Running 燒 (已結業)

琴日我同埋朋友去咗旺角行街。行到肚餓呢就想去食嗰啲放題類嘅嘢食。咁我圩就搵到呢一間韓燒。對上兩個禮拜呢都食過一次韓燒。想食多次韓燒。就搵左呢間Running 燒試一試。250蚊左右一位，可以食90分鐘。裝修唔錯，望落去呢乾乾淨淨咁，都好似韓國嗰一種嘅韓燒，有晒可以擺袋一陣圓形的chair。款式呢有好多，主要有雞、豬、牛、海鮮、熟食等，飲品都有不同紅色的飲品，又有可以清熱氣的飲品。我哋呢比較鍾意食牛同埋豬，尤其是係牛，所以我哋呢都盡量試多幾款唔同牛嘅食材，豬就叫咗幾樣only。先講牛，我哋叫了一口牛，薄切西冷牛肉，醬汁牛五花肉，西施牛肉片等等。牛呢嘅厚薄度啱啱好，燒一陣就食得，加了醬汁的牛，食落去有啖啖醬料味。牛方面很不錯。豬方面，我最鍾意食五花腩，個辣汁五花腩更加係一定要去試，幾特別。海鮮呢，就叫咗魷魚同埋帶子，今次呢就唔夠膽叫貝殼類嘅嘢，因為連殼燒好難熟。帶子呢嚟到呢係一粒過嘅直接放上去燒就得，縮咗水就食得，彈牙，都好食。咖喱汁魷魚，燒落都好好食。最值得讚嘅係飲品方面，有好多可以降熱氣嘅飲品，例如竹蔗馬蹄，杞子白菊蜜等等。總之，價錢雖然不平，但勝在呢選擇都多，都值回票價。

第一次黎食，有好多唔同選擇，有海鮮有肉。首先有叫帆立貝，好好食，好新鮮，又叫咗唔同既肉，有朱，牛，雞，豬皮，肉類調味都好好食，又唔會太淋，又有熟食，但兩個人食唔多野

牛/豬/香腸菜單：西施牛肉片/醬汁牛五花肉/牛柳片，呢三樣肉類系比較好食唔會中伏，其他就麻麻地啦！海鮮/雞/羊菜單：大蝦有泥味；生蠔同蒜蓉芝士生蠔完全唔好食，細隻冇肉得黎又唔新鮮；咖哩魷魚鬚麻麻地冇咩味；魚都ok嘅！當時叫左多春魚，但臨尾先醒起一直冇比。最中伏嘅一個菜：無骨辣雞爪配芽菜，d雞爪超級無敵難食！3個人一個爐，110分鐘不夠食，上菜有小小慢，得幾樣調料可以揀，服務態度ok，值得一去嘅一間自助燒肉！

這幢大廈都不少食市，其中一間韓燒吸引到我，價錢十分吸引就打電話去預訂和朋友一起去，幸好之前打了電話都好多人等緊，入到去都幾大，餐紙都十分清楚我們即時點了東西吃，待應都好快拿到來可以開餐。蔬菜方面最愛吃南瓜生菜，都幾新鮮包肉十分適合，南瓜都幾甜夠薄好快食得。牛肋骨肉味夠不錯，最後差不多叫了十片來吃。海鮮款式都不少，當中多春魚大條多春好香口和新鮮大蝦好爽口。很久沒有吃雞腎，都好爽口夠軟不會很難咬，仲叫了幾款豬肉來吃，好味的肉再配口熱白飯最好配撘。小食種類都不少，其中原味炸雞份量一小件剛剛好，新鮮炸起好味道。差不多結尾時待應給了甜品紙有幾款雪條和當日甜品，我和朋友就一人一枝蜜瓜和椰子味雪條，即時透心涼~!

朋友去過一間韓燒覺得不錯，所以就找我今次再食消夜的韓燒，沒想到都不少人，等了一陣入坐坐得都幾舒服。因為朋友來過即時點了食物就出去拿飲品和醬料。最愛吃鯖魚和冬菇叫了幾次了，魚新鮮不會很腥，冬菇都好厚身好香，炸物當然來到這裡就叫炸雞，柚子炸雞，柚子味濃不甜炸雞熱呼呼。炸餃子每款叫了一隻九菜和泡菜，剛炸起好脆口入面材料十分足料。之後再連續叫了幾款牛肉，西冷牛扒、辣味五花肉和醬味牛五花肉，各款醬都各有特色，肉質口感都不錯，不需落太多醬油都好夠惹味。海鮮方面見到有燒生蠔仲有味同蒜茸芝士味，各要了一款，蠔不是好大隻但都夠新鮮，配上蒜茸芝士再惹味點。食不了少肉當然就想叫個阿珠媽靚湯和炒年糕來吃，湯都幾多料而年糕都幾辣。仲有不同類型的雪條，見到椰子當然叫了一枝來吃，不太甜好味道仲可以解到辣添。朋友的確沒有介紹錯而且仲要二百元一位都不用十分滿足的一餐。

