PizzaExpress (MOKO新世紀廣場)

营业中

休息中

位於旺角MOKO商場一樓，裝修簡約，座位舒適，適合朋友聚餐。當日入座時店員態度友善，安排了一張兩人桌，整體氛圍輕鬆。 **食物評價** 1. 套餐（Penna ai Funghi + 紅蘿蔔湯 + 凍檸茶）HK$158蘑菇醬汁濃郁，意大利麵煮得剛好，不過份量略少，性價比中等。2. **Zucchini Lasagne（HK$135）** - 以節瓜代替傳統麵皮的千層麵，口感清爽，芝士份量足，適合喜歡輕食的客人，但價格稍高。 3. **Mixed Berries Soda（HK$48） & Peach Iced Tea（HK$48）** - 兩款飲品甜度適中，莓果梳打果味清新，蜜桃冰茶則較普通無特別。 **總結** 食物質素中規中矩，適合商場內快速用餐或小聚，但部分菜式定價偏高。**評分** - 味道：★★★☆☆ - 環境：★★★☆☆ - 性價比：★★★☆☆

今次試咗麵包球配牛油，真係好正！麵包球外脆內軟，咬落去好彈牙，配上香滑牛油，食落去一啖啖都好享受。牛油溶化得剛好，味道提升咗好多。再加埋一杯有汽水，解渴又爽口，整體感覺好輕鬆。份量適中，無論當零食定小食都啱！如果你鍾意麵包，呢個絕對值得一試！

本身很喜歡這間餐廳，因為食物適合小朋友，不是意粉就是薄餅，還有兒童餐，種類多之餘，食物也10分豐富。由於餐廳60周年的關係，我見餐牌上有多了很多新的菜式，今次試了焦糖麵包球，麵包球本身已非常美味，因為煙煙韌韌，小朋友很喜喜歡👍再加上焦糖的甜味，小朋友吃不停。另外兒童餐叫了辣肉腸薄餅，辣肉腸並不真的有辣味，每個兒童餐的薄餅有四塊，其實份量已非常足夠一個小朋友。兒童餐更可選擇甜品的朱古力麵包球及果汁一杯及細細杯的朱古力奶。小朋友每次都感到很滿足和開心，因為這個環境很適合他們，還有遊戲卡和顏色筆可以玩小遊戲。

今日約咗朋友仔去旺角新世紀moko食飯因為小朋友食唔慣中餐所以我哋就揀咗食pizza見個門面都唔錯就入左去食 pizza Expres叫左個✅夏威夷pizza大大件 薄批 餅底少少脆帶點菠蘿酸酸 好清新✅蔬菜雞肉沙律蔬菜新鮮爽口 雞肉嫩滑配上適量沙律醬 味道剛剛好 唔會太酸 ✅肉醬長通粉唔會太咸 肉醬都唔少✅卡邦尼亞意粉有D黏口 都算有幾多煙肉✅ 茄汁肉丸醬汁酸左少少 但肉丸彈牙都幾好味✅雞翼味道唔太咸 小朋友好鐘意食✅ 兒童餐小杯朱古力 + 可愛餅乾匙羹攪攪飲品 又可以食埋 好得意兒童送左一張大貼紙仲有一張遊戲紙 小朋友最開心✅檸檬茶幾抵飲可以refill 😂😂

以往我哥哥也很喜歡到Pizza Express吃薄餅，但近年法國他的薄餅很像比以前遜色了，他的餅底沒有以前那麼厚和香脆。今日經過想再試一試他的意粉和薄餅有沒有退步。我們叫了一個兒童餐及一個午餐：得知是否不同分店有差異的關係，我覺得新世紀的pizza Express比銅鑼灣的味道較好。其實兒童餐只需$98 ，有這麼多食物選擇，都幾超值。首先我叫了一個美式薄餅，蘋果汁，甜品叫了Nutella 的麵包球，另外更有一杯迷你朱古力奶。你哋每個小朋友光顧侍應都會給它一份餐單，可以用來填顏色和有簡單的小遊戲，這也是小朋友喜歡的原因。另外午餐方面，我叫了蒜香蜆肉意粉，不過其實辣度不算非常辣，所以我沒有走辣也吃到。另外媽媽叫了咖啡及加了牛油麵包球。麵包球是我喜歡來Pizza Express的主要原因。他的味道很好，也很有咬口亦不是其他餐廳可以吃到的。意粉不會太腍，有口感，很香的蒜蓉味道，蜆肉份量也不少，不過略嫌細了一點。

同朋友慶祝生日，揀左Pizza Express ,原來會員有生日甜品拼盤送架，仲好精美添。食物擺盤精美，色彩豐富，配合多款水果（士多啤梨、藍莓、青提及紅提子）和薄荷葉的點綴，增添了清新感。總共有三款甜品，第一個係朱古力心太軟，外皮鬆軟，內部濃郁，朱古力味濃，但係唔夠流心。第二款係冰凍嘅雲呢拿雪糕，一冷一熱，口感更為豐富。第三款係芝士蛋糕，口感滑順，微微的酸味與甜味平衡得宜，非常適合喜歡芝士的人。值得一讚係雪糕底搭配合桃，增添了口感的層次感，讓甜品更具特色。

