RISE Kitchen (已結業)

已經一段時間沒有去Rise，每次去都有驚喜,今次仲有驚嚇。當日他們有一批新的侍應，年輕貌美，態度好但是對餐飲業似乎不太熟悉。由等位開始，最初因無位她們叫我在外面等等，我問是否需要寫低姓氏，她說不要。等了5分鐘後有位，但她真認不到我！至於食物方面，對他們的食物是有信心的。是日我選擇了鵝肝配菠蘿多士加他們的tea set-Lemon tart 加ginger latte。多士真沒有令我失望，厚厚的鵝肝加菠蘿即刻減少油膩感，價錢亦非常合理，只需$70+。 Lemon tart 是他們其中一款signature dessert 及熱賣產品。一直都認為如果間餐廳連signature dish都做得唔好，其他菜式不點也吧。他們的Lemon tart是不錯的，味道啱啱好，值得推介。至於Ginger Latte, 本人覺得不夠薑（只是個人口味）。其實Tea set是A 待應介紹的，我點Lemon tart但她拿另一點品給我，我回應我要lemon tart佢話係這個，我要求和她到甜品櫃我指出lemon tart。 OMG點解佢連lemon tart 同lemon pie都分唔到？點解自己唔去check?

上次食完之後，先發現原來小店係由法國藍帶前總監主理，來頭真係幾勁啊！所以今次再黎食過！上次食過龍蝦包，今次緊係試下唔同野啦！Prime ribeye 今次都幾肚餓，就叫左塊steak，本身肉眼都預佢會厚啲大大塊，都驚食唔晒，但上到黎又唔係喎！佢都係大大塊，成隻碟咁大但係唔算好厚切，薄薄地咁又唔會太大份量！岩岩好！而且叫左5成熟，廚師控制火候又幾好，真係有過熟，又唔會好多血水！幾正！切落去都feel到塊扒冇筋又軟林林，岩晒我呢啲怕咬唔開又痴牙既人！食落仲好juicy又好有牛味呀！正！creme brûlée latte 本身都怕creme brûlée味既會好甜好漏！ 但完全唔會呀！未飲都聞到好香既燉蛋味！飲落有少少焦糖味，唔會話好甜，又唔會話蓋話咖啡既味道，覺得比例岩岩好呀！夾到又特別！

藍塘傲呢邊都新開左幾間餐廳，今次黎到rise kitchen ，可能星期五晚，冇乜人，好似包場咁靜靜地既環境，真係好舒服！龍蝦包今次試下好岩打卡既龍蝦包！ 一上到黎擺盤已經好靚啦！有個包係龍蝦上面好似一艘船咁！掂！ 最緊要係啲包都好好食呀！係整到外皮又薄又脆，但入面仲係好軟林林既！好食！ 主角就係啲龍蝦喇！雖然係龍蝦包，但啲龍蝦絕無揸流灘！都冇成半隻龍蝦係入面！好多肉，仲要係好新鮮彈牙嫁！唔係比啲肉碎你就算！超有誠意呀！配菜既薯條都食得出係即叫即炸既！脆卜卜又係好好味！雲尼拿拿鐵呢個vanilla latte真係意料之外既好飲，vanilla味好出！配埋好滑既latte，真係好夾，但又唔會太漏，好飲！

餐廳望出去係喺將軍澳單車徑🚴‍♀️，呢個位置人流無咁密集，環境好舒適。餐廳亦無用餐時限，可以慢慢品嚐美食🍝☕️，輕鬆無壓力！餐廳主要售賣3⃣️樣嘢：法國手工麵包、咖啡、輕食。明太子野菌忌廉意粉🍝賣相唔算好靚，但簡約得嚟給人舒服嘅感覺。配菜用咗多款雜菌🍄及大量明太子，全部新鮮爽口，唯獨味道鹹咗少少。意粉微微煙韌，有咬口，份量亦足夠。樱花🌸季節當然要飲樱花Latte，入口有輕微花味，咖啡香濃醇滑。臨走時仲買咗條酥脆香軟嘅朱古力方包。

