Red Rice 米飯主題餐廳 (億利工業中心)

营业中

休息中

好耐之前係呢度食個蛋包飯已經令我印象深刻相隔半年，要去試下他的其他主題菜式真的要讚讚餐牌的設計，顏色鮮明，分類清晰，最緊要係相片不是只供參考巨人豬扒蔥油飯拼三眼仔煎蛋外觀：在餐牌時，見到巨人一詞，已經好有意慾挑戰，果然的確是有份量的豬扒，不是只得骨，而是80%肉20%骨，值另外，三眼仔一詞並無嘩眾取寵，真係有三個完整無缺的三隻太陽蛋，果然係吸引眼球的三眼仔味道：豬扒口感實正，並無出面冰鮮豬的「林啤啤」感覺，而且肥瘦適中，食落去不會因為蔥油的關係而覺得油和濟三眼仔好滑，份量剛好可以配飯一齊食整體口感不錯，下次會再encore ,但個人認為有樣野可以改善，因為豉油蔥油是倒左落碟先放飯和主菜，這會令到底層的飯偏喊，如果豉油蔥油可以另上會更食家們可以根據自己的口味去品嚐你們的特色菜

以前在新浦崗上班，常常都會在午餐時段去吃RedRice，但一直都只會點蛋包飯系列。聽朋友說其實有個皇牌相撲豬扒芝士焗飯超好味，於是心郁郁來了荔枝角的分店試一試。［皇牌相撲豬扒芝士焗飯／意粉 $54］第一道點的餐點當然就是這個皇牌相撲豬扒芝士焗意粉！驟眼看上去，覺得跟普通芝士焗意粉沒兩樣，但只要你一品嚐過那塊起鬆軟的豬扒，就注定回不了頭！！好吃程度是10粒星！！！！！而且一大盤也只需 $54而已，比起紅蔥頭等類似的餐廳便宜太多！（話說我下午吃了eurogogo，埋單$168，但我吃的居然沒一碟比得上這個豬扒！）［重量級爵士西冷 $88］相比起相撲豬扒芝士焗飯，西冷這個餐點是比較貴，但那塊西冷扒也絕對不比豬扒遜色！牛扒同樣非常鬆軟，即使我們攤放久了，肉質都完全不會變硬，每一口都很軟嫩，牛肉味出晒嚟！！另外我們也加了$20升級，升級後有高質的牛角包、沙律及湯，非常非常抵食！！在升級的同時，我們加了$8 點特色飲品─抹茶奶蓋拿鐵（原價$28）男友說這杯很好喝，奶蓋不會太咸，抹茶也不會太苦，配搭起來剛剛好，喝了一整杯都不覺得膩！［芝士蘑姑釀無骨雞翼 $26／2隻］身為芝士控及雞翼控的我們，看見有

有晚同女朋友係荔枝角出沒由於荔枝角嘅夜晚冇乜嘢食個到工廠區多但都要食飯 咁就求其入咗間食呢間叫米飯主題餐廳手打烏冬伴煎雞扒 $46首先我都唔知咩係手打烏冬唔覺有咩特別加上呢個烏冬好難食仲衰過平時去超市自己煮個讚岐烏冬加上塊濃濃地嘅雞扒苦苦地嘅味唔知係咪太夜去好似比啲賣淨嘅我地食咁雞扒蛋包飯 $52個蛋包飯都唔係隻蛋包住啲飯只係雞上面有個炒飯咁啲雞扒一樣難食一pet嘢咁仲叫咗兩杯嘢飲一杯加七蚊一杯加九蚊總括黎講唔好食得黎都唔算平

