Rosie

营业中

休息中

優雅舒服嘅裝修風格，放工後去食晚餐，餐廳有一種忘記煩惱嘅感覺，因為空間感夠大🫶🏻位於葵芳，葵芳廣場地下✨ROSIE餐廳外邊仲可以帶狗狗添，而且餐牌亦都有鮮食俾狗狗吃🫶🏻非常照顧周到柚子胡椒汁青口大管粉 清新嘅柚子味道，再配上香濃嘅胡椒汁，而且青口大大隻，味道都鮮甜，一碟有五隻非常大方，大管粉夠特別，鎖上所有汁，每一啖都係驚喜‼️慢煮雞肉白松露意大利飯慢煮雞肉非常鮮嫩，白松露香濃，意大利燴飯夠棉密非常有層次，一啖燴飯，一啖咖啡，簡直係享受吖👍🏻紫白配牛角酥窩夫最後嚟多個甜品，呢個甜品非常有驚喜，賣相已經震撼啦！窩夫夠脆！面頭鋪滿雜莓，生果份量算多，佢仲好有心思，將窩夫表面鋪上唔同嘅顏色，雜莓cream，奶油cream，望落繽紛，另外佢仲配埋伯爵茶雪糕，一口窩夫一口雪糕😍！賣相打卡非常一流！佢加購食物，我哋揀咗雞翼同埋黑松露薯條即叫即炸非常熱辣辣送到你面前‼️朱古力咖啡佢嘅拉花好靚，我個杯係天鵝，咖啡味道濃郁，非常好飲焦糖咖啡焦糖配埋咖啡，非常之夾嘅組合！最啱焦糖控啦‼️

今日同朋友喺葵芳行街，上網見到呢間新開嘅cafe好靚，決定去試吓～地鐵站行過去大概5分鐘，喺葵芳廣場地下，木系裝修，簡單的美～午市可以揀set lunch，加野飲就會抵啲～選擇都好多，burger、意粉、沙津都有～單點左個酥脆軟殼蟹雙層脆包 $108勁大條又香口炸軟殼蟹，炸粉好薄身，完全無油益味～配埋沙律醬、蕃茄洋蔥碎粒，包身都烘到脆身，有誠意～套餐 柚子胡椒汁青口大管粉 $138 + 牛奶咖啡 (+$30)呢度大管粉好煙韌，配埋香濃嘅醬汁，清新唔膩～青口配埋醬汁食，唔單止食到醬汁，反而更釣到青口嘅鮮～Hot latte 好香的咖啡底，拉花好靚紫薯鮮奶 $48超級香紫薯味，唔飲得咖啡嘅朋友必試

❊ 古法卡邦尼亞意粉❊ 酥炸軟殼蟹雙層脆包（配番薯條）❊ 蒜香雞翼❊ 抹茶鮮奶-葵芳新開咗一間奶白色cafe 🤍估唔到餐廳位置係屋苑樓下，但依然好多人去打卡！餐廳以純白色為主調，門窗用拱門設計，配上淺木色枱櫈，好有温暖感覺🥰🎄卡邦尼亞意粉既意粉彈牙，淡淡忌廉汁味，不太膩。上面舖上脆脆煙肉碎，口感豐富！炸軟殼蟹雙層脆包十分足料，中間夾住一隻軟殻蟹，賣相獨特😂 軟殻蟹外面酥脆，入面蟹肉不太乾。麵包烘得好脆😛番薯條好重番薯甜味，炸得好脆😋蒜香雞翼好重蒜味，可惜炸既時間比較長，有少少燶同苦味😟抹茶鮮奶不過不失，比較少抹茶味，重牛奶味。💲古法卡邦尼亞意粉：$98💲酥炸軟殼蟹雙層脆包（配番薯條）：$108💲蒜香雞翼：$88💲 抹茶鮮奶：$48

又搵到好去處同老婆拍拖，岩哂佢打卡，係一間幾優雅嘅cafe，好近港鐵，真正屋邨裡面尋到寶。炙燒黑豚肉醬意粉，肉醬出色，醬汁唔會太油膩兼顧到肉味同番茄味，加上芝士炙燒味道聞到食得到。牛油果份量多，牛油果滑蛋治裡面嘅滑蛋我會形容係軟綿綿多過滑，而呢種口感仲好過平時嘅滑蛋。三文治包係煎香左嘅厚多士，整體水準高。賣相靚到有仙氣，紫白配牛角酥窩夫有藍莓cream+奶茶雪糕，仲有新鮮水果粒，個窩夫底非常酥脆，冷熱一齊食埋雪糕同cream，配個Mocha真係好正！整體質素媲美出名嘅商場cafe，店員服務認真同好有禮貌，keep住呢種體驗我會繼續幫襯。