很喜歡這裡的空間感。首先，太陽光透過落地玻璃將光線透進室內，開陽的環境讓人感覺相當舒服。在這裡無論用餐、吃甜點或吃面包、飲咖啡，都讓人有種想慢下來的感覺。這裡是一個寫意的好地方。

藍塘傲開左好多新既輕食店,今日簡左呢間試一試.貪佢無分店.難得黎到就唔想食出面有分店既~紅日居然唔洗等位亦都唔多人,仲有好多座位可供選擇.我地簡左一個對窗既高台..雖然唔係海景,但對住單車徑睇下人跑步踏啤車散步放狗都幾寫意呀今日好特別地捨棄左平時最愛既all day breakfast,簡左呢款$109 egg benedict with parma ham & mushrooms其實係有小小失望既. 正常一份都係兩隻poached egg其實蛋都唔係好貴姐..今次唔記得走荷蘭汁,不過佢汁都唔算好多,而且有燒過,幾香蘑茹亦有略炒,幾小小香味.沙律菜唔夠大方好小. Parma ham更加唔洗講...好細塊.性價比低,但真心話. 係幾好食.$129 水波蛋肉醬千層麵一眼睇晒...一隻手掌都無既份量..真係....唔值...入面既麵真係好小好小. 個碗己經唔大, 份量仲要咁小佢既肉醬做得幾好,唔會太酸或咸,味道調得幾好,芝士唔會多到好溜但隻蛋過熟了....無乜流心$49 法式焦糖燉蛋咖啡 +5要double espresso +5 change skimmed milkSORRY 我飲唔到焦

同朋友試新餐廳，星期天的下午，這店比較少人排隊，所以我們就選擇了這一間。在門外等了一會，就被安排入座，可以坐到窗邊位，真好😊!看照片覺得地方很大，實際就沒有想像中的大。坐窗邊位，邊吃邊看窗外景物，都挺舒服。我點了 Tuna & Avocado Egg Benedict Tuna 是鹽水浸，吃第一啖已覺得好鹹😖。切開蛋看看，蛋黃沒有湧流出來😅。吞拿魚的鹹味幾乎蓋過了其他食材的味道😅，配菜也太少了!朋友原本想吃beef burger，可惜沒有。 那就試這個 Angus Beef & Asparagus Egg Benedict 賣相挺吸引，配菜比我的多。蘆筍新鮮，份量也算多，看見都流口水 🤤!朋友覺得整體的味道幾好👍。一次過試埋甜品及飲料。試這個朱古力流心牛角包。原本店員說會幫我們弄熱牛角包，吃的時候才發現是凍的，朱古力流心也留不出來😅，朋友說失望。 味道一般啦! 想試的話就要叫店員幫你弄熱才好吃。出去看看甜品櫃，我選擇了不多店舖有的 Carrot cake 。這個Carrot Cake 挺特別，因為有三層軟芝士。有口感，甜度適中，朋友第一次吃Carrot cake，覺得好吃👍。咖啡類飲品

網上看到好多評價，都說龍蝦意麵好食，結果感覺並不是很符合自己的胃口，醬不夠多，也有可能是因為打包的原因，不過整體龍蝦數量也不是很多！蛋糕卷中規中矩，沒有想像的好吃，麵包也是

年三十晚到了這間餐廳吃午餐，在早上已經打來訂枱，但是因工作遲了半小時出現，去到他們說要等一會兒，但是他們的職員好像忙着他們的事，一些拍照食物，一些在出出入入，我們等了很久才有座位，但這些座位一早已沒有人，很不明白為什麼一早讓我們入座。我們點了以下幾款菜式，主力以龍蝦為目標，包括龍蝦包，龍蝦意粉，鵝肝，及好像炸物魚條。食物質素超乎想像，味道真的不錯，唯一是龍蝦汁較為稀薄，肉質也可以，其他食物也中上。唯一缺點是員工的服務態度，可以再殷勤一點，不是看着顧客在等入座，只是行行企企當我們透明，如不是你主動問，他們根本沒有意欲前來詢問。

