Red Rice 米飯主題餐廳 (億利工業中心)

营业中

休息中

之前有黎過食早餐同下午茶，晚餐未試過。我覺得呢度食物款式幾特別幾廣，同平時啲冰室唔同，例如有蛋包飯，鐵板烏冬，鋸扒，鰻魚飯等等⋯⋯我就食台灣手工拌麵😋秘製·黯然叉燒伴蔥油肉操手工拌麵我最怕叉燒乾爭爭，呢個叉燒一啲都唔乾，肥瘦平均，食起嚟肉感軟嫰，仲有蜜香味，好食！手工麵條條都有厚度，腍得黎幾彈牙，好似食緊幼條版刀削麵咁～套餐送蠔油生菜同熱飲。我加$8 要養顏三寶，姐係桂圓紅棗杞子蜜、黑糖薑母檸檬蜜、蜂蜜柚子荔枝蜜，三款都好啱女仔飲，我就擇「桂圓紅棗杞子蜜」補氣養血岩我！

這邊午市非常難找食，等午飯時間過埋，大約兩點到達，找位容易得多，仍熱鬧的。看看餐牌蠻吸引，很快就叫了三眼葱油炸脾飯同泡菜豚肉烏冬。飯一來，那三眼真吸睛，整體來說很抵食。嚐嚐炸飯，香脆而不硬的。感覺炸得差少少，肉不鞋，最中心有啲啲紅，不過都算熟吧！飯蓋著葱油，真香，不過是阿仔食，換作我，就會嫌肥胸膩了。還有那三隻眼（蛋），阿仔食了兩隻投降了。我的泡菜豚肉呢？送來第一感了🙄⋯⋯弊啦！咁紅嘅！的確非常辣，可惜是辣醬過多。明顯是普通菜加辣醬，而不是真正泡菜，所以若細嚐，菜是沒有醃製味，只沾滿辣椒碎。豚肉份量足，味道屬正常，烏冬是分上的，這樣我才吃得下，烏冬也不會浸淋晒。食物款式多，會再來試其他，因為價錢都合理，五十多左右。座位在這一帶來說也算得舒服。

荔枝角真係好多野食，貴既又有，平既又有，茶餐廳都好多，想食平平地又想食d特別少少既野，就去左呢間食。Lunch set好多野揀，咩種類都有，價錢又唔貴真係好多野揀，樣樣都好似好吸引，唔怪之得咁多人揀左個功夫。無骨海南雞飯，海南雞啖啖肉，不過就唔算太滑，飯係油飯，但都油膩感唔算太重，湯就咸左少少，但都ok不過呢，呢個無骨雞係有骨既因為有一件係雞翼另一個揀左蒲燒鰻魚伴滑蛋蓋飯，呢個個味濃好多，鰻魚都算大件，蛋都幾滑，佢加左沙灘醬，感覺有d似食緊大阪燒，幾好味飲品揀左一個熱奶茶一個凍咖啡，凍咖啡要少甜少奶，奶茶都幾濃幾滑茶餐廳價錢但食到茶餐廳以外既野，都唔錯

香港的fusion菜相當出名。呢個下午茶絕對係值得一讚！綠茶雪糕紅豆西多士，首先，佢只係貴普通西多士餐少少，然後就會多左d紅豆同一球雪糕。然後，個賣相好掂，茶餐廳都有cafe既外表，仲有d朱古力淋面做裝飾。每樣食物加起黎好夾唔會有違和感，綠茶雪糕同紅豆一向好夾，紅豆係煮到淋晒而且甜甜的。西多士應該係即叫即炸，出黎既時候熱辣辣，同雪糕有冰火交融既感覺，好好玩。西多士既麵包好軟熟，好味！貪食既我有加配薯條，但佢令我好失望，一黎份量好少，二黎又凍晒硬骨骨都唔脆既，下次一定唔會再叫。

經外賣平台叫外賣，叫咗王牌豬扒飯🐷（份量正常，但D豬扒又鞋又硬又乾，明顯over cooked，我未試過食咁柴皮嘅豬排，一條條肉絲分得開！), 蝦餅（兩塊切開，細到無倫，但叫夠熱辣辣，算好食），同埋芝士焗西蘭花🥦（淡味，有白汁冇芝士味，西蘭花超冧，都係over cooked, 不過啱老人家食嘅）。雖然有外賣平台 8折 discount，總數八十幾蚊，但唔會有下次。其實次次用app 叫外賣都中伏🤦🏻‍♀️