疫情4人限聚下…其實都可以出街食飯慶祝生日嘅！在openrice搜尋下任食放題，就有好多選擇，而且我地星期三先決定約食晚飯，要趕訂到星期五晚嘅餐廳，其實都好有難度囉，打左好幾間放題都Fulled，好彩…就係呢間BBQ咁岩有4位，而且呢間BBQ都有成7百幾個Good，所以我地都好快就決定試下呢間。其實我睇食評，Running燒其他分店評價就普普通通，有朋友話將軍澳店唔好食添，但係呢間旺角分店係特別多讚好嘅，應該有信心啲嘅！我地早到左15分鐘，所以要在門外等候，服務員態度好好，有問必答又有禮貌。我地一坐低，立即點食物先，入單快食物都好快上枱，亦無漏單。食物方面，果然樣樣食物都幾好味，我地點得啲食物太多了，放到成枱都滿吖。要特別推介嘅係辣味五花肉，我地一致都覺得好入味，口感又滑。整體食物都好味。$306有110分鐘任食，仲要有任飲(無酒精飲品)，如要飲燒酒類都係+$38支左右。超抵食喎！

食物並沒有特別, 牛肉很普通,其他食物一般,帶子很細小,大蝦啲肉好梅,食完之後很口渴,很多味精,成晚瞓唔著。提醒職員開抽氣扇,反而俾佢串,食物未到,煎pan未熱,開嚟做乜?反而冇用嗰邊嘅爐,抽氣扇開左,問佢嗰邊都冇爐,個抽氣扇又開咗,佢就o曬嘴,如果唔提醒,真係食到一頭煙。一路食,慢慢食,以為仲有時間,突然間送個甜品牌,話提早last order時間,沒有110分鐘,只有60分鐘,距離交枱時間仲有45分鐘,真係懷疑佢隻錶係太空錶,時光飛逝。環境一般,好似在office 加個pan,自己煎食物一樣。啲位好窄。不要嘥時間。留番個肚食其他好嘅嘢。

記得喺係下午五點多入座，7：40離開，因為有7折，所以選擇食最早的時間，雖然是最早的時間，但店鋪都幾乎坐滿。久未與朋友相聚，見疫情稍退，選擇running燒的原因是因為之前與公司同事聚餐時已經食過running燒，覺得東西新鮮，而且質素唔錯，上菜快，又唔會漏單，所以便約朋友前來running燒燒烤聊天。貪心嘅我哋已經將所有嘢都鋪上去，而且鋪到滿到爆！笑死！炸魷魚好大一塊，值得推薦嘅係炸雞塊，覺得比出面幾百一份嘅炸雞好食，不過特辣真係要慎重選，因為見到朋友食落去冇乜反應，仲話唔錯，自認算可以食辣嘅我當然encall一份，可以食譚仔大辣嘅我辣到癡線，一開始是甜甜地，食完吞落去之後辣先湧現，完全唔比你後悔，飲咗好多飲品先冇事！！仲有，上次只顧住燒肉同海鮮，見到有沙律，就叫咗一分，結果佢嘅沙律係超級大腕！！我以為係細細一份，結果係一個超大嘅鐵腕裝滿，如果細食嘅人可能已經被ko咗，佢嘅海鮮新鮮，但無知點解，生蠔被我哋燒到原來嘅1/10咁大，可能係我哋唔識燒啦，其他帶子、扇貝、蝦之類都好好味，肉類選擇好多，個個都好食。最終我哋食到最後一刻，將大家所叫嘅菜食完！希望大家唔好浪費食物！

見到咁多好評先黎試下 真心超級無敵失望 有個種好耐以前香港仲未興韓國野既時候 讀書個陣隔離附近個種韓燒 係menu見到有牛扒個陣都覺得好唔韓式🙁 仲要裏面啲侍應係大媽咁 無乜禮貌 唯獨是有一個男仔超好服務態度之外 真係有啲茶餐廳既feel 最後兩個人每人350蚊 送既甜品都唔要 相都無影就走 真心無下次我都係人生第一次打食評 真心唔明點解會有咁多好評

今日朋友過咗probation 咁就梗係要去好好慶祝下！ 佢呢就係中oppa 毒既少女(?) 咁好自然要搵韓式野啦，我呢就係餓鬼 我地就搵左間食韓燒放題Running燒 試試～ 佢地主要有三大類選擇：肉類/海鮮 同熟食小食等等每種肉既款式都幾多 牛肋骨/薄牛/五花肉等等燒完啲肉，當然就要夾埋生菜一齊食，咁樣無咁肥haha! 之後就再試海鮮，海鮮選擇 蠔同帶子蠔上面加埋芝士粒粒 好正～～～試完肉同海鮮 我地仲食咗炸雞同水冷麵 食咗超多野 勁滿足haha!

