影片
以上资料只供参考，请与餐厅确认详情
呢间小店开在窄街，店面好细，大部分系厨房，堂食只可以面壁立食！店内装修简洁，不过带带热带夏威夷特色， 因为未到晚餐时间，去到店内无其他客人，店员只有一位操英语男士，佢会问我系唔系第一次帮衬，之后解释Pololi系夏威夷食物，每款肉都会用牙签拮比我试，我见佢用不锈钢兜都唔多鱼肉！以为卖晒，原来佢每次只会捞少许，唔够先再捞！鱼肉只有三文鱼同吞拿鱼，试啱酱汁味道，佢就在我面前捞！睇住呢个店员做嘢都几放心食物，因为佢每个步骤嘅食具都唔会捞乱用，倒完酱汁会用厨纸抹干净个胶桶边先入雪柜，好企理!捞好店员𢳂落纸碗！仲比咗张储分卡，十碗送一碗！ Haiwaiian poke bowl($90)沙律菜新鲜，以菠菜叶为主，沙律汁酸甜开胃，味道清爽，两款吞拿鱼肉新鲜，虽然唔肥，不过质地爽口，加上酱汁辣辣地，带出海鲜鲜味！开胃！如果想饱肚可以沙律同饭双拼！第一次食呢种夏威夷碗仔菜！几新鲜！虽然款式唔系多，不过小店唔使太杂！
继续阅读
底可以先拣白饭、糙饭、柚子醋沙律，我拣左一半糙饭加一半沙律，d谦选择比人感觉好健康！糙饭确实颇为粗糙同硬身，食唔惯既话都系拣返珍珠米好。再拣每天都会唔同既三文鱼、呑拿鱼mix埋做个Topping，可以试食左先拣。当日我最钟意既系柚子醋三文鱼同Wasabi Mayo呑拿鱼！另外重有Avocado Mayo同其他辣既选择。鱼生都几新鲜甜美，一碗非常坠手足秤，有饭有沙律有鱼，超级健康均衡，饱肚又好食！
继续阅读