Riso SEGRETO (已結業)

想去一田買嘢去咗Mikiki商場行一陣行行吓想揾嘢食見到地下有間Riso SEGRETO過了午飯時間 人流無咁多有好多位 就入去食個下午茶裝修甚有格調 番茄汁意式燴飯香草蒜蓉脆香包沙律汁薯條 $42蒜蓉脆香包 有驚喜蒜香味烘得入口香脆鬆化好似食緊脆脆多士咁番茄燴飯 味道適中平時飲得多檸檬茶 想轉一轉口味 飲蜜桃茶蜜桃味淡 感覺好似叫咗少甜價錢方面都抵食 食飽飽可以繼續行街街

星期二和女友行經新蒲崗，因為天氣太炎熱入左mikiki商場，竟然發覺地下一田旁有間西餐廳，價錢喺商場嚟講好抵食，食物平均40幾-60幾，我叫左份【熱烘牛角包吞拿魚沙律~配蕃茄肉醬燴意粉】~$47蚊，個包仲好香脆，飲品方面就算叫凍飲凍冰紅茶，凍蜜桃茶都唔需要加錢，仲有煲得好溶嘅南瓜餐湯送~雖然加左一，都覺得好正~因為嗰環境好舒服，可能人少少，同女友坐左兩個鐘慢慢傾計，店員都無任何催趕嘅動作~正丫，會再去食

未夠7:00 晚市繁忙時段, 呢間Riso Segreto 大約4成滿, 我揀左個靠近門口既方枱坐。店員有禮, 又會主動詢問落單~ 感覺唔錯。 晚市餐牌再加常餐有超多選擇… 我很困擾啊.. 最後竟然俾我發現左呢個常餐!!! 係牛角包碎蛋沙律加肉醬意粉, 附送餐前沙律及飲品~ 餐前沙律冇咩特別唔多講, 主菜牛角包熱哄哄好鬆脆, 餡料碎蛋沙律亦係擺放得滿滿的, 沒有欺場! 肉醬意粉亦都好夠味, 唔需要額外添加調味料~ 呢2種食物係我最喜愛的! 宜家一個餐就可以享有晒, 呢個配搭真係令我好驚喜!!

同同事到mikiki附近開會， 1點左右既lunch時間揾食， 幸好有位， lunch set 選擇多，價錢都係4x 至8x大元。我order左 "吞拿魚焗薯配田園沙律"， 同事order左 "牛角包吞拿魚配番茄意粉", 2個set 都係跟南瓜湯，南瓜湯味道還可， 同事個set好快到左， 牛角包睇落相當脆口，同事話個set都ok。可能因為焗薯關係，等候時間相對耐d, 等左差唔多20分鐘先到， 焗薯幾好味。餐飲個ice 蜜桃茶幾好飲，另有加一服務費。 而家食個set 50蚊左右，有湯/沙律 + main course + 餐飲，食物質素又幾好， 算相當唔錯ga la! 怪唔知客源咁廣，keep住有客等位食野啦~

今日嚟咗新蒲崗接朋友收工，是但揀左一間餐廳嚟食，見到佢個二人餐都幾吸引首先個餐湯都唔錯，有好濃郁嘅南瓜味，幾creamy我哋仲加多左＄38有個小食拼盤沙律醬又唔會太多，唔會好留意粉汁略嫌有啲稀，但係味道不俗最後有我最愛嘅Pizza ,香脆可口埋單每人150蚊左右，總括來講我覺得西餐來講係幾抵食！

係附近做完運動 費時次次食同一間就行落basement 兜下啦本身target左定食8 但太多人 行左嚟隔離 見有Set lunch 睇落都正路 記得好耐以前係荷里活同荃灣都食過都不錯 就入啦 叫左個「虎蕃茄磨菇蝦燴意大利粉」（個menu真係咁寫㗎）Free 沙律 or 湯 + 指定飲品可以加錢加小食/揀其他飲品無乜特別吸引 就當然係free items到揀啦$63 +10% 姐係都要$70嚟到就蕃茄汁超酸用罐頭蘑菇 即係無味 口感又怪虎蝦得一隻都預左但佢無挑蝦腸！真係我太腌臢咩？南瓜湯同咖啡都可以叫做不過不失嘅但個主菜真係令人失望囉...

是日平日 Dinner Set R5 & R7我覺得好食喎簡單又健康重點係熱辣辣咖喱飯辣辣地蕃茄汁又開胃豬扒 、雞亦冇話"頁"到死咸咸百二蚊有找滿足了會再來👍🏻Background music 也是我喜歡的🎶🎶

第一去到Mikiki 個商場應該係可以比人帶狗入去既因為見都有狗仔入去呢個商場到 見有人帶狗入去咁商場好多都係未開或者可能未租出去既鋪頭啦比較冷清 由於我地去到既時間係比較早 六點去到 所以佢同我地講係仲有下午茶但係我地冇食下午茶既 直接叫返餐牌上面啲意粉同埋飯咁我地揀咗一人一個餐一個飯一個意粉既咁佢仲有野飲 有湯或者沙律沙律都係平常個啲貨仔 冇心特別 幾好食既都到個南瓜湯 南瓜味一般用鐵兜裝味道都可以跟住有個飯意大利粉 唔膩海鮮有蝦 蟹柳 魷魚種類唔算多 但整體唔錯 個汁都幾搭仲有啲蟹子 令個飯有多層口感雞扒意粉 (門口餐牌係咁寫)但入面去個張餐牌佢痴咗張紙雞扒變咗豬扒 有啲失望 好似比人呃咗入去咁 入面張餐牌同門口有出面唔明點解門口個張唔改咗佢 有誤導 一心諗住食雞豬 變咗豬扒但我都照樣點咗黎食豬扒一般般 有啲痴牙 意粉同個汁反而幾好味 但佢仲有杯野飲我叫咗冰紅茶 佢話冇糖既普通雪凍咗既紅茶黎仲有杯蜜桃茶 幾甜下由於佢有飯有湯有嘢飲 只係60幾蚊都算幾抵唔錯啦 味道唔太差

