影片
营业时间
今日营业
12:00 - 21:00
星期一至六
12:00 - 21:00
星期日
全日休息
以上资料只供参考，请与餐厅确认详情
好開心，Rosie開到嚟鰂魚涌，令到太古坊返工嘅我，放工都可以嘆靚靚意粉同嘢飲。Rosie喺葵芳已經好受歡迎，佢係以平民價錢食高檔意粉聞名，設計同出品都好特別，同一般連鎖意粉店唔同。不過我知道，飲品係佢另一個秘密武器…藍水母 $68用上蝶豆花、鮮奶同咖啡造成嘅超現實飲品。一層層嘅顏色化開，影相真係一流。最重要係飲落相當唔錯，唔會好甜，咖啡味亦足夠。朱古力鮮奶 $48另一杯強力飲品，朱古力上面鋪滿朱古力粉同白朱古力，比一般拉花嘅咖啡更靚仔。飲落熱辣辣嘅鮮奶同朱古力，喺冬天真係會令人舒服好多。龍蝦濃湯蟹肉帶子麵 $198呢度嘅名物。與其話係汁意粉，不如話係用濃味嘅龍蝦湯做湯底，再放一個墨魚意粉同蟹肉帶子上上面。咁樣講係因為龍蝦湯本身已經又多又夠味，係可以就咁飲。襯埋味道相近嘅蟹肉同帶子，其實一定係好食。辣芝士醬明蝦扁意粉 $138如果話龍蝦湯已經夠晒濃味，咁呢個辣芝士醬就係超濃味。辣度唔算好高，但食落係會感覺到，芝士醬濃厚之餘係非常多，鍾意重味人士真係啱晒。朱古力心太軟配開心果意式手工雪糕 $88咁嘅組合，唔使形容之好食啩？但佢仲有啲儀式感，會拉起個包裝等啲開心果忌廉跌落嚟。開心果雪糕算係幾有味道，加上粒粒嘅開心果，比雲呢拿味會更豐富。心太軟就正常發揮了。可以收工喺附近食個靚意粉，飲靚嘢飲，喺咁舒服嘅環境同朋友傾吓偈，都可以緩和一下返工嘅壓力😌。
继续阅读
佢個明蝦扁意粉有驚喜，個意粉啲醬都幾多，好濃郁，辣到啱啱好，仲有幾隻明蝦，食落幾惹味幾滿足，個牛肉汁意粉都唔錯，唔算好濃味，不過牛油味幾香，牛肉都唔會韌，上碟仲會拎火槍燒一燒啲牛肉，令到佢嘅蔥味更突出。另外仲加咗$12配咗一隻流心蛋。兩杯熱飲都好飲，抹茶唔算好濃郁，清清地都幾香，紫薯我哋轉咗做燕麥奶，特別香濃，紫薯味都好出。最後個甜品吐司好邪惡，熱辣辣嘅多士配上凍冰冰嘅雪糕，加上蜜糖同海鹽一個甜一個鹹，令到味蕾有好多嘅衝擊，感覺好特別，不過越食就越甜，同埋都算大份，就會覺得有啲膩，但不失係一個唔錯嘅美味甜品。環境都唔錯，有一種波多米亞風格，幾柔和，播住啲法式音樂，幾有氣氛。原來都幾多人，走嗰陣時full house，好彩我哋早到！食物質素有水準，環境氣氛OK，埋單600大元，係價錢上我覺得可以稍作調整。香草牛油封門牛肉汁意粉$208.0辣芝士醬明蝦扁意粉$138.0海鹽雪糕蜜糖吐司$98.0抹茶鮮奶$48.0紫薯鮮奶$53.0轉燕麥奶
继续阅读
想去呢間本店喺葵芳既cafe好耐，但就一直啲唔起心肝去，依家開咗系鰂魚涌，第一時間嚟試吓。約咗夜晚，因為cafe一般呢個時間都唔開，或者都少啲人會去。但係估唔到都幾爆，我估系因為佢價錢親民，而且可以開到好夜，晏啲收工都仲食到。🍖我最想介紹系香草牛油封門柳肉汁意粉，佢用肉汁做翻個意粉醬，上面又係啖啖肉嘅封門柳，感覺真係好rich，而且佢喺上台之後會幫你用火槍燒溶上面嘅牛油同埋最緊要燒着小小既百里香，於是嗰種香氣令到你好想好想快啲進食，係一個非常成功嘅意粉處理。