父親節當日616，好多人去了遊行，我哋一家都有去。大約行咗三個幾鐘，小朋友感到不適就打道回府了🥵天氣熱加上肚餓，我哋返到去荔枝角就要立刻去開餐喇💮我哋食完早餐就出發去遊行都冇食到lunch, 所以打開個餐牌，快速地就點咗啲嘢食巨人漢堡蛋包飯 $42呢間蛋包飯好出名，我哋當然要叫返過嚟食啦🥰 佢哋整個蛋皮係好軟滑， 唔係乾爭爭嗰啲炒蛋薄皮， 裡面嘅飯係有炒過嘅，唔係白飯， 炒得粒粒分明，有落調味，有d似蕃茄炒飯，味道好好塊漢堡扒相信都係佢哋自家製嘅， 望落去以為煎到過咗火好乾身，點知一切落去軟綿綿， 食落後好juicy我哋加咗20蚊叫咗個綜合水果茶，超大渣，消暑一流! 相信佢都係用果汁沖㗎喇，不過20蚊咁大渣你想點呀，仲有少少過肉畀你食😌 攞嚟影下相都抵返晒啦🤣🤣厚切蛋蛋治拼王牌炸雞髀 $37果然係厚切，塊麵包同埋入面嘅蛋都係好厚身， 一路食啲蛋液係咁流出嚟好鬼正至於隻雞髀ok啦 ，如果可以大隻少少就好嘞另外我哋叫左下午茶餐可另加錢叫額外小食，我地加咗 迷你炸薯條($5)同埋 迷你粟米火腿通粉($5)。雖然話係"迷你"，但係我覺得五蚊嚟講佢畀嘅份量都唔係"迷你"，抵過去大x樂食嗰啲🤫🤫

好耐之前，係荔枝角返工嘅時候都有食過紅米。覺得食物質素都幾好，選擇都幾多。今次重遊舊地，約咗朋友去食個早餐。（早餐時間到11:30）我覺得紅米嘅自選早餐係堅抵食，我揀咗多士（對切，2塊），沙律，腸仔x2，炒蛋，熱檸蜜。我再加咗茄湯通粉，一共都只係32蚊！比起大x樂，大x活早餐黎講真係幾抵食。多士都烘得幾焦脆，大大塊。沙律有胡麻醬，食落幾新鮮，而且有多款蔬菜，分量亦很多。腸仔食落似廚師腸，肉質幾硬實，我鐘意攞包茄汁點腸仔食。炒蛋都Ok，幾滑，不過我鐘意食熟D嘅。飲品仲有熱檸蜜飲，甜咗少少。朋友就揀咗茶走，我試飲咗一啖都幾好飲。茄湯通粉不過不失，細細碗，唔會食唔曬。食完真係唔駛再食中午飯，好飽肚。同埋食落真係感受到食材嘅新鮮感，有蛋有菜有主食，營養都好豐富。價錢又真係幾實惠，益街坊。如果我屋企附近開咗，我一定經常幫襯。早餐真係食得好滿足。

日式蛋包飯係我其中一樣鐘意食嘅嘢，朋友知道就帶我黎呢間red rice食好味蛋包飯，聽講拎過蛋包飯大獎架！！我揀咗呢個人氣No.1板煎雞扒蛋包飯，配照燒汁，加$20可以轉套餐，咁就有餐湯、牛角包同沙律！雞蛋好嫩滑，半熟蛋汁真係好正，茄汁飯底甜甜地，配埋照燒汁雞扒好夾，好幸福既味道！餐湯揀左白湯，有片片蘑菇幾好味～焗到牛角包個面脹卜卜，空氣感十足，唔錯！芝麻醬沙律不過不失開胃菜～朋友話想鋸下扒，望住menu揀咗一輪，就決定叫一份重量級特大爵士西冷牛扒~叫得重量級，當然大大份，7成熟啱啱好，外皮煎得剛好鎖住肉汁，粉嫩牛扒配黑椒汁好香濃，薯條又脆又大條～有埋紫菜碎好似shake shake薯條，哈哈～～另外小食仲叫左三隻蜜糖柚子烤雞翼，柚子醬甜甜的，幾滋味～仲有其他小食可以選擇~特飲款式都幾多，我就揀咗呢杯茉莉花玫瑰蜜伴愛玉 (右邊)，跟餐只需加$6，唔會太甜，玫瑰味好清新，愛玉jelly Q彈正！叫咗咁多嘢食，二人埋單都唔使$200，晚市嚟講真係相當抵食！

曾經用網上外賣平台叫過呢間外賣,覺得幾好食. 今日行過見到間餐廳,而且好多人,決定入去試試堂食. 同大部分茶餐廳格局相似,lunch hour好多人繁忙,侍應都幾有禮貌丶有笑容. 打開menu,選擇好多,中丶西丶日式都有,我俾個蛋包飯幅相吸引咗,所以就點咗板煎雞扒蛋包飯餐($52)個蛋真係炒得好靚,食落好滑好香,上面有少許香草,正! 至於雞扒睇個樣都知外脆,食落仲好juicy! 用上蒜蓉汁,好味! 伴碟嘅沙律菜＋車厘茄幾fresh,令成碟飯食落多份清新感. 呢個碟頭飯真係堅正~! 而且飲品係個餐包埋嘅,抵食!

