Seasons Restaurant & Bar

营业中

休息中

放工約左朋友食生日飯，諗住係佐敦搵d特色小店試下。呢間餐廳平日食lunch成日經過，唔太顯眼，但晚飯時段都幾多人係到等位，應該幾掂😋入黎餐廳既感覺就好似去左外國咁，全部店員都係外籍，好熱情同友善，介紹有咩野岩我地食😁蝦餅：有4大件，外面脆卜卜，裡面彈牙，食得出用左好多蝦辣肉腸蘑菇pizza: 比想像大塊，好似餅乾咁脆，又唔膩，好快俾我KO左兩件香菇雞肉寬條麵：好多我最like既雞肉蘑菇，但就淡味左少少走果時餐廳送上驚喜，店員行埋黎即席溝cocktail，每人送上一杯，乾完再倒俾你😂，同你玩

今日係Happy Friday，又係約Friends食晚飯敍斜舊既好機會。呢次揀左呢間小餐廳×酒吧，貪佢多野食同野飲揀。星期五想飲少少酒輕鬆下🍻。Truffello Scallop RisottoRisotto好棉，唔會太梗，配埋粒粒Scallop，味道口感都唔錯。Pepperoni Mushroom & Fennel份量夠大，又足料，芝士Yummy。Fettucine Chicken with Mushroom好Creamy，Fettucini煮到岩岩好，唔會太淋，Deliziosi。Thai Pawn Cake估唔到呢款d泰式小食都咁好味，薄薄香脆既外層包住非常彈牙既蝦餅อร่อย。雖然呢度地方唔大，但氣氛幾有情調。待應清一式係外籍人士，全部都好Nice，最後仲請我地飲酒tim，真係好識搞氣氛。

這幾天天氣反常，午間熱到一個點，最慘仲要勁多嘢做，在街上趕忙，趕忙的四圍去。今午在佐敦附近辦事，要找一處可坐下邊食邊談的地方，經過蜈蚣街就想有間四四正正的多國菜Season restaurant and bar. ，旺中帶靜。這裏全是外籍員工，待客熱情有禮，招呼唔錯。還不嫌其煩地介紹我店的招牌菜式，笑容可恭。 用餐其間更勤快地收拾乾淨，該給她們一個讚。做飲食的，服務便該這樣。燈光柔和，坐位不太擠迫，午餐有多款選擇。 最緊要不太嘈雜，有事要邊食邊傾也不失是好選擇。我揀左個平時較少見到的土耳其雞肉卷，送上來時頗有驚喜，好fresh大大份，熱辣辣。 醬汁味道調得剛好，好醒胃，鷄肉嫩，滑，多汁，與配菜好夾好夾。今日例湯是西蘭花得，打得好滑，濃淡剛好，不太膩，仲配上二片脆脆的印度薄餅，比送法包或多士更合我心意，杯餐奶茶夠熱又有點印度拉茶味，幾特別。朋友點了客招牌菜BBQ Baby rib, 燒得色香誘人，味少少微辣，甜酸頗醒胃。

到左Friday night 又係一衆姊妹gathering嘅時候，book 左呢間食多國菜，貪佢位置夠方便，食完仲可以去尖沙咀行街街。約咗七點鐘，估唔到入面都幾多人下，店內空間唔算大，場地燈光偏暗，如果係情侶黎嘅話都幾有情調哈哈一開始上枱嘅係呢份脆脆，係出乎意料地好食，夠香脆又開胃， 仲好辣添，不過唔太食得辣嘅友人都食得到首先叫左炸蝦餅， 呢樣我今餐最滿意嘅食物，熱辣辣嘅蝦餅一上枱就俾我哋分晒黎食，而且每件都幾大份，又夠蝦味！我哋仲叫咗份印式咖喱雞，呢個就唔係好辣，大家都食得到，另外意外地值得一讚嘅係佢附送嘅餅，有芝士係入面，口感好香濃架！至於呢份松露干貝燴意大利飯就夠creamy 得黎又吾太溜，入面嘅干貝都唔細粒架仲有飯後飲品，我哋叫咗fruit punch 同mango lassi (類近yogurt drink )，夠哂解渴！香港地，小店真係有驚喜！

