Rakuraku 樂拉麵 (MegaBox)

营业中

休息中

樂拉麵係一間用貓貓做背景，連拉麵名都以貓貓為主題。9月份推出［慢煮牛舌芫荽牛白湯沾麵］身為芫荽控點會錯過。慢煮牛舌芫荽牛白湯沾麵湯汁質地唔算好濃，芫荽味不夠，可以$8追加芫荽山，麵質口感彈牙，如果湯汁濃就可以掛麵，慢煮牛舌牛味夠重，肉質嫩滑，還有半隻糖心蛋。（白貓）豚骨拉麵有荀、黑木耳、炸藕片、有葱、糖心蛋同二片叉燒，叉燒肥瘦適中，湯底濃郁，麵質軟硬啱啱好。（赤貓）赤辛豚骨拉麵覺得湯底不夠辣，加了好多七味粉，令到碗麵睇落好辣。櫻海老拉麵面頭灑上大量櫻花蝦，湯底有超濃郁蝦味，不過食得耐有少少咸。

今日同男友行megabox，男友想食拉麵，於是試下呢間之前未試過嘅我地今日叫左兩個拉麵🍜1️⃣黑貓（黑蒜油）💰98黑蒜油湯底睇落濃郁，但食落口一般，唔算香濃，有啲失望，因為好多拉麵店黑蒜油都做得OK。麵質軟硬適中，但因為湯底麻麻，整體觀感一般🥲2️⃣松露雞白湯沾麵🍜💰108呢個湯底係乳白色，清清地，做沾麵食幾好味，唔會太重口味，入口順口，一啲都唔咸膩。沾麵份量多，因為黑貓麻麻地，我食呢個比較多😚消費價錢：2人💰226.6，人均💰113.3結論：（10分為滿分）味道：6/10性價比：6/10回頭指數：6/10餐廳名稱：Rakuraku 樂拉麵餐廳地址：九龍灣宏照道38號企業廣場5期MegaBox 10 樓9-10號鋪

之前同fd 溜冰之後，留意到呢間餐廳，點知就出事了……餐廳主題幾特別，用貓黎做拉麵名。叫左碗白猫。食物熱度還可以，湯底豬骨味過意得去。拉麵揀左粗麵，硬度都還可以。但就係叉燒食落怪怪地，陣味好酸，似係醃過龍咁，食過咁多間拉麵都未試過咁。失望。價錢都唔平，同樣價錢可以食到更好食的拉麵。下次唔會再黎。

前晚去MegaBox行，想食拉麵見到呢間有沾麵，於是入去試下，叫咗2樣嘢，一樣係龍蝦湯海鮮石鍋飯，松露白湯沾麵。首先個龍蝦湯海鮮石鍋飯，味比較淡，由其無乜龍蝦湯味，2條蟹柳，幾隻小貝，幾隻蝦，2粒螺，除咗蟹柳其他都幾迷你。松露白湯沾麵，個湯無乜特別，啲沾麵份量少，麵條係幼身似拉麵質地，雞肉比較鹹，一舊肥豬肉好乾身，流心蛋ok。整體黎講性價比低，唔值呢個價，重點味道唔好，個拉麵好普通，個飯啲海鮮都唔掂。

本身去宜家買野，順便食下午茶。心思思想食拉麵，就去左10樓的樂拉麵。全場得幾枱客人，想落order 真接用App，所以你想要杯水或餐具，就叫極都無人應，佢地只係掛住傾計。食物真的一般般，同之前一樣不過不失，但服務真的愈來愈差，人手不是不足，起碼見到4個人圍在一起吹水囉。唉。

日本食品一向是我的自愛，這間在九龍灣大型商場的日本餐廳有下午茶, 平價吃過日本食品也實在不錯！下午茶套餐有多款，有清雞拉麵、胡椒湯拉麵，配豚肉，又有石鍋飯。而且可以加錢要小食例如枝豆、餃子。我叫黑豚腩溏心蛋泡菜石鍋飯，熱辣辣但泡菜不過辣，酸酸地幾開胃，豚腩油脂適中，石鍋凡有我最喜愛吃的飯焦😋😋朋友吃了野菌比目魚石鍋飯，比目魚一向比較貴，但這間餐廳的下午茶也有比目魚，我朋友說當然即叫！野菌炒得香，原來配比目魚也味道不錯，我朋友十分喜歡。我倆都覺得在這間餐廳吃下午茶不錯，侍應也有禮貌，坐得又舒服，食物可口

終於黎到星期五，Happy Friday Lunch，其中一位同事突然想食拉麵，於是乎我地一行4人就黎到megabox。我地分別叫左黑貓（黑蒜油），櫻花蝦及辛辣湯拉麵。每碗都配有一隻糖心蛋。黑蒜油湯頭濃郁，有著豬骨的香味，豚肉淋軟入味，不會太“鞋“口。麵既軟硬度亦可自由選擇，亦好彈牙，令人一口接一口。辛辣湯有啲辣，如果唔食得辣既朋友，飲完喉嚨會覺得辣。除左拉麵之外，我地仲叫左一份炸雞軟骨，但略厭調味麻麻，多炸粉，可以不試。總括黎講，拉麵$98左右，都可以試下。

