Red Rice 米飯主題餐廳 (億利工業中心)

营业中

休息中

有質素既炸脾係外脆內嫩，而佢呢隻比較乾身，較硬，肉質唔嫩都係偏向硬，但唔算難食另外豬扒飯價錢唔貴既下午茶飯餐，豬扒部位靚，又煎得夠邊脆，加上葱油冇得輸，比佢好高分

一到中午放飯時間🕐，就頭痛去那裏吃飯，每次都希望不要排長龍，否則又要九秒九咁食！今日好好彩，只是等一張枱，大家商量後，一齊食蛋包飯！板煎雞扒蛋包飯：有沙律菜伴碟作前菜，增加食慾，切開蛋包飯，原來不是白飯，而是配上蕃茄味的飯，覺得特別開胃，然後才慢慢品嚐雞扒，可能調味料的味濃，雞扒沒有雪藏味，而且煎得很好，保持肉質嫩滑相樸豬扒蛋包飯：豬扒大大塊，覺得特別抵，但原來凡事不可以只可以看外表，因為肉質比較韌，可能醃製方便失了手，所以扣了少少分，幸好有保持水準的美味蛋包飯及沙律！

難得跟兩位好友一起吃午餐，不如一起試試這間一直想去的fushion餐廳！感覺這餐廳帶點年輕和新潮風格。中午時段約12時多，人非常多，但尚有位置，我們一行3人職員帶位入座。我點了肉醬意粉，同行朋友點了旁邊很多人吃的雞扒蛋包飯啊！一上菜，我被這麼大的份量嚇親了！真的完全吃不光啊！差不多三人吃兩份也可以😱另外，這店有難得的沙律菜可加配，對經常在外進餐少吃菜的人是有點福利喔！味道還好，是正常的味道，熱辣辣，還算不錯。賣相上碟也吸引！下次想試試晚餐，有一些單點的食物款好像挺吸引！而且環境闊落，下次必會再來！

呢排比較多係呢間餐廳食飯，下午茶時段嚟食都幾抵，大份又唔貴。今次試下巨人漢堡蛋包飯，原來都幾大份下。-巨人漢堡蛋包飯除咗有大大塊漢堡同蛋包飯，仲有份量唔少嘅沙律。沙律都幾清新，沙律菜爽脆不膩，食得太滯仲有解膩作用。蛋包飯都做得唔錯，蛋炒得幾滑，仲食到微微蛋香同蛋漿。漢堡都幾厚身，入口軟腍。-特濃唂咕（熱）未飲過唂咕嘅我見到下午茶加配呢款飲品唔使加錢，即刻好好奇飲起嚟係咩味。落單個陣有問店員係咩，佢有提我地呢杯野都幾苦，唔係朱古力咁簡單。為咗滿足好奇心，最終都叫咗嚟飲。飲落真係幾苦，有少少似好濃但無糖嘅朱古力。後尾都係頂唔順，落咗啲糖會好飲啲。

放工經過附近，順路同同事重遊呢間有好多唔同選擇既紅米餐廳食晚餐。我點咗”人氣no.1👍🏻”既《板煎雞扒蛋包飯（$53）》，而同事揀咗《一口牛粒伴温泉蛋石鍋飯（$62）》，我地兩個覺得飲品另加$8有啲貴所以冇叫。蛋包飯一向都係餐廳既招牌主打，果然名不虛傳，配菜仲配上芝麻醬田園沙律，好開胃。略嫌雞扒有少少乾同咸，不過整體上還不錯。至於石鍋飯方面就真係有啲失望，牛粒好韌好乾，不過菜既份量比例上算多，啖啖菜，還好啦。

睇戲前係附近搵間餐廳食先。哇！見到個賣相唔錯既番茄濃湯烏冬，我呢個番茄迷緊係要試下啦點知碗烏冬一上就心知不妙了雖則說圖片只供參考，但都唔係變左碗雞湯加兩舊番茄就算？點得架！其實佢味道係唔差但就食唔到係番茄濃湯囉。仲有啲雞好似打邊爐白烚個啲咁，真係好有雞味bor而佢個蛋係炒到好滑既，包住撈左少少豉油、味道食落似燒味飯既飯，都幾夾，塊雞扒不過不失，加上少少沙律開下胃咁呢個係番茄肉碎芝士薯條，佢個味係ok架，芝士仲拉到絲。有汁既地方係好食，但冇汁正常會脆既地方好硬，真係硬過我條命！如果再尼，下次都係食返蛋包飯算。

