RED HOUSE

营业中

休息中

開業短短幾個月已經黎左三次食晚飯，每次都感嘆食物嘅優秀，同埋對負評之多感到詫異🫢可能時段不同，但三次晚餐的經驗都非常滿意！👍安格斯牛肉漢堡連薯條及飲品 $88走訪沙田區其他漢堡店，閒閒地剩係個burger都九十幾，說實在係咪值得就見仁見智，實際上真係好食嘅唔係好多間。red house嘅burger漢堡厚身，不過熟，屬於比較少肥紮實多肉味的類型💦，配上頗豐富的配料：chaddar cheese🧀️、煙肉🥓、番茄🍅、pickle、沙律菜🥬，夾在牛油烘過的麵包之間，口感豐富，滋味非常。伴碟薯條以barbecue seasoning調味，比普通鹽巴薯條更有煙燻風味。香葉肉碎煎蛋飯 $70肉碎與豆角先走油再翻炒，魚露味道香濃，加上香葉與辣椒調味及半熟簡單，配上香米味道一流。區內大部分平價晚餐約$50-70都可以落樓，相對而言70蚊的飯，88蚊的漢堡套餐確實唔算最便宜。但red house本身座位舒適，食物處理細心而味道豐富，份量十足，本來就走小精緻但affordable的餐廳路線，而唔係得個平字，已經漸漸成為我放工後飯堂之選。希望慢慢經營會越來越受歡迎，但都唔好太受歡迎，唔想夜晚放工去食飯要排隊

Weekend中午咁啱去咗呢間餐廳，餐廳應該新開無耐，第一次去，感覺唔差！一入去第一感覺餐廳的裝修環境不錯，帶啲懷舊氣息，坐得舒服。食物方面種類都幾多，我叫咗香橙燒汁慢煮雞胸同凍奶茶，味道中規中矩，對得起價錢。🌟 香橙燒汁慢煮雞胸 $78 雞胸肉未算有慢煮效果嘅嫰滑多汁，但都唔算鞋口， 香產燒汁調味感覺幾fresh，同雞胸肉幾夾， 用嚟點配菜嘅暑假同西蘭花多幾好味。 整體而言，唔算太鹹， 又唔肥膩，喺高蛋白質嘅健康之選👍呢間新嘅餐廳係同區嚟講算係比較出色！可以再去！

Red House​📍大圍村南道41-51號泰安樓地下A號舖(東鐵大圍站A出口對面）​👉🏻👉🏻menu​泰式菠蘿海鮮炒飯 $72用呢隻碟上（當下感覺好似餵狗飯）就以為碟飯有過人之處，所以咁串……Lunch 72蚊得一碟炒飯，冇野飲，食物質素一般，呢個炒飯偏乾，飯粒硬😐唔掂​（評分：5杯☕️最高分）食物：☕️☕️環境：☕️☕️☕☕️CP值：☕️72蚊lunch，仲要唔好食，好唔gur服務：☕️☕️☕️️️️️️️️️️️️姐姐叫我等一陣（都有3/4個侍應，唔會唔夠人手）點知等左5分鐘先幫我落單​✨會再幫襯? 唔會，服務唔得，野食唔抵，食物質素一般​

叫做大圍新開餐廳，平時比較多人排，因為咁啱經過見冇人排隊，所以去試下喺外面睇咗一陣餐牌，價錢相對其他大圍餐廳偏貴少少，亦都有西餐，有扒食，諗住新開點都試吓啦時間：星期日下午1:30左右叫咗個泰式豬頸肉炒河除咗闊河粉，隻碟有少少泰國風味之外，一啲泰式味道都冇，如果就咁叫豬頸肉炒河，會貼切啲味道又偏淡，仲要$75 ，飲品另加$9茶餐廳都係叫返港式嘢好咁嘅價錢，去泰國餐廳食好唔好？金曼谷都先$46，飲品加$4仲有thai tea

最難食嘅豬扒包，麵包淋嘅，個麵包質素咁差，焗吓都慳返，塊豬扒白色嘅，唔知用咩嘢煮熟先有咁嘅質素，總之係難食。乜嘢原因？好地地一間餐廳，整啲咁嘅嘢出嚟！放棄顧客定放棄生意呢？環境尚算舒適，衛生處理得好好，員工服務態度都好好，想掉位都立即安排，又冇乜黑面，態度幾好。餐廳位置超好，係咪風問題導致每一次喺依個位嘅餐廳都10分難食，初初開嘅時候品質ok，點解咁基本、咁簡單嘅食物都搞到咁樣嘅出品。根本係咁定係下午茶套餐問題呢？

