Red MR (謝斐道)

营业中

休息中

已經來過幾次，好似每次d食物都有進步，來呢到主因係近同d野食幾好食，坐得舒服可以打下卡，唔會好似CEO咁d房有陣味，個人覺得都比較乾淨好多，唯一唔好係d歌係無CEO禁多😅真係睇你想要野食定歌

好幾年冇唱k 忽然想去唱以前去開果期都幾鍾意去red mr 因為唔收入場費只收最低消費平時都會食野飲酒 所以抵過去neway先聲明我都好幾年冇去neway 所以唔知宜家個neway 點 所以冇得用現況去比較訂左位4人去 7點半到1點交房要1800最低消費一係就人頭3舊內唱2個半鐘咁我地係揀1800低消（加一另計）一去到見到間房真係what the fantastic 成間板間房咁細到爆炸 中間一張大枱要行都好困難四個人坐低擺埋兩個斜孭袋已經剛剛好開門都要就住張枱同個人既位 要就岩個位先可以出入D牆黑色一噠噠 得兩枝痴哂膠紙痴立立既咪跟住d音響有問題冇乜聲搞左兩次最後安排轉房 前後冇留意花幾多時間應該大概半個鐘到（因為最後補番半個鐘 1點半cut 歌）轉左間房真係大左好多 梳化後面有個小小平台擺袋坐左四個人之後大概仲有一個人位淨真係地獄同天堂既分別 咁大間四人房真係疫情前見唔到歌要乜冇乜 野食正常 啤酒正常用電話控制cut 歌超級慢 完左隻歌都未cut到仲要cut 埋下一隻歌可能我部15 pro max256gb 太廢所以咁慢成日要行出行入去cut 因為panal 前冇可能放櫈點歌唔用電

𝙍𝙚𝙙 𝙈𝙍全新情感主題 期間限定麻辣主題食物平時都覺得唱K啲食物質素麻麻 但係今次麻辣系列真係超香超麻食完又唔會爛聲(⁎⁍̴̛ᴗ⁍̴̛⁎)仲有情感𝘼𝙏𝙈主題 可以投放情感存摺於𝘼𝙏𝙈內 𝙗𝙖𝙘𝙠𝙙𝙧𝙤𝙥都值得打卡٩(˃̶͈̀௰˂̶͈́)وꕀ 酸辣米線 $𝟴𝟮超驚喜 係又麻又辣又帶少少酸既米線 啱晒鍾意食辣嘅你有麵豉醬 花生碎配肉醬 有啲擔擔麵嘅𝙛𝙚𝙚𝙡 完全唔係出邊普通酸辣米線 好特別(˶‾᷄ ⁻̫ ‾᷅˵)ꕀ 辣子雞軟骨 $𝟴𝟴超香口又炸得脆 同朋友食食下就冇晒同出邊嘅辣子雞有啲類同但係超多粒 幾抵食！ꕀ 孜然羊扒 $𝟳𝟴 原本對羊扒真係冇乜期望 但係呢度啲羊扒煎得超香 肉質鮮嫩 仲要唔乾(⁎⁍̴̛ᴗ⁍̴̛⁎) 完全可以媲美西餐廳！ꕀ 風味涼拌 $𝟲𝟴涼拌有唔同嘅配料 有蓮藕片 枝竹 雲耳 豆干 有啲似平時食四川菜 又凍又辣既前菜 酸酸辣辣幾開胃٩(˃̶͈̀௰˂̶͈́)وꕀ 麻辣串串香 $𝟭𝟬𝟴有十串串燒 超鍾意食豆卜串 浸到好夠辣不過個人覺得唔係成個𝙢𝙚𝙣𝙪 最辣 所以未係最搶口ꕀ 烤生蠔 $𝟭𝟬𝟴上面鋪咗少少辣粉 味道唔錯幾香口 不過略嫌有少少細隻ಥ_ಥꕀ 說走就酒 $𝟭𝟮𝟴ꕀ 忘情水 $𝟭𝟯𝟴ꕀ 爆打系列飲品 $𝟱𝟴

