晏晝食好啲，就同同事去咗中環嘅PizzaExpress用膳。意料之外，唔使排隊等位，直接walk-in都有位。我哋兩個就叫咗燉牛肉蘑菇薄餅同肉醬千層寬麵。由於星期一至五惠顧任何主菜即享頭盤同餐飲，所以頭盤選了焗麵包球同青菜沙律各一份，餐飲則是凍檸茶同紅莓汁。焗麵包球好可愛，好香口，配埋牛油幾好食。但係六粒細細嘅焗麵包球，就畀左太多牛油，感覺好浪費。青菜沙律有火箭菜、羅馬生菜、青瓜片同車厘茄。配上少少嘅沙律醬，好開胃。個人覺得燉牛肉蘑菇薄餅好好食！燉牛肉好腍好入味。配上龍葵菇、燈籠椒同車厘茄，酸酸甜甜，唔會覺得淨係食肉好肥膩。薄餅係用薄批，食完唔會覺得食咗好多麵包而好滯。至於肉醬千層寬麵，由於得三層寬麵，所以比想像嘅層數少同細碟。加上切落去都好鬆散，寬麵太軟，移到碟上十分難看。食落味道唔差，唔係難食，只係覺得肉醬好稀同味道好淡。勝在好多肉醬同芝士搭救，勉強合格。建議大家唔好嗌呢個肉醬千層寬麵，因為真係唔抵食。至於個紅莓汁，同似普通超級市場買返嚟嘅盒裝紅莓汁一樣，無乜特別。總括嚟講，如果下次再嚟食都係食番薄餅係最穩陣。詳情餐牌可參閱： https://pizzaexpr

著間條衫去食有七折勁抵食，黑蒜間條pizza就係用黑蒜墨汁同白汁仲有芝士做餡焗成，食落甜甜地兼帶黑蒜香，而且賣相玩味十足好IG-able✨而黑白意粉賣相同樣吸引，而且小元貝份量意外地多，細細粒冇諗過鮮味咁重，可能因為有用白酒兜過，再加上有小小辣椒食落好惹味，另外仲可以推薦有強迫症嘅朋友可以將雙色意粉分返一碟黑一碟白夠哂好玩（不要玩食物😗）連甜品都可以玩黑白雙間，除咗上面塊薑餅人之外，仲用咗帶點脆口嘅brownie同雪糕相間，好高質✨除咗間條系列仲叫咗兩個前菜，烤焗雞翼香口得嚟唔熱氣，點埋個蜜糖芥茉醬味道更上一層樓。另一個牛油果蕃茄沾醬就絕對滿足哂我牛油果控兼蕃茄控兩個慾望，加咗牛油果唔會令蕃茄太過水，加咗蕃茄又唔會令牛油果太過膩，再加上做pizza到家嘅技術焗出嚟嘅薄脆包本身都夠哂出色，用嚟點沾醬食係畫龍點睛✨

幾個朋友臨急想食 Pizza，係唔駛 book 枱既情況下有依間 pizza express。佢食lunch有優惠，只要叫一個主菜就會送麵包球或者一個小沙律。由於係贈品所以我都冇乜太大期望。沙律正常，唔差。麵包球熱辣辣，點牛油一流。 Quinoa and Kale salad 感覺健康，味道同份量都OK。呢碟雞翼真係唔講下都唔得，其實雞翼都好難整得難食，但係依碟雞翼真係太好食。佢隻雞翼極其肥美，好大隻，唔使點醬已經好好味好夠味，再點埋隻醬真係錦上添花。依度啲Pizza不嬲都有質素，味道還可以，只係略嫌多油左少少同埋雞肉鞋左少少。依個 pizza 真係誠意推薦，食辣嘅人一定鍾意，pizza 好食之餘仲有好勁嘅jalapeño再刺激你舌頭，一個字：爽呀！

Pizza express is delicious and great for kids . You can hold a party there, make pizza and many more. They entertain kids a lot by colouring and candy and if your lucky stickers!!! You can get a membership card for your kid for kids meal and cheaper prices later. there is a lot in HK hope your enjoy

Have been trying quite a few other Pizza Express branches, this one at the Central is the best in terms of food quality and service. Pizza and spaghetti is very delicious and the portion is just right.All the waitresses are very attentive and carry good smiles always.