前排同朋友去試下呢間好評如潮嘅韓燒，果然冇失望。一行二人約喺旺角等，地鐵出口行五分鐘就到。食物種類好多，放題嚟講好驚喜！燒肉類牛豬雞必備，竟然有好多海鮮選擇，有生蠔、蝦、扇貝等。熱食有炸餃子🥟、炸雞水冷麵生蠔扇貝賣相都幾好！實在好少放題有海鮮。燒芝士生蠔勁正！好cheesy又鮮味！燒牛肉薄切正！醃料味道都唔錯，仲有生菜可以包住食，減減膩👍總括嚟講，雖然係放題，但食物質素同環境都唔錯，鍾意食海鮮嘅食多兩轉已番本，推介！

之前喺呢一層食日本嘢發現到原來呢度開咗間韓燒餐廳今日同朋友好耐冇聚就決定嚟呢度食下貪佢時間夠長可以慢慢傾但係估唔到原來佢啲食物都好有驚喜 確實係朋友相聚好地方作為韓燒餐廳佢嘅燒烤類食物我覺得都已經好出色 主要係啲醃料唔會太鹹同濃味 啲肉亦食起唔會好霉 淨係牛肉豬肉都好多種部位同味道可以揀 而且呢個價錢仲有咁多海鮮 真係超值 我地狂燒蠔 扇貝 魷魚 覺得回本d haha有時韓燒好似感覺一味燒肉 食黎食去同一隻味 但係呢度仲有咁多其他非燒烤選擇 就真係非常唔錯韓式炒粉絲同炒年糕係我最鍾意食嘅 佢另外仲有水冷麵 年糕湯 辛辣麵等等最後其實已經都好飽 不過見到有咁多甜品同雪條 點都要過埋最後嘅口癮 今晚就由佢爆肚喇

做得韓燒，食到咁上下，要求換鐵板係好正常，個女侍應竟然叫我哋用個蘿蔔擦乾淨塊板再用，佢好熱心示範俾我哋睇，整完之後成個鐵板邊都佈滿黑色一塊塊黑焦，D嘢食放上去就沾滿黑焦，點再燒黎食，見侍應咁熱心, 我哋曾經盡力試，但真係冇理由食黑焦，我們三個人，$316 per head, 呢個價錢，成餐飯要求換一塊鐵板都唔算過分呀⋯⋯ 做得韓燒唔俾換板，要求客人用蘿蔔鏟走啲焦再用，點對得住D消費者，所以無下次。食物質素OK, 但係呢個價錢，可以有更高質選擇。

最近疫情放緩，同朋友一齊食番個韓燒放題先！經 Openrice book 位可以有7折！！！我同朋友係食佢個午市放題，總共$333（已7折） ，平均每個人$166.5，偏平既，質素我覺得合理。好，咁我地就餐牌上面既肉類逐一點評！🙈1001 薄切西冷牛扒 （我同個fd都覺無牛味，質感一般😂）1002 醬汁牛五花肉 （個醬汁係蒜蓉汁，蒜蓉勁香，好味👍🏻👍🏻👍🏻）1004 烤肥牛 （其實係細片正方形一片片，一般般）1006 雪花牛仔肉 （有少少牛味，無特別）1007 西施牛肉片 （我個fd 話質感偏鞋，我就覺得OK）1008 牛肋骨 （最有牛味，好味👍🏻👍🏻👍🏻）1009 牛柳片、1010 牛柳粒 （有牛味既，中上好味既👍🏻）1108 辣味五花肉（豬）（辣味一般，太油膩，韓燒已經好油，油上加油，絕對吾推薦😩）咁我地就無叫1005 一口牛脷粒既，因為我吾食牛脷！😂其他豬肉都無叫，主要叫牛同海鮮居多！因為最回本！🙈我地就一定吾會叫雞肉腸或者芝士腸既，因為自己平時屋企都食到既，放題當然留肚食貴野！😉佢個辣燒肉醬最正，已經被好多人攞到見底咁濟，我就其中一個啦，其他醬汁就一般般！3102 雞腎 （我

難得約朋友去食韓燒17:00-19:00 時段有7折 200蚊一個人度上菜速度幾快但係牛 豬味道一般建議選擇辣味的豬肉雞肉如果選擇原味 一啲味道都冇反而羊肉幾好食食咗羊西冷同羊俾肉都唔錯紫菜溫泉蛋飯超級好食 必食！炸雞肉淨係試咗辣味都唔錯炸魷魚第一批都仲有味唔知點解第二批嘅時候就一啲味都冇叫咗個年糕湯試試 嚟咗個大醬湯但係一舊年糕都冇問職員都唔清楚呢個係咪年糕湯之後問第二個職員先再同我加年糕但係啲年糕係生嘅 點食啊所以我覺得唔值得再去食