RED HOUSE

营业中

休息中

自從圍方開咗之後大圍啲人流好似都去晒果邊咁，晚飯時間每間都排晒長龍，於是就去咗試依間望落有啲似普通茶記嘅餐廳門口招牌寫住Since 2022，唔睇真啲會以為係老字號餐廳好頂癮啊XD MENU款式好多，由西餐、泰國菜甚至乎其他東南亞嘅菜式都有比想像中再多元化室內裝修有好靚嘅燈 叫咗男朋友最愛嘅溫泉蛋卡邦尼意粉 $78 好足料!! 睇相都見到芝士同埋煙肉都比好多，超滿足個醬好creamy但又唔會太渴撻撻好好食啊 冬陰公海鮮炒公仔麵 $75 比較少見到嘅組合冬陰公湯就飲得多，炒公仔麵都食唔少，但兩樣加埋真係第一次見個賣相都唔錯，海鮮以依個價都算係咁，有蝦、魷魚、青口公仔麵炒得啱啱好，唔會太乾身又唔係太淋好惹味好香口，唔係好辣但對我嚟講就啱啱好佢好好食，但無咩冬陰公味XDDD有小小可惜不過以炒公仔麵嚟講好好食!

去大圍新商場圓方行街，午市實在太旺，商場度度都要排隊，就走出嚟食呢一間西餐茶記。整體其實唔差，不過始終係茶記，衛生方面就會差少少。自己用熱水洗一洗啲餐具，都冇乜嘢大問題。食物味道同質素都唔錯，推介如下：- 芝士安格斯牛肉漢堡， 牛肉煎得好香脆，好Juicy- 蟹肉明太子寬面都係好濃郁好香- 焗牛舌飯好抵食好大份，而且味道唔錯- 配套餐既薯蓉好好食- 海南雞飯，算係滑，但係個醬汁一般般午市同晚市都幫襯過，如果一人3至4人坐卡位就比較舒服，一個人要預左同人哋搭枱。

嗌外賣嘅時候，櫃檯同事自己聽唔清楚，發憫憎。態度極差。已經食過第二次，第一次發憫憎以為同事因為忙所以有少少情緒，認為可以接受，但第二次都係咁。本認為食品質素不錯，但同事嘅態度確實影響客人。

今日獨腳嚟到大圍，想搵一間好食嘅早餐，本身就諗住去紅茶，但又想試新嘢。結果行咗陣就選擇咗呢間red house因為佢夾左係紅茶同王牌既中間，老實講兩間都唔錯，佢能夠係呢兩間中間一定都有d料叫左個沙嗲牛麵餐，麵質煮得啱啱好，沙嗲牛肉都唔錯，湯底有質感個餐配一份炒蛋，多士，個炒蛋擺得有心機，雖然未到話超好食，但10分都有7分。多輕就普普通通啦，正常既發揮飲品我叫左即磨咖啡，都係正常既，唔會話到好好飲，但算係咁整體體驗係唔錯，坐得舒服，價錢ok,可以再來

中午同frd一齊去，本來諗住揾一間位置坐得舒服啲嘅餐廳。點知，食完之後，一個下晝開始肚唔舒服，一個夜晚開始肚唔舒服。雖然個炒飯麻麻地，不過沙律都算ok. 唔知係因為菠菜唔乾淨，定係食完沙律和炒飯之後飲咖啡令到肚唔舒服。總之，體驗有啲唔好。不過，服務員嘅態度都算ok嘅。雖然都知道，出邊食嘢都唔會乾淨到邊。不過，請朋友食飯，令佢覺得唔舒服，始終都非常尷尬。唯有下次小心啲了，可能係我哋體質嘅問題？太脆弱了，應付唔到出邊美食嘅挑戰。總之，大家小心啲啦！Anyway, 希望香港餐飲質素越來越好。

以為佢係普通港式餐廳，但睇menu又有沙律，又有漢堡，又有意粉，又有牛扒。另一邊仲有東南亞菜添😀 一心諗住試伏，但係！！令我哋失望了！因為好好食😃 好驚喜👍🏻招牌泰式海南雞飯🐔 $68隻碟已經好泰國～ 份量適中唔算少，雞好滑！個飯仲要係椰香飯😍 好正！炙燒豬頸肉🐷 $68又係大大碟，仲要有芫荽伴碟😆 加分！肉質鮮嫩，好香👍🏻 估唔到呢度會食到呢個質素。下次喺大圍掛住泰國可以來 RED HOUSE🐒溫泉蛋凱撒沙律🥗 $68上碟個樣一D都唔差啦！又係大大碟，好足料。好多麵包脆脆，好多芝士，菜好新鮮！真係當正餐都得！

叫左個是日午餐 - L2 煎雞排, 黑椒汁另上 (是日午餐似定期會轉款的)D餸相當有誠意, 我叫左 煎雞排, 配薯角, 烤番茄, 長西蘭花, 凍檸茶 - 煎雞排, 有份量, 有肉感, 煎得香脆- 薯角, 有份量, 熱辣辣, 香口- 烤番茄, 一塊厚的, 拳頭咁大, 熱的, 新鮮的- 長西蘭花, 也是熱的, 唔係hea 食客放2條凍既純粹作點綴個d- 凍檸茶, 好飲, 不會好酸/好gip/無味, 味道岩岩好總括而言, 我認為很讚, 很有誠意