今日就同朋友去食飯，附近有一間好得意嘅意大利印度菜式餐廳，入面嗰個店員超級友善，好似係經理。睇一睇餐牌，價錢大約係＄60至＄100左右，中午冇加一服務費，如果以多國菜式來講尚算合理。我就選擇了＄68的Lamb+Naan Bread，始終香港人屋企成日都有得食飯，出到嚟一定想食一啲整唔到嘅嘢～一開始就有每人都有嘅免費前菜，系好脆嘅胡椒餅。有是日餐湯，南瓜湯，味道不錯呢！上碟嘅時候羊肉旁邊都會有一啲薯仔，外皮都炒得幾香，羊肉就唔會太So，味道不錯但係就比較多筋。Naan Bread就係印度烤餅，味道唔會特別甜或者特別鹹，口感好鬆化，配搭適中，而且咖喱其實一啲都唔辣，迎合到香港人口味。本身其實都包含咗一杯冷熱飲品，但係配搭特別嘅芒果奶昔就要加＄20 ,甜味適中，但係又唔會澀，口感比較濃郁，印度風格，不過依然做到香港口味架。

約左個friend食飯，餐廳個位唔太逼氣氛唔差，又唔會趕人，幾啱同人傾計。Masala Lamp 個香料道地、肉質鮮嫩，個醬配埋cheese nan食好襯。佢地個nan同其他間唔係好一樣，唔會太油膩，但係都有番咁上下既香味。雖然佢主要係賣d南亞嘢既，但係d western食物都唔差。試咗個risotto幾好食，飯煲得好香好入味。pork ribs煮得夠軟爛，價錢又幾合理，少少可惜既地方係個醬汁唔夠入味。最後要提既係個老闆好熱情同埋好好人咁介紹我地d嘢食。下次有多d friend gather應該會去翻。

親戚是吃貨，平日總會向我推介一些美味小店。今次聽她介紹，和朋友來到佐敦這一間多國菜。餐廳地方不算大，只有20多座位，但環境都頗有情調。星期六晚上七時半，餐廳幾乎滿座，而且都是似是熟客，旁邊就坐了一場10人的家庭呢。不過人多時，就會嘈吵了一點。一坐下，侍應就會遞上印度脆片和薄荷汁，開開胃。朋友不吃咖喱，所以我們都是點西餐。侍應推介這裏的barbecue ribs 。點了半份（ ＄138）；另外還叫了一份墨西哥意大利飯（＄118）。大讚Ribs非常非常出色！ ！ ！一來到，為食的我倆當然是立即取一片薯角吃！哇！好熱好脆！！不是暖或是淋的！燒烤汁是餐廳自己調的，甜辣到剛好，還吃到蜜糖香， 非常惹味！豬肉一切開便會離骨，但仍鎖住肉汁，容易入口。兩個女仔都輕易K.O.了這份菜！😂😂墨西哥意大利飯是另一個驚喜！本來我倆還在取笑又墨西哥又意大利的菜名😛，誰知低估了它！配料簡單，有甜椒、芹菜、洋蔥、茄汁、奶油等，但卻充滿風味。甜椒芹菜杏仁為意大利飯添加口感及香味，飯粒熟透軟韌。醬汁均勻有致，甜酸得宜。一直都怕茄汁為主打的飯菜，會過酸，或只有濃濃的茄醬味，但這菜式完全不會！確是出色！值得一讚是，餐廳侍應

放假同女朋友喺油麻地掃左一陣街，諗住去佐敦呢個美食天堂食晚飯，食多少少野，就搵到呢間風味獨特嘅餐廳。叫咗一份特色羊肉咖喱（ ＄98 )、洋蔥烤餅（＄28 )、 香蕉乳酪（ ＄42）。餐廳唔使加一服務費，所以價錢都算合理。👍🏻羊肉咖喱濃度啱啱好，咖喱質感比較厚，落咗好多香料，味道豐富；因為落咗椰汁中和辣味，所以咖喱口味唔太辣，用來送烤餅一流。羊肉有五至六大嚿，每一件都好林，帶少少羊穌味。烤餅即叫即整，非常鬆化，微微食到炭燒的香味，配上香蔥，更香。食辣野就會特別想飲凍飲，叫咗一杯香蕉乳酪，一樣咁出色。香蕉同乳酪味都好出， 兩種味都食到。乳酪好rich,又唔會太甜，飲落好舒服。

