Quattro's Kitchen (已搬遷) 新店位置

特登係星期三aeon特價日去購物，買完好多嘢，之後就見到呢一間西餐廳決定入去食晚飯。餐廳環境舒適，乾淨衛生，而且店員都很有禮貌。是日餐湯～薯仔湯湯好夠熱，飲嘅時候會飲到少少薯仔🥔溶，而且不會太咸，岩岩好，麵包好軟熟，配牛油，或點湯食都不錯。沙律🥗，沙律菜好新鮮，配合埋香醋，酸酸甜甜很開胃。扒虎蝦配香草牛油汁有三隻大蝦，燒得很香口，肉質厚，和香草牛油汁很夾，而且仲有配波菜和薯蓉。黑松露醬牛柳絲意大利粉意粉上面配有一塊蒜蓉多士，焗得好香脆，意粉軟硬適中，另外牛柳絲份量都幾多，食落很軟冧，重牛味。意大利朱古力朱古力有個靚拉花係上面，濃濃朱古力味得來而又不會太甜。晨曦之旅係酸酸地既花茶，另外仲配有蜜糖，可以自己加，我就覺得加咗之後更加好味。香蕉班戟最後點了甜品，令到成餐飯更加圓滿，甜品上除咗有兩大嚿香蕉班戟之外，仲有一啲雜果，一球雪糕和朱古力脆脆。

星期五輕鬆下，同女女去咗屋企附近嘅康怡廣場行下街，仲去咗aeon超市嗰層嘅😊Quattro's Kitchen食個tea😋食tea都飲番杯🥂白酒chill下先😂 囡囡就飲凍朱古力🍫，小朋友最鍾意。叫咗個肉醬意粉🍝，肉碎分量夠多，番茄醬酸甜，眨下眼就食曬👍👍另一個就叫了自家製酥皮蘑菇雞批，等咗一段時間，係即叫即製嘅。🔥上枱熱辣辣，酥皮鬆脆。食飽之後仲叫個甜品🍨，係brownie配雪糕，同囡囡share食好開心💖甜品時間嗌多壺玫瑰園熱茶慢慢歎，呢個下午真係放鬆曬💃😍

今日太古做完野，係Aeon 揀左呢間西餐食，估唔到都幾高質😆白酒忌廉煮藍青口配蒜蓉包青口有勁多又大隻，忌廉汁都好正，點住蒜蓉包真係好邪惡又好食另外侍應會比個桶你裝青口殼，抵讚👍🏻龍蝦湯好香龍蝦味，而且好濃厚但又唔會好咸❤️菠菜忌廉蟹肉湯真係好重菠菜味，好健康嘅味道！而且蟹肉係勁多👍🏻😆跟湯仲會比埋餐包，好軟而且熱辣辣🤤carbonara呢度Carbonara 係忌廉汁煮，香濃得黎意粉都煮得岩岩好😌威靈頓牛柳叫左五成熟，真係岩岩好！酥皮令到牛柳嘅精華鎖住係入面，食落勁Juicy。而且仲酥皮內除左有磨菇醬仲有鵝肝👍🏻side dish 仲有青豆同薯粒，夠曬營養又飽肚😆Apple crumble係新鮮焗起，crumble脆口配埋軟淋淋嘅蘋果，口感好正。而且仲有好多生果同cream,再加雪糕同朱古力脆脆，一次過滿足曬我食甜品嘅胃🤣野飲要左熱Latte同熱朱古力覺得呢到service 好值得推薦而且性價比超高👍🏻

行完超市又攰又餓，媽咪話想試下超市收銀對住既呢間西餐廳，即刻雙眼發光行入去😂終於可以休息下😛呢度啲Tea set都幾抵食！一個餐都唔洗$100😁-🦐海鮮天使麵配橄欖油$78+$15升級飲品(鮮奶抹茶）天使麵同調味麵都煮得剛剛好，橄欖油亦唔會太油，仲有啲三文魚，菇類，蝦，炸魚，口感豐富😋鮮奶抹茶夠濃滑，唔會太多冰而溝淡👍🏻-🐖香草豬肉腸及Furturter腸伴薯條$68+$15(意大利朱古力）薯條大大條炸得好香口😻腸仔好彈牙多汁☺️沙律中和油膩感，好配喔！-🍨🧇鮮雜果窩夫配雪糕$78我最愛既窩夫雪糕🤩果然冇令我失望！窩夫焗到香脆，加埋朱古力醬😋重點加埋奶滑既雪糕～滿滿的幸福感🥰

