Potato Corner

营业中

休息中

疫情前，每次路過Potato Corner都會買一杯Mega薯條，很好吃，可選兩款口味，裝得滿滿的，很抵食。疫情後在街上進食變得危險，就沒有再買，今天路過忍不住，再買了一杯Mega......但真的很失望。首先店員經常在店內拉下口罩高談闊論，因有在走近炸爐和薯條盤的位置時會拉好口罩，但觸碰過口罩的手，沒有消毒便去處理食物。薯條的份量亦比以前大減，以前一種口味起碼半杯，但現在只有不到1/3杯，兩種口味加起來根本填不滿一杯。可選的口味只有3種，整體來說質素和份量都大大下降，以後不會再買了

每次去尖沙咀，都一定要去Potato Corner買薯條食，因為真係好好味！！🍟奶油洋蔥&BBQ我通常都會嗌mega size，最好味係奶油洋蔥同BBQ味。Potato corner啲薯條係新鮮即炸，炸完之後再落粉，熱辣辣又脆卜卜！奶油洋蔥味酸酸地， BBQ味甜甜地，同時嗌呢兩個味真係好正😍

佢哋會有唔同嘅大細唔同嘅價錢，如果你選擇買大啲嘅薯條嘅話，你就可以揀多啲唔同嘅味道咁我哋今次就叫咗蒜香芝士同埋芝士味道我哋要為兩款芝士嘅味道都係差唔多，點知原來有好大嘅分別，首先蒜香芝士個味道係比較突出同埋香濃，我同朋友都覺得蒜香芝士比較好味，如果得一款味道揀嘅話我哋就會要蒜香芝士啦！另外芝士嘅味道嘅比較單一，個份嘅顏色係橙黃色，芝士嘅味道都算係幾重，但係如果淨係食cheese 味道嘅話就可能為(掛)咗啲我哋推介蒜香芝士 🉐🉐🉐

呢間啲薯條係我食過任何一間最好食😍 食完一次之後真係好難忘， 完全忘記唔到佢嘅味道，佢嘅軟硬適中，加上佢嘅調味料簡直係我嘅菜，雖然價錢偏高 但係絕對抵食而且好食，大大兜一個人食肯定夠食，而且飽肚，每次經過都見到有人排隊， 搞到我每次都心思思好想去食，大家一定要去試下🔥

好掛住Shake Shake薯條🍟終於試到呢間菲律賓過江龍嘅薯條店佢嘅賣點就係全部都係新鮮炸起仲有好多種唔同口味嘅薯條-每次經過尖沙咀呢邊都會見到好多人排隊等緊薯條見到好多人多數都係揀BBQ味選擇困難嘅我就揀咗雙拼：Sour cream同BBQ味-全部都係新鮮炸起熱辣辣 咬落好脆一啲都唔淋酸忌廉洋蔥味好香BBQ味就有啲似熱浪咁兩隻都好好食但食晒成兜就有啲熱氣～～-唯一唔好嘅點就係佢冇提供紙袋如果唔係即刻食想外賣拎返屋企就唔太方便喇

本人之前試過 覺得normal 調味粉好零食feel唔鍾意食呢一隻嘅薯條style今日經過 ⋯朋友們未食過 所以決定買一份mega size芝士x辣味 眾朋友們試後感：👉🏼覺得普通～幾蚊雞嘅一包零食都可以取代佢 覺得熱食會好食啲 因為買完再返去食已經有啲凍 （10分鐘後食）如果好多人排隊嘅話就一定唔會食（前提係試過嘅話）寧願食麥當勞shake shake薯條 所以我諗呢啲食一次就夠啦 哈哈😝如果真係食嘅話最好叫好肚餓同埋我諗冬天嘅時候即食感覺會好啲～一定要即食啊！😝😝😝😝　

嚟自菲律賓嘅炸薯條店，已經嚟左香港好幾年，而我都幫襯過好多次，每次經過佢地門口都一定聞到d香味🤤 有時夜左就會有d味賣哂。我今次叫左Mega Size ($34)，佢地d薯條為左要新鮮，每次只係會炸好少，再加上d粉都係即叫即搖，所以等候嘅時間要長少少，但真係值得！ ➡️ 芝士味 似平時食芝士圈嗰隻味咁，好香而且係會上癮，推介！ ➡️ 辣燒烤味 少少辣辣地，好似食緊袋燒烤味薯片咁，d粉足夠，又唔會太鹹！ Potato corner 地址📍: 尖沙咀加拿芬道8-12E號嘉芬大廈B座地下G舖 .............................. 味道😋: ⭐️⭐️⭐️⭐️ 抵食💰: ⭐️⭐️⭐️