今晚同老公仔想食下西餐，之前行過呢間覺得個門面環境好似唔錯，今日六點半星期五晚黎初時都有少少擔心會多人，但好在去到都唔算full。呢間既檯size不嬲都比較細張，店員見唔太多人，都特意主動比我地拼多一張檯，讚點了前盤兩小碟: 一是意大利肉丸配麵包球，另一是煙三文魚青瓜醬配小薄餅。薄餅同麵包球上菜時都熱，好味呀～青瓜醬略嫌有點鹹，相較起來肉丸惹味。主菜方面，我地點了蟹肉白酒意粉同芝士菠菜麵卷，前者就油左一點，如果乾身d會好食點，菠菜麵卷整體好食。全晚店員服務都好，不過可能落錯了檯號的單，全晚不停有菜送過黎^^"整體而言，呢間水準唔錯

八個朋友好耐冇見，大家都係港島呢邊做野既，通常呢啲時候都冇人簡食乜咖啦，我諗住 Pizza Express 咁多分店，咁應該差極有個譜啦，但用餐體驗太差了… 令我覺得搞到咁多人陪我一齊食間咁既野，好失禮。我地去呢一日可能因為係星期三，所以唔太多人。理論上，客人唔太多，咁人手應該相對地比較充足？但我地企左係外面好耐都冇人安排我地入座，而入面只有小貓三四隻。最後我地自己自行行入去。menu 自然都係冇比我地，咁我地自己拎埋，簡直係自助式。舉左手幾十年都冇人應，真係等左好耐先終於有個人行埋嚟理我地。但最搞笑既係，佢完全對於多左一枱客呢件事唔感到有咩問題，咁同時亦都可以睇得出佢地溝通唔好。我地嗌左好幾個 pizza 同意粉，正常嚟講應該夠八個人份量（六女兩男）。但上菜個陣真係世界級，佢係未比任何我地餐具、水我地個陣就上左菜，咁…係想我拿手食？跟住仲要我地叫先識拎上嚟。最神奇係佢地依然無歉意，而我講左呢段過程好似少少字，但其實已經係四個字既事。四個字都唔發現自己冇安排人入座、冇比餐具我地…都唔容易。即係，踢一腳先郁一郁個款。個份量，真係正常夠八個人食，有兩個女仔仲要係唔點食野減肥個隻。但全部人食

第二次 lunch time 黎幫襯，佢既 set lunch 不論頭盤、pizza、意粉其實全部都好味，但份量真係太細，女仔食都嫌少，男仔食真係一個餐完全唔夠。另外個別某員工既咀臉有點討厭，全程對住個個客都鞋口鞋面甘，呢樣有點扣分🤷🏻‍♀️

雞肉蘋果沙律($66)：食材算新鮮，比例幾好入口，沙律醬嘅味道都幾好；不過，我叫得沙律扮健康，嫌沙律醬太多了，我會比較喜歡沙律醬分開上，但要青蘋果唔生銹可能比較難。魔幻玫瑰薄餅($163)：確確實實係一個薄餅，真係好薄好薄，但又唔會太硬，更加無好似 Pixxa Hut 咁油淋淋，但這13吋嘅薄薄餅就食唔飽兩個人了。其他食材用料比例，以至味道都好舒服，唔會覺得蕃茄好酸，唔會覺得芝士好“漏”，食完都無口渴，真材實料。不過，呢種口味係唔適合喜歡重口味如 pepperoni 嘅 meat lovers。

一有pizza craving就會去pizza express，因為真係最啱我口味。雖然來來去去都係叫個幾樣食物，但係次次都好滿意。牛油果沙律:附上兩種唔同嘅醬汁,有黑醋汁同沙律醬,而且材料豐富，除咗牛油果之外，仲有紅菜頭，南瓜，芝士等。蟹肉白酒汁意粉:意粉上面都幾多蟹肉果汁辣辣地，好惹味。北京烤鴨薄餅:如果鍾意食北京田鴨就一定要試吓! 個醬汁甜甜地，加上青瓜粒，好開胃。比起啲好cheesey嘅Pizza，依個真係食唔停口。焗蘑菇蘑菇裏面釀左芝士同香草，好味！

中午黎到呢間，門口已經好多人，好彩打電話book左位！叫左3樣野食，先黎牛油果藜麥沙律，藜麥見得多聽得多，今次係第一次食！藜麥有啲殼，食落有咬口！個沙律汁有啲酸，啲南瓜爽口，幾好食！蜆肉意粉: 似係炒意粉，味道ok，但食到底好油。北京烤鴨薄餅:好有趣的一款pizza，用中式材料放落pizza度。Pizza上有鴨胸，青葱同青瓜，真係食片皮鴨既配料！個pizza皮食落似墨西哥卷，但脆啲。下次都會叫番呢個食講試過後愛上！

『『Pizza Express @Central』』Yummy Dinner with Friends三款食物都好食。最好的是 happy hour 酒類飲品有特價。 🌸蟹肉白酒汁意粉 $138Spaghetti al Granchio有驚喜喔。汁都微微帶辣，加點白酒，意大利粉烟韌度剛好。推介🌸蝦肉燴意大利飯 $143Gambreetti Risotto意大利飯煮得剛好，配上芝士汁，口感濃厚，正.🌸瑪嘉麗塔皇后薄餅 $111Margherita有我喜歡的水牛芝士。好好食。.🍷House Whisky $35.🍸Prosecco $30 .