同朋友慶祝生日，拎個蛋糕入去要雪係免費，有提點切餅費係$180..其實唔諗住喺入面切餅亦有同侍應講。入到去係幾張枱先得一支水..搵侍應有啲難可能太忙，叫佢過左黎發現有一版menu未睇，同佢講等等先，即刻拎轉頭走人好似唔妥我叫左佢過黎咁…埋單走人拎返個蛋糕比我..當時已經比哂錢，仲要拎我唔好喺度食蛋糕…唔該哂

好耐好耐無過來幫襯過, 今晚過來吃, 見到d位置有執整過, 沒有訂購openrice指定套餐, 去到先看, 二人套餐都有些改動😅當然包括價錢🤣🤣, 好似感覺貴左d, 以前凍肉拼盤加48元, 現在要加88元了😆, 小食叫左個意式茄醬🍅焗肉丸, 美國薄餅🍕, 卡邦尼忌廉扁意粉轉長通粉😋, 加18元一個凍🍋水, 一個凍🍋茶, 甜品要焗麵包球配朱古力榛子醬🍫, 等左一陣, 焗肉丸送上, 係超級迷你版🤣🤣, 味道都可以, 不過食落都唔係好知乜嘢肉😅, 之後送來二杯飲品, 🍋茶d茶底係西式的味道, 唔係港式, 飲落都ok👍, 再來卡邦尼忌廉長通粉😅😋d汁幾多, 有d乾火腿, 食落唔錯😍, 再來美國薄餅🍕, 入面有辣肉腸, 有芝士🧀同蕃茄🍅😋, 雖然配料唔係好多, 但夾埋一起有d酸酸辣辣都幾好味😚😚, 食晒叫店員送上甜品, 終於試到, 暖暖的麵包球, 点上一d🍫朱古力榛子醬, 食落都幾開心😆, 再加一服務費, 合共500多, 整體味道唔差, 環境舒服😊, 但份量少左一d, 例如小食和長通粉, 如果男士真係唔係好夠飽😆😆

自費，純粹身邊friend鍾意，所以成日嚟食，不過個人麻麻地嚟過食咗好多款好多次唔同口味嘅薄餅，我覺得佢哋嘅填鴨pizza都係最好食嗰款， 成個味道都好還原到食片皮鴨卷餅嘅感覺， 而且唔會太濃味太漏太肥咁不過其他款嘅話薄餅味道就冇咩特別咁其實會話薄餅，主要係食佢嘅餅底多個食佢嘅配料，所以就算味道冇咩特別，都唔緊要，平穩就OK但係佢哋嗰個餅底我真係麻麻地， 啱啱上枱熱辣辣就好啲嘅，但係都唔係算好煙韌好香嗰種囉，要比較返連鎖餐廳，我反而覺得pizza hut好似好食啲

與家人吃了兩份買一送一晚餐，份量適中，四人共有四份前菜，四份主菜及四杯飲品。前菜以麵包球最為突出，很配合另一前菜意式肉丸的醬汁。風乾火腿沙律正常發揮。主菜揀了兩個薄餅，一客牛臉肉意粉及一客青瓜焗雞胸。焗雞胸最差，肉好乾。總括來說五百多元四人就冇挑剔。

朋友們定期聚餐，點了一客四人晚餐($698)及一款沙律，晚餐包括:焗麵包球二重奏剛焗好的麵包球，稍為脆身，配了蒜蓉牛油、羅勒香草醬及蜜糖芥末醬三種不同的口味，個人比較喜歡蜜糖芥末，酸甜惹味。風乾火腿蝦卷(+$48)排列得工整，帶有鹹香的火腿包裹著鮮嫰的蝦，而且有多汁鮮甜的水蜜桃，不過只有三件不夠分。瑪嘉麗塔皇后薄餅有濃郁清甜的蕃茄醬，餅底脆卜卜。煙燻燒烤醬牛肉薄餅(+$38)牛肉入口軟腍，細嫰而調味剛剛好，燒烤醬惹味令人起勁。卡邦尼忌廉意粉卡邦尼汁充滿蛋香，煙肉煙韌有嚼勁，好吃難停，意粉腍身軟滑。磨菇燴長通粉香噴噴，熱辣辣而暖胃，醬汁味道濃郁，濃濃的磨菇醬汁加上爽口的磨菇片，十分迷人。長通粉彈牙有口感，吸收了醬汁的香氣。蘋果雞肉沙律顏色豐富繽紛，賣相不俗，配菜有車厘茄、生菜、堤子乾及蘋果絲，份量不算少，加上嫰滑的白烚雞肉，清新健康，是夏日開胃的選擇。這裡環境燈光昏暗有格調，而店員們服務一般，但勝在性價比很高。

