RBTea (已結業)

這間餐廳都去過幾次，之後裝修，今天是裝修後來的，本來想去ucc 但太多人，因為貪佢有個沙律吧，沒辦法所以轉去這間，我估由於剛開業所以餐單少了，沒太多選擇.三文魚意粉，咖喱吉烈豬扒蛋包飯，奶茶.食物質素和以前一樣高，奶茶沒想過這麼大杯，環境光亮清靜，希望將來能加回多點菜單.

岩鹽芝士OREO朱古力雪糕鬆餅（大）甜品控請注意⚠️‼️依個真係不得了🤩鬆餅好鬆軟，甜度適中。有黃色的岩鹽芝士，黑白色的Oreo, 灰黑色的雪糕，綠色的薄荷葉，令普通的鬆餅生色不少，絕對係一個又食得又影得既食品👍加上，又可以坐住鞦韆食野，係收工後既其一享受😎雖然menu係寫到明「 大 」份，但我真係冇諗過咁大😂食依個甜品前，我咩都冇食過，但本身大食既我，食依個食左2/3已經飽哂。我會再試其他的！

📍RBTea🗺銅鑼灣軒尼詩道489號銅鑼灣廣場一期2樓202-203號舖喺銅鑼灣黎講，呢間cafe價錢算OK😌 所以就去試下～⚡️厚切吉列豬扒鬆餅三文治伴薯角 $88見到呢個鬆餅三文治幾特別😍 中間夾住吉列豬扒、番茄、菜，格仔鬆餅🧇食落少脆，煙煙韌韌，仲有薯角做配菜，唔錯😋⚡️香草忌廉煙三文魚意粉 $88煙三文魚算俾得多，意粉creamy，不過較普通～⚡️凍深焙奶茶 呢個奶茶同平時西餐飲嘅奶茶味道唔同，呢度味道有啲似台式奶茶，幾好飲😝⚡️熱檸水

【銅鑼灣/旺角RBtea】呢間舖好小清新feel🌿 呢度有鬆餅同埋主打花茶🍵 有埋下午茶☕️近落地玻璃仲係特式鞦韆,啱曬同閨蜜或情侶一齊食下嘢傾下計🍰影相打卡都好靚📸👭或者食個lunch同dinner都唔錯.紐西蘭黑安格斯西冷配薯角💰($119) 9/10厚切8.5oz黑安格斯牛扒🐂，7成熟肉質鮮嫩，配上黑椒汁(另有洋蔥汁選擇)，肉質不會太腥之餘，口感亦不會太堅韌，而且牛肉味亦算濃！呢個set除佐可以配薯角，仲可以配飯🍛或意粉🍝仲有嘢飲🍹十分抵食🤣‼️ 平日午市$119; 其他時段則為$139.忌廉蜆菌菇米型意粉 💰($78) 7.5/10意粉外形係米飯一粒粒，融合埋忌廉，口感特別，每食一啖都聞到忌廉味🤤入面仲有蜆和菌菇，份量不少，意粉配搭埋更惹味😋仲有配一杯嘢飲.周打蜆濃湯 配蒜蓉吐司條 8.5/10呢個濃湯小編十分滿意🍲佢唔係好稠個啲，湯入面材料好多有薯仔🥔同蜆！每食一啖都有細細粒薯仔。蜆仲入曬忌廉又香又好味🙈.岩鹽芝士焦糖咖啡(凍) 💰($44) 8/10呢杯嘢飲聽聞係舖頭排行首三名，鋪排分佐3⃣️層，最上層係芝士奶蓋，中間係咖啡，底層係焦糖。第一啖建議好似平時飲奶蓋咁攞起杯飲，跟住再攪