咁岩經過大圍見到呢間新開餐廳咁多人排隊就試下，環境同一般餐廳分別唔大，店員安排左我地坐卡位，都好舒適，同埋食物類型都多元化，有西餐、泰國菜等等。美式豬肋骨配薯容、蒜香炒雜菜🐷🐖🥬午餐黎講性價比算唔錯，有肉有菜，兩個女仔share都夠晒飽，上枱個陣仲熱辣辣的，夠晒juice，睇得出佢地都有放心機芝士鮮茄焗牛脷飯🐂🍅好唔錯既焗飯配搭，濃濃芝士香，份量都好足，同連鎖餐廳既焗飯都有一段距離，都算用心制作

經過大圍，見門面ok咪諗住試吓，點左2個常餐2，瑞士汁雞翼撈麵凍咖啡，未飲過淡如清水嘅咖啡😑凍檸茶，味道係生水味🤢6隻雞翼，4隻係刺身上🤮🤢面熟內骨位置係生嘅，安慰自己，一定係慢煮嘅，但咬開第二、三隻都係咁，就知真係奶曬嘢！同店員講完，冇反應，睇埋啲comments，終於知道點解佢哋處變不驚😥店員妹妹同廚房及收銀講完，都係冇反應，之後店員妹妹直頭去左另一邊打烊位置執叉，冇再有店員返過嚟。

有次放飯, 同事嚟買外賣, 叫左冬陰功炒公仔麵, 冬陰功湯麵, 2 樣都ok, 出餐都算快, 等左10零分鐘就拎得. 今次試晚餐. 試下招牌海南雞飯, 完全對唔住"招牌" 呢個名, 成個餐牌得呢一個叫招牌, 點知都中伏, d 雞又鞋, 油飯乾爭爭. 係得泰式醬幾好食另一個菠蘿炒飯，仲離譜, 差唔多半個鐘先來, 當晚一半入座率. 餐廳環境 : 成地垃圾, 張凳又有食物殘渣總結: :估唔到食晏 同夜晚爭咁遠, 如果唔係近地鐵站, 應該唔會入黎.......

叫咗個常餐，沙嗲牛肉麵配火腿奄列·牛肉包，熱咖啡。一上個牛肉包，唔係化，油到咁，食咗佢肯定乜都超標，問侍應，係咁油的嗎？佢話係呀，來貨係咁，你下次叫方包，我心諗，一來無諗過會油到咁，我係比個餐有牛角包吸引入嚟食，二來個餐牌寫牛角包，無寫話可以改其他，唯有無下次啦。

早餐食物尚算不錯，但是佢哋杯奶茶有漂白水味，懷疑個杯不清潔，之前佢哋試過用紙杯，奶茶味道正常，但一用膠杯奶茶味道就混合漂白水味非常之難飲🤮希望有關方面睇到呢個貼文能夠加以改善！

開業短短幾個月已經黎左三次食晚飯，每次都感嘆食物嘅優秀，同埋對負評之多感到詫異🫢可能時段不同，但三次晚餐的經驗都非常滿意！👍安格斯牛肉漢堡連薯條及飲品 $88走訪沙田區其他漢堡店，閒閒地剩係個burger都九十幾，說實在係咪值得就見仁見智，實際上真係好食嘅唔係好多間。red house嘅burger漢堡厚身，不過熟，屬於比較少肥紮實多肉味的類型💦，配上頗豐富的配料：chaddar cheese🧀️、煙肉🥓、番茄🍅、pickle、沙律菜🥬，夾在牛油烘過的麵包之間，口感豐富，滋味非常。伴碟薯條以barbecue seasoning調味，比普通鹽巴薯條更有煙燻風味。香葉肉碎煎蛋飯 $70肉碎與豆角先走油再翻炒，魚露味道香濃，加上香葉與辣椒調味及半熟簡單，配上香米味道一流。區內大部分平價晚餐約$50-70都可以落樓，相對而言70蚊的飯，88蚊的漢堡套餐確實唔算最便宜。但red house本身座位舒適，食物處理細心而味道豐富，份量十足，本來就走小精緻但affordable的餐廳路線，而唔係得個平字，已經漸漸成為我放工後飯堂之選。希望慢慢經營會越來越受歡迎，但都唔好太受歡迎，唔想夜晚放工去食飯要排隊

Weekend中午咁啱去咗呢間餐廳，餐廳應該新開無耐，第一次去，感覺唔差！一入去第一感覺餐廳的裝修環境不錯，帶啲懷舊氣息，坐得舒服。食物方面種類都幾多，我叫咗香橙燒汁慢煮雞胸同凍奶茶，味道中規中矩，對得起價錢。🌟 香橙燒汁慢煮雞胸 $78 雞胸肉未算有慢煮效果嘅嫰滑多汁，但都唔算鞋口， 香產燒汁調味感覺幾fresh，同雞胸肉幾夾， 用嚟點配菜嘅暑假同西蘭花多幾好味。 整體而言，唔算太鹹， 又唔肥膩，喺高蛋白質嘅健康之選👍呢間新嘅餐廳係同區嚟講算係比較出色！可以再去！

Red House​📍大圍村南道41-51號泰安樓地下A號舖(東鐵大圍站A出口對面）​👉🏻👉🏻menu​泰式菠蘿海鮮炒飯 $72用呢隻碟上（當下感覺好似餵狗飯）就以為碟飯有過人之處，所以咁串……Lunch 72蚊得一碟炒飯，冇野飲，食物質素一般，呢個炒飯偏乾，飯粒硬😐唔掂​（評分：5杯☕️最高分）食物：☕️☕️環境：☕️☕️☕☕️CP值：☕️72蚊lunch，仲要唔好食，好唔gur服務：☕️☕️☕️️️️️️️️️️️️姐姐叫我等一陣（都有3/4個侍應，唔會唔夠人手）點知等左5分鐘先幫我落單​✨會再幫襯? 唔會，服務唔得，野食唔抵，食物質素一般​