周末既Tea Time⏰⏰選擇咗去位於將軍澳海旁嘅隱世Cafe☕️☕️嘆番個chill到爆既afternoon tea😍😍同朋友一人一份all day breakfast，我哋就揀咗deluxe 版🥶🥶因為入面有煙三文魚同黑松露炒蛋1️⃣Rise Deluxe all day breakfast呢個set有:沙律，牛油果醬，煎帶子，煙三文魚同黑松露炒蛋。對比起普通嗰個只係爭$30，但材料就感覺高級好多。而all day breakfast就包左三舊自家製法包。其實成個set都好足料👍🏻👍🏻食完可以連晚飯都唔使食🤣🤣2️⃣Green Tea Latte 拉花好靚🥰🥰但綠茶粉就略嫌有少少多😩😩攪勻左之後都會有一啖啖既綠茶粉顯得杯野唔夠滑🙁🙁服務方面:要Walk in排隊等入座。我哋大約等咗15分鐘，侍應好有禮貌咁問我哋姓氏，然後安排入座👍🏻👍🏻落單之後等咗15分鐘就有齊晒所有嘢食同飲品🥰🥰

將軍澳近海濱單車徑有間叫 RISE Kitchen 的西餐不如去試下近收銀附近，有個蛋糕櫃蛋糕種類 ok，抹茶朱古力 mousse 和士多啤梨撻除了自家製蛋糕，收銀斜對面另有自家製麵包有獨立個裝麵包，又有長型家庭裝 (可以幫你切埋)確是非常方便住附近的人過來買以為袋裝麵包只可以買走原來可以堂食正，事關水果丹麥酥一望就想食青提子丹麥酥以為丹麥酥放在紙袋會焗淋左誰知輕輕一切就聽到脆卜卜的聲音食落好脆脆，沒有重牛油的肥膩味道3 粒青提子脹卜卜皮脆青甜，最緊要係無核的沒有想到切開丹麥酥裏面會有吉士餡吉士餡可以再濃味少少至於主食，lunch 有各式意粉隔離枱的 all day breakfast 多料又大份 不過呢度有新鮮出爐麵包，第一次是咪揀返包包類比較好呢？ 就決定要 熔岩車打芝士波士頓龍蝦包配薯條Boston Lobster Roll with Orange Cheddar Cheese and Frieswow ～ 龍蝦肉多到爆棚！肉質夠彈牙，少少鹹用來撈龍蝦肉的是融化的車打芝士醬還有切成極細粒的西柚沙律醬味道濃郁之餘，又有爽口感這裏的龍蝦包最頂有多條麵包好型地麵包好軟熟女仔單食龍蝦包都

Weekend 好多人排隊等位...😓今日Weekday 12點半來到，只剩幾張吉枱🤗沒有進餐時限，可以慢慢享受美食😋朋友相聚可以輕鬆傾談👭枱與枱之間有安全抗疫距離👍👍餐廳距離將軍澳站不遠，位於私樓商場正門入口。裝修簡約，以粉藍及淺木色為主，樓底特高，全店落地玻璃，光猛有朝氣。Lunch set: 紐西蘭蜆肉•木耳•意大利青瓜黑松露意粉 $129配菜中西合璧，份量都算多，每一口意粉都可以拌有配菜，味道較濃較鹹。Lunch set:香煎三文魚扒伴蘑菇菠菜醬配薯蓉 $159三文魚扒皮脆肉香，沒有腥味又不油膩，配中式波菜很有趣。薯蓉幼滑，混合薯粒一齊食很有咬口。蘑菇湯味道濃郁，最鍾意的是它沒有加入太多忌廉。跟餐另外加$25有飲品，我點了櫻花🌸Latte，朋友就點了低咖啡因Latte。咖啡拉花靚就不在話下，味道更是香醇平衡。