今日Tea time 去左銅鑼灣一期RBTea今日假期去到都唔使等位又幾好噢，入到餐廳，座位都算闊落，不過得兩個鞦韆位，我地就冇得座啦！Anyway都好舒適好休閒乳酪芝士草莓雪糕鬆餅；窩夫鬆餅極富蛋香味且外皮香脆內裡還保留著鬆軟，果真係外脆裡軟👍👍再配上一球雪糕香甜嘅士多啤梨醬同乳酪芝士，真係好食到一啖接一啖白汁海鮮意粉；海鮮分量很足，但個白汁味道唔夠濃，整體味道略為普通小食拼盤；有香腸，雞塊，雞翼，蝦片，沙律菜，入面嘅雞翼我最中意，香脆多汁，食曬甘多小食再食翻少少沙律菜認真唔錯新鮮水果茶，珍珠奶茶都夠大杯，味道中規中矩都算唔錯

去銅鑼灣行街經過哩間餐廳好多次，但一直都冇試過，今日唔知食咩好，一於試吓哩間！餐廳裝修幾靚，休閒感滿滿，今次好幸運地仲可以坐到只有兩張嘅鞦韆座位✌🏻✨磨菇忌廉湯 (餐湯）跟餐可以揀是日餐湯或沙律，但聽到係磨菇湯就吸引我揀咗湯😆 湯嘅味道一般，磨菇味唔夠濃郁，忌廉味亦唔夠香滑，質感仲有啲透明啫喱狀咁，雖然唔知係沖定係真係經過烹調做嘅，但飲落嘅感覺係用粉加水開出嚟嗰啲😅✨黑松露蘑菇濃湯螺絲粉 $90原本睇個名以為係湯粉，結果上菜發現唔係，而且醬汁都唔多，但唔會乾嘅，不過唔太明白所謂嘅濃湯係咩意思🧐 莫非係啲螺絲粉係用磨菇湯煮🤔 但佢地嘅磨菇湯...😅 螺絲粉嘅份量好多，加上飲咗個湯，食哂都好飽。黑松露味道夠濃郁，蘑菇就略嫌少咗啲，另外有少許西蘭花，有埋蔬菜夠完整👏🏻✨熱玫瑰荔枝紅茶 (餐飲轉配）$5茶杯同茶壺中都有幾粒玫瑰，花味香濃🌹 紅茶中帶有淡淡荔枝味，味道清甜唔苦澀😋 餐飲加$5就可以轉配，價錢好抵，而且係成壺份量，絕對試得過👍🏻✨熱檸檬綠茶 (餐飲）平時普通餐飲嘅檸檬茶通常都係紅茶，檸檬綠茶就真係少見。如果飲熱嘅檸檬紅茶，最怕就係茶味苦澀、檸檬越浸越酸，結果味道又酸又澀。但綠茶就可

Had a great time at this restaurant. We had the sausage spaghetti and pesto pasta, which were tasty. Presentation was beatiful. The drinks was spot on - not too sweet and quite refreshing. The assistant shop manager (I think his name is Hey) gave five star service, which was definitely appreciated. Will come back again.

之前去幫親，叫左個蜆肉意粉同肉丸意粉，蜆肉意粉係有沙既，叫客食沙多過食肉，肉丸係凍既完全係雪櫃啱拎出黎解凍炒都冇炒過而且冇味道，唔知係用咩肉整，水吧服務員係疫情期間唔帶手套切生果直接徒手拎生果（要知道生果切完會出汁，汁同服務員手指甲啲細菌黎個親密接觸🤮🤮🤮🤮🤮，當我向樓面1（矮肥女仔)+樓面2+經理（高瘦頭髮雀巢)反應問題，哇態度仲要串串貢話係正常，尤其係樓面2態度惡劣，之後聽到佢地係水吧大聲傾談先知樓面2名叫Cindy，依間餐廳出品質素完全係地底泥，服務態度更加係0，仲要收加一，平均餐都要110至130，收費甘貴啲客食廢餐，以上純屬個人體驗意見，有想幫親既食家真係要只求多福

同朋友24號夜晚黎食平安夜晚餐大概六點左右嚟到嗰陣都仲可以直接入座員工都好有禮貌 安排咗喺窗邊嘅梳化位坐得好舒服叫左晚市套餐既黑松露蘑菇濃湯螺絲粉 再加$10升級做新鮮水果茶 仲有餐湯送個人覺得味道偏淡 唔係太食到有黑松露同蘑菇味 有少少失望新鮮水果藥（凍）就不過不失 以加購價來講就不錯👍都幾大杯然後同朋友叫咗大份既乳酪芒果鬆餅 同想像中嘅唔一樣鬆餅係軟身 芒果非常甜完全冇酸味然後奶油食落去好似爆谷味咁同埋有少少咸如果係自己一個食比較建議叫輕食如果唔係應該食唔晒🤣然後可能因為太甜食到最後有少少喉嚨痛整體來講都不錯！🥰

