Red Rice 米飯主題餐廳 (億利工業中心)

营业中

休息中

話說嗰日喺荔枝角搵食，行經D2 Place Two, 對面街有間好紅嘅餐廳，好奇之下走埋去睇吓，原來有蛋包飯食啊！於是我地就行入去幫襯下啦！餐牌上琳琅滿目，但係大多數都係米飯嘅菜式。有鐵板燒類，有蛋包飯、有焗飯、海南雞飯，啱曬一眾大飯筒啊！我地兩個都揀咗蛋包飯，估唔到佢個擺盤都幾精緻，用個長長嘅碟盛起，旁邊仲有些少沙律菜點綴住，而且啲菜係新鮮爽脆，唔係霉曬嗰種喎！我地揀咗炸魚同板燒雞扒兩份食，炸魚相對地較大塊，令人頗為驚喜。而且魚肉滑溜唔腥，亦都炸得香脆唔油膩，果然冇揀錯喎！

琴晚同個朋友諗住食完去附近睇戲跟住搵餐廳食，見到呢間舖頭價錢實惠公道，所以入去食，入到去裝潢都唔錯，有個比較大年紀嘅服務態度都唔錯，而且見到呢間原來蕭若元老闆開嘅，搵到間黃店感覺都唔錯，食物質素都OK，但之後令我失望嘅就係見到後來張單個員工漏加咗$20跟餐，有個比較後生啲嘅員工已經開始用不屑嘅眼神望住我，點知改完張單仲係錯，仲大聲呼喝我話我睇錯，幸好最後佢都知道張單錯咗之後改返，但比番張單之後都係冇講對唔住，令我對呢間餐廳留下壞印象，本身我有黃店一定支持，但呢間舖頭嗰啲員工，尤其是嗰個後生仔希望EQ、態度能夠改善！同埋真係唔明白點解個收銀位係個廚房隔離😓，坐喺近廚房嗰邊又驚行過去撞到出餐嗰啲員工，行到出門口唔見個收銀位又要U turn 返去，我覺得個設計好有問題.....

俾呢度既 Menu 吸引入黎，影到樣樣都大件夾抵食！好友叫個愛爾蘭 瘋狂辣肉醬熱狗加抹茶奶蓋Latte, 而我就叫左 意式肉醬意粉配溫泉旦加蝶豆花雪梨蜜愛玉飲品。兩個飲品賣相都好唔錯，尤其是蝶豆花，我當佢靚靚cocktail 咁影相呀！上面兩個食品同兩個飲品，絕對係水準之上，如果去同級茶餐廳，收我$110都唔過份，呢度埋單只需$77！可能我咁講係會令人懷疑，呢篇係鱔稿，因為堅離地抵，唔信既可以去試，試返我地同樣既食品同飲品啦，唔試既就真係蝕喇 😁

情人節同佳人行街街，未行之前就先去醫肚， 都好d2附近有間茶記聽講唔錯， 啱啱好冇人等位 ，就入去試試睇餐牌都有好多嘢揀喎，有啲選擇困難。最後家人點咗鰻魚蛋包鐵板飯，我就點咗海南雞飯，凍檸茶。 飲品好快到，飲一啖凍檸茶，茶味都唔錯。 無耐蛋包飯先到， 賣相很不錯很吸引， 熱辣辣蛋包飯上面有一條好大嘅鰻魚，早知我自己都叫， 家人話味道幾好喎。 跟住到我個海南雞飯， 雞肉看起來份量很少， 而且雞肉偏向單薄， 油飯份量也不多， 幸好我胃口不太大，總算夠食， 味道正常，雞肉都算滑。 整體上算合格啦。