荔枝角工廈入面好多野食，但之前試過太夜先搵地方食飯，好多都閂左門🙈今日時間尚早，七點前都仲有d選擇。要經工廠入面嘅門口進入，餐廳幾闊落，叫左個海南雞飯加特飲。好快就上到餐，有飯有雞跟多碗湯。油飯偏乾，唔會太油，晚餐唔洗太heavy👍🏻雞肉去左骨好方便，面頭最大舊唔算好滑，雞肉肉質比較乾，有少少失望，但下面細件嘅就滑返d，點埋d黑醬油更好食。叫左杯蝶豆花雪梨愛玉，主要都係想食下愛玉，杯底有d雪梨絲。但係蝶豆花對我嚟講有d藥水feel。開頭要求少冰，店員話無得要求，可能佢唔太熟😂但之後都幫我做返少冰👏🏻

有朋友係荔枝角附近返工嘅關係，而我又有時間搵下佢食飯，就試下呢間餐廳。餐廳位置都唔算少，卡位闊落。午餐餐牌選擇都幾多，花多眼亂，選擇困難症又出現haha。-Red Rice厚切焗豬扒意粉乍看之下呢碟意粉份量好似普通，但其實食極都食唔晒，好似無底洞咁。醬汁略嫌唔夠多，唔足夠蓋過晒意粉，有啲位食落會好乾身同撈唔勻。焗豬扒肉質尚算可以，唔會太老太鞋身，咬落雖然唔係十分鬆軟但都帶腍軟質感。-凍阿華田阿華田正正常常，唔會過甜亦唔會太淡味。亦無出現阿華田粉太多嘅情況，冰量適中。

朋友在荔枝角站附近上烹飪課，反正我閒著，便去接放學。我選了一家在商場外、以米飯為主題的餐廳。這裡的食物選擇多，而且價格親民。這天我品嚐了一尺·美式千島醬沙律炸魚柳。這道菜是由兩大片魚柳組成，份量十足！魚柳炸得很香脆的，基本上吃著不會覺得油膩。伴碟的沙律亦很乾淨，感覺很清爽。一邊吃炸物，一邊吃沙拉，感覺上比較不會熱氣！主食方面，我們品嚐了黑椒相撲豬扒炒烏冬。烏冬煙韌彈牙，口感佳，配搭偏甜的醬汁，味道更是出色！我們的飲品是水果茶，選了少甜，整體屬我喜歡的甜度。

荔枝角其實都幾多野食，跑完步同朋友去食野，佢地話附近有間以米飯做主題嘅餐廳，準備比賽就可以去加加碳！富士山蛋包王（ $88 ）二人份好豐富🤩呢個飯裡面包括左吉列炸蝦兩隻，同埋自選嘅兩款肉，我就揀左炸魚柳同板煎雞扒，魚柳炸得好脆，唔會有雪味，煎雞扒都好juicy，而且雞皮煎到脆卜卜，好惹味！汁都可以揀兩款，我見胡麻汁好似好特別，於是試下啦，點知真係沙律用嘅胡麻汁🤣，胡麻都係配牛好食d🤭至於個滑蛋富士山，真係幾滑，蛋漿半熟，飯係茄汁炒飯底，撈埋一齊食，好滿足！美國重量級 · 爵士西冷（ $88 ）只係$88，所以冇期待會有好高嘅質素，不過份量搭夠，厚厚嘅牛扒keep到肉汁，所以食落好juicy，而且咬落一d都唔實，口感唔錯加$20就可以轉餐，包括飲品、牛角包、迷你沙律、湯

今日午餐，一行4人，3個先到餐廳，一入去就有個著黑色衫，疑似高級職員既阿叔西口西面咁執枱，我地無理佢睇下餐牌有咩食，舉手落單又係呢個阿叔，個樣仲西多10倍！落完單之後，個阿叔知我地話佢，就算我地再舉手佢都扮睇唔到，行開！有個朋友遲過我地到，諗住再落單，今次係另一個白色衫既女職員過黎，我朋友話要個xx餐，個女職員淨係答一個字，飲？我地再想追加小食，人地未講晒就走咗去！食物尚算可以，價錢唔貴，但態度極差！我地都唔係無禮貌，又唔係覺得俾錢大晒！但要受完氣先食飯，我就以後唔會幫襯！