2023-01-10打卡一流嘅paste cafe☕️同媽媽去咗葵芳食下午茶👩‍💼帶媽媽再訪ROSIE😀餐廳裝修文青木系風格店員安排我哋坐大圓枱好闊落🥰主打係佢哋嘅特色咖啡😌可用手機落單📱柚子胡椒汁青口大管粉，138蚊碟💰賣相好吸引有五大隻青口，好貼心起埋肉，每隻肉質都肥美鮮甜，大管麵口感煙硬身，醬汁食到有微微柚子胡椒味，唔錯嘅新菜式🥳慢煮雞肉白松露意大利飯，138蚊碟💰慢煮雞肉切到一粒粒，擺盤好有心思，而松露飯味道香濃，煮到好滑溜嘅口味，個人好推薦喜歡食意大利飯嘅朋友😍蝦多士，跟餐+20蚊份💰炸過鮮蝦同多士，香氣撲鼻，蝦肉鮮甜爽彈，塗上香甜牛油更惹味，必加嘅小食之一🍤藍水母，68蚊杯💰杯咖啡用咗天空藍做主色，感覺好特別，打卡一流，飲入口都係嘅鮮奶咖啡，味道幾好☁️☁️短笛咖啡，32蚊杯💰短笛咖啡有心思拉花嘅奶泡，非常精緻，味道好濃郁☕️整體環境絕對適同朋友打卡，聊天嘅好地方😀服務正常有介紹菜式😙食物味道幾好，份量正常，每道菜式擺盤都好有心思，打卡一流，會再幫襯 @Rosiehongkong 試吓其他新咖啡☕️🥳#ROSIE#柚子胡椒汁青口大管粉#慢煮雞肉白松露意大利飯#蝦多士#藍水母#短笛咖啡

近排把新都會廣場的食肆已經吃盡一遍，就逛逛去到遠一點的舊屋村，見到這裏有間裝修得很乾淨而且文青風格餐廳，我和同事用app訂枱進去食個午餐。【法國黑松露蘑菇長通粉】濃厚的忌廉汁令到蘑菇更香，又有層厚厚飽滿感，調味剛好不會太鹹。【炙燒黑豚肉醬意粉】滿滿的免治豬肉醬上面被火槍炙燒過後，端出來已經香味撲鼻，喜歡這一款肉醬意粉沒有太多汁，意粉又夠彈牙。【古法卡邦尼亞意粉】濃濃蛋黃汁蓋滿整盤意粉，加上用了肩條麵，就更加掛汁了。【蒜香雞翼】炸得很香脆，不過炸蒜太多，有微微的苦澀味。【開心果雪糕阿芙佳朵】開心果雪糕味道濃郁，又有一些果仁粒，好味道，甜味剛好中和Espresso的咖啡味。

去葵芳搵食多數喺葵廣，今次行多兩步，去葵芳廣場試吓呢間Cafe。-食咗：▪️秘製流心蛋治 $78｜一上枱就雙眼發光，蛋嘅份量都真係好驚人，成個蛋治都好大份，都唔知由邊到食好🫣面頭有開半嘅流心蛋，烘底厚麵包搽咗蒜蓉醬，夾住巨量碎蛋、沙律醬同少量菜。有用一張紙包住，但用力一夾碎蛋就會咇晒出嚟😂唔想跌到一枱都係/痴晒喺臉，每一啖都要小心，都係用返刀叉食先。▪️藍水母 $68｜藍白啡色漸層組合打卡able，分別係蝶豆花、奶同咖啡。攪勻飲後，味道上無咩特別。-呢度唔係walkin拎飛，係用Whatsapp/SMS排隊。收到排隊資料會講no.同要等幾耐，所以見到門口無咩人都未必有得即刻入。

發現左葵芳多咗間波希米亞cafe，環境風格木系🪵，好吸引少女們打卡❤️‍🔥，價錢唔貴份量又足料🤩不過假日就可能比較多人，用WhatsApp排隊，等候時間長😅帶子南瓜意大利飯 $108南瓜味好出🎃飯嘅口感程度啱啱好，係小編中意嘅硬度😋帶子亦好新鮮，面頭仲有幾粒南瓜粒係有咬口嘅，但整體偏甜咗少少，可能放多左糖係南瓜醬🤓還可以接受到🙌🏻法國黑松露蘑菇長通粉 $88一上菜好重黑松露味😍份量好足夠，每粒長通粉都沾滿白汁黑松露，有幾細片芝士係面不過做唔到拉絲嘅感覺，整體有少少咸🙈Strawberry Milk $46好香濃嘅牛奶味🥛加上士多啤梨奶蓋🍓，超夾，大小朋友都岩飲📍ROSIE葵芳興芳路177號葵芳廣場地下18號舖