🍖黑松露蘑菇貓耳朵粉，貓耳朵嘅咬感，煙煙韌韌，係我最鍾意食嘅意粉種類之一，而且佢好啱素食嘅人，因為佢簡單加上黑松露醬同蘑菇，就已經將成件事做得好好，好入味。貓耳朵嘅特別形狀，亦都充分咁掛住汁醬同香味。🍖朱古力心太軟配開心果意式手工雪糕，唔駛講咁多，係cafe食呢種甜品，除左見住佢上面既忌廉打開之後溶化，同行既女仔都會即時溶化架，而且雪糕同心太軟係呢個儀式之後一樣保持一凍一熱狀態，心太軟依然流心，真係無敵甜品。🍖飲品叫左藍水母同凍朱古力，再叫埋凍朱古力咖啡，的presentation 靚不在話下，味道一樣出色。咖啡味好出，有花香唔苦，花香一定唔係來自完美調色玩藍色蝶豆花，而系咖啡豆本身，Roaster 同咖啡師嘅調教，應記一功。
继续阅读
Rosie終於由葵芳開到嚟鰂魚涌啦 🎉！我一直都好想試下呢間網紅餐廳，但係葵芳對我嚟講真係有啲遠 🚶♀️。好彩最近佢喺鰂魚涌開咗分店，放工之後我終於有機會嚟試吓 🍝。呢度嘅意粉好出名，每一道菜都帶嚟驚喜，真係名不虛傳 ✨。我同朋友食到哇哇聲，對於pasta 迷嚟講，呢度真係必嚟嘅地方 😍。可以用親民價錢食到高檔意大利 pasta，同連鎖店嗰啲意粉完全唔同，真係超值 💰。—————————————————🦞 龍蝦濃湯蟹肉帶子麵 $218 ✨ 龍蝦湯底好濃郁，每一啖都可以食到龍蝦嘅鮮味。蟹肉同帶子都好新鮮，好食到停唔到口！🍗 蒜香雞翼 (2件) +$20 ✨ 蒜香雞翼外皮脆脆地，入面嘅肉仲好Juicy，蒜香味十足，真係一流！🍝 香草牛油封門牛肉汁意粉 $196 ✨ 侍應會喺我哋面前用火槍燒溶香草牛油，呢個過程唔單止增加咗儀式感，仲令到牛油嘅香味更加出。意粉仲加咗Parmesan cheese，封門牛肉又腍又入味，真係好正！🍨 朱古力心太軟配開心果意式手工雪糕 $88 ✨ 心太軟嘅朱古力流心好濃郁，配埋開心果味嘅雪糕，一熱一凍，口感超正！🥛 紫薯鮮奶 $48 ✨ 呢杯紫薯鮮奶甜度啱啱好，紫薯味好出，飲落去好香滑，啱晒甜品控！💰 總計: $605, 2位用餐(已包含10%服務費)
继续阅读
在葵芳開業一陣子的人氣咖啡店 ʀᴏsɪᴇ 終於擴張至港島區鰂魚涌 貫徹葵芳店木系帶點波希米亞風格裝潢兩邊玻璃增加更多空間感與葵芳店一樣主打各式意粉還有數款小食和甜品 款式不多但口味都很大眾化 𓋪 甜番薯條𓋪 龍蝦濃湯蟹肉帶子麵| 溏心蛋𓋪 海鹽雪糕蜜糖吐司點了小食 麵食和甜品與友人分享香脆甜甜的蕃薯條份量很多推薦 ᴛᴏᴘᴘɪɴɢ 有滿滿蟹肉絲的意粉墨魚意粉充滿口感 濃郁的龍蝦湯底鮮味十足醬汁充足 每口麵條一定能掛汁加了溏心蛋以為會在麵條上面 原來是另上另外綿密的吐司被雞蛋和海鹽雪糕包圍冷熱交織的甜甜口感 相當滿足𓋪 蜂蜜水蜜桃果茶𓋪 黑糖薑母咖啡咖啡居然也有黑糖薑母口味入口帶輕微嗆辣 很暖胃冬天也很推薦喝甜甜的果茶還貼心的保溫晚上也有不少在附近辦公下班的上班族到訪感覺人氣也不差有機會想在晴朗的早上到訪想必也有不一樣的氛圍
继续阅读