午餐出去食飯最怕等位等好耐。去RBtea 唔使等位，係一個幾好的選擇。環境清幽、座位闊落，同同事可以好好咁傾下計。All day breakfast 有不少選擇：煙三文魚凱撒沙律脆香鬆餅，沙律味道不錯。脆香鬆餅有啲韌，難切開，有少許失望，但配上蜜糖都好食。炸魚柳脆香鬆餅All day breakfast 套餐配檸檬紅茶/綠茶/檸水都得。檸檬紅茶有一片檸檬，一片薄荷葉，熱茶都是幫你落左糖既，不過標準甜度都剛剛好，無叫少甜都唔會太甜。

當晚同朋友行街行到咁上下打算搵地方坐下，個陣系8點幾，係你排隊可以直入。坐sofa位好舒適，坐到有少少眼訓🤣🤣叫左荔枝烏龍茶，因為係熱飲所以糖會另外分開上，個人覺得吾加糖好飲d。下次有機會想試下主食同甜品，睇落都好吸引！

我係好耐之前係依間餐廳食， 嗰陣間餐廳仲係金百利廣場，而家已經搬左去第二度。我都仲未去過佢嘅新店幫襯🤣🤣。依個班戟係用珍珠奶茶整🤤🤤，好特別，嗰陣好少係其他餐廳食到😋。奶茶味幾濃，佢應該落左好多奶茶係啲班戟上面😈😈，同埋啲珍珠好煙韌🤓。班戟囗感都鬆軟嘅，不過就唔係梳乎厘班戟，所以口感相對厚實，無咩空氣感🤭。有成三塊班戟，依個價錢黎講都好抵食🤤🤤。班戟都幾飽肚下，同friend share黎食啱啱好🥰😋。

今日放假,出左CWB行街之後搵食,搵到一間幾多野食既CAFE試下有咩特色先再同大家介紹下套餐包意粉 小食(加錢升級) 咖啡或茶忌廉汁蜆肉意粉 金蒜牛油包條 奶泡咖啡忌廉汁煮意粉 每條粉都吸滿忌廉湯汁 仲有洋蔥既甜味 蜆肉鮮味 蜆去沙乾淨 份量都有十幾隻 蜆肉夠大隻夠鮮甜 意粉夠彈牙煙韌脆牛油包條 香草加牛油焗到黃金色,又脆又香口 單食都好夠味咖啡就一般 奶味偏濃 可能奶泡多了一點 但味道不差消費$120評分8/10銅鑼灣軒尼詩道489號銅鑼灣廣場一期2樓202-203號舖

尼間相信系好多香港人童年餐廳， 同仙跡岩同一時期既競爭對手。今次我地行完山決定補充翻d卡路里就到訪左尼間餐廳。🍖西冷牛扒 配薯菜 $148上到枱真系好吸引，7成熟剛剛好。牛肉味濃郁，肉依然好嫩。有一層肥膏，太邪惡所以就無食到。筋好少。配上黑椒汁，十分惹味。薯角好香脆，分量都好足，成份餐系好飽！🍸🍷飲品方面選擇左檸檬紅茶同檸檬綠茶 少甜。兩樣都好好飲，好清涼，甜度剛剛好。比起手搖飲品更加好飲。😋😋UMAI: 6/10

I had visited RB Tea twice before for desserts, but this time, the mains were quite disappointing. RB Tea's desserts, such as their pancakes and waffles, are delicious, with big portions at a good price. However, their mains contrasted their desserts.The day I went was a public holiday, so there was no lunch menu, but there was an all day menu. The service was not too good, as the staff were not very enthusiastic. We raised our hands for around 5 minutes to ask whether there was a lunch menu tha