新年的假日中午來到葵芳而又不想吃劣食/連鎖店喺Openrice 搵到裝修溫和木系Cafe 決定黎一試玻璃門口上面貼左個Whatspp QR code 要send msg 講底自己有幾多人去留位佢會回覆你個籌號中午十二點到未算多人但一點後就要排耐啲了試咗最普通既咖啡Latte 同Mocha Mocha滑口朱古力味遍甜放涼咗之後啲咖啡酸味先出番啲( 如果再細心小小啲朱古力粉唔好散落個杯耳會更好😝) 慢煮雞白松露飯味道Creamy 香濃重口味人應該喜歡卡邦尼既蛋汁好似漿糊咁黏口煙肉有咸香但相反個蛋汁就冇特別既味好似欠缺咗一個signature 既配料去令個意粉有亮點坐位環境寛闊光亮，坐得舒服每人有最低消費叫一樣嘢同有加一有機會可以試下其喺食品🤭

野食同甜品選揀唔多，味道亦一般…間店都無平時人地打卡d相咁靚咁白雪雪咁。d燈有少少特色但唔係太影到黎打卡….整體性價平唔高….1）🍤多士好咸無乜餡2）意大利飯份量少3）紫薯鮮奶正常4）士多啤梨奶超多冰5）牛角飽窩夫🧇超硬有d難切而cashier 個女店員真係好似OpenRice d 食評咁，全程無人得罪佢但黑口黑面，我見隔離枱有禮貌咁問佢比隻叉定唔知咩，佢好無禮貌黑住面咁講左句等陣定一陣，眼尾都唔睄下嗰台客，我朋友比錢都無例排講句多識或even bye bye….我諗係老版？老版先會咁😅

唔講唔知，葵芳除咗新都會同葵廣，原來仲有個新浦點😎今次lunch 同同事發掘下新野，見呢間coffee 新開冇耐，次次行過都覺得好靚，身為港女既我地決定點都要試吓😆籃水晶蝦酸辣天使面＄108隻蝦都幾大隻，成個擺盤都好靚，要影多幾張相先捨得食😆水晶蝦好幾新鮮，爽口。個天使麵口感彈牙，掛住酸酸微辣既醬汁，幾開胃😍成道菜都好惹味😋酥炸軟殼蟹雙層脆包 $98呢個burger 真心推薦😍份量唔細，兩個女仔share食都好滿足🥰軟殼蟹炸得酥脆唔油膩，仲要好大隻👍🏾個炸粉份量控制得岩岩好，蟹肉都好肥美，食落去同個炸粉比例好平均。而芒果莎莎醬同乳酪味道好fresh🍃仲有爽脆嘅羅馬生菜，口感好豐富‼️個麵包做到外脆内軟，仲用牛油烘過，食落好香口🫦佢亦用左我至愛😍既蕃薯條🍠做配菜伴，蕃薯香甜脆口，熱辣辣♨️好满足🈵紫白配牛角酥窩夫 $88一嚟到大家都比佢個外表吸引住😍牛角酥窩夫每格都裝滿藍莓、紫色同白色既cream、仲有雜莓🫐成個賣相好精緻💐食落口感酥脆，仲好熱辣辣！加彌漫住牛油香🧈外層再有少少焦糖既香脆，再夾埋唔係太甜既cream食，成個味道岩岩好✨而旁邊仲有伯爵茶雪糕，可以話係冰火交融💥賣相同味道都值得推