太古呢間西餐，我成日行完Aeon都會黎幫襯，鍾意佢個set dinner幾高質又唔太貴。.呢幾日Aeon 減價買完一袋二袋又黎食dinner 🤣 叫左2個set dinner , 1個salad, 同2杯野飲，3個人share食都好夠飽👍🏻 .🍴芒果蟹肉沙律$98沙律用左新鮮蟹肉、鮮芒果肉同沙律菜製作而成， 面層有淋上香甜嘅芒果汁， 加上蟹肉以有簡單調過味， 沙律新鮮惹味，幾開胃！.🍴 龍蝦湯晚餐本身跟左餐湯，升級龍蝦湯+28，成個湯既鮮味好煮出，湯底質感濃稠、口感豐富、啖啖充滿鮮甜，仲會有隻蝦配埋，另外佢地配既麵包有烘熱，脆脆地好好味。.🍴西京燒銀雪魚$248西京燒呢個汁真係無人唔鍾意㗎！配埋魚油豐富同皮香肉嫩嘅銀鱈魚，真係無得輸呀！而配菜都唔馬虎，賣相已經好有心思，色彩繽紛，睇得出大廚真係好用心。.🍴扒春雞配鵝肝汁$188擺盤好有心思，春雞燒得夠香脆，肉味食得出用少少鹽簡單醃製過，點埋個鵝肝汁好惹味好食。.🍴Sunrise trip & Tropical 餐廳花茶我最推介，有好多款式，全部都好靚又好好味，花香同果香味好重，好夾食完西餐慢慢品嗜👏🏻

行完aeon, 經過依間餐廳見下午茶餐幾底食有Sandwich ，pasta，想食甜品都有窩夫最後揀咗公司三文治薯條好食炸到啱啱好加$15可以揀latte咖啡都唔錯Overall 行完伊安食嘢好去處

Quattro’s Kitchen📍太古🥩香煎鵝肝併美國榖飼牛柳 $265牛柳好淋好綿，係我近期內食過最好嘅牛😍配菜加咗煙肉炒，食得出有花心機，但係略嫌煙肉嘅味道會蓋過左牛肉嘅鮮味🥴鵝肝較薄油脂唔太重，但整體味道都唔錯😛🐟三文魚柳伴帶子野菌鮮蝦野米飯 $168三文魚煎得好靚，海鮮份量都幾多🦐野米飯質地偏硬，成個飯有好多食材，味道好豐富🥘🥓18個月聖丹尼火腿配蜜瓜 $98火腿嘅鹹香啱啱好，蜜瓜夠甜，配埋一齊食作為前菜好開胃🍈🍲蟹肉菠菜忌廉湯忌廉湯入面有好多蟹肉，蟹味好突出，鍾意食海鮮特別係蟹嘅人一定會鍾意🤪不過我自己就偏好純蔬菜嘅忌廉湯，因為會食到蔬菜濃郁嘅甜味😋

