Ruby Tuesday (MegaBox)

营业中

休息中

見網上訂座平台有半價，食下好耐冇食既ruby Tuesday仍有聖誕佈置，感覺幾classic點左特級肉眼扒，原價$458精選和牛蘑菇芝士煙肉漢堡，原價$338芝士菠菜，原價$88牛扒唔算大份，夠腍，牛味濃，少少煎焦好香口，配大大份粗薯條，冇得輸Sidedish芝士菠菜亦份量十足，芝士超濃郁，好邪惡Burger巨型，面層炸洋蔥圈香脆惹味，煙肉咸香，和牛扒夠juicy,漢堡包用牛油微煎，又脆又香手，正接待員服務不錯，上菜的店員悸有禮貌，可惜店內的「負責員」則態度懶散，下單時零笑容語氣刻板，想加水時幾經艱難才提出要求，還是久久沒加，對整體用餐經驗大打折扣

朋友生日，一行5人去食嘢。因為朋友有elite membership，main menu半價仲送兩杯飲，仲有個main course同小食送。啲嘢食好大份，味道都算係咁，大家食到勁飽，埋單都唔洗$1200，真係好抵！特級肉眼扒 叫咗7成熟，牛嘅肉味濃郁，咬落去仲有肉汁！就連配菜薯蓉都好出色，薯蓉有奶油味，入面仲有一粒粒嘅小薯粒，好出色。精選和牛超級漢堡 個漢堡份量十足，好大份。個包外脆內軟，和牛叫咗七成熟，但係略嫌熟咗少少。裡面有生菜、蕃茄、芝士、紫洋蔥等等，食落唔會覺得好漏。拼盤對對碰 可以喺滋味雞翼、香脆雞柳、炸洋蔥圈、炸蝦、炸芝士條、焗薯皮、炸魷魚入面任揀四款食物。我哋揀咗雞翼、炸洋蔥圈、焗薯皮同炸魷魚，味道正正常常，冇驚喜。新奧爾良海鮮飯 個義大利燉飯好好味，而且仲有淡淡嘅松露香味。啲蝦勁爽口，好正。條魚就冇乜特別。經典燒排骨（蜜糖燒烤汁）對個燒排骨有少少失望，啲肉有啲嚡同乾，同埋蜜糖汁有少少太甜。珍寶蟹肉餅 非常一般，冇乜蟹味，唔試都冇乜損失。Ruby Refresher同Strawberry Lemonade Ruby Tuesday嘅特色飲品都係好味嘅，而且好靚，用嚟打咭

做左佢會員好多年，基本上每個月都要食一次燒肋骨係佢最招牌唯一必叫既主菜，d肉焗到淋晒，表面烤到有少少焦，又濃又甜既醬汁，推介美食首選雞翼都好正，個醬一樣夠濃夠甜加上少少辣跟餐既焗薯唔錯，而薯蓉都有驚喜，好耐無叫過，今次竟然食到裡面有粒粒薯仔肉小食炸蠔，雖然粉厚左少少但夠香脆，隻蠔都可以海鮮松露意大利飯，意外地都幾唔錯，個飯好香，蝦頗彈牙佢d野飲都幾唔錯仲有個墨西哥烤餅，正常野普普通通其實佢主要係ribs，薯仔薯條雞翼好食，扒就好少叫因為講真幾一般

簡單午餐 意粉加沙律 意大利飯配炸魚柳午餐選擇多,主打意粉類 套餐已包餐飲加沙律一份落單約10分鐘上菜,效率夠高忌廉意大利飯煮到有燴飯質感,上層係沙律菜同脆魚柳一件酥脆既麵衣包住長身魚肉,厚身有魚油,入口嫩滑外脆,口感豐富沙律用調味醋清香酸爽開胃另一碟係火腿片配溫泉蛋 忌廉意粉上層中間放隻半熟蛋,伴碟放了幾片風乾火腿咸香味濃,意粉要同蛋汁拌勻食撈埋味道更有層次餐飲可以選檸茶或加錢要咖啡或朱古力特飲平均消費$120評分7/10 九龍灣宏照道38號MegaBox12樓23-25號舖

食Ruby Tuesday 有一段故仔講既😂😂曾經有一次聖誕節🎄聽聞Ruby Tuesday 好好味，咁我就好開心🥳，就算等一個鐘，都期待😚結局：係大家諗到既啦，性價比低，同埋安格斯牛扒好普通，唔夠香又有些鞋，當時同行友人，一共消費咗1000蚊，當時印象對佢好差！ 結果‼️大反轉啊！ 因為原本Ruby Tuesday 有會員食野半價！係半價啊‼️ 聽朋友推介食安格斯漢堡🍔🍔🍔 我真係一試難忘🥰🥰🥰 牛肉好重牛味以及好正既牛肉油香🤩好驚喜，佢既飽同埋醬汁配合得好好味，係超正😋配合埋薯條，薯條🍟好正大家估下咁高質的漢堡包究竟值幾錢 🌈🌈必食煙燻安格斯牛肉漢堡🌟🌟🌟🌟🌟$118🌟🌟🌟🌟🌟總之食得好開心🥳 從此去Ruby Tuesday 必食漢堡包🍔推介大家食啊另亦叫了mega size 野飲，有酒精！