呢排天氣好麻麻，不時勁落大雨，都唔喺好敢約啲老友行山，不過，遇正天氣好轉，就會同老婆即興走一轉短山，由美孚屋企起步，經鍾山台、長坑村……一直上到去金山郊野公園，隨心揀九龍接收水塘或者石梨貝水塘兜個圈，然後返番落美孚或荔枝角，成程大概2hrs左右，輕輕鬆鬆。今轉就落咗去荔枝角，順便搵地方食晏，結果，隨隨便便搵咗「米飯主題餐廳」醫肚。  環境跟一般茶記無異，都喺以卡位或4人枱為主，整體嚟講有啲逼，卡位就還好，唔太大份嘅人，啱啱好坐到4個，不過，其餘啲4人枱就排得好密，基本上無乜距離，啲防疫膠板都喺做做樣而已，又容許搭枱。我哋正正飯市入座，都寧願等多陣等張卡位，唔怕一萬，只怕萬一啫。 我哋晌門口已先先午餐有咩揀，啱唔啱食先入去，目標就放咗晌啲蛋包飯及焗飯中。此外，其實選擇都幾多，兩大頁紙，仲有咖喱飯、日式蓋飯、健康蒸飯、扒餐、石鍋飯、沙律套餐……等等，都喺包基本飲品咁啦，定價就比同區其他茶記貴少許。 野菌雜菜蛋包飯（跟蒜蓉汁）$49 蛋包飯共有4款，每款都喺跟指定嘅汁，但如果轉汁需要加$2， 感覺有啲掠水之嫌，因為加錢轉嘅汁，都不外乎喺番啲黑椒汁、蒜蓉汁、咖喱汁， 唔喺咩更特色嘅醬汁，不過，

已經有好耐一段日子無幫襯Redrice系列嘅餐廳。今次有機會嚟到長沙灣嘅分店,地方都頗為闊落舒適。早餐menu跟過往無乜唔同。照例選咗慣常嘅自選餐肉雙蛋多士沙律+熱咖啡。首先雙蛋上檯係暖暖哋,但欠缺咗往日嘅香草碎(賣相略為失色)餐肉煎得非常香脆,做唔到外脆內軟嘅效果。沙律菜份量亦較往日少咗。最為可取係多士熱烘烘帶有牛油香,入口鬆脆唔油膩。咖啡保持到,可以嘅!印象最深刻係伙記嘅服務,非常到位抵讚日後都會再幫襯,但唔會專程嚟。

韓式芝士辣烤雞扒石鍋飯 $58送到上台既時候，即刻就聞到好香噴噴既味道，仲有微微既礠礠礠既聲音。不過真系要好小心，因為個石鍋真系好熱，雖然佢下面有個木盤，但我成日都唔小心辣親只手。主角烤雞扒十分嫩滑，雞皮烤到脆卜卜， 好香口。都醃得好入味。個人認為芝士可以再多d，會爽d XD 芝士控泡菜偏酸辣，仲有d椰菜同紫椰菜絲，仲有不知名既醃物。成個飯撈埋一齊食熱辣辣好正，都幾有韓國風味。系個石鍋底度仲有少少飯焦，都幾正！尼個唔知道點解等左好耐啊先上，我等到羊咩先生就黎食曬先有得開餐😋😋UMAI: 6.5/10富士山蛋包飯 $88蛋包飯絕對系尼間餐廳既名物！佢仲可以選擇其他唔同既配料。因為佢有少少好似某咖哩專門店甘有個富士山飯，所以就想挑戰下，以為兩個人食應該會好飽。但點知都系配料就多左少少。仲以為真系富士山=分量大。甘其實兩個人share都唔系好夠飽。講翻味道啦，其實又真系幾好食既，首先佢既滑蛋就真系好滑，咖哩都好濃郁，見到入面其實都好足料既，有好多薯仔粒粒配料就揀左煎豬扒，炸魚柳同炸蝦。三樣都正常味道啦，豬扒都好軟，唔會鞋口。魚柳都幾出色，因為佢唔系用常見既鯰魚柳，佢用既系有皮既魚柳，魚味都幾