我們今晚到了荔枝角食晚餐，之前去過深水埗食過，原來轉了在這裡的工業大廈地下。環境幾寬鬆又光亮，設有大電視、圖畫及色彩的設計，更播放著輕鬆流行音樂，簡約乾淨；服務人員好多，有禮貌有效率！餐牌好多款式又色彩繽紛及新推介新菜色，好吸引好豐富！有日式、扒類、西式等等！正呀！1. 特濃沙嗲金菇肥牛湯烏冬拼越式長春卷（加錢轉套餐：包牛角麵包、羅宋湯、麻醬沙律、飲品）羅宋湯香辣味道剛好，酸酸辣辣好野味，菜好足又有牛肉口感！配上牛角麵包，鬆軟美味；麻醬沙律好爽脆、麻醬好香好野味！（特濃沙嗲金菇肥牛湯烏冬）特濃沙嗲金菇肥牛湯烏冬好大碗，沙嗲香但不會太咸或太辣，肥牛好多片好軟好香牛味、配上爽口金菇、健康木耳、爽口薄薄海帶及粒粒黃粟米，好足料美味！烏冬好多又彈牙，連湯一同食最正！（越式長春卷）外脆可口，內面好多料，有菜有肉，點上酸甜辣醬，更野味！2. 香草蜜糖雞脾拼吉列魚扒配意大利麵送熱飲雞脾好大隻，外脆口又甜美蜜糖香味、雞肉嫩滑啖啖肉、吉列魚扒好正、大大塊脆口吉列包著魚肉，好正喔！可自選醬汁及主食（飯/意粉/薯菜），今次點了意粉，是大份的，番茄醬炒的，軟硬剛好！3. 飲品男友點了開胃鹹檸七，好涼快又咸咸酸

夜晚去完D2經過，見幾抵食咁就入咗去！7點半度都多人，好彩仲有位剩，唔洗等就有得入！裝修好簡潔，可能樓底高嘅原因，顯得好大好闊落！嘢食普遍唔貴，係扒餐貴少少！鐵板牛肉炒烏冬: 第一啖係有驚喜嘅，甜甜的幾好味，牛肉都多！食到最尾有少油，但還好！雞湯飯: 一黎到，好大碗飯🤣! 雞湯味頗濃，仲有花膠?, 菇，娃娃菜係入面，清得黎又有d味咁，值得一試！但碗飯真係好大碗，細食嘅朋友仔記得叫少飯，咪嘥嘢呀！一呎雞扒：真係好大舊！調味唔似岀邊食開咁重味，雞肉都滑，炸得啱好！總括黎講，cp value 幾高，嘢食都ok，值得一試！

初來乍到 同事帶我來呢間嘢食飯類似大家樂 但多勁多選擇 平靚正🥢特級厚切鰻魚蛋包鐵板飯 $78又係我最愛嘅鰻魚飯 有手掌咁大塊 成寸厚 肉質完美 厚身肥美 再配埋嫩滑的蛋包飯 滿足感十足可以維持一整日嘅好心情🤣

Happy Friday懶得煮飯，就來到這裡食個晚飯才回家。Colourful的餐牌好多元化，西式，中式，日式，甚至韓式都有，各式都有不同系列，另有多款小食及特飲供應，價錢相宜，份量十足。這裡出名蛋包飯，當然要來一客，選了深海魚柳，另可自選醬汁，當然蛋包飯跟茄汁是最相襯吧。仲可以加$20 轉套餐，包餐飲，餐湯，牛角包及沙律。蛋包飯雖然只是用滑蛋舖上面，不是用蛋皮包著，但滑蛋賣相討好，用上炒飯底，味道不錯，而深海魚柳雖然比較薄身，但比我手掌的還要大，炸得香脆。另外再點了生薑豚腩片石鍋拌飯伴溫泉蛋，豚腩片肥瘦均衡，配上泡菜，椰菜絲，粟米及溫泉蛋，再加點韓式辣醬及甜醬油，撈勻一齊食就最好味，仲食到有飯焦香。胃口大的我們，仲點多一客兩隻的芝士磨菇釀雞翼，芝士跟雞肉的配撘很夾，芝士味香濃，適合芝士控。

