影片
港铁天后站 A2 出口, 步行约5分钟
继续阅读
开饭介绍
灵感来自的法国萨伏伊别墅，餐厅充满真正的热情完美。餐厅位于天后心脏地带，充满了享受和放松的感觉，是一个和谐结合的温泉和餐厅。
继续阅读
营业时间
星期一至五
12:00 - 23:30
星期六至日
11:30 - 23:30
以上资料只供参考，请与餐厅确认详情
食家推介
招牌菜
相关文章
假日既中午同朋友黎到天后食午餐，原本想食既餐厅已经满座，乱咁行见到SB吸引既粉蓝色既外墙..食物价钱都吾贵时，就决定入去试下。小妹好中意墙上呢个logo...午市套餐包括蒜蓉包、餐汤、沙律、主菜同店内特制既冻橙茶，要其他饮品就要另外收钱啦。开头小妹觉得几惊讶..平时叫set meal 都系汤或沙律二选其一，呢度竟然包晒两样😱 真系第一次见🤔🤔小妹简左个 烧韩式泡菜鸡汉堡配薯条 （$78），朋友就简左 慢煮三文鱼柳（$88）。另外跟餐可以加钱配小食，我地一人加左一样，分别系 黑松露单骨鸡翼 同 车打芝士焗大蘑菇。首先上左饮品，我地都简左冻橙茶。味道其实比我感觉似柠茶多d...但都饮得出橙味既，不过略嫌吾系几冻。跟住就系前菜啦..一个长碟装晒三样野，睇落份量吾算好多，但其实食晒三样都饱饱地😂个忌廉汤比较稀，味道淡，吾够浓郁。沙律反而有惊喜，因为个酱汁系好清新、酸酸甜甜既柚子醋，好开胃👍🏻👍🏻单骨鸡翼炸得香脆，小妹认为一定要挤柠檬汁先食，如果吾系就会好干同腻。大蘑菇...芝士拉丝好正呀😍个菇好鲜嫩多汁😋😋黎到主菜啦..个汉堡份量十足😱 好大个呀😱😱鸡排好大块好厚，肉质吾「鞋口」，配上酸酸地既泡菜同微辣既酱汁，都几惹味。薯条好脆，里面满满既薯蓉👍🏻朋友既三文鱼..卖相就比较简单，但比较特别既系佢用左炸鱼皮做装饰，都几有艺术感。另外，红椒同黄椒为呢道菜添左少少色彩。慢煮既三文鱼冇咩调味..几健康，而且仲可以品尝到鱼肉既原有既鲜味。总括来说，小妹都几满意呢餐饭。价钱适中，质素都吾算差，环境同装修好有怀旧复古感。
继续阅读
Groupon coupon, Great dinner and high quality, the place is good and silent w/ crowd of the district. Each dish is tasty especially the juicy of steak! This dinner was for my birthday dinner and it postponed until today. Excellent!
继续阅读
今日同同事食lunch, 黎到呢间环境不错的西餐厅~几舒服 几relax好钟意呢度既午餐会送埋汤同蒜蓉包!忌廉汤几滑几香~ 蒜蓉包沾进汤里食，好味！食完都饱左一半~吹左几次，最后等左接近20分钟，我地既主菜先到我叫左泡菜鸡汉堡饱跟薯条，鸡系炸鸡扒，味道有点似韩式炸鸡，不过唔辣的。配合酸酸微辣的泡菜，味道特别，但不会难接受。份量好大！薯条却唔热，唔好食！同事的牛肉汉堡更是唔暖的，令人难以接受！希望餐厅能改善送餐速度和食物质素！
继续阅读
买左个几平的团购，有好多嘢食，不过，总括来说，如果是团购价钱就ok，。但如果用正价，就有好多其他餐厅选择。首先系蚝，都几新鲜，个盆仲好靓，会转颜色。餐汤好似茶餐厅的白汤，无蘑菇的。反而蒜蓉包几好食。 沙律菜都好新鲜。主菜一般般啦，团购预左主菜系甘上下。牛扒有根所以有啲难咬。叫5成熟的牛扒，煮到8成熟，都无咩所谓。配菜烧番茄反而几好食，但用上 茶餐厅嘅波浪薯条，个感觉又怪怪地。意粉一般般啦，好大胡椒粉味，系白胡椒粉味，不是黑椒。最正都系个甜品，好好味好滑。总括，高级茶餐厅。坐得舒服，可以坐好耐。
继续阅读
同事之前试过依间餐厅，话个汉堡味道唔错且份量唔细，今日就即日打电话去book枱啦~ 去到餐厅时，佢地话冇我地book枱资料，但我明明都系早个几钟前先打过去，但好在佢话依家都有枱比我地，而且仲可以坐系房入面，冇咁嘈~ 坐低后，我选左阳光牛肉汉堡饱跟薯条餐，有蒜蓉包，餐汤，沙律及冻橙茶~ 蒜蓉包既颜色同平时有d唔同，呈橙色，蒜蓉味略为唔够，但口感都算香脆~ 而餐汤系忌廉汤，味道都唔错，入口都几滑~ 沙律味道带少少酸味，令人好开胃，而且还有一至两粒生果系沙律入面，好钟意~ 牛肉汉堡份量唔细，但牛肉质感有d硬，唔够滑，令人有d失望，但个酱汁味道都唔错，而薯条系我爱食既粗薯条，炸得好香脆且不会过火~ 冻橙茶味道ok，茶味都算浓，但唔算太特别~ 可能对餐厅既期望太高，主菜既牛肉令我有d失望，但其他食物既味道都唔错~ 希望下次再黎可以食到同事所赞既质素~
继续阅读