Seasons Restaurant & Bar

营业中

休息中

總體黎講，我覺得呢間印度菜正宗得黎有創意，而且十分美味。首先講講個吞拿魚沙律，講起就流口水喇，佢個吞拿魚經過醃制，有D胡椒係上面，脆口得黎又有香味，搭配埋吞拿魚本身既香味，令人一塊接一塊咁食落去，加埋沙律可以減低油膩感，令我食得很是滋味。其次係印度咖哩雞，佢呢間既咖哩雞係用鐵板上既，食起上黎熱辣辣，加上適量既印度咖哩包裹住每一舊雞塊，入口時令我感受到強烈既印度風味，十分好味。再黎係佢個牛扒，我覺得我地今次叫7成有D太熟，我個人建議係叫5成，會再好食D，佢個牛扒醃得非常好味，但7成就係唔夠林，其他伴碟例如薯蓉、矮瓜、脆玉瓜都整得好好味，整體不錯。之後到pizza，就咁睇個賣相已經贏左，食落去滿滿既芝士，加上特色既配料，搭配香脆pizza低，勁好味。最後我要講下呢個草莓smoothie我個人覺得必飲，佢入口好甜既草莓味，如果喜愛草莓既人係必飲既。

很久沒有吃這種印度風味的食物 , 今天在openrice上看到這間餐廳好評不錯, 於是決定來試一下餐廳環境座位也算舒適, 可能是下午茶時段, 客人不算多, 可以清靜地用餐, 侍應是尼泊爾人, 說英文, 很有耐性解釋餐牌上的食物, 我們點了巴辣羊 , 侍應數次提醒我們會很辣的, 其實我們就是想吃辣 😋 吃咖哩必須要配印度薄餅 , 另外在餐牌上看到有種小食很特別, 圖片很吸引, 它的名字是 Dahi Puri , 脆脆的外表裏面釀有薯蓉和鷹嘴豆, 再混入一些乳酪醬, 味道很討好, 讓你一吃再吃 😚 我也叫了一杯 mango lassi 芒果的香味配襯酸酸甜甜的 , 很是開胃, 點了餐他會送我們一碟薄脆, 配以薄荷醬好好吃, 這一餐吃得很滿意 完全是地道的印度尼泊爾味道 , 今次經openrice訂位還有九折優惠, 雖然不是很多也算是有優惠, 下次我還會再來試其他菜式的

本身以為係香港基本上已經無咩菜系係未試過，點知呢間餐廳重新開啟我的眼界就係呢間係佐敦的尼泊爾餐廳小店，格局好有當地風情首先黎左個餐前小食，鹹鹹香香嘅脆餅，熱辣辣咁都幾香口，配埋香草醬更有風味主菜要左chicken masala，呢個一定要配naan食先夠正宗，無想像中咁辣，個醬好惹味，沾上新鮮出爐嘅脆包一齊食，愈食愈過癮另外呢度都有D西式餐點，叫左個Fettuccine Marinara海鮮闊條麵，水準都屬中上，麵條軟硬度剛好最後一定要介紹呢杯mango lassi，超幼滑GE芒果乳酪奶昔，加左豆蔻粉，層次更為豐富，又解渴又好飲

佐敦一向多野食，同朋友去開附近食晚餐，試下呢間叫Seasons restaurant & bar 嘅餐廳，網上評語都幾好。餐廳地方唔算大，不過坐位寬敞舒適，裝修都幾有格調。侍應俾左碟餅我地食，咸咸地脆脆地，有d綠色嘅醬點，都幾香口。餐廳有多國菜色，其中印度菜同pizza都幾多人推介，所以叫左個pizza同咖哩雞。什肉薄餅英文係Meat Master Pizza，好似好勁咁，好啱無肉不歡嘅我地，意式蒜味香腸、辣味香腸、火腿，幾種香腸配合香濃芝士，啖啖肉幾好食。洋蔥烤餅洋蔥味好香，聞到已經好開胃，口感軟熟，我地用黎點咖喱汁食，味道又好match。咖哩雞顏色唔係一般咖哩黃色，係橙色嘅咖哩，賣相好似湯咁，雞肉好嫩滑，咖哩味好香，辣味剛剛好，好食又惹味。