二人訂了枱(午餐)入座後，侍應反應緩慢，即使見到客人舉手，都只是舉手示意知道，但卻遲遲都不到枱前服務，起碼10分鐘。二人叫了一客牛肉眼及一個小食併盤，牛肉眼味道還可，併盤差到不得了，以前好食好多。併盤份量很少，得幾條蝦，三條芝士條，雞翼只有少許甜味，雞翼好難會整到咁難食，薯皮薄到不得了。仲有，，服務太差，差到不值這價錢，牛肉眼四百幾元，但服務差到不能接受，本人要求芥辣，拎到我食完都未拎黎，而且侍應還落錯order，併盤我要蝦，卻給我魷魚，我們一人吃了一條後發覺，便出聲要求俾番蝦，因魷魚都只有四條，心諗，你整過我要再等，侍應竟然話要收走兩條魷魚再俾番蝦我們，太肉酸了！

一行三人即興去食晚餐。入座時表明係walk in無訂位，被安排坐在open area。其實都無所謂，因為那兒附近比較少人，坐外面都舒服嘅。問題係：張圓枱污糟到爆炸枱邊佈滿「飯粒乾」最衰係我哋落完單，準備清潔餐具才發現，此時此刻要求換枱又覺得麻煩，唯有當睇唔到！可惜餐具都不得了污糟邋遢！碟中有漬⋯⋯總之搞完一輪衛生，心情已經被影響侍應大人嘅懶散態度，又係另一亮點總之環境、衛生、服務完全唔合格食物質素的確好一般！以398嘅羊扒收費，食物質素完全唔達標準點咗兩杯特飲，要求俾一杯暖水，結果暖水杯內附送污漬唯獨焗薯皮、炸魷魚比較好味，其他…兩杯特飲、一份羊扒、一份沙律、一客小食，埋單要1xxx，這種服務態度、環境衛生、食物質素：完全唔成正比

有一排都少食左西餐，突然心血來潮想食Ruby Tuesday的Ribs。同埋都本住食得一次得一次心態，希望佢都可以繼續係香港經營。今次係九龍灣附近行街，最後上左Megabox 分店！一如以往，一到假日就好多人，加上Megabox通常都係一家大細放假去睇傢具，大部分餐廳都要排一陣隊先有位! 我地中午都係等4人位都要排左幾個字! 今次大家都係食肉獸，叫左好多肉XD1. 滋味雙拼雞中翼(辣、不辣)辣味繙無得輸，如果都食到少少辣都不妨試下食，因為滋味辣醬真係好好味，原味雞翼相對就遜色少少喇! 2. 烤羊排配薯菜羊架肉質好嫩，羊味唔太重，所以無咩”SO”味，少少脂肪都可接受! 其實Ruby Tuesday薯蓉一直都KEEP到好好味的水準! 唔會因為佢係配菜而求其整3. Ribs烤豬肋骨今次點左半份，每人都至少食到2條，條條都好厚似，燒烤醬就略為咸左DD4. 特色加州墨西哥烤薄餅薄餅含料有炸雞肉、牛油果、Cheese，仲可蘸SOUR CREAM &茄醬，食落好有層次，口感豐富，食起黎好輕盈！5. Tall Cake其實仲點左Tall Cake，可惜太心急食就無影相LU，基本上係Ruby Tuesd

好耐冇食Ruby Tuesday, 而且分店都唔多。不過今日一試，質素依舊有，而且做咗member優惠都keep住有，冇失望到！今次叫咗2杯特飲，仲有芝士西蘭花雞肉長通粉，西冷牛扒，同炸薯圈！份量足料又大份，亦都好新鮮！特別係焗芝士西蘭花雞肉長通粉，好多芝士極邪惡，入口又香濃，夾埋西蘭花同雞肉食，好juicy，雞肉一啲都唔乾！西冷牛扒7成熟，肉汁鮮甜，仲有焗薯跟，好滿足。炸薯圈即炸好新鮮，又脆口。最出色係特飲，好香甜嘅水果香！當日waiter可能人手不足，覺得佢哋一腳踢好忙，不過都諒解