夜晚經開megabox 見到有拉麵岩我合味就上左去，環境唔錯，招呼都好好，打開Menu 見到用貓做主題，仲要隻貓都有故事幾有意思就決定一試。本人是拉麵同貓控，面對呢兩種呢間真係幾吸引。我食既係黑貓（黑蒜）味道，可選豚腩/豚肩叉燒👍🏻肚仔餓餓既我決定簡豚腩，無竹荀呢點有啲失望（個人覺得覺得竹荀係必須），不過有脆蓮藕片唔太岩我口味有點硬，浸湯後亦唔特別好食，湯底唔算特別，另外加多份餃子味道唔錯，整體一般。

午市人多，件腩肉唔炙燒就上，鹼水味好重，要軟麵又比硬麵，失望🙄好彩隻蛋仲似返d 樣！疫情期間一路都有幫襯，當時反而更用心做好每碗麵、做好每件叉燒。希望下次幫襯有所改善

Megabox覓食一遊，原來呢度有間咁滋味嘅拉麵店！餐廳嘅吉祥物係貓貓，而佢哋嘅宗旨係「我們提供的是食物，傳遞的是快樂與幸福。」櫻海老拉麵 $98特濃龍蝦湯｜幼麵｜軟麵｜豚腩叉燒｜多蒽 ｜加一份炸雞（3件）雞白湯拉麵 $98幼麵｜適中｜豚肩叉燒｜多蔥 ｜加一份高麗菜雞香湯口味清淡，入口香醇順口

嗱！老實講一句啦。 今日逛megabox黎到呢間日食拉麵店，認真唔錯喔，對出就係溜冰場，可以睇人地滑冰，隔離就係sharetea，可以邊飲邊食。雞白湯拉麵。湯底超級濃郁，搭配好有心，炸藕片、木耳絲、蔥花、豚肩片，所有配搭都好match，值得一提，個溏心蛋做得好好！出街食拉麵好難見到咁靚仔嘅溏心蛋！不愧為過江龍拉麵！芝士吉列黑豚石鍋飯。米飯吸收肉汁和石鍋的熱量，成道菜肴擁有獨特的香氣和口感。建議食石鍋飯淋啲醬油或者辣椒醬，冇咁干身之餘提升整體嘅美味程度。呢間拉麵店食滿$250仲有代幣送可以扭蛋，幾有心思！

上個禮拜日來食，我同朋友都有點肚餓，所以我們就早左來這裡食左餐飯先睇電影。 服務很好，好快就清左張抬比我地，staff 好nice。 我點做一碗豚骨湯叉燒拉麵同一份小食——唐揚炸雞。 湯底真的好好，豚骨湯夠濃，食起來個人都暖埋，炸雞的分量也很足，配著拉麵不錯 。Came here for a quick meal last Sunday, my friend and I were getting hungry so we came here earlier to have a quick dinner before our movie. The service was good, they were quick to clean up and serve us, and the staffs were friendly.  I ordered a bowl of Ramen in Pork Bone Broth and a snack - deep-fried chicken.  The broth was really good, it tastes warm and hearty,

平日晚上，在 MegaBox  覓食，商場內人流當然不會多， 這裏的食肆繁多，一時之間 也不知吃什麼才好。最後上了10樓的 Rakuraku， 雖然已經有幾檯的食客，也很容找到坐位。今晚嚐了櫻花蝦特濃龍蝦湯叉燒拉麵，及點了一客蟹盛石鍋飯。叉燒拉麵的龍蝦湯， 龍蝦味果然很濃厚，雖然有些偏咸，但吃後又不覺得特別口乾， 拉麵 吃下去非常彈牙，口感甚好，頗值得推介。至於蟹盛石鍋飯， 更是意料之外的好吃，除了夠熱之外，蟹的鮮味及香味也十分突出。下次再來光顧這店，嚐嚐其他的食物。

今日小朋友去咗MegaBox玩，見到一間叫食拉麵嘅舖頭，於是就走咗去食啦，今次叫咗個兒童餐，煎豆腐，炸蓮藕片，煎餃子，同埋一個拉麵。兒童餐份量啱啱好，夠一個四歲嘅小朋友食，佢仲要食晒喎，已鐵板煎豆腐，亦都煎到非常之脆，個煎餃子，煎得非常之出色，餃子保留原有嘅肉汁外脆內軟，炸蓮藕片亦都揸到啱啱好非常之脆口，拉麵見面我哋今次揀咗幼麵條，煮得非常之好有口感，湯底唔會太鹹，份量亦都啱啱好，最重要嘅就係啲侍應服務態度非常之好，經常會過嚟幫你加水。

今日去左MegaBox，睇完戲就去搵野食，見到依間拉面店係電梯隔離，除左有鋪內，仲另外有幾張枱係鋪出面，感覺無咁焗促就入去試下。我地揀左鋪出去既枱坐，叫左兩個拉麵。白貓（豚骨湯）$88櫻花貓（龍蝦湯）$98賣相同其他拉面差唔多，湯底濃郁，櫻花貓既湯底比較出色，有濃濃既鮮蝦湯味，面質有彈性，但略嫌叉燒有d少同薄，同埋另一值得提既係拉麵用左炸蓮藕片代替紫菜片，蓮藕片浸左湯底食幾好味😋。最後依個價錢同質素又唔洗加一都可以一試