每次去葵芳coffee time無左葵青劇院的咖啡店只可以行好遠 買小店的外賣啡前排聽好多咖啡人介紹終於抽到時間來一趟原來很近車站 葵廣對面就係充滿空間感 通道闊落 樓底又高全間店以純白色做主調牆上和門窗都以拱門設計中間有圓柱 圍繞擺著小圓桌加上淺色木系枱椅 另有bar枱向窗看得出整體很花心思餐飲也按不同時節 會更換主食意大利飯/意粉類 小食 甜品 咖啡...每樣都比想像中有質素而咖啡也很講究 有2款豆選擇今次食完 即刻想下次再來 //柚子胡椒汁青口大管粉 $158//一直很想吃大管粉 很少地方有得食今次配上柚子胡椒汁 食落有點忌廉汁口感帶點清新柚子味 有少許香草 不會太鹹青口新鮮又大隻 配上大管粉 份量剛好特別要讚 碟子以貝殼形狀 很夾主菜青口//炸薯條配黑松露蛋黃醬 +$20//叫意大利飯或意粉類 直接加錢有薯條而且即叫即炸 口感粗身又香脆另上的黑松露蛋黃醬也很多Creamy得來而不膩 帶有黑松露香味性價比超高 份量很多 差點吃不完//牛油果滑蛋治 $88//另一個招牌菜式是滑蛋治新出口味 仲加配牛油果雞蛋炒得香滑幼嫩 厚身大份以烘烤的麵包多士夾好再有很多很多牛油果放上面味道很夾

當日平日一家四口(兩個小朋友3歲和8歲)中午13:00到餐廳等候，等了二十分鐘入座。職員帶我們入座圓枱，當時職員並未有向我們說明點餐詳情，只見到枱上有一張單，單裏有QR code，估計是自助QR code下單。我們order了一個set意粉再加錢加大，再附加小食和set tea, 另外再order一個軟殼蟹漢堡蕃薯條。下單後，職員過來通知我們，稱餐廳要每人最少order一個食物，當時我們同職員聲稱兩位都是小朋友，食不了四個餐，而且我們都説明已加了小食。職員通知上司，另一個職員上前向我們說明門外和餐枱上的單都有寫明每人一個餐，而當時職員並未有説客氣説話和魔術語（不好意思，對唔住），只稱聲他們有寫明，但我們亦表明當時不知道(有小朋友的家長應該會明白，要安頓小朋友和同時要下單是不能夠清楚看見到的), 我們亦説出如果你們餐廳有特別要求，帶位職員應該要說明，職員即回應我<是我帶你們入座>, 當刻我們感到怎麼好像是我們錯呢？我們即刻向他説要取消全部，全都不要。職員之後向我們説這次可以不用再加餐。當刻我和職員説要商量一下，職員退走到水吧前，我和老公討論時，職員再次上前説，係咪有其他反

喺葵芳商場隔離， 有一間隱世cafe， 感覺清新簡潔， 令人很放鬆， 十分舒適， 而菜式方面亦都五花八門， 絕對有一款適合你炙燒黑豚肉醬意粉極力推介呢個肉醬意粉， 每一條意粉軟硬度適中， 蕃茄肉醬芝士味十分濃沃， 加上炙燒黑豚肉， 味道更juicy， 仲有一點香烤味蝦多士香脆可口嘅多士， 夾住新鮮大蝦， 外脆內軟， 而且蝦肉爽口彈牙蒜香雞翼蒜香味十足嘅炸雞翼， 真係食到停唔到口，酥炸軟殼蟹雙層脆包大個隻手板嘅酥炸軟殼蟹， 蟹鉗蟹腳脆卜卜， 蟹身全部都係肉， 每一口咬落去都肉質鮮甜， 而且香脆， 外層仲有熱辣辣嘅雙層脆包夾住， 確保蟹汁唔會流出士多啤梨鮮奶新鮮嘅士多啤梨加上新鮮北海道牛乳， 新鮮簡單， 健康美味紫薯鮮奶都係新鮮嘅紫薯蓉， 加上新鮮北海道牛乳， 味道很夾

在social media上種草的一家小眾簡餐店，簡約韓系ins風超好出片📸，食物做得都好精緻💕🤍柚子胡椒汁青口大管粉醬汁奶香味十足，加埋柚子汁格外清甜。青口肉質緊實無腥味。🤍蝦多士點主食➕20💰即可配一份小食。麵包香脆，蒜蓉焗蝦味道濃郁。🤍紫白配牛角酥窩夫窩夫🧇桌桌必點！樹莓同桑葚點綴超靚，奶油香而不膩。配上紅茶雪糕一起食口感分明，酸酸甜甜好愛😋🤍士多啤梨鮮奶🍓同milkshake一樣，鮮奶味濃🤍青檸薄荷綠茶🍃朋友話味道幾清爽🍽️食物以簡餐為主，種類唔多但樣式精緻。3個菜➕2個飲品，一共340蚊，都算抵食。📍ROSIE葵芳廣場地下18號鋪🚇港鐵葵芳站D出口💰人均150