Ruby Tuesday (已結業)

極度失望，餐廳無咩人上菜都咁慢，最介意是burger同意粉係室溫，所以食咩都咁難食。品質不值得這個價錢。不建議join會員，就算半價都不值得。意粉屋仲好食過呢間。

大約四丶五年前，曾經是這店的會員，常常光顧，之後因為吃厭了，所以就沒有再成為會員了。今天經過，愛人說想試試看，等了大約半小時，終於可以入座了。看到價錢牌，不得不成為會員吧！麻煩奉上$1200成為會員，成為會員後才可以有半價優惠，折扣後每碟食物也要百多二百元。坦白說食物質量已經不及四丶五年前了，牛扒尚算可以，有點over cook, 但因為成為會員可以用約$100點這個菜，算是性價比。小食拼盤也算吸引，芝士條及芝士薯皮也甚美味。另外也點了蟹餅，味道十分鮮味，但小小一塊，半價後也要百多元！至於煙三文魚沙律，煙三文魚不是太肥美，但幸好沙律菜算是新鮮，沙律醬足夠，可以加分多一點。這碟正價是約$300至於飲品方面，愛人點了香蕉沙冰，味道麻麻，不夠creamy。而我點了熱情果飲品，喝了一口十分酸哦！後加了一點糖漿，我喝到最後才發現此飲品有酒精呢！暈......因為成為了會員，所以也必會再光臨。但以食物質素及價錢來說，外面有更多更好的選擇。

因為係會員，所以經常會嚟食。由於本人係食肉獸，所以偏向肉類食品多D。和牛漢堡係首選，安格斯牛排、ribs和烤雞沙律亦係我嘅至愛。和牛漢堡多肉汁，仲有又厚又大嘅蕃茄、生菜、芝士、酸青瓜夾住，麵包烤得鬆脆，高水準。烤雞沙律亦好味，雞肉調味恰當，沙律菜夠新鮮，配上沙律汁、芝士、麵包粒，非常清新。會員除咗有5折優惠之外，叫主菜仲送2杯飲品(regular size)，除咗純果汁同樽裝啤酒之外，其他cocktail, mocktail, beer, red wine, white wine,smoothie都叫得，所以可成日試到不同嘅飲品，正！以前成日揀smoothie,上次飲咗杯熱情果cocktail,今次揀咗長島冰茶同白葡萄飲品,全部都好好味。不枉我又俾咗1千大元續會。

每次大班朋友聚會，都會想起這家店。因為座位夠多，而且店內氣氛友善，就算我們大笑略吵都不會引來其他人側目而視，因此可以放心歡聚。而每次必點的菜色之一便是蜜糖豬仔骨，貪其醃得入味，肉質鮮嫩多汁，而且與其他食肆不同之處，在於「骨肉分離」🤣🤣🤣因此吃的時候只須輕鬆一切便可以，毋須一輪搏鬥方可將肉放入口，非常方便。另一必然選擇就是凍檸茶，因為談天必然口水多過浪花，需要補充水分，這時候無限refill的凍檸茶便是及時雨救星。而且這店是會再補充新鮮檸檬，而不是單純加茶的，非常有誠意。今次帶來驚喜的還有蒜蓉包，烘得香脆但又不硬，而且蒜味充足，如果不怕之後要見客有口氣的話，絕對不要錯過喔。

I love the finger food platter here, chicken tender and buffalo wings both my favorite comfort foodI like their sour cream and blue cheese dip which came with the wings.The mains are fair... squid ink pasta is good, their steak n ribs doesn’t suit my taste... If u join their annual membership plan with a one-off fee, u get 50% off the entire a la carte menu

星期二食午餐， 五折收費 ，當然有啲限制啦 !可以入下會全年又得， 唔全年又得入到嚟唔使講都係叫番個餐啦， 餐前例湯蕃茄餛飩皮湯，味道都唔錯，飲落都有啲味，再加個放鬆餅仔 ，硬唔硬軟唔軟淋淋哋就幾過引。 燒排骨 配薯條，本呢可以配意粉嘅， 不過大眼雞睇唔到 ， 呢個燒排骨真係值得一讚，唔硬唔燶又多汁， 食落甜甜我個friend幾乎食埋我嗰份咁濟 ，不過的薯條好熱氣， 我個friend又係整個薯條喎，所以熱氣加熱氣冇得傾。漢堡包打孖嚟一人一個 ，細細個容易入口，一開四一啖一個，牛肉軟淋淋個包包又看得熱辣辣，加埋啲配菜 都唔錯喎!最後熱咖啡一杯 ，香濃味厚 黑蚊蚊嘅咖啡都幾好嘅!