人生不如意事十常八九，如果問小編失戀嘅時候想做啲咩？大概想飲酒、食辣嘢宣洩情感！！日前同朋友仔去咗RedMR唱K，發現有部ATM機，小編心諗咁啱要㩒錢就行去睇睇，點知呢部ATM錢就冇得㩒，但就可以食「存摺」😆若有朋友仔覺得呢排係情感上透唔到氣，想同人傾訴，想發洩情緒，可以係「感情存摺」上面寫底內容，再投落呢部「情感ATM」機，之後有機會轉發到RedMR嘅社交平台，並可能由神秘嘉賓幫你讀出內容，最後揀返隻啱心水嘅歌轉贈俾你💪🏽由即日起，失戀去RedMR除咗唱心碎情歌，依家仲有得order限定麻辣風味嘢食，有爆打檸檬茶同特調cocktail飲，實行飲飽食酒，盡情發泄。如果前度係渣男就唔好返轉頭啦，舊嘅唔走，新嘅點嚟？回復單身就去好好慶祝下啦🥳🥳∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 三大麻香推介૪ 脫胎換骨 $78૪ 對Crush 念念不忘 $72/1૪ Say No To 渣渣串串貢 $98脫胎換骨嘅辣子雞軟骨，酥脆爽口惹味孜然去烤嚟自紐西蘭嘅頂級羊扒，肉質軟腍易咬開，真係令人念念不忘麻辣串串鍋一共有10串，串中唔同款，魚蛋味鮮彈牙；

今日去Redmr食嘢唱k，試咗一份海膽醬軟殼蟹意粉，仲有羅宋湯同凍檸檬茶。呢道菜式真係好好味啊！意粉煮得啱啱好，彈牙啲，海膽醬味道濃郁，每啖都食到海膽嘅鮮味。軟殼蟹肉質鮮美，加上意粉一齊食，口感十足。羅宋湯味道濃郁，裡頭嘅蔬菜同肉類煮得好啱口，好好味。凍檸檬茶好清爽，同埋唔會太甜，係一個好好嘅飲品。整體而言，呢道菜式非常適合喺K房食，可以同朋友一齊分享，增進感情。如果你係鍾意海鮮同意粉嘅人，呢道海膽醬軟殼蟹意粉一定唔會令你失望。而且，呢道菜式嘅份量都好啱，可以滿足你嘅食欲。不過，如果你唔鍾意海膽味道嘅話，可能唔啱你口味。總括而言，呢道菜式係一個非常值得推薦嘅選擇，而且價錢亦都好合理。如果你有機會去，記得試下啦！

好crazy 呢間銅鑼灣redmr 同 唔知咩cosmos 合作(?)二人房入到去好似西餐咁張台擺左入去無咩其他位好似食cafe 多過唱k係搞笑既surprised （張雲石枱幾靚）12:30-3pm野食收貨🫡

好耐無唱k其實雖然重點係唱歌但一邊唱一邊飲嘢食嘢都好緊要如果講食物質素真係點都會揀RedMR 多過另外一間炸雞軟骨炸雞翼炸雞塊炸薯條燒雞泡魚乾呢類口立濕就成為左最佳唱k小吃啦

係依度唱K雖然每個時段都有唔同最低消費但d消費可以用來食野飲野有得食又有得大展歌喉不過隔音設備麻麻食物方面都算ok當然價錢相對普通場合偏貴爐端燒拼盤 $168送到來房時仲熱食物唔算差燒嘅火喉控制得好唔會又老又干歌曲方面算多選擇新歌舊歌有齊晒岩晒唔同年齡層依架香港唱k地方真係少之又少