唔係講笑，我其實從來未幫襯過Red Rice，但堅係一食難忘！初初一睇個餐牌見佢咁平，仲心諗會唔會係伏？一係份量圖文不符，一係勁難食，先要咁平吸引顧客，點知佢真係完全surprise到我！去之前女朋友已經話要試吓個相撲豬扒芝士焗飯（我哋後來轉咗做意粉），我仲諗住佢叫得呢個名多數係因為佢係相撲手咁嘅份量啦，點知食落口先知原來係相撲手啲肉咁鬆軟！佢好食嘅程度真係唔講得笑，其實佢鋪起面嘅芝士同茄醬其實同出面食嘅同類型食品係一樣，但個豬扒就贏九條街，再望吓個價錢，哇大佬54蚊？！54蚊高質到咁真係贏到開晒巷！男人老狗食飯最緊要咩？飽肚、好味！仲要呢個價錢，真係去邊搵？唔怪得知封佢做餐廳皇牌！心諗個相撲豬扒芝士焗意粉已經好味到升天，應該冇嘢可以同佢睇齊架啦！點知個重量級爵士西冷又係好味到暈！首先食牛我最怕又韌又冇味，而呢個西冷係勁重牛肉味同勁林！咬落去完全唔會有筋，究竟佢係烹調方法勁到咁，定係廚師專揀啲林身嘅位嚟煮？雖然呢個貴啲，要88蚊，但我都覺得其實呢個質素嚟講，算抵！仲要我哋加咗20升級咗個套餐，有牛角包有湯有沙律有嘢飲，之後只要加多8蚊就可以叫到杯價值28蚊嘅抹茶奶蓋拿鐵，仲要好好飲，個

今日約左幾個女仔食下午茶，本來諗住食下高級cafe, 揾d靚靚樣嘅pancake食下， 影下相，但臨時有事要改地點，尖沙咀改為茘枝角，時間吾多，又吾想去d 2 place 果d咁貴，所以試下呢間，茶記價錢，但好似都好多靚靚野食，同靚靚樣嘅飲品。吾計厚厚嘅A La Carte menu， 淨係lunch and下午茶都有3本menu, 選擇困難症，好多都好似好吸引喎🤣🤣🤣我叫左個三文魚蟹棒沙律，個餐有湯，有個牛角包，有飲品，其實仲可加12蚊有豬排加🤔🤔🤔，吾想太飽，都係吾加啦，飲品要特飲半價 14蚊轉飲碟豆花雪梨加愛玉。味道清新食材新鮮嘅個沙律，牛角包係番叮嘅，味道都吾太差，個湯就真係好麻麻。杯飲品只係靚，但個甜味好假!一分錢一分貨囉

去開長沙灣附近返工嘅朋友可以注意下呢一間Red Rice主題餐廳, 入到去有一種令到你舒壓嘅感覺, 餐廳空間咁算大, 光猛簡潔, 食物又多元化, 價錢又唔算貴大約六十零蚊一個普通餐.今次叫咗個富士山蛋包飯, 可以嗌兩種醬及兩種扒類. 88蚊足夠兩人份量, 如果跟餐嘢飲可以叫兩杯就好啦. 我同朋友兩人揀咗雞扒同埋豬扒份量十足都食唔曬. 嘢飲我就叫咗杯芝士奶蓋抹茶, 好飲過出面奶味十足, 叫少甜真係少甜. 另外嗌咗個春捲同埋叫咗個 煙三文魚蟹柳沙律. 春捲就一般啦, 但係個沙律菜又抵食又大碟, 做好好食. 做會員有分儲, 打工仔食返緊lunch就一流.

餐廳：Red Rice 米飯主題餐廳 (荔枝角)地址：荔枝角長沙灣道883號億利工業中心地下8號舖深水埗至荔枝角一帶出名多野食而且價錢相當宜人，最近開始係荔枝角果邊學車上堂，都忍唔住係附近尋覓好西，咁話哂食係人類非常重要嘅一環嘛XPRed Rice米飯主題餐廳原來已經開到第三間分店，而且開咗喺荔枝角D2 Place對面，非常近地鐵站而且都幾就腳，仲好多人幫襯添，呢間平民價嘅餐廳真係啱晒喺附近返工嘅打工仔挪威煙三文魚伴蟹棒雜菜沙律 $36煙燻三文魚入味，未放入口就已經飄黎啖啖嘅煙燻香，蟹柳亦都鮮而不散，一梳梳蟹柳肉撕開夠哂層次，用料亦都好足，三文魚都有成六塊美國重量級·爵士西冷 $78重量級西冷無骨無咩脂肪，成舊都係啖啖肉，仲有得按喜好揀幾成熟，迎合到每個人嘅需要，肉汁完美咁鎖緊係肉入面，仲配埋薯條同比較少見嘅紅黃椒，夠哂份量板燒雞扒蛋包飯 $52雞扒大大塊，配上燒汁好惹味，蛋嘅顏色好靚，仲有沙律伴碟，呢個價錢認真抵到爛土匪烤雞翼3隻 $18 大量嘅孜然粉加到雞翼上面味道濃郁，再加埋脆脆外皮，忍唔住想叫多一客估唔到Red Rice有虎紋黑糖珍珠奶茶飲，跟餐都只係9蚊，真係好平呀