sensory ZERO (太古城中心)

营业中

休息中

終於可以收工食飯。這晚到太古城文青聚腳點誠品入面的。這間店舖這星期六日很旺場，難得平日夜晚有位，當然要把握機會今次點的是迷你豚肉飯套餐主角豚肉飯味道正常，不過真係好迷你，食完返到屋企有D肚餓😅南瓜湯味道不錯，嚐到南瓜的鮮甜沙律入面可以放多少少藜麥就最好，我初初以為是裝飾babyccino 不夠熱，可能是年青人的店，少人叫熱飲吧？我見之前的食評都有講這個問題整體來講在預期之內，明白生意難做，150蚊在太古城食到一個 set已經不錯，不過如果可以加多飯底就更好

⭐️巨．午餐肉芝士配雙份日本滑蛋牛角包⭐️餡料份量都唔少 牛角包鬆脆午餐肉 厚切成粗條 但冇想像中咁大件外層炸得酥脆 味道正正常常滑蛋 表面看似幾滑 食落就只係普通有幾濃蛋香 略嫌唔夠嫩滑 加埋一塊芝士片 同甜甜地嘅牛油果芥末醬個人覺得個醬同個包唔係好夾呢個食材配搭 好難唔好食 但冇驚喜 唔太值呢個價⭐️痴_線朱古力⭐️今次呢杯個賣相唔夠痴線 朱古力味幾香濃 味道唔太甜 唔錯總結💫食物味道都可以 環境半開放式 但尚算好坐服務正常 價錢普通 以食物質素 唔係好值呢個價

食過幾次。咖啡食物都不錯。尤其是杯crazy chocolate☕️。今日如常食完出去比錢，見到位女咖啡師沖緊咖啡，比佢對手吸引左！唔係啩。雙手有五顏六色既gel 甲!? 那一刻只覺好嘔心🤮。心諗d指甲油會唔會甩咗落杯咖啡度？？呢間公司容許員工gel 甲都幾特別囉，而且仲係咖啡師！唔會再黎囉。🙌

作為一個十世都唔飲咖啡嘅人，喺同事嘅威迫之下來到呢間咖啡店，又唔想只係飲果汁或者水咁慘，於是就嗌咗痴_線朱古力，想知道佢究竟有幾痴線，杯嘢非常適合打卡，味道就正正常常一般般，推介鍾意打卡嘅人嚟打卡。

「Sensory ZERO」係我bookmark 左好耐既餐廳，一直都好想試佢既招牌熱朱古力☕️🍫😍。今次就同朋友黎到太古分店食中午😛😝。⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆🌸 痴__線朱古力🍫 $50個賣相真係無得輸，被佢個樣深深吸引住😍，表面鋪滿好多黑、白、牛奶朱古力碎同可可粉🍫，仲有塊印上店名既黑朱古力牌仔，超級邪惡😈同吸睛😍。而朱古力份量多到就黎滿瀉，飲果時好小心，用匙羹慢慢飲☕️🥄。熱朱古力底好濃味，但有少少苦，加埋半溶既朱古力碎一齊飲將苦同甜味中和，唔會太甜同膩，好有驚喜😛😝。飲到一半將表面既朱古力碎全部攪勻，令朱古力味道更加濃郁😍。🌸 澳洲 M5+和牛肩肉溫泉蛋飯 $158和牛份量都幾多，望落去肉質好鮮嫩，熟度大約似5成，對我黎講生左d，因為平時食開7成熟。食落味道都唔錯，牛味濃郁，口感軟淋，絕對唔會韌。邊位燒得好香口，配埋流心溫泉蛋、燒汁同紫菜送飯一流😝，一啖一口肉，超級滿足🥰。🌸 無肉大滿足早餐配自家製果醬 $128食左咁多邪惡既肉肉😈，就食返素食中和下。果醬有三款選擇，我地就簡左比較獨特同出面好少見既法國無花果配有機伯爵茶果醬。All day breakf

喺太古城行街行到攰攰哋就去咗誠品地下嘅sensory zero坐吓近期好流行貓貓吐司sensory zero都出咗喵喵多士tea set配自家製果醬仲包一杯$40飲品麵包好鬆軟不過有啲細塊～果醬就揀咗出面比較少見嘅無花果伯爵茶味幾fresh不過茶味可以重少少就好啦另外再叫咗份脆炸蕃薯條呢款平常都有點開😋因為蕃薯好甜比普通薯條好食但我同朋友仔都認為配茄汁好食啲😂。喵喵多士配自家製果醬set $68。脆炸蕃薯條 $55。flat white with oat milk $50

/ 痴線朱古力有幾痴線先 /꧁𝗦𝗲𝗻𝘀𝗼𝗿𝘆 𝗭𝗘𝗥𝗢💛꧂ #黃店推介應該是繼𝘉𝘦𝘢𝘯𝘴之後有最多分店的黃店𝘊𝘢𝘧𝘦同樣是少數能夠進駐各區商場的小店不過未知是否熱潮有點退卻了 最近經過某些分店見到裏面都沒有太多人客(●´^｀●)༄༄༄༄༄༄༄༄༄༄༄༄༄༄༄༛ 澳洲𝙼𝟻+和牛肩温泉蛋飯 $𝟷𝟻𝟾和牛肩有濃香牛味 而且分量都好𝘍𝘢𝘪𝘳牛肉粉嫩生熟程度剛好 只是偶有一兩塊有筋配上温泉蛋吃感覺更嫩滑白飯用上日本岩手県精米 飯粒圓潤 粒粒分明不過醬汁真的太少不夠送飯༛ 可遇不可求粉紅咖喱南乳豬扒飯 $𝟷𝟹𝟾一上枱被豬扒分量嚇一嚇 竟然有兩大塊!!𝘊𝘢𝘧𝘦 𝘧𝘰𝘰𝘥來說肉量好𝘨𝘦𝘯𝘦𝘳𝘰𝘶𝘴!!豬扒煎到金黃惹味 肥瘦度剛好 有肉汁唔乾韌唯獨是完全無南乳味粉紅咖哩基本上是粉紅忌廉 咖哩香料味存在感極極極低同樣地醬汁分量有點太少其實整體味道不錯就只是不太符合商品説明𝘭𝘰𝘭༛ 痴_線朱古力 𝙲𝚛𝚊𝚣𝚢 𝚌𝚑𝚘𝚌𝚘𝚕𝚊𝚝𝚎 $𝟻𝟶雖然面層舖面朱古力薄片但下面的朱古力奶不是超濃稠那種無想像中痴線(笑) 但都好飲(⁎⁍̴̛ᴗ⁍̴̛⁎)話雖如此都400+𝘒𝘤𝘢𝘭一杯𝘭𝘰𝘭💬 以𝘊𝘢𝘧𝘦來說性價比頗高 整體質素都不錯Ⓞ

鍾意食牛角包🥐既朋友 必去！鍾意黑朱古力既朋友 必去！呢度既牛角包 好鬆好脆 充滿牛油香氣😋😋d料都好豐富 今次只係叫左炒蛋 都塞滿晒成個包 又滑又嫩😊加埋個芥末醬 少少辣 少少刺激好正我黎親呢間都忍唔住叫黑朱古力Mocha 真係好