住喺太古一帶嘅朋友都知道附近冇乜好嘅西餐廳，不過呢一間就唔同啦。一入到去，覺得餐廳位置寬敞坐得好舒服。職員服務態度十分貼心，一嚟就拎咗暖水俾我哋。煙三文魚凱撒沙律分量適中，味道偏鹹同埋多橄欖油，不過擺盤精美，三文魚份量偏小，只得三舊。整體係不錯。香煎鵝肝配焦糖蘋果鵝肝香滑，外脆內嫩，入口即溶。配上粒粒嘅焦糖蘋果，味道酸甜，配搭十分新鮮。干邑龍蝦湯餐廳都有驚喜！龍蝦湯10分鮮甜濃郁，飽肚感十足。配上外脆嘅餐包，配搭10分相宜。扒美國安格斯肉眼扒我哋嗌左五成熟，肉質鬆軟，調味偏濃。不過肉眼扒手掌咁大，伴菜份量偏多，真係好飽好滿足。卡邦尼意粉不得不提係佢嘅白汁比起出邊一般較重忌廉味，芝士味偏濃，而且份量偏多，好抵食。焗蘋果配雪糕蘋果批份量兩個人來講算適中，配合埋雲呢拿雪糕味道十分相宜。而且蘋果批係新鮮出爐，亂粒粒，配上雪糕感覺冰火交融，十分好吃。晨曦之旅玫瑰園最後，我哋嗌左兩杯花茶消滯。晨曦之旅包含了檸檬青檸薑等等醒神嘅花茶材料，一問一問10分醒神同開胃。而玫瑰園玫瑰香味10分濃郁，未到大少許甜不過亦都有消滯嘅作用。Conclusion: 整體來講算係10分驚喜，無論位置服務食物質素同價錢

又到超級星期三，係時間掃貨補倉，shopping 完就喺附近搵食醫醫肚。蟹肉牛油果塔 $108 一道色彩繽紛又開胃既冷盤以車厘茄、蟹肉和牛油果做出既他他塔，食落啖啖蟹肉，鮮味十足，配埋爽口車厘茄和creamy牛油果，口感豐富。 白酒忌廉煮藍青口 $108 香濃忌廉和新鮮藍青口，味道十分配合，藍青口雖然細細隻但食落鮮甜美味。燒紐西蘭羊架 $268 羊架外層香脆，肉嫩多汁，食落無羶味。黑松露醬牛柳絲意大利粉 $138 意大利粉掛滿濃郁既黑松露醬，牛柳絲有口感。 朱古力心太軟 $78 外面鬆化，切開後香濃幼滑既朱古力漿慢慢流出來，令人賞心悅目，食落甜而不膩。玫瑰園 $45花香果甜，恰到好處，飲一啖立即感覺輕鬆寫意。

星期四晚上7時許買完野找間餐廳吃晚餐,見咁耐都未食過這間餐廳,餐廳內大約坐了一半人,便直接入座晚餐除了散叫,還有一人餐和二人餐二人餐有湯+三選一款扒類+意粉或意大利飯+甜品是芝士蛋糕+餐飲 $208一位我們選了一人餐餐湯連餐包餐湯是忌廉蔬菜湯,好普通的白湯+$28龍蝦湯,咸得可怕牛扒大約1cm厚,order5成熟但實有7成熟,味道普通,配菜也沒有特別蝦有3隻,其中1隻蝦頭好黑,味道也是好普通,配菜也沒有特別一人餐沒有跟甜品全餐給我的感覺像我自己在家玩煮飯仔,唔想煮,咪比錢出街食囉!不過環境,服務,清潔方面都OK,只是食物真心太普通...

3,4年前開始幫襯Quattro 地點幾方便 岀地鐵行入商場就係lu今晚又黎喇 一行4人OT 晏左小小 去到都七點幾 坐滿左2/3我地叫左3個set dinner + 1個A La Carte 晚餐有跟餐湯同野飲Soup 🥣: 粟米湯加軟熟嘅餐包個粟米湯好好飲好creamy食到粒粒嘅粟米🍴1. 香煎三文魚拼美國豬扒 $185三文魚d肉幾嫩 皮脆豬扒有少少鞋配菜有時會係菠菜但係今晚轉左新野: 紅蘿蔔洋蔥同埋茄子酸酸咪咪 幾開胃😚🍴2. 扒羊柳配蒜香香草汁 $218肉既質素唔錯，食well done都唔鞋口拒個羊架都正架🍴3. 廚師推介 - M5 和牛西冷扒 $288叫5成，黎到都七、八成😳不過抵讚既係七八成啲肉都仲好Juicy食埋個薯蓉好滿足喇飽飽🍴4. A La Carte 叫左個海鮮炒天使麵 $138好足料嘅海鮮👍🏻有青口、魚柳、帶子、三文魚、蝦etc 加埋好多菇同青椒紅椒一齊炒！ ！ 麵既份量亦都好多呀🤩🤩本身諗住叫個心太軟但實在太飽🥺🥺佢個心太軟好好食架唔緊要好快又會再去食下次留肚食心太軟哈哈做街坊生意 啲街坊住喺嗰度咁耐真係好多時候都會過嚟食 所以保持水準好緊要。抵讚既係