平時過荔枝角整指甲同埋做facial時都會食西班牙菜或譚仔三哥 今次試下朋友介紹既茶餐廳🍴 係蕭生開既😆—————————番茄湯底雞肉烏冬加滑蛋第一個上檯後既印象係份量都幾多wor 湯底好濃郁 有好多粟米薯仔紅蘿蔔粒粒（應該係罐頭🥫）另外有新鮮既番茄 煮到已經有d溶溶哋 滑蛋🥚的確幾滑 份量都好多 雞肉已經切成一小塊一小塊咁 不過肉質就有d鞋 烏冬口感都算煙韌 不錯另外 加$20就會有多一份芝麻醬沙律🥗 牛角包🥐（不吃無妨🤣）餐湯（我要左中湯 味道幾甜）餐飲（蝶豆花特飲（太甜）總結係可以只要➕$8要湯就OK啦😆😆 —————————老公就order左雞扒蛋包飯➕羅宋湯雞扒賣相很不錯 蛋好滑 本身仲仲包少少沙律菜 感覺健康d 羅宋湯味道濃郁 有新鮮番茄蘿蔔 不錯—————————兩個人食到好飽 埋單都係百幾蚊 好抵食 下次可以試下其他嘢

尼間就黎變左我地既飯堂。佢選擇真系好多，例如鐵板，韓國石鍋飯，烏冬拉麵，蛋包飯 等等等等。樣樣都想試所以都去左好多次。麻辣肥牛烏冬伴土匪雞翼麻辣湯唔似食開譚仔既麻辣，佢系有少少泡椒辣，佢辣味都幾特別，辣得幾清新。肥牛就正常發揮啦。土匪雞翼都系類似譚仔既味道，都系好香烏冬好煙韌！😋😋UMAI: 7/10番茄雞肉烏冬伴炒滑蛋番茄湯濃郁鮮甜，好足料，見到有好多番茄粒同薯仔粒。雞肉本身就無咩味道，但肉質都好嫩滑。滑蛋分量好多，蛋味濃郁，好滑溜，讚讚！😋😋UMAI: 7/10小食拼盤分量很多，建議3人分享。春卷：正常發揮，炸得都好脆。柚子蜜糖雞翼：好味道，酸酸甜甜，好開胃，外皮好惹味雞錘：正常發揮啦，無乜特別😋😋UMAI: 6/10🌟整體CP值：7/10 正常地好味，有驚喜

入去坐左半個鐘 唔追單嘅話都無得食仲要落單個陣講左7成熟 黎到已經有焦 仲要切唔到鐵板黎到咁樣我就接受姐 但呢個都唔係鐵板上檯底又污糟 有紙巾有剩其他就還好嘅 湯就普通湯一定blacklist

We went to this restaurant after wanting to try it a while ago, but we decided to walk out last time because they said last order was 9:30pm and then said around 9:10pm that only a few dishes were available. This time we arrived around 9pm and they told us the same thing that last orders were to be made before 9:30pm and then they came over to the table 3 times and kept staring at us to pressurise us into ordering, despite me and my girlfriend waiting for our friend to join us. When the food arr

之前食過堂都唔錯，今次試下外賣，就中伏了。今次買咗下午茶嘅all day 套餐，一打開，份量少得可憐， 最重要嘅係竟然條腸疑似係咬過嘅形狀！！即刻無哂食欲亦唔敢食，亦因為lunch時間限制無再換。 大家買外賣都係睇清楚啲好

食lunch~整體都算唔錯，食物質素ok~坐位都幾好坐。平時lunch都多人，今次遲少少去，1:30左右，就即刻可以入座。一入門口，侍應就即刻黎帶位~本來叫左焗海鮮飯(平時食太多焗豬，諗住試下其他野)，點知最終都係落錯單黎左個焗豬扒飯，不過唔緊要啦照食，都好好味~ 炒飯底，豬扒切左件，方便食！勁多芝士，有拉絲。。不錯老公叫左個葱油雞髀煎蛋飯，三隻太陽蛋，幾有趣😆 好少見咁樣嘅煎蛋飯，賣相唔錯，不過老公話太少飯，唔夠食🤭

經過荔枝角想簡簡單單食餐飯我地2個人就自覺去呢個2人位個侍應好好 話唔好坐咁逼 即刻叫我地坐翻個4人位呢個餐廳最犀利是咩都有得食鐵板燒、石鍋飯、拉麵、蛋包飯咩都有我地就叫咗焗意粉同蛋包飯味道都幾好呢個價錢黎講真係不錯50幾蚊連野飲學生仲可以 -5蚊真係良心價                                                                               環境衛生服務唔錯食物又見得人如果下次經過想醫飽肚對會揀呢度