小弟其實都比較好重味野,今日同埋小胖女黎到佐敦一試呢間好出味既seasons restaurant餐廳主打意菜同印度菜,餐廳內裝飾燈光比較柔和,一位外藉店員就好熱情地招呼我地,為我地介紹餐廳拿手菜,我地就點左一份雞,一份豬肋骨,同一個大pizza印度菜頭盤一定係南包,呢款似簿餅既小吃點埋特色醬汁色,非常開胃,酸酸地帶點辣首先黎到係巴辣雞肉配埋芝士南餅,呢個雞由於店職員再三忠告我地係非常之辣,叫我地點之前要三思但佢太睇少我同小胖女啦,第一舊肉食,無野,勁香勁嫩肉,開始點汁食餅就黎料啦個種辣味係好似由體內發出黎既熱辣辣咁,一路食一路辣出黎,當然除左辣,個雞肉配埋汁料都好嫩香然後就係餐廳另一招牌菜之一season pizza,一上碟就已經好香芝士味,食落層次分明,芝士夠多,又帶點甜,最後就係餐廳招牌之一既豬肋骨啦,除左個碟夠大之外,塊肉都好大份下,表面烤到脆卜卜,豬肉一切就開,食落唔會乾身,整體餐廳除左食物之外,店員同環境都非常滿意,好有heart

每次黎到佐敦都好煩惱食野，選擇實在太多，今晚同朋友兩個，六點幾已經黎到，Seasons bar and restaurant 外面，老闆好熱情咁係門外招客，決定試下呢間Fusion餐廳。坐底就送上小食老闆誠意推薦Ribs，half rack 已經好大，味道唔錯Truffle scallop risotto，risotto唔會太軟，好有水準野飲就試左Season Breeze，以芒果為主，加埋yogurt ，叫左少甜，味道清新，唔會好甜朋友叫Mango lassi最後老闆仲請左我地Cocktail！十分喜歡這餐廳同熱情既老闆，有機會會再黎！

今日帶女朋友到佐敦嘗試一間多國菜餐廳，餐廳面積雖然不大，但裝修有心思，頗浪漫，適合情侶們到來。點完餐後不久，侍應便送上印度特色脆餅，配上薄荷醬，口感特別，作為前菜，絕對有開胃作用！我們點了類似泰式青瓜沙律，青瓜爽脆，配上新鮮蔬菜，開胃之選！女朋友最鍾意食芝士，見到餐牌上的芝士烤餅絕對不能不選，烤餅一咬下去，內裡芝士滲出，女朋友食得很滿足！我們還點了烤牛扒，牛扒份量十足，肉汁濃郁，醬汁混合了一些特別香料，與平時的牛扒汁有點不同，配上有嚼勁的牛扒，值得提介！最後還點了泥泊爾餃子，賣相與普通餃子無疑，但皮薄餡靚，再配上類似咖哩的醬汁，可以一試！餐廳味道好食，難得還有一個熱情風趣的老闆，親自招呼每一檯客人，與客人談天說地，為這間小店增添另一番味道！

佐敦選擇好多，但二個人又食唔到幾多！今次揀間多款式菜式餐廳食飯，環境好舒服，燈光有啲浪漫，岩哂慢慢傾下計，食下野！吞拿魚沙律，黑白芝麻包住厚厚既吞拿魚，好香，微暖，唔太生，加上沙律醋汁好配，好開胃，沙律菜有好多款，青瓜，青椒都係我最愛！醋汁簡直大愛呀！羊肉卡巴，份量好足，一個人係食唔哂家，薄餅包住生菜，生洋蔥，燒羊肉，醬汁，睇樣都好吸引！食落好配好好味，生洋蔥係一個重點，辣辣地更開胃，羊肉燒到好香，淋身，重點一啲都唔蘇！餐前小食，印度脆薄片，本身都有好香既胡椒味，加上醬汁更辣更好味，好快就食哂!值得再去，要試埋其他野先！