同朋友經過佐敦去附近食埋晚餐，上網睇到呢間多國菜餐廳好似唔錯，所以入黎試下。一坐低侍應小姐攞左碟小食俾我地，好薄脆嘅烤餅，配有綠色嘅醬汁，有少少辣，都幾香脆。餐廳主要有印度菜、土耳其菜、墨西哥菜、意大利薄餅等等。我地點左一個什肉薄餅、一碟洋蔥烤餅同一碟咖哩雞。什肉薄餅，幾啱我地兩個食肉獸，餡料當然全部都係肉，有火腿、香腸、辣肉腸，邊邊仲脆脆地，加埋芝士好香口。咖哩雞，第一啖覺得唔太辣，食落都辣辣地，雞肉幾多幾入味。洋蔥烤餅，送上黎已經非常香，咬落幾鬆軟，加埋咖哩汁好正。幾有驚喜嘅異國風味餐廳，值得推介。

由於男友收工收得早，所以入去時間唔算多人，環境寬敞，燈光有情調，成個氣氛好好，如果想係到燭光晚餐都絕對冇問題。一坐低就立刻上左個前菜小脆餅，脆餅入口鬆化，味道香，令人忍唔到口繼續食落去，配埋個醬，少少薄荷味，十分清新可口。其次叫左個fried rice，份量十足，而且香料好足，但唔係味精果種香料，因為食完係唔會口渴！男友大讚個飯仲話食入面有辣各種真材實料既香料，有辣椒碎，茴香籽，丁香etc，異國風情味道！而且唔會好油，唔錯！配咖喱一流最後就係個Pizza，我地叫左個Margarita Pizza，邪惡拉絲，哈哈，男友仲拉到勁長，測試佢幾長，拉極唔斷，芝士味濃，很香口，唔知係咪自家製，烘得好好，香脆，個批邊唔厚，唔會話好容易食膩，拉絲圖如下食飽飽飲返杯LongIsland Relax下，沖得唔錯，勝在香味夠，唔會太甜，我男友好怕飲好甜，酒味又唔會話好(嗆)，沖得恰到好處。下次會黎再試下佢其他drinks，以restaurant bar黎講價錢合理，值得一試。

今日喺佐敦整完野之後同朋友齊齊去搵嘢食突然之間好想食印度菜咁岩佐敦印度菜都唔難搵上網睇一睇就搵到依一間seasons restaurant and bar好肚餓嘅關係即刻睇Menu點菜咖哩雞咖喱微辣 雞肉係無骨雞肉 肉質嫩滑香味濃郁 汁料要黎配飯或者烤餅就最夾啦洋蔥烤餅去印式餐廳點可以唔食Naan啦洋蔥烤餅唔止有洋蔥仲加上左芫茜 配上少少薑絲 味道都幾特別 烤餅烤得好香 咬感亦十分好印度香料炒飯炒飯粒粒分明加上香料一齊炒 充滿印度風味另外叫左個Sauted mixed vegetables 冇顯示中文 大概就係炒雜菜有西蘭花、椰菜、紅蘿蔔同四季豆咖哩雞重口味再配一個唔會太重口味既蔬菜夾晒 而且仲好健康Sweet Lassi依個都係去印式餐廳必點嘅一杯飲品淡淡既乳酪味 入口細滑 正

聽朋友講佐敦有間幾正既尼泊爾餐館.幾好呀,都未食過尼泊爾菜.間餐廰就係佐敦站C2 出口附近既吳松街,地點幾好.巿中心,又近地鐡.入到餐館,環境都幾好,用餐空間都夠大,加上微暗既燈光,應該好岩蜜運中既男女朋友.因為未食過尼泊爾菜,所以.我地最後都係揀左的食開既野.見餐牌相入面既野食都大大件,所以我地剩係叫做一個海鮮雜錦薄餅同一個尼泊爾蒸餃子,再加一杯菠蘿汁.落完餐後冇耐,尼泊爾侍應妹妹就送上尼泊爾薄餅,可能係我吾係好食得辣啦.覺得都幾辣. 不過辣得嚟都幾特別，我朋友就話吾辣,好好味.食完薄餅冇耐,跟住就上左海鮮雜錦薄餅,都幾大件,可切到六件.其實,三個人都夠食.個雜錦薄餅啖啖肉,有鮮蝦,墨魚,龍脷魚,青口,再加左的印度香料.正呀.連戒食左薄餅好多年既我,都忍吾住食左一大半(三件半).講味道肯定正過出面大品牌既薄餅店.冇耐,就輪到蒸餃子,有雞肉同豬肉可選,我地揀左豬肉本來都冇乜期望,因為,蒸餃子本來就係中菜常見既菜式,但又真係估佢吾到,佢又幾好味WO,同平時食開既中式蒸餃味道上有少少吾同,但又講吾知點形容個差異.凡正,最後十粒被我地食晒.食晒一大盤薄餅,加大大碟既蒸餃,其實都己經好飽,另個