第一次點了蕃茄意粉，吞拿魚牛角飽包南瓜湯，蜜桃茶。有驚喜，好味道。平日這種級數中環區都要過百蚊，但呢度係$46 set 加一，好抵食。另外海鮮墨汁飯都好食，但今次冇影相，會Keep 住去呢間食。有下午茶set, 二人set 平均消費每人都係$40~$100 環境舒適，食物質素睇得出有心機煮。呢間餐廳值得推介，今個禮拜已經食第二次因為真係幾抵食，又可以揾到多一個落腳點開餐。其實新蒲崗都有好多好野食，但要逐間試試。

同同事黎到原本無諗住食哩間, 但因為其他店都太多人就入去試下先上台的是南瓜湯, 味道同濃度都可以接受, 之後上既主菜揀左魚柳意粉, 個汁完全無味, 仲要加左2次辣油都唔掂. 老實講, 意粉醬都無味真係幾失望, 唯一好既係可以揀水蜜桃茶, 味道幾濃.餐廳環境都特別, 明顯落左好多心機，希望食品上可以多加改善

星期六下午不用上班, 碰巧男友也休假, 下班後便來到新蒲崗找男友吃飯, 來到了Mikiki, 底層有數間餐廳可以選擇, 我們選擇這間很有特式的餐廳, 因為剛好有最後一張卡位, 這裡的裝修感覺好華麗, 帶點神祕. 看看餐牌, 價錢都算合理, 也有不少選擇.飯跟意粉味道一般般, 南瓜湯味道好淡, 餐飲我們叫了冰紅茶和蜜桃茶, 也是很淡, 只有茶味, 但薯條還是不錯, 埋單$120, 不算貴啦, 但我感覺食物質素不是很值這個價錢. 另外, 店員有好幾次送錯了餐, 要改善一下啦.

今日去咗新蒲崗，行咗落去Mikiki睇下有咩好食啦！已經六點三都仲有Tea食，所以決定試下！原來Tea set去到七點！Tea set本來已包一杯飲品，我突然好想飲南瓜湯，所以加咗個都係$9！南瓜湯是用鮮南瓜打成，所以完全可以飲到鮮甜味！如果可以加一點cream就更加好！芝土蕃茄意粉配蒜蓉牛油包蕃茄醬也是用上新鮮蕃茄打成的，芝士的份量也很多，真材實料！因為蕃茄本身也有鮮甜味道，再加上惹味的芝士，只需加少許調味已經很好食！飲品要了檸檬柚子蜜，已包餐不用另外加錢！個人十分欣賞這間餐廳，因為會這麼用心而價錢不貴的餐廳實在不多！

住呢頭，都唔知原來mikiki有間咁高質嘅意大利餐廳！價錢非常親民，裝修別緻，掛左好多威尼斯嘅相同面具，環境舒適，最重要係星期日都唔使等位！我地叫左兩個set lunch, 可以揀沙律或南瓜湯，沙律落左芝麻醬，而南瓜湯雖然細細碗，但都落足料。吞拿魚沙律牛角包配蕃茄肉醬意粉牛角包夠脆，吞拿魚沙律醬非常惹味，超好味！意粉偏甜，但勝在份量夠多，一個女孩子根本就食唔晒。椰香忌廉汁豚肉配烤薄餅白飯淨係睇張相都知，豚肉多到數唔晒，忌廉汁好香椰奶味，要黎點薄餅同埋撈飯一流！又係一個女孩子食唔晒嘅餐。Set lunch仲有餐飲，iced tea偏淡冇咩味又應該冇落糖，peach tea就太甜不過整體都唔錯。食完飯已經到左下午茶時間，見到啲茶餐餐牌好吸引，超抵，多款嘢食都係廿零蚊，下次一定要黎食茶餐！

今日下晝同個同事去食lunch.....個太陽實在太猛....真係想搵一個舒服嘅地方食個lunch.....但係街上邊嘅餐廳已經滿足唔到我地.....我哋選擇去新蒲崗Mikiki搵食.....周圍又係排晒長龍.....起碼等半個鐘先有得入.....之後又見到呢間新嘅餐廳....決定入去Set lunch都幾多選擇而且環境舒適神秘裡面有好多唔同嘅面具.....俾人一種好魔幻既感覺....個沙律好好食....不過份量少了小小我同事食呢個豬扒意粉佢話一般我食呢個卡幫尼吞拿魚.....都係一般般最好飲係尼個香草奶茶......🌹🌹🌹👍🏻👍🏻👍🏻

今日lunch 同同事去mikki 搵食，間間都爆多人，見有位就入左去試。叫左個芝士肉醬意粉餐。有野飲同餐湯送，47蚊都算係咁。先黎南瓜湯，有d 南瓜蓉咁甜甜地，中規中矩。茶就可以㨂伯爵茶，蜜桃茶等，都算多d 選擇。意粉賣相一般，似係茶仔feel 果種， 芝士都ok 多撈完痴住成支叉😓，個意粉味道除左有d 香草味，感覺都偏淡，個汁一d 都唔濃郁。我覺得相比下，大家樂個肉醬意粉好食好多😓另外同事食左個卡邦尼魚柳意粉，佢地都話個汁無味。。。淡到爆。。加d 辣椒仔，仲要係落極都唔辣先奇怪😑。應該唔會再食，除左湯，餐飲ok 之外，作為主打都嘛嘛地，食快餐好過