忽然想食海南雞飯，行過呢間餐廳，見到招牌寫住招牌泰式海南雞飯、仲有其他泰式飯，於是入去試吓，有卡位坐幾好，order 完5分鐘即刻有得食，味道不錯。另外叫咗一個香葉肉碎煎蛋飯，肉碎剛剛炒好，熱辣辣的👍🏻👍🏻。凍檸茶、凍華田都👍🏻👍🏻

今天早上吃完早餐，拿著單及八達通去收銀處。前面有位男士俾完現金到我，我放下單，拿著八達通等拍咭。這時，收銀姐姐對我講你俾八達通應出聲。如這是餐廳規定，請餐廳在收銀處如小巴般張貼告示要求客人八達通付款要揚聲。食物質素一般，服務態度欠佳。😒

這間大圍 red house的服務非常差，因為只要到了晚餐時段食客要等待比較長的時間才能進入用膳而且只有很少員工可以幫食客下單同時也要等待很長的時間才能可以品嘗美食和飲品，不過有員工在工作期間和其他員工交談並沒有理會客人的要求和指示要其他員工安撫客人的情緒亦也有同事在客人的背後詅他們的壞話多數是指客人品嚐美食的時候不盡量控制美食的垃圾碎飛到處飄落經常令到負責清潔餐廳地面的同事抱怨

經過上次早餐唔好食一役，今次試佢個晚餐～不過唔好意思先，有嘢做晏咗先食晚餐我落單嗰陣已經係21:15。距離截單時間仲有15分鐘🙇🏻‍♂️🙇🏻‍♂️🙇🏻‍♂️我自己就叫咗 ，芝士安格斯漢堡，同行叫咗紐西蘭牛肉眼，XO醬烤帶子茄子扁意粉，👅牛扒同碟意粉我都有試嘅。先講紐西蘭牛肉眼～因為小朋友食所以叫咗7成熟，肉質嫩滑，有牛味，控火做得好好一讚，牛扒下有薯蓉及雜菇兩者正常發揮。第二樣XO醬烤帶子茄子扁意粉～味道OK，帶子正常，茄子略嫌偏乾，意粉軟硬度一流，係真正嘅意粉硬度。最後係我自己嘅芝士安格斯漢堡，薯條啱啱炸起，熱辣辣外脆內軟，佢有啲味耍左起面，有啲孜然粉味道，超正！個漢堡包個包熱嘅，一啖咬落去漢堡夠Juice，配菜蕃茄同生菜，超新鮮，淨係睇個漢堡包都覺得佢哋好用心機！後話：第二朝我再去食個早餐，完全回復返我第一次食嗰陣時嘅質素，牛角包夠溫度冇油淋淋，薯餅脆口乾淨利落！炒嫩蛋，冇再重手味道啱啱好。好可能第二次真係佢哋失手。希望佢哋保持依個味道，同埋做菜嘅心機！加油～戴返頭盔先，我覺得好唔好食≠你覺得好唔好食，好唔好食因人而異。

禮拜六放假，又有啲口痕想下晝鋸下扒，見到間新開有啲人排隊嘅西餐廳就入嚟試下。啲嘢都有驚喜，下午茶嚟講份量啱啱好😊頭盤嚟個refreshing嘅大啡菇，有啲番茄牛油果喺面，牛油果口感幾好唔會太生碟意粉一嚟到就覺得賣相唔錯，溫泉蛋有濃郁蛋香得嚟又唔腥，意粉煙韌啱曬我，十分推介。個主角牛扒肉質鮮嫩，特別要讚下個薯蓉超級creamy有奶香，搞到我爭啲食咗啖先記得影相😝