永旺Aeon超市從來都人頭湧湧，這間餐廳隱藏在酒窖旁，在日餐林立的Aeon提供義大利菜。環境和裝飾感覺像是街市中提供新鮮小食的餐廳，又有些似美食廣場，是個隨時可以歇腳的驛站。餐廳推薦生蠔，由於疫情關係對生食有點抗拒，還是傳統熱食比較安全。餐牌上選擇不少，套餐和散叫都能迎合多數人的需要。龍蝦湯色澤金黃，味道濃郁。沙拉較普通。羊架燒的剛剛好，至少有三釐米厚，外焦里嫩。切開來粉紅色，咬落去肉質彈牙多汁，加上蘸汁味道更加突出。扒虎蝦賣相出色，吃落味道也好。配菜用菜心比較特別，味道鮮甜又吸收了主菜的香味，搭配均衡。這個熱鬧超市中的驛站，值得推薦。

牛扒我order七成熟，但係牛扒差唔多全熟，食落去無味，酸味重，有鐵鏽味。肉質散，雖然都嫩，但係味道太差啦！我自己買塊50蚊嘅牛扒煮得一直好食過你地今晚嘅牛扒。我見大家對你地lunch嘅評價好高，如果你地夜晚嘅食物質素係咁不堪，不如就賣餐包啦，牛扒呢樣嘢就無好再整啦你地嘅餐包真心幾好食，鐘意食餐包嘅人可以問下佢地有無得單買餐包。我走嘅時候投訴左佢地嘅牛扒，我見到夥計有馬上去廚房問。呢樣嘢值得表揚，希望你地加油啦！

之前泥過食，感覺煮得幾好而家坐位闊落服務尚可。昨日再到訪，非常失望，雖然一早於openrice 訂左位，但仍被安排夾在兩枱陌生人中間，枱距只得一個手臂位。向經理詢問可唔可以坐響比較鬆動既位，不得要領而且換回冷淡回應。過左15分鐘左右，隔離枱埋單離開，未見職員響執枱後噴酒精或消毒液清潔，反而見經理用隻之前之後都無消毒同清潔既手去撥走櫈上既餅乾碎，之後佢又繼續去捧餐俾其他食客。坦白講，午餐100蚊起跳，不算很平，但連快餐店都可以做足枱距同清潔衞生工作，這間餐廳連基本都做不到服務也不善，應該唔會再泥食勒。

呢日係收緊限緊限聚令至兩人，全面禁堂食嘅前一日姣婆守唔到寡，唔知下次要等幾時先可以堂食再聚，所以都特登出左港島搵老公食個午餐相信好多人都同我地一樣嘅諗法，加上遇著打工仔午市時間，12:10左右去到餐廳，我哋已經係最後一張枱喇，之後再黎嘅人都要等位我地分別叫左C同D餐餐湯夠濃、足料，賣相都靚 有誠意扒美國豬扒配芥末西芹燒汁豬扒燒得好好，唔會老，就咁食都好juicy配上芥末醬感覺清新配菜份量都多，感覺健康，係蘿蔔有少少渣芝士菠菜焗龍利柳薯蓉唔係粉開嘅，食到微粒薯仔粒😍啖啖芝士 龍利柳又有兩塊個底好多菠菜😋😋雖然以平時返工午餐黎講食百幾蚊個餐算有d貴；但食物份量、質素都感覺到係落足心機，對得住價錢，我覺得比得值嘅！