影片
相关文章
星期六1:34pm落单，炸鸡黄姜饭等左30分钟到，烧鸡班兰饭要45分钟🥹食客有9成都系印尼人，我见隔离枱个个都系等咁耐，但系佢地又唔会显得唔耐烦或者问职员😲食食下开始人少，我见有人落单都系10分钟就有野食🥹 我去𠮶阵系满座，所以要等劲耐😵💫炸鸡髀好老，未去到𡁻唔完，但系食落好鞋口🫣 炸鸡髀饭有4旧巴东牛，香料味重啲会更好😗烧鸡有细半只，啲肉又系好鞋口🫣佢个杂菜啲酱好好味，但系食完就辣到痴线，要嗌多杯野饮😂我见啲印尼人系戴手套用手食饭，我地仲以为手套系比我地好似kfc咁食鸡😂
继续阅读
叫咗一个烧鸡髀班兰饭，鸡髀个皮烧得㶶咗啲，系细鸡都有半只，味道ok，班兰饭ok，个饭摆得好靓，餐厅入面仲有职员现场唱歌，有惊喜，真系非常有气氛，张枱又几有特色，好似去左印尼甘，可以再食
继续阅读
无意间俾我喺OpenRice揾到呢间旺角新开嘅印尼菜印尼菜喺香港比较罕有🇮🇩钟意试新嘢嘅我同朋友们即管帮大家试吓我同朋友夹过之下，个个都拣食串烧😂▶️ 沙嗲鸡肉串配饭团 ($79)三串鸡肉串烧🐔烤得外层焦脆内里juicy鸡肉带适量油脂，拆出嚟都几多肉劲多酱汁，味道咸咸甜甜好惹味，有啲似日式照烧汁添旁边嘅沙嗲酱比港式沙嗲酱杰身，落足花生粒🥜忍唔住点多几下饭团好特别，有别于概念里日式𠮶只食落口感似黐埋咗既白饭🍚唔系用糯米饭整，冇预期中质感好咬本身冇味，幸好面头加咗大量炸蒜，同时配沙嗲酱汁成就啱返最后加上大量印尼虾片，入口脆卜卜，本身啱啱地，够香口-味道几好食😋胜在够浓味且正宗见隔篱枱啲烧／炸鸡斑斓饭几靓仔份量啱啱好，晚餐套餐包基本饮品不过上菜速度有待改善🥶等咗超过半个钟先上。。。明明同朋友同时间落单服务唔系唔好，但俾人感觉求其马虎，好似好多嘢都冇咩所谓咁价钱以呢款菜式黎讲偏贵少少🤏🏻唔少印尼工人姐姐黎帮衬添
继续阅读
Restoran Indoesia Kampung Kita (旺角)地道印尼菜，姐姐介绍，店舖装潢印尼 style，店员都是印尼人，她们很有善。食客也印尼人居多❣️海南鸡印尼人都能烹调出美味海南鸡👍，鸡皮带黄油，肉质鲜嫩肉滑juicy的海南鸡👍👍配上秘制酱汁更添惹味😋😋❣️沙嗲牛肉串肉质嫩滑多汁，咸甜滋味恰到好处，配上秘制浓香沙爹酱汁，口感层次更丰富❣️原只烧鱿鱼鲜甜可口，碳烤香四溢，新鲜爽滑弹牙，配上秘制香辣酱汁更添美味❣️特色印尼炒面indomie炒得好香口又juicy，材料极之丰富有多款蔬菜、炒蛋花和手撕鸡肉，小红椒加炸得脆卜卜小鱼仔，混入indomie 更加“正”❣️印尼小食(炸鸡翼/炸鸡胸/炸茄子/炸黄豆饼/炸豆腐)小食虽然全油炸，但食落油而不腻，酥脆可口。❣️班兰叶上海刨冰用木薯粉制成「珍珠」烟烟韧韧口感，色彩缤纷望见都透心凉，夏天消暑饮品❣️珍多冰绿色粉条叫珍多，质感爽滑味道清甜，色泽也较鲜艳。
继续阅读
香港除左日韩台泰美意菜都仲有好多其他国家餐厅就好似今日推介嘅印尼菜够少见啦挂无乜接触机会会走入去系见入面多人食而且都想试下其他国家菜望望周围人都见到几大碟再问问老板娘有咩好介绍介绍左个招牌黄姜饭试下另外加左个印尼海南鸡饭黄姜饭一碟多种唔同嘅𩠌有炸鸡脾巴东牛肉黄豆饼同埋中间三层黄色嘅饭🤣黄姜饭入面仲有啲鱼干仔唔会好重姜味大家可放心巴东牛肉有啲似咖哩牛腩但酱汁比较偏干同杰身嘅黄豆饼应该系印尼嘅小食咬开好香黄豆味会好饱肚炸鸡脾打人牙骹软大大只海南鸡饭个饭系绿色嘅🤣呢个系斑兰饭带斑兰香味成餐饭都唔系正常白饭嚟海南鸡嘅份量望落都几多仲要系件件都大大旧抵食加左个烧牛仔骨平时少食个酱汁好惹味包住成块肉钟意食肉嘅朋友可以试下总结饭餐好抵食值得一试—————————————————————🔸 海南鸡饭 $79🔸 印尼黄姜饭 $79🔸 烧牛仔骨 $138🔸 虾酱通菜 $69🔸 珍多冰 $29🔸 珍珠奶茶 $25
继续阅读