今晩和寶寶來到荔枝角行街，商場旁有間茶餐廳，記得好耐之前食過，今次再試下睇下有無進步先。Menu 好似轉咗，多咗菜式。但價錢一樣無變，都係咁平民化。嗌個細嘅蜜糖柚子雞翼 （$20）小食，有三件。柚子味幾重，但有啲乾身。特級厚切鰻魚蛋包鐵板燒 （$78）並非講笑，真係好厚切。鰻魚汁又越食越開胃。蛋都好香，份量又多。上面放上紫菜同木魚碎，口感一流。寶寶嘅板燒雞板蛋包飯 （$53）睇見都流晒口水，滑蛋好嫩滑，仲有蛋汁流岀，撈飯食一流。板燒雞都燒得有水準，照燒汁煮得好入味。所有正餐也可加$20轉為套餐，有沙律、餐湯、牛角包同餐飲，真係性價比好高。

其實經過幾次長沙灣同見到呢間red rice茶餐廳好多人食，今次係隔離商場行完街見一啲肚餓就同個朋友黎左呢間茶餐廳食個下午茶坐下，一入去就坐左個卡位，啲位好闊坐得幾舒服，咁就睇下有咩下唔茶食，一打開個meun啲款式多到揀唔落手，樣樣都好吸引好想叫(唔好意思唔記得影個meun) 🙇🏿總之對於有選擇困難症嘅我黎講好難揀！最後諗住唔食咁飽食個豬扒包算點知一黎個到就俾個豬扒包嚇親！好鬼大份，塊豬扒又熱辣辣加埋個沙律醬食個味道冇得頂！我朋友就叫左個西多士拼雞翼，呢個就係正常味道

平時無咩係荔枝角食野，咁啱過來搵人，見到哩間餐廳睇上去都幾小清新，就入去試下。厚切鰻魚石鍋飯（$78）哩個係menu既第一版，應該係招牌，就點左哩個來試，果然係好唔錯既。撥開表面既木魚絲，就見到有一大舊鰻魚，入面有泡菜、蔬菜絲，其實仲有一只半熟蛋，趁石鍋熱，阿妹好快將佢混好（無影到添）系韓式食法。本身阿妹對韓國菜一般，但哩個飯佢覺得好食，鰻魚係無得輸既，同埋咁多料撈埋一齊，味道好豐富。最後佢都食曬成個飯。功夫無骨海南雞（$56）我就點左海南雞飯。海南雞係去左骨既，雞肉係幾滑，上蝶都擺得好靚。我最鐘意係點左邊既甜醬油。油飯既色水幾好，粒粒都分明既，好彩就唔怕太油，啱啱好幾香口，我最怕就係好膩既油飯。左邊既海帶湯係我都幾鐘意，因為我本身鐘意海帶，同埋有減輕油飯既油膩感應該。一尺美式千島沙律炸魚塊（$45）本身無惗住點，阿妹話好想食炸魚，惗住share都ok。點知出來係有兩塊，好大份XD 好在佢面都炸得幾乾身，唔太覺膩。配埋千島醬就好夾。不過實在係太大份，最後捧住個肚走。熱谷咕、青蘋果綠茶伴愛玉店員哥哥問我知唔知谷咕係咩，我睇menu覺得好新奇就google左，係可可粉沖既。店員話係俾可可仲

今日朋友帶我來這間餐廳吃下午茶 ，🤗她說這裏很多選擇好味👍~平時她常常也來幫襯☝️， 當坐低後打開餐牌，真眼花繚亂，真係好多選擇😂樣樣都想食,果然冇介紹錯， 可惜我衹吃到一個餐~ 我自己食雞扒蛋包飯，蒜蓉汁好香比較濃味， 朋友吃鐵板牛肉飯，她說這款很多人叫吃， 所以今次佢都特別叫咗這款吃，她說非常喜歡配合醬汁非常惹味，其他款式我真是要留待下次再嚟幫襯啦😋😋😋~