Riso SEGRETO (已結業)

此店的下午茶餐款式多樣，又有特式，與朋友點了脆薯角配芝士蒜香包，及香草香菇汁雞粒紅糙米飯，兩份套餐均要熱甘菊草本茶。先來糙米飯，香菇汁和雞粒份量用料豐富，香濃肉嫩，整個飯creamy但偏向有點甜，有彈口之感，但吃多會感到有點飽膩，但仍是用心製作、味道不錯。脆薯角及芝士蒜香包做得出色，不油膩，吃下亦不覺上火，脆薯角外層輕微香脆內，醃料夠香不濃。芝士蒜香包非常出色，有些芝士受熱變得柔軟，在蒜香包上，加上一些香草和蒜茸，上層微脆亦香，下層麵包鬆軟，很棒，值得推介。甘菊草本茶是某外國品牌的茶包，清香順喉，不錯。

同朋友Boxing Day聚會諗左好耐都唔知食咩好，最後決定去Mikiki試下，見到呢間餐廳覺得環境唔錯，而且價錢好平，冇因為聖誕而推出聖誕大餐開天殺價。我地夜晚六點左右到，入面仲有好多位，不過就冇左卡位。我地坐係普通嘅椅子，唔算大張，所以我地嘅手袋同埋聖誕禮物都冇位擺。係我地點左餐後有卡位，我地調左過去，不過侍應唔算helpful，冇乜點幫我地，而且好似好唔想我地轉檯咁。餐廳係好似係威尼斯style，所以天花同埋牆都有幾精緻嘅佈置，不過成間餐廳氣氛就唔算真係好濃烈。餐廳有二人套餐，有前菜有湯有包有主菜有野飲，都幾豐富抵食！不過我地就冇揀呢個，所以唔知味道係點。餐廳嘅menu都幾多選擇，有risotto，孖寶薄餅，意粉，沙律，小食，飲品等等，仲有燒雞！而且價錢好親民，真係叫多多都唔緊要！朋友嗌左番茄香草雞肉意式燴紅米飯，賣相唔特別靚，而且望落就唔算大碟，不過佢話味道唔錯。孖寶薄餅大大個，十寸先$68，好抵食，而且幾足料，大大舊菠蘿係上面，好juicy。餅底幾香脆，會再試埋其他口味。香辣番茄意粉有少少番茄同埋椰菜花，意粉al dente，份量好足夠，汁酸酸地幾惹味，而且少少辣，我自己好鍾

今日去完自修室，同朋友去左mikiki食午餐。晏晝去到冇乜人，可以即刻入去。去到叫左個蕃茄洋蔥意式燴飯，不過啲汁有少少結，同埋飯有啲凍，有啲唔係即整既感覺。但係蕃茄味ok濃，又有幾粒蕃茄仔，味道還可以接受。之後，朋友叫左個蘑菇意式燴飯。個飯比較熱，感覺上新鮮啲。同埋個蘑菇醬幾creamy，蘑菇味好香。

行過見到依間餐廳裝修得幾精緻，以為好貴。睇下餐牌，原來下午茶只係$30+，見到餐廳又有唔少食客，所以嚟試下。下午茶餐嘅食物，大部份係碳水化合物。薯角+意大利飯+脆皮腸-唔夠咸，我見其他食客都有問侍應攞鹽。侍應服務OK,環境都過得去，但係餐廳冷氣唔夠，食完個下午茶，我已經成身汗。

係門口就見到入面既裝修很特別, 有水晶吊燈, 天花板嘅牆紙又特別, 好令, 好吸引。同朋友分別點左蕃茄洋蔥意式燴飯同香蒜意粉配pizza蕃茄洋蔥意式燴飯好juicy, D飯煙煙韌韌, 好有口感, 因為有蕃茄, 所以個飯酸酸地好好胃口。香蒜意粉配pizza, 充滿香蒜味, 意粉好入味, pizza 好好食因為有D泰式辣醬巴關係, 酸酸辣辣,幾野味!!