週末想去歡樂天地度玩去玩之前當然要食飽飽所以就求其入咗呢間餐廳食叫咗一份豬肋骨一個唔記得咩名嘅炸嘢拼盤同埋一份漢堡漢堡個牛唔係好新鮮但又唔熟有少少得人驚但尚算擺得入口面頭個炸洋蔥我諗係我未出世之前已經炸好超大浸油益味薯條 凍既 完豬肋骨反而比較保險啲夠軟 都夠入味既個焗薯跟果舊牛油super大舊如果食晒應該會中風我地兩個人夾埋只食左一半質素普通個景就值得一讚既如果係想搵個位休息傾計呢間餐廳可以風景幾好啲位又夠闊落但如果係想食好好食既就不如揀第二間啲食物真係普普通通

首先利申：已做VIP超過五年這是兩公婆＋14歲囡＋10歲仔的Pre-Father's Day Dinner上網訂咗位，準時有枱。點咗三個主菜：西冷（7成熟，黑椒汁另上），蝦長通粉，香草烤雞柳配松露飯。另外redeem咗一個VIP小食（冇影相），係同CP雞翼一模一樣的甜辣雞翼。飲品VIP本身送兩杯regular size，再用積分換兩杯mega size。西冷頗多筋，烤得好香，生熟度可收貨。蝦長通粉係阿仔至愛，基本上都永冇失望。烤雞柳外層煎香，內裡都算嫩滑。松露飯唔知係咪心理作用，都係另外嗰款「新奧爾良海鮮飯」好食啲。但呢個都OK嘅。四個飲品味道都OK，Mega size一個人嘆都好正。VIP本身計半價，所有送嘅飲品同小食要用正價計加一。以上三個主菜加一個送嘅小食、四杯送嘅飲品，加一後埋單都>$600，講真，愈食愈貴！同埋，侍應服務好一般，上菜手震震，唔識放啱位置，叫佢地攞水、攞匙羹、埋單都好慢動作。

偽美國餐廳，食物全部都係翻熱上菜，點解我知？因為我哋叫左件Ribs Simpler同黑松露雞胸意大利飯，10分鐘唔駛就即上菜，而且份量並不是佢哋聲稱既美國size… You would know what I mean if you have been to the states. 唔好浪費金錢係呢種垃圾餐廳，唔好食，唔抵食。仲有，佢既$48 sweet chill chicken wings，細隻到好像隻手指尾咁粗既雞翼，炸粉多過肉，真係晒我時間！

Platter 失望chicken tender 只有麥樂雞大小 以前大好多魷魚炸過龍煙肉薯皮好薄 雞翼可以Ribeye 可以Tall cake 一流Service 失望 帶位同事同經理係最醒。Server 執枱跌左舊西蘭花喺枱 天一半地一半無執過 一路都無番黎執上tall cake 無餐具 我話兩隻匙羹得啦唔使碟拎左兩隻大匙黎 甜品呀！！老連咁大隻，俾甜品匙啦小姐。你公司一定有standard, 唔好hea d 客無心做就唔好做啦假日多客好忙我地明架，service 有交帶d, 講聲轉頭番黎 好呀而家拎俾你，客人唔介意等兩位$1000Non member

1）半份豬肋骨拼雞翼份量都好多，兩至三人都夠食，而且想食雞翼和豬肋骨嘅朋友叫呢個啱啱好因為兩樣都可以食到而且雞翼仲可以雙拼水牛城雞翼每一次嚟到都會叫，雞翼揸得好趣，而且上面嘅汁亦都酸酸辣辣好開胃都會食好多，另外豬肋骨亦都係覺得啱啱好肉質都唔會太乾，今次選擇了配燒烤醬2）煙三文魚凱撒沙律三文魚都新鮮，菜方面好乾淨好甜3）芝士焗薯條小朋友最鍾意食，薯條上面有煙肉如果再多啲就更好，上面加了酸芝士好開胃，好快就食晒4）Oreo奶昔

早前社交平台 page登記有正價menu 50%off的優惠，相約三五知己過來食😛凱撒沙律🥗 啲菜新鮮水分充足，麵包糠都夠脆，三文魚份量剛好夠分～黎到必食ribs，叫左個三重奏，有炸蝦🍤炸雞胸同埋燒ribs~ 同之前一樣好嫩加埋啲燒烤醬好Juicy🥰雞肉薄餅 🌮呢個就麻麻地，普通蕃茄粒、椰菜絲🥬、洋蔥粒、個sour cream又亦唔係好match😅三味雞件有原味雞鎚、蛋黃醬雞翼、辣味雞件雞翼難食🤥反而原味炸得好香脆，雞件的肉質好林👍🏻蕃茄辣肉醬蜆意粉🥴完全唔入味，啲面有冇彈性，一夾就斷，好差卡邦尼海鮮通心粉有蝦同埋蟹肉的芝士通心粉 濃濃的cream cheese 🧀 出色過上一個蕃茄意粉好多～其他冇乜特別就不逐一點評～埋單每位$340，所以如果冇半價應該都唔會嚟食，有折扣先合理😂😂