時間是18:30 到 到餐廳的時間唔算好旺只有5-6 枱食物唔太有質素係pizza express 入面算係其中一間唔好食的叫左2 人餐 388 + 一個salad Pizza and pasta 都係平常快餐的質素 唔係一間proper restaurant 的level Set menu 入面 包的飲品 只有可樂,sparking water 唔洗加錢咁你不如唔好做set menu …. staff 好慢又要叫先比水你 唔知係餐廳policy 當客人叫飲品 所以waiter 係唔會比水你飲下次唔會再去 但仍然有好多人食.... 好難理解😂

Pizza Express 早排推出新菜單🍴而且係限定分店 消費滿$380就有得扭蛋☺️每個扭蛋都有免費咖啡券同襟章章❗️帶小朋友一齊去食就啱喇💕食完仲有得玩🙌🏻🥗意式火腿蘑菇沙律沙律菜好fresh，勁多火腿同磨菇，加上沙律醬，大份size 有埋烘麵包條🍞焗麵包球二重奏經典焗麵包球同芝士焗麵包球，我哋一家都好鍾意食，配上蒜蓉牛油，羅勒香草醬及蜜糖芥末醬🍕意式肉迷薄餅呢款薄餅好好味，好豐富嘅食材，意式風乾面豬肉，豬肉丸，爆汁又惹味，加上青葱，鼠尾草，羅勒，合桃，芝士同雅支竹醬，啖啖滋味🥘香辣蕃茄牛面夾焗貝殼粉呢個意粉有少少辣，燉牛面肉，大件又淋，燈籠椒，馬蘇里拉芝士，巴馬臣芝士，加上小辣蕃茄醬，熱辣辣，食時要小心🍊香橙冰茶清新的橙味加上紅茶香，飲到啖啖血橙果蓉，夏天飲好唔錯🍋柚子檸檬梳打柚子好清甜，加上微酸檸檬，解渴一流

Pizza Express以New Show is On 主題推出全新菜單為香港運動員加油超過20多款全新美食登場Set Trio $158 有一個前菜，主菜，飲品前菜選擇左是日餐湯，加配$38 要多個烤焗雞翼 主菜有多款Pizza🍕同意粉選擇，仲可以加錢轉✅新主菜食肉獸必食 ▶️ 意式肉迷薄餅🍕薄餅配上意式風乾豬面肉、豬肉丸、青蔥、鼠尾草、羅勒、合桃、塔雷吉歐芝士及雅枝竹醬，口感豐富，食出啖啖滋味▶️芝士雞胸焗意大利青瓜 清爽意大利青瓜配嫩滑juicy雞胸，食落好夾，唔會好油膩，再配以馬蘇里拉芝士、塔雷吉歐芝士及意式蕃茄香草醬，口感夠哂清新 飲品揀檸檬茶🍋可以免費添飲仲可以揀飲啤酒🍻仲點了一個兒童餐，因為兒童餐最後有杯熱朱古力同甜品，熱朱古力🍫配朱古力蛋糕 ，小朋友表示超級滿足❤️消費滿$380 就可以玩扭蛋機PizzaExpress 巨型扭蛋機 ~ 當中有 6 款限量運動造型襟章入面仲有張優惠券。分店：銅鑼灣時代廣場、旺角Moko同東涌東薈城日期：7月下旬至8月上旬

風乾火腿蝦卷🦐鹹香嘅風乾火腿包住彈牙嘅鮮蝦🦐配上濃醇的塔雷吉歐芝士、烤蜜桃🍑新鮮茴香，味道層次都好豐富，作為前菜亦都好適合意大利式經典小食🫒一套三款嘅小食，包括迷你意式拼盤、羅勒香草醬車厘茄同雜錦意大利橄欖，除咗可以一次過感受到意大利嘅經典小食之外，仲好開胃添😘意式肉迷薄餅🍕傳統餅底上加入軟嫩鹹香嘅風乾豬面肉🐷爽口彈牙嘅豬肉丸，仲有青蔥、鼠尾草、羅勒、合桃、塔雷吉歐芝士及雅枝竹醬調味，整個Pizza香口惹味，食肉獸真係唔好錯過‼️芝士雞胸焗意大利青瓜🥒雞胸肉唔會覺得鞋，配埋意大利青瓜，可以減低油膩感，醬汁以塔雷吉歐芝士、馬蘇里拉芝士及意式蕃茄香草醬混合而成🍅味道清新得來又健康肉醬茄子配意大利軟心芝士🍆拌開意大利軟心芝士及巴馬臣芝士，芝士味即刻爆曬出嚟🧀當芝士包裹住茄子配埋蕃茄辣牛肉醬，呢個配搭邊個芝士控可以抗拒得到😎