今日豬仔喺佐敦考完試男朋友過咗嚟接我之後大家就齊齊去搵嘢食突然之間好想食印度菜咁岩佐敦印度菜都唔難搵上網睇一睇就搵到依一間seasons restaurant and bar好肚餓嘅關係即刻睇Menu點菜一點完菜就上左烤薄片 烤得香脆醬汁好辣 豬仔唔敢點太多咖哩雞咖喱微辣 雞肉係無骨雞肉 肉質嫩滑香味濃郁 汁料要黎配飯或者烤餅就最夾啦洋蔥烤餅去印式餐廳點可以唔食Naan啦洋蔥烤餅唔止有洋蔥仲加上左芫茜 配上少少薑絲 味道都幾特別 烤餅烤得好香 咬感亦十分好印度香料炒飯炒飯粒粒分明 豬仔男朋友表示好鍾意加上香料一齊炒 充滿印度風味另外叫左個Sauted mixed vegetables 冇顯示中文 大概就係炒雜菜有西蘭花、椰菜、紅蘿蔔同四季豆咖哩雞重口味再配一個唔會太重口味既蔬菜夾晒 而且仲好健康Sweet Lassi依個都係去印式餐廳必點嘅一杯飲品淡淡既乳酪味 入口細滑 豬仔同男朋友一人一杯自私飲依間餐廳嘅菜式有好多選擇有辣有唔辣 有濃味既亦有清淡既真心唔錯 推薦比鍾意食印度菜嘅朋友

朋友話想食東南亞菜，見到呢間職員全部外國人，好似幾正宗，於是決定一試～結果都幾失望，唔係幾啱胃口。cheese naan $38呢個naan 質感好鬆軟，拎起身好似棉花咁好輕好軟綿綿，食落好似d白麵包嘅口感，完全唔係印度薄餅⋯同埋芝士餡好少，食起身冇咩芝士味。唔係我想要嘅質感😷香菇雞肉寬條麵 $145第一啖食落覺得奶油味幾香濃，而且每一條麵都沾滿左醬，麵質比較硬有口感彈牙，但係食多幾啖覺得麵質好粗孩。雞肉同蘑菇份量少，整體一般。Vanilla smoothie $48呢杯飲品第一啖覺得似奶粉味，再飲幾啖覺得似係融左嘅雲呢拿雪糕同冰打成，似緊稀嘅雲呢雪糕。整體性價比唔高，味道好一般。

朋友話想食印度薄餅，經過見到餐廳裝修幾有特色，而且係食東南亞菜，仲要有酒精飲品，於是決定一試～覺得整體都ok～cheese naan $38呢個naan 質感好鬆軟，拎起身好似棉花咁好輕好軟綿綿，食落好似d白麵包嘅口感，芝士餡比較少，食起身冇咩芝士味。如果鍾意冇咁濃郁厚實嘅naan，呢款就啱曬～鮮蝦蘆筍沙律 $132沙律菜都新鮮，仲有d 幾甜嘅彩椒同食落幾嫩嘅蘆筍。醬汁幾辣下，甜甜酸酸嘅辣，幾fresh。香菇雞肉寬條麵 $145第一啖食落覺得奶油味幾香濃creamy，而且每一條麵都沾滿左醬，麵質比較硬有口感彈牙，但係食落有dd粗孩。雞肉同蘑菇份量唔多，勝在入味，整體creamy 香濃。Vanilla smoothie $48呢杯飲品第一啖覺得似奶粉味，再飲幾啖覺得似係融左嘅雲呢拿雪糕同冰打成，似緊稀嘅雲呢雪糕。不過幾解辣。