星期六的late lunch, 路過mikiki見此餐廳似乎專賣意粉，裝修很特別，價錢合理故想一試。Lunch set 主要包湯，沙津，飯/意粉和飲品。湯沒特別，沙律是溫泉蛋沙律，雖然沙律菜沒特別，但配温泉蛋的流心蛋黃汁吃亦不錯。黑椒香蒜鮮蝦意粉，充滿黑椒香，不過卻吃不到香蒜味。蝦亦算爽口，另有青椒和紅椒不過全給意粉蓋著看不到。以50多元一個set連飲品的價錢，環境座得舒適來說算很不錯。另散叫一份脆絲香草魚，size ok, 共有2條大魚柳和一大碟沙律。香草魚不是一般的炸粉魚，真的是由一絲絲的脆皮包著，入口很香脆，而且魚肉不乾身，也很滑，值得一試。另外服務生亦有禮和有效率。

本人與小兒昨午到餐廳午膳,order了兩個set lunch,第一道頭盤溫泉蛋沙津食下去已有沙，跟著杯蜜桃茶又發現有一些黑點在浮浸，都算了，但最離普是主菜是'噃叮'的，主菜送來只看見一條又亁又硬的意粉在面前，噃叮的，我問服務生是否這碟主菜是'噃叮'給客人吃，她很害怕的回答'是',跟著她叫了她的上師來了第二碟主菜紅飯，我亦問她同一問題,這也是'噃叮'嗎?她亦說是，我就回答她,你們這樣門面功夫做足的餐廳，竟然連7仔或波仔都不如，賣的食物竟是'噃叮'?我即說是走及埋單，這間Riso SEGRETO'不值一去'。

因為經過一田，又諗唔到食咩，所以揀左呢間，系其他分店食過，所以懷住唔會中伏嘅心情入去食，但呢間，我唔會再去，0服務，唔係繁忙時間但手腳慢，員工態度唔差嘅，上餐速度還可以，但整潔就差啲，本來應該濃味嘅香蒜意粉竟然可以冇蒜味，隻碟又污糟，仲見到有蚊飛系沙律上面，即刻冇食碗沙律，同之前食過嘅其他分店差別好遠，會再食Riso嘅，不過一定唔會揀新蒲崗呢間！

唔行落supermarket 都唔知原來除左food court 仲有其他餐廳。 行左幾個圈，我都係被Riso SEGRETO 嘅裝修吸引住， 華麗水晶吊燈，牆上有d 威尼斯嘅畫，天花板嘅牆紙又特別，仲有威尼斯面具，個裝修好有誠意！由於我掛住影相，我唔係好記得我係order 左lunch set 定係main menu 嗰啲野。總之就係有湯+麵包，有main, 有餐茶架啦！湯：都係紅/白，無特別。麵包：唔係蒜蓉包/查牛油而係蜜糖麵包，好好味！好少餐廳會食蜜糖麵包， 所以我印像好深刻。唔係生命麵包(蜜糖), 係烤麵包查蜜糖！Main： 番茄 risotto 配雞脾，risotto 嘅番茄汁酸左d, 食頭一兩啖覺得好醒胃，之後愈食愈酸。雞脾就普通。Main：魚柳配沙律， 魚柳炸得好好味，但如果個沙律返多少少野更好。餐茶：蜜桃茶太甜，甜到我要叫佢比清水我自己溝淡佢。整體上其實都唔錯, 一定會再黎。唔係我埋單所以完全唔記得幾錢，只係記得唔貴。

一邊食tea,一邊等上學，這間餐廳真是幾靚，點了餐飲 earl grey tea又不用加錢，食個意粉下午茶都只是28元，真抵食，而且入場前店員會俾個箱你抽獎，我抽了個8字的兵乓球，代表埋單有8折，最高可得半價優惠，真是超抵食，不少客人多數點卡邦尼煙肉火腿意粉，反而好少人order 意大利飯，碟意粉會配了一碗忌廉磨菇汁，讓客人自行調配汁的份量，煙肉也帶點鹹香，配料足，意粉又晤會太腍，都交足貨啦

繼之前走到新蒲崗譽港灣 Mikiki 商場，暑假影藍精靈裝飾、聖誕節影聖鬥士星矢聖誕裝飾之後；這是我第三次踏足 Mikiki 商場，為的是熱鬥小馬主角拉屎藏新年裝飾！  而且，趁著新年裝飾直至 2月16日，Mikiki 是我今年影新年裝飾的最後一站！ 上次影完聖誕裝飾後，順道在商場內兜個圈！  當時，已發現超市附近有一間風格獨特的面具餐廳 Riso SEGRETO，我被那充滿特色的裝潢吸引住了！  由於，我填飽肚才走到這裡！記得下次來 Mikiki 先幫襯吧！ Riso SEGRETO 以意大利威尼斯為主題，一室放滿色彩斑斕的面具，型態款式各具特色！  而天花板也配合主題，掛上華麗的水晶燈，近天花板的牆邊位置加上鏡子，擴大視覺效果！  值得一讚！ 侍應們的制服也很特別，白色恤衫配上小丑服的裝飾！設計玩味！  看起來打破沉悶的侍應 Look! 雖然侍應們不算多，他們都幾勤快！ 這樣！人流量也會相對提升！  意味下午茶餐由 $20 ~ $34 不等，價錢相宜！ 供應時間：2:00pm ~ 7:00pm！頗長的下午茶時間！ (另收加一服務費) 心大心細之下，選了一份