一年一度好朋友生日又黎啦！每年都諗到頭大！今年就揀左呢間，咩都有得揀既黎食！唔怕唔岩食！去前做左資料守集，都幾蛋好評，有啲期望！餐前小食，薄脆片，本身都有啲胡椒味！加上個醬，更辣，更好味，岩無辣不歡既我！吞拿魚沙律，由餐廳員工推介，厚身既吞拿魚，占上黑白支麻，好香，唔會太生，加上醋汁沙律醬，酸酸地好開胃，沙律菜有好多款，最愛青瓜，爽口！炸蝦餅，熱辣辣，大大舊，蝦肉彈牙，加上二款唔同醬汁，別有一番風味！最期待既羊肉卡巴，其實我一直都好鐘意食卡巴，但唔係好多地方有得食同好味，佢都唔平，同份量唔少野，薄薄既皮，加上生菜，洋蔥，燒香羊肉同醬汁，好正，要一口咬哂咁多樣先係最好味！羊肉唔蘇，夠香，夠淋，好彩二個人分享，唔係都唔知點食得哂！呢間餐廳好貼心會推介食物比客人！好多唔同款式菜式選擇！

佐敦真係係一個臥虎藏龍 收埋好多美食既福地 今次又隨心吃 遇到一間味道同服務都不錯既多國餐廳一去到外藉經理就好有善地招呼我地 又為我地介紹有咩招牌菜式餐廳為每一枱既客人都會送上特式既脆脆薄餅 但最特別係個青綠色既醬汁 味道清新得黎又有小小辣 好有新鮮感由於我同小胖男友都係嗜辣之人 聽經理介紹下我地試左一款經理話extremely spicy既巴辣雞肉 再點埋一客芝士烤餅配黎食 第一啖食時心諗咁小兒科?!點知食落先知"味道" 辣味慢慢浸出黎 雞肉嫩滑 芝士烤餅鬆軟 辣得過癮另外點左個four season pizzaPizza上可以明顯見到乳酪芝士既蹤影 批既厚度適中 味道帶甜心型碟上既豬肋骨 賣相已經好靚 配埋粗薯角 yummy進餐途中 熱情好客既經理都有一再問我地對食物滿唔滿意 而其他職員亦同樣非常有禮 真正令食客感到賓至如歸

有時食得太多日本野、韓國野、打邊爐都真係會悶... 但係同friend gathering，有時想坐耐d，真係要食雞煲、放題先得，好多餐廳都限住要你幾時走。前兩日同朋友去開油尖旺，佢就帶我去佐敦搵下有冇野食，冇先去返尖沙咀。我地見呢間唔使等又暗暗地，好似幾岩傾計，就決定試下!一坐低個staff就俾左幾塊薄脆餅我地，配薄荷醬。個脆餅睇落好plain，但其實好重味，味道都幾鹹，不過點返個薄荷醬balance返都叫ok... 個醬有dd辣，薄荷味幾濃幾fresh，d脆餅仲可以refill添。咖喱牛腩 $98見個度d staff咁地道 (好似係印度/尼泊爾人)，冇可能唔試咖喱! 呢度ge咖喱唔係茶餐廳個d螢光黃色咖喱啦，係深橙色ge，偏辣同好杰身，撈飯最岩。牛腩唔肥，唔會煮到淋曬，入口依然有咬口。羅勒蕃茄燴意大利飯 $125呢間野乜都有得食咁，同朋友都係決定叫d穩陣菜式。好彩叫左呢個，balance返其他濃味野，個飯落左蕃茄乾煮，唔係話淨係得個現成茄醬/茄膏味，酸酸地ge sauce配飯都出奇地幾夾。建議主菜叫呢個，唔好叫芝士、忌廉等主菜，唔係ge話成餐飯會好漏好重口味。尼泊爾餃子(10隻)