👍🏻👍🏻👍🏻👍🏻👍🏻/5分💛Red Rice 米飯主題餐廳 (億利工業中心)荔枝角長沙灣道883號億利工業中心地下8號舖-板燒雞扒蛋包飯🥚哇個賣相都唔錯😋加蒜蓉汁同個雞扒好夾☺️個雞扒大過塊面😄同埋最正係個雞皮😆😆😆索曬d汁😆同埋個雞都超級滑😀個飯都幾好食有茄汁炒過可惜軟左dd😁個蛋炒得滑果然名不虛傳👍🏻不過真係好大份好飽啊啊-🚽(5🌟滿分)🌟🌟🌟估唔到lunchtime咁多人所以個🚽都唔乾淨🤧🤧不過佢都有足夠🧻🤣🤣🤣🤣

第一次光顧，點了鮮茄焗洋蔥豬扒飯和咖喱牛腩飯。焗豬扒飯：份量大得驚人，豬扒多，米飯也多，我們二人吃了這豬扒飯，結果完全沒碰咖喱牛腩飯的米飯。味道也不錯，醬汁酸酸甜甜的，令人食慾大增。咖喱牛腩飯：相比之下，這比較遜色。咖喱不夠辣，味道一般，分量方面，米飯很多，但牛腩只得三件，另有兩三件馬鈴薯。飲品方面，咖啡香濃，不錯。至於環境，雖然裝潢只是一般，但座闊落，坐得舒服。這兒的服務不錯，侍應有禮貌，有工作效率，要碗要調味料，很快送上。這店是自行到收銀處付款的，我第一次光顧，登記做了會員，對怎樣用優惠券不太熟悉，收錢的小妹子很樂意為我提供協助，笑容滿面的她很有禮貌，特別值得一讚。

最開心就係嚟荔枝角，度度都有好野食男朋友揀咗呢間，就係正億利工業中心地下，超方便嘅位置 板煎雞扒蛋包飯配意式茄汁 $53雞扒份量都好多，板煎香味都 ok；飯係紅色嘅，所以餐廳叫 red rice 😅 蕃茄汁炒飯底都幾好味嘅 👍🏻👍🏻原條炸魚柳蛋包飯配忌廉粟米汁 $55炸魚好食過雞扒 🤭 😂😂😂 因為脆口又香，厚條的確幾大吓😂 配埋粟米汁係好食嘅 兩個套餐都係配嘢飲，熱飲唔使加錢、凍飲加$3。餐廳係平時嘅茶餐廳咁，坐位相對比較迫，但衛生好好，服務都好好，侍應都有問有答👍🏻👍🏻 menu 有好多野食，有午餐、下午茶、通粉麵飯都有嘅 🤩

呢間餐廳對我來講又愛又悢。愛係因為它有d菜式好邪惡，聽個名已經好想食，就好似呢個三眼仔豬扒飯，係3隻太陽蛋！我唸好鍾意食煎蛋飯的人一定必嗌！加埋d葱油真係好香，口水都流。另外呢度竟然有經典谷古飲！咩係谷古？姐係Cocoa可可粉，唔係好多地方有得飲。而且呢度食野價錢唔貴，算係工廠區茶餐廳價錢。悢係我覺得食物質素每樣野都爭DD咁，姐係比上不足，比下有餘，不是質素十分好的餐廳。例如三眼仔飯個煎蛋生左D，豬扒又雪藏味重左D。下午茶個炸雞肶又係一般般咁。所以通常係經過想快食就會入來，但又唔會專登來食。

估不到這店有很多款下午茶及份量很足夠，價錢亦不貴，因第一次幫襯不知份量咁足，還加了6元加了份蕃茄通心粉。裹面有很入味的薯仔粒，蕃茄和紅蘿蔔粒，份量都不少，很好唻道蜜蜂烤雞扒All day套餐39元，再加凍檸茶。烤雞的面皮除了香脆外真的有蜜糖的味道，雞蛋又不老有滑嫩感覺，牛角包亦很好吃。飽肚抵食又豐富好味的下午茶