星期六附近有開倉, 行完之後要醫下肚..見這間餐廳的下午茶時間到七點..再加上比其他的餐廳多人光顧.所以就入左去啦..兩個人叫了三個下午茶餐..哈哈..卡邦尼意粉 ($26)這個價錢係超抵食..味道不錯..細心的是會附上一碗汁, 如果不夠的話可以自行加汁..有時有些意粉會好乾..這個可以自己按自己的喜好加汁..值得一讚!薯角和意大利小艇($26)意大利小艇其實係蒜容包上加了點番茄沙沙..蒜容包和薯角不夠脆..薯角感覺上不是炸, 應該是焗的..所以有點淋..但味道也是可以的.意式蘑菇燴飯拼腸和沙律 ($32)蘑菇燴飯覺得有點甜甜的...但飯便很有咬口..味道也不錯..配上脆皮腸和沙律..其實這兩樣沒有什麼特別..餐飲是可以添飲..芒果茶沒有什麼特別..蜜桃茶是超甜...甜到不可以接受的那種..即磨咖啡是很苦..餐廳的裝潢很特別..但頗迫, 聽到其他人的對話, 沒有太大的私人空間..以這個價錢, 可以說是不錯的選擇...

為了一個帶給我們不少童年回憶的展覽，我們來到了新蒲崗的 Mikiki 商場，而為了取得免費泊車優惠，我們的晚餐，也焗住在這商場進行。總要在商場內找個經濟抵食的餐廳來用膳，當然，也要找一家可茹素食食店。在商場的食店 list 當中，我們看見了一個熟識的名字，而這一個就是在油塘大本營也有分店的《Riso SEGRETO》，我們食義大利飯。這一家《Riso SEGRETO》，風格是威尼斯的，油塘店的主題是 Gondola，而新浦崗店的主題是威尼斯面具，盡顯獨特的風格。此店同油塘店不同的是，這是真真正正的一個舖位 (油塘的是小食亭)，所以他們也多花了心思去裝修，令到這一個細小的空間，充滿了藝術色彩。裝修特別，而且賣的是義大利菜，但這一家《Riso SEGRETO》堅持走平民路線，我們七點到埗，依然可以點選下午茶餐，就算連晚餐也不會過百元，想經濟地感受一下什麼是義大利餐，這《Riso SEGRETO》提供的輕食，可以滿足好多平民百姓。蘑菇義大利飯，也許有人問正不正宗，單是說味道，是對版的，只是覺得這義大利飯未夠乾，而且芝士同忌廉都有過重的感覺，吃一口兩口沒問題，食晒就的確有少少難度，但基於一分錢

近來譽港灣Mikik又開了一間新餐廳，裝修也極為漂亮小週末之下午，拖着愉快之腳步、享受一個悠閒之午飯跟手還可以到鄰近之日式超市所shopping，Woo．．是何等滿足哦 餐廳於位地下低層，附近亦有不下大小美食看上門口之餐牌論價錢很是吸引，美麗的食物照、再一次催促入座．． 問心．．其實論裝修心想一個四、五十元餐不知何時能夠回本 花多眼亂之餐牌，實行選上套餐至方便一道蕃茄香草雞肉意式燴紅米飯，賣相尚算滿意入口漸漸的茄膏味道遍佈於整個紅米飯內，紅米略帶咬口嘴嚼間亦夾雜上不少雞肉粒，但就未免太乾太嚡 我要健康，但亦要好味、選上紅米不外乎都想食得健康點點但．．過於全瘦便把整個口感上帶來單一寡味之效果我想選用雞肉是可帶點點油脂會更理想跟餐還有蒜蓉包及沙律只可惜蒜蓉包很稔不夠脆口而沙律上紅蘿白絲比例亦較多，草青味重沒有再加上任何價錢，乾脆要上一杯即磨咖啡咖啡香味來得不太苦澀，尚可收貨沒有期盼好多時會有意外收獲過於盼望到頭來可能是驚多於喜覓食．．好多時都會出現這個複雜思維。