一連兩日到將軍澳，第二日就食西餐算😂ruby Tuesday is always the choice因為夠穩陣吸引我同事入黎既係，望落係西餐夜市的價錢，但其實頭三款有特價$48😂所以佢狗衝黎食個餐湯飲完都一半飽我叫咗蜜汁燒雞（原價要$96），但個意粉都係白汁，飲完個湯再食白汁，都真係幾飽😂個燒雞煮得夠燶，好正🤤肉好嫩，估唔到咁平都會保持好質素，一讚！

幾年無食過因為太貴，最近聽人講有幾款lunch set 做緊48，咁我就嚟回味一下。lunch 1130至1500每日唔同要問下職員邊幾款做緊48。今日我試咗3款，第一款係蜜汁燒雞(已附圖)，買相幾好食得飽，48蚊性價比高，雞扒有口感所以有點勒，燒汁濃，扁意粉濃味芝士及忌廉味都幾好食。拌碟菜都係水拾，無味但健康，因其他都濃味。推介此雞扒。第二款係漢堡，牛肉夾芝士一流的佩塔。推介。第三款係78蚊露比牛肋骨，有點怪味，肉少骨多，性價比低。不推介。唔要湯可要沙律(附圖)味道一般。總結，48蚊可以一試。

真係好令人失望呀！見到有咁多間分店心諗應該質素唔會太差啦，但係真係覺得非常唔ok。同朋友叫左個牛排同豬肋骨share食，牛排明明叫五成熟，但係餐廳竟然犯咗低級錯誤，上枱嘅時候份牛排起碼有八九成熟。重點係如果一間餐廳牛排係賣點之一的話，就算廚師一時失手整得太熟，件扒都應該依然係嫩滑。但係呢塊牛排咬落去非常’un’，而且無咩牛味，一食就知係屬於品質唔好的牛排。豬肋骨亦都整得太乾身完全唔嫩滑。2款菜式麻麻地，之後應該未必會再食。

去完海洋公園下午茶，坐纜車後，就去左坑口陪婆婆買電話同食晚飯啦。去到坑口，唔駛諗又係去Ruby Tuesday啦，因為我地之前收到email話會有新菜單啦；黎到咪去試下新野囉。閒日唔駛訂位，唔駛等位，又唔駛比人限時食飯，真係舒服好多呢。新既飲品，唔記得叫乜名囉，只記得係玫瑰加荔枝，重有其他唔記得乜。都幾好味，玫瑰味比較重，荔枝味只有好少。如果多D荔枝味應該會好飲D。本來我地想用積分換2杯飲品的，但2杯Mega Cup其實我地又飲唔駛；所以只係叫左一杯Mega Cup三份飲。點知依杯野勁好飲又開胃，結果三個飲得唔係好夠喉，不過再order又飲唔晒，最後都係飲番水新野，有得揀全雞肉或全牛肉的，有4塊餅皮比我地包黎食，配菜重有蕃茄醉，酸Cream，生菜絲，芝士碎等。自己夾，都幾好味，係牛肉同雞肉底有D酸酸甜甜的洋蔥，勁開胃。仔仔十分鍾意食，佢自己一個人就包左2件餅黎食呢。叫牛扒加的side dish，係松露燴飯。新野黎，之前唔覺眼的。而且仔仔本來想叫雞肉燴飯，但又想食牛扒。咁我叫佢不如牛扒加依個啦，都係松露燴飯黎，咁佢又食到牛扒又食到燴飯，雞肉我地果邊又有叫。舊有菜色，10安的牛扒，其實真係