A long time ago, I ate at Red Rice. Not this branch but another one. Not really remembering why we never visited the other branches, we decided to come here for a late lunch as we wanted to explore this week's D2 Place market.As we made it riht when afternoon tea session started, we decided to order from that menu as it came with a drink. Afternoon tea menu is in Chinese only. However, a la carte menu is in English and Chinese. There is no 10% service charge.I had the grilled chicken with omuric

荔枝角人氣餐廳午餐時段超多人，兩個人嚟搵位都要排一排隊。快靚正，味道Good 豬扒蛋包飯用一隻勁長嘅碟上，賣相滿意，味道都好好。起初以為真係蛋包飯，原來係滑蛋蓋著啲飯。煎豬扒好香口軟腍，又夠多汁，再加個滑蛋相當好送飯。同埋有少少綠色嘅菜，感覺健康啲。焗豬扒意粉賣相無乜特別，普普通通一個焗意粉，但味道都ok.地方環境地方有啲迫，人又多，坐得無咁舒服。服務啲態度都ok，落單迅速，上食物都快。除左焗意粉係預先知會較耐。

今日去完D2 PLACE睇戲所以求其係附近搵野食, 順帶一提D2 PLACE睇戲真係好平, HK$45咋去左對面一間叫RED RICE食晚飯, 貪佢夠平我自己就挑戰左一款台式肉燥花膠鮑魚冬菇撈麵, 一定要試D奇怪野先有樂趣我朋友就試左一個好普通的鰻魚蛋包飯先講下我呢個撈麵, 本身無咩期望, 點知好驚喜份量都唔少架有兩大片花膠, 食落好有咬口好腍, 真心好好食, 唔理佢係乜野級數KE花膠啦, HK$62仲要包野飲想點丫仲有兩隻罐頭鮑魚, 幾好食, 不過一食就知係罐頭鮑魚仔冬菇都好大食, 好入味個麵先最驚喜, 好粗身好大條, 好有咬口, 又好入味, 有時D麵唔吸汁的, 汁還汁, 麵還麵, 但呢個好掛汁, 將D肉燥汁吸哂入去,  勁好食佢個肉燥都要讚下, 唔係一堆爛肉, 係一粒粒手切的肉丁, 好有咬口, 仲要好多好多, 絕對大滿足, 呢個麵真係以後都會成為我荔枝角必食之一到個鰻魚飯啦, 我試左幾淡, 唔想提了, 鰻魚係梅KE, 好難食, 呢碟野好伏, 又好咸, 糟糕, 非常糟糕一食就知個鰻魚係D大陸雪藏貨, 衰過超市D質素, 真係好差, 又細舊總結, 我好彩叫左花膠麵, 唔係一定列佢入BLA

叫個外賣 打開食左一半見到成張落單紙係入面...有咩原因可以炒完上埋菜都仲夾左係入面...依家到底玩緊咩？張單仲要係人地個餐點解可以咁唔小心？廚房無燈？？駁我外賣買左無仇報？

行開呢頭，唔打唔撞入咗呢間，點知伏咗。首先我嗌左個早餐，內容如下B8. 蔥油滑雞配通粉 + 牛角包火腿奄列 + 熱奶茶$34先來左嘅牛角包同火腿奄列，牛角包雖然有手指印但味道是OK的。火腿奄列味道就一般，不過唔知係咪因為個場太凍定係咩嘅原因，有半邊是凍的。之後嚟咗個蔥油滑雞配通粉，所謂嘅滑雞，其實係一件雞頸、兩件雞屎忽、再加多兩件雞胸。由於雞頸同雞屎忽我都唔食，成碗野就得返兩件雞胸。另外，以為都叫有條菜，點知係苦嘅。最後嚟咗杯奶茶，中規中矩

依間餐廳環境好舒服，每張枱都唔會好迫，睇落好似好高級，但同出面茶餐廳價錢差唔多，員工服務態度都非常好，好有禮貌。漢堡扒都好大塊，食落都唔錯，蛋包飯嘅蛋都好滑，值得一試，飯仲係茄汁飯，同蛋好夾。