來自菲律賓嘅薯條專門店，成日都覺得係個度做嘅員工好慘，落單炸薯條等等全部都係一腳踢😂食完飯仲想食啲零食，呢一間係一個幾好嘅選擇，我已經食過好多次🥰有分唔同size，宵夜的話兩個人食最細杯個隻已經好足夠🦦.🍟我地去到嘅時候，期間限定嘅味已經賣曬😟最後揀咗奶油洋蔥，始終覺得呢一隻係最好食👏🏼拎到上手好辣嘴，啱啱炸起😋不過都幾乾下，食完記住要飲返啲水🤣.🍽味道: 3.5/5💰價錢: 3.5/5

講到薯條，食得最多一定係mcdonald 同埋mos burger，今日想試新野就食左依間potato corner。咁岩當時去到唔係好多人，好快就有得食。今次我就要左個細，要左個BBＱ味，一拎上手真係好熱！最鍾意Ｄ薯條夠熱！唔熱真係好食都變唔好食。入口就發現同mcdonald／mos burger好唔一樣，香Ｄ脆Ｄ，真係好好食。佢既BBＱ味同mcdonald既shake shake好唔同，佢可以做到每氣薯條都好平均咁有BBＱ粉，所以食每啖都真係好好食！因為只係外賣既關係，要係條街到食，依Ｄ天氣真係有Ｄ難頂，所以要行入冷氣地方食埋佢。但真係真係好好食！講開衛生問題，就唔洗擔心既，見到入面都好乾淨。

May I ask what time is TST's branch last order?! Just went there around 10:25PM today and the staff says it's closed then later said fries are sold out. Bit disappointed when it shows open til 23:00 here on open rice.

麥當勞薯條食得多,麥當勞以外嘅薯條我覺得呢間唔錯😋😋口味有幾種今次我特意選了洋蔥忌廉及芝士口味，我點了中size，一個人吃完全食唔晒，所以都係唔好貪心下次叫細size就夠😜洋蔥忌廉必試！我被超濃的味粉所吸引！由於洋蔥忌廉味太搶口，所以令到芝士口味淡左好多, 失色了不少，下次再吃我會選擇忌廉洋蔥口味就足夠，薯條炸得10分脆口，因為是即叫即整的關係，所以小心辣親整體來講好滿意菲律賓籍的店員也10分有禮貌, 下次嚟到尖沙咀想掃街不妨試吓呢間嘅薯條

Potato Corner成日都好多人排隊今次終於的起心肝試一試Mega Size ($34) 可以揀兩款口味最受歡迎香口熱辣辣既薯條香粉滿佈薯條面層好食到停唔到口芝士味夠濃郁好似細個食芝士波波嘅味道Sour Cream味就就好似食Lays薯片一樣如果唔算好多人排隊都真係值得去試一試

呢間咁嘅薯條，伏中之伏，俾10蚊佢都俾多咗佢，wtf~話曬今日係五一，應下節，同老婆出尖咀買衫，勞動下。經過呢間嘢，女友之前話過想食，所以咪同佢試下囉，點知就係不幸嘅開始。成間舖，得一個肥佬係度，門口排咗4、5個人，已經睇住佢岩岩炸起，之後撈粉，再俾咗前面4個人先。之後就到我地，我地叫咗sour cream onion 同BBQ，食之前滿心歡喜，點知老婆食咗一條就已經講咗句伏咗，我心知不妙。佢一路係度話好咸，好失望，d味精完全無味精味，薯條唔熱。我心諗味精都做到咗差，不如執咗佢喇。結果係我老婆唔想浪費，努力咁食咗一半，我就係旁邊不斷叫佢扔咗佢喇。各位，我真係唔明點解睇住佢炸上黎都咁，究竟搞咩？五一黑仔記

見平時都好多人今日無乜人就特登黎食薯條🍟-Menu上面有啲Sold out左。最後決定叫薯條試下先-Mega薯條🍟(Chilli BBQ & Cheese )$34-我同友人叫左第二細既size有得揀兩隻味。份量方面就無話特別大份，呢個Size同下口癮都夠哂-Cheese有少少似芝士圈果種橙色芝士粉，無乜特別。🧀-另一隻Chilli BBQ真係好似熱浪薯片！！辣得黎又有少少甜，十分推薦！！下次一定會All in哂呢個味🌶-店員將新鮮炸好的薯條隔乾油後再落一湯匙既粉擺入大膠筒扭蓋再Shake, 所以每一條基本上都沾滿粉，非常入味🤤

吃完情人節晚餐，意猶未盡，記起附近有這家薯條店，有點懷念於是走過來吃我們到店的時候已是晚間十點左右店外有一兩個客人有些期間限定的味道已售罄加上我們只想過口癮便點了最便宜$28元，可選一種口味的薯條選了BBQ味，味道很濃郁，有一點甜甜的薯條是幼薯條，可惜薯條做得很差大概是快打烊的關係吧，薯條又冷又淋完全不合格，很失望我曾經甚至有想過把薯條退掉讓店員重新炸好了可是男朋友說不要麻煩到人家總括不要在別人快關門時光顧要不你得承受食物打折扣