1個星期前5個女人約定食呢間架？最後有人唔記得約定，又有人話咳未好，終於3個女人照食囉，我是第一次來食嘅，平時見門口成日都係派長龍等位，最怕咁等法了！所以一路都無試過呢？原來呢度逢星期一至五係有優惠價食架😂特定選擇3款式優惠價😋咁3個女人就要晒3款啦！首先咁係飲湯啦！個湯超濃郁，好夠味粟米又多仲有個cake添Pasta Bologners味道淡淡哋！不過有點凍咗！😔Ruby Minis(Filet)好味😋特別舊牛肉勁厚好有口感👍Teri Chicken雞超入味有小小甜就啱晒我喇。Ice Tea Sweet只有茶味，原來無檸檬放入去😔Hot Lemon Tea友人叫熱檸檬茶又係得茶味😔

同朋友午餐叫咗三個set lunch埋單＄180嘢食一般 但係溜單 叫侍應YEN check單服務態度差 眼超超以後唔會再幫襯之前試過太古分店九龍灣分店服務都係勁差以後都唔會再幫襯

2018年5月12日，下午2點半左右去左食野。之前我呀媽學試過Ruby Tuesday話想試。咁見就到媽媽節就試下。一試就後悔，一入鋪頭，其實見到員工多過客。但無一位主動行過來問的地幾多位，行過望一望我地都無意識去問。咁員工們做緊咩？ 就係吹緊水，無所事事。直到我開口講“係咪是但坐都得”先有個員工答“唔係架，你地幾位？” 坐低左，唔知係本身唔會俾水定點，要問先有。而食物質素。。。唔駛多講，只可以話價錢同食物質素成強烈反比，無諗過會咁差。食完埋單喇，叫左成10分鐘先埋到，成間野都無幾多枱客，埋張單要咁耐咩？ 而最嬲既係，佢要找4蚊俾我，我諗一係就2個2蚊或者1個2蚊加2個1蚊。點知佢找左1個2蚊，剩餘既數係用各式各樣既毫子組合而成。即係有1毫2毫。其實都係錢，但去茶記食，人地無散紙要找毫子都會講聲唔好意思，Ruby Tuesday 員工無任何表示。 里間 Ruby Tuesday 我唔會再去。亦希望其他人唔好浪費錢去食。真係食M 字頭快餐店都好過食佢。如果連一間普通茶記有既服務都無既時候，不如去食茶記好過啦。

今日同友人們相約係坑口覓食，經過Ruby Tuesday 嘅時候，其中一位友人話有要用成千幾先做到嘅VIP，全部嘢食都可以享有半價優惠。機會難得，我地就即刻衝咗入去試食。先嚟一個三月限定優惠 - 煙三文魚。40蚊有4塊，咸度適中，都幾抵食。8條芝士條。芝士都幾濃，驚食得多會好滯，所以Kiwi我只食咗1條留肚食其他。洋蔥圈。炸得幾好，口感酥脆，點蕃茄醬/蛋黃醬都好食。點咗一個自助沙津吧，由於只可以攞一次，好考堆砌能力嫁，最後拎咗好多長通粉係底，中間就好多西蘭花同薯仔，望到都覺得飽重頭戲: Ribsssssss!我地叫咗一整份，骨同肉好易分開，啲肉好腍，配合佢果個蜜糖燒烤汁，一個字: 正!隨Ribs附送薯蓉配菜，薯蓉混合咗牛油，食落好腍好滑好快就係個口入面溶化咗成餐都食極唔停，食到好飽，4人埋單6百幾蚊，咁嘅價錢可以食到咁多種類嘅嘢真係超滿足呀!

Food in Ruby Tuesday is very expensive to me. We had a causal dinner with my family, and ordered 3 dishes.  Hickory Bourbon Chicken, Full-Rack Baby-Back Ribs and Hand-Skewered Shrimp. Nearly 800 in total, which is very expensive to us. But the Full-Rack Baby-Back Ribs is  really nice! Also staffs in TKO Ruby Tuesday are vert nice and helpful!