今日跑完10km馬拉松❤️ 就即刻去左Red Mr. 唱K 真心我真係幾鍾意Red Mr. 啲野食 真心高質 Happy Hour時段星期日1個人只要叫169蚊野食就可以唱3個鐘K 我覺得對於高質既美食加3個鐘唱K其實都幾抵🤪🍽️ 燒美國西冷牛扒 薯條 燒汁 $168優質既可以比你選幾多成熟 識食緊係medium😎 真係粉紅嫩肉仲要有濃厚牛味❤️ 油脂分佈既部位都好平均 真心覺抵食🤪🍕 黑松露野菌薄餅 $78好多🧀芝士拉絲口感極足 再搭配黑松露蘑菇既味道感覺好棒 雖然有啲細份 但味道想當出色 餅底焗得剛剛好之後叫左好多杯野飲🥤 啲野飲杯杯都好出色👍 特別推薦🥤Oreo曲奇朱古力沙冰曲奇餅碎浸到成杯朱古力都係🥤檸檬柑桔沙冰港式檸檬茶再加沙冰嘅飲品 清新甘甜推薦程度 🌟🌟🌟🌟🌠

前排同朋友走咗去唱k, 好耐冇唱認真超懷念本身以為happy hour 無野食, 原來宜家可以嗌反total價錢嘅野食換言之係食野送唱k, 咁又幾抵喎<炸物拼盤>炸物拼盤份量都幾多, 但一半係薯條, 其餘係少量嘅炸雞翼、炸魚同炸春卷, 非常香口熱氣<爐端燒拼盤>爐端燒拼盤都唔錯, 上枱時仲係熱嘅雞翼同脆玉瓜都好好食雞翼濃濃地, 少少鹽調味, 簡單好食脆玉瓜水份飽滿, 亦都唔錯<香蒜牛油焗野菌>香蒜牛油焗野菌充滿牛油香, 但味道有啲淡, 一般

Staycation去到悶，嚟返個Steakation都唔錯🥩 一路歎扒一路唱k🎤 連mirror同error嘅歌都有得唱㗎😙$208就有齊前菜、湯、10安士穀飼肉眼扒、free flow薯條、甜品、飲品。肉眼扒夠哂tender，10安士大大塊，連埋Gravy食更帶出肉香🤤 掛住食直情唔記得要唱歌😂 薯條應該係即叫即炸，每次refill都熱辣辣、脆卜卜🍟唔食牛嘅話，dinner set亦有其他選擇，試咗個加拿大豬鞍都好有質素，肉厚但一啲都唔柴💁🏻‍♀️如果你鍾意睇我嘅食評，不妨關注我，支持吓我，謝謝你☺️💕

今日同朋友出去銅鑼灣行街，行到累想搵個地方晚餐, 去了Red MR唱K食牛扒, 牛扒餐好juicy性價比高, Steakcation set包任添薯條/任食薯條, 員工態度好親切, K房好舒適, very good!

今天晚上在銅鑼灣兆安廣場2樓REDMR聚會 坐得好舒服 好好service 又夠乾淨Steakcation Dinner set牛扒肉質嫩香得來不會太膩肥瘦均勻 包任食薯條 晚餐有free flow drinks package+$68 non-alc drinks/+$98 alc drinks價錢都十分吸引值得再次光顧

今晚同朋友去了位於銅鑼灣兆安廣場2樓REDMR唱K,晚餐點了Steakcation Dinner set,,除了牛扒好juicy,大大塊外,價錢$208性價比高,絕對值得推介, Steakcation set跟任食薯條,薯條都好好食,另外還order 左 free flow drinks package+$68 non-alc drinks/+$98 alc drinks,值得一試K房環境空間大夠舒適,唱K音響一流，歌曲選擇多，洗手間都十分乾淨,員工態度亦有禮貌,值得一讚,絕對會再次光顧

今晚去了位於銅鑼灣兆安廣場2樓Redmr,點了Steakcation Dinner set,發現萬分驚喜,除了牛扒好juicy,大大塊外,價錢$208性價比高,絕對值得推介, Steakcation set跟任食薯條,薯條都好好食,自己order了2次,另外晚餐有free flow drinks package+$68 non-alc drinks/+$98 alc drinks,亦都可以一試K房環境亦都係一大加分點:夠舒適,空間大,洗手間都十分乾淨,員工態度有禮貌,,亦是值得一讚,絕對會再次光顧