餐廳裝修幾有特色，而且有水吧，提供唔同酒精飲品同特色飲品～一坐低，店員就會提供地道小食，係兩塊脆脆嘅餅皮～綠色嘅醬估唔到都幾辣，味道幾特別～鮮蝦蘆筍沙律 $132沙律菜份量幾多，而且醬料撈得好勻，每一啖都好夠汁～蘆筍好嫩～但係個泰式醬汁太辣啦，但係鍾意辣嘅朋友應該幾鍾意佢甜甜酸酸嘅辣，好fresh 好過癮，好啱食有蝦嘅沙律。但係我真係太唔食得辣，個menu 寫 infused Asian Thai dressing ,完全估唔到係咁辣嘅汁。好彩店員好好，我同佢講沙律太辣想要碗水洗，然後佢見我太辣食唔到，主動幫我換左碟唔辣嘅沙律。即刻開心曬～但係沙律大部分都係普通沙律菜，蝦都係好普通嘅雪蝦仔，百幾蚊有d 唔值。Dahi Puri $78呢個菜式好特別好地道，香港人未必接受到。佢係一個好薄好薄嘅脆皮裝住一大pat由不同醬料混合而成嘅醬，醬料有白色、綠色、紅色三層，食落口好重味好奇怪，未必人人可以接受。感覺似係鹹鹹辣辣嘅醬加一層好薄好薄個脆片咁口感，個人唔太接受。

今日接朋友收工去咗附近到食飯 又諗唔到食咩🤔行行下就行到有間幾特別既餐廳🍴見到個餐牌係尼泊爾菜又未試過就入去試下一坐低係我地仲未諗好食咩既時候先黎一碟免費小食味道好似薯片咁口感好脆無聊望下四圍心諗應該冇咩人會食尼泊爾菜咁冷門😅點知話口未完成間餐廳已經full晒估唔到咁爆場先叫咗個洋蔥烤餅 薄餅入面加咗蔥粒都係第一次食味道好特別而且好香脆食完再食我同朋友都食到唔停口之後再叫咗個意式燴意大利飯🇮🇹唔好睇呢個飯好似好細碟好hea 成個飯充滿巴馬芝士奶油 再加上牛油、鹽同胡椒。我最鍾意食芝士呢個飯好食到不得了簡直係perfect match點解尼泊爾餐廳都會有咁好食既意大利飯😂 由於呢個飯太creamy 所以冇叫野飲 簡單飲杯檸檬水清一清喉嚨就好夠

今日約朋友係佐敦食晏，特登揀依間尼泊爾餐廳，其實黎過好多次食晏，因為覺得依間餐廳既午餐好食又抵食。一坐低叫左野食就自動送上湯！我地叫左個烤羊肉串烤餅同埋咖哩羊！其實次次黎都係食依兩樣，以前覺得好好食，但今日覺得係烤羊肉串烤餅味道唔同左，d汁稀左d，之前既醬汁係「結」d架！而咖哩羊既汁一送黎就覺得顏色唔同左，不過食落佢既香料仍然吸引！但係依種味道已經吸引唔到我有再想食既衝動..以上食完會想再返黎食，今次食完就再無依種感覺了，唔知係唔係轉左廚師？因為我見店長轉左，唔知係唔係廚師都轉埋所以味道唔同左。

今日我地5個人黎咗佐敦嘅season restaurants &bar 食下多國菜！一入到去每枱都會有一個小食，好脆嘅餅，空口食都有味食到有d位 會有d d 因為有胡椒！點個醬黎食會清新d！我叫咗杯士多啤梨沙冰，唔會好甜，奶味比較重，好似似緊士多啤梨奶咁！不過係沙沙地嘅！黎咗個沙律🥗！我朋友比佢個menu 上嘅圖吸引咗（見到d吞拿魚），所以一直嚷著話要叫呢個！估唔到黎到都同menu 一樣個賣相 ！唔知食落如何！外面係芝麻，都幾特別喎食落！口感有d層次架！食落舊魚都幾肥美添！叫咗印度咖哩雞，今次係紅色架！唔知係邊種咖哩，味道都偏重架，送飯食會正d!叫咗牛扒 5成熟！不錯啊，如果連埋d肥肉食仲正！夠香口！個汁都可以啊！但我比較鐘意冇點汁！叫咗2個pizza 海鮮🦞同埋雞蛋蕃茄Pizza 2個都好好味，而且係有拉cheese 超邪惡！其實有時候食下特色野都唔錯架！