將軍澳海濱長廊既餐廳愈開愈多，除左Jomo之外，最近仲開埋成三千呎既Urban Coffee Roaster，遲d仲有NOC Coffee進駐，應該吸引唔少鍾意coffee&chill 既朋友，今次經過藍塘傲附近現呢間落地玻璃屋設計既Cafe，景觀開揚，裝修佈置都好有心思，真係令人超級心心眼😍😍，仲要估唔到食物都一樣咁令人心動❤️💛熔岩車打芝士波士頓龍蝦包配薯條𝐵𝑜𝑠𝑡𝑜𝑛 𝐿𝑜𝑏𝑠𝑡𝑒𝑟𝑠 𝑅𝑜𝑙𝑙 𝑤𝑖𝑡ℎ 𝑂𝑟𝑎𝑛𝑔𝑒 𝐶ℎ𝑒𝑑𝑑𝑎𝑟 𝐶ℎ𝑒𝑒𝑠𝑒 𝑎𝑛𝑑 𝑓𝑟𝑖𝑒𝑠 👉🏻$129一想枱就已經令人流曬口水🤤，仲要岩岩焗好勁香龍蝦同芝士味😈，打開上面既法包，佈滿芝士同沙律醬既龍蝦肉滿瀉出黎，醬汁味道酸甜好開胃，法包意外地軟熟，夾埋一齊食真係一流👍評分：😋😋😋😋😋邪惡度：😈😈😈😈 ⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀💛澳洲雞胸併日本帶子飯𝐴𝑢𝑠𝑡𝑟𝑎𝑙𝑖𝑎𝑛 𝐶ℎ𝑖𝑐𝑘𝑒𝑛 & 𝐽𝑎𝑝𝑎𝑛𝑒𝑠𝑒 𝑆𝑐𝑎𝑙𝑙𝑜𝑝 𝑤𝑖𝑡ℎ 𝑅𝑖𝑐𝑒 👉🏻$159 呢個價錢黎講份量都真係幾少🤣，飯係用意大利米煲既，所以食落好有口感，磨菇醬汁味道幾好，雞扒好厚肉，肉質好嫩滑，有淡淡香草味，不過煎得唔夠香口

今朝早散步行去將軍澳海濱，上次10:05經過Rise 餐廳已經full 晒，睇吓原來開10:00，估唔至5分鐘就無晒位。今次就9:50提早到喺門口等，一於試下佢哋嘅早餐餐廳內環境寬敞，裝修舒適平日星期一至五餐牌，價錢平啲有5款選擇。週末及假日只提供3款早餐。咖啡另計唔包餐1. 班尼迪蛋(兩件)伴荷蘭汁(煙三文魚配幼嫩菠菜、牛油果醬巴馬火腿海蝦。所有食材都十分新鮮，班尼迪蛋上的荷蘭醬汁配合得十分出色2. Rise 豪華全日早餐(黑松露炒蛋、煙三文魚、煎帶子、牛油果醬、沙律、自家法包)，帶子夠厚肉，黑松露味香而蛋夠滑，沙律菜同樣新鮮3. 朱古力咖啡、杏仁牛角包。牛角包新鮮出爐，外脆內熱仲有甜品cake供應各款麵包新鮮出爐店門口放咗唔同種類嘅牛角包同法國包可以外賣食完出嚟11點就有人喺出邊排隊啦整體來講，店舖價錢定位係貴啲，但服務質素同食物水準非常好，值得假日來到輕鬆下就最適合。

Cafe for chilling 系列 — Rise Kitchen✨又一次嚟到將軍澳海濱長廊附近 上次已經試咗Jomo😌 所以決定揀附近嘅另一間Cafe — Rise Kitchen 嚟試試啦🤩美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)🔹 All Day Breakfast $119典型嘅All day breakfast😎 佢嘅兩條德國腸 都非常惹味 (雖然有啲油) 亦都係全個餐最好食嘅嘢😆 沙律嘅醬汁亦都非常足 酸酸甜甜咁都幾開胃😛 大致上都中規中矩啦💁🏻‍♂️ 未至於好突出🤔✨Lobster Roll $149 (推薦👍🏻)一嚟到見到佢嘅賣相已經流口水🤤 佢嘅擺盤都非常獨特😂 上邊嘅麵包 係出乎意料地非常鬆軟👍🏻 撈埋龍蝦🦞一齊食口感都唔錯😏 值得一題係佢嘅sause 同cheese 夾都唔錯 食落去口感都豐富 而且個醬汁都幾開胃同refreshing😙 再者佢嘅龍蝦肉都算非常足料😌 而且食落去都算爽口感覺都新鮮嘅✨ 絕對係可以一試‼️🔹 Hot Chocolate $39拉花方面都非常唔錯 拉咗隻熊