如圖，泡沫咖啡無泡，我打過去店舖問係咪比錯普通咖啡，佢竟然答我因為我擺得耐，所以啲泡冇晒，佢話杯咖啡係咁，我企喺門口等佢攞外賣，返到公司5分鐘路程，何況我唔係冇飲開咖啡，真心當我傻仔，平時普通嘅泡沫咖啡放半個鐘都仲有泡，我仲要特登加$15，見到真係好嬲，仲要好難飲，仲衰過普通茶記嘅咖啡，本身都係抱住試吓嘅心情，唔知咁差，後尾佢仲同我講，下次過嚟堂食就會有泡，成件事講到係我嘅問題，大佬咁樣仲點夠膽再去食？真心好過分，一朝早咩心情都冇晒！當時佢仲未開OpenRice，一開我即刻要打評論鍾意飲咖啡嘅，千祈唔好加錢！同事話沙嗲牛肉麵幾好食，係杯嘢飲好差全日早餐好細份加貴，味道好普通！

近期唔知點解幾間舖頭都係咁，係我咁啱咁橋第一次食就好味？食第二次就出事🤦🏻‍♂️。今日放假身痕早早出去大圍食上次新開唔錯嘅RedHouse，今日要等咗一陣幾分鐘先有位。不過今次真係瀨晒嘢😫今日叫咗個早餐G~蒜香雞扒，嫩滑炒蛋，薯餅，香草豬肉腸配牛角包+凍齋啡走甜。蒜香雞扒 ～ 煎耐左，鹹咗，同埋比預期油～嫩滑炒蛋 ～ 師傅今日好重手，鹹！薯餅 ～ 勁油，同上次嗰個脆而不油完全兩碼子事，我咬落去一口油。應該就唔係雞扒油漏左過去，因為面都油香草豬肉腸 ～ 正常發揮牛角包 ～ 今日嘅偏軟同油，同上次乾身挺身同熱嘅，完全唔同。個凍齋啡都算正常。後話～究竟今日係有廚房放假？定上次我咁岩咁橋咁好彩？廚房唔穩定好難留到客，我會去試多一次，希望佢哋水準唔會跌。～今餐我仲有一個雪菜肉絲通，雪菜肉絲佢哋應該係自己炒，👅我試咗幾啖，但係今日偏辣，但我ok嘅仲覺得唔錯。本身今次打算負，但因為依個雪菜，放番店舖去OK，待下次～戴返頭盔先，我覺得好唔好食≠你覺得好唔好食，好唔好食因人而異。

今日叫咗兩個早餐，一個係芝士火腿三文治，跟熱奶茶，都大份嘅，味道可以，另一個系吉列魚柳配嫩滑炒蛋、香草豬肉腸、薯餅、牛角包，都係跟熱奶茶，味道OK，但係件魚柳就醃得太鹹

開張第一二日，排咗大約10分鐘就安排入座一個人預咗要搭枱，被安排到近收銀走廊位，人來人往，一個女仔攬住個環保袋甘坐，真係有d舒服。叫左個B餐沙嗲牛麵配炒蛋牛角包上菜5分鐘就到。個牛角包幾好食最衰係唔熱又唔暖，個溫度差d，熱食更加好沙嗲牛麵正常唔算好濃既味So far $40都OK，同附近餐廳價錢差不多但食到牛角包🥐+1分

咁啱星期五放假一早就同老婆出去大圍搵食，咁啱見到一間新店，八卦過喺附近住嘅朋友原來開咗個零星期，見佢入面差不多坐滿人，走入去試吓，店員殷勤，我哋叫咗以下：早餐F~ 吉列魚柳，嫩滑炒蛋，香草豬肉腸配牛角包 凍齋啡走甜早餐C ~ 懷舊雪菜肉碎湯米，嫩滑炒蛋配牛角包先講F餐 ～魚柳～雖然係鯰魚柳(應該冇食錯掛)，但係味道唔錯調味好好，外層炸得鬆脆，入面好嫩滑，唔會油淋淋。～薯角～應該係叫貨但係炸得好，咬落去乾淨俐落，外層夠乾身入面Juice，唔會食到一口油。～炒嫩蛋～OK嘅有蛋味有層次，唔似外間啲炒蛋死估估～個牛角包都唔錯，控溫控質做得好好(唔知係唔係叫貨) ～香草豬肉腸～ 正常發揮根據依個F餐黎講～佢哋炸嘢控油同埋控溫做得十分之好 $60絕對物超所值，Ps 凍飲仲唔使加錢好勒到C餐～雪菜肉碎湯米～真心似以前茶餐廳食嗰個雪菜肉絲米嘅味道，👅先，呢個只係食咗一兩啖，個米粉軟硬適中，雪菜味道唔會太過搶，都係唔錯嘅選擇$40又係超值之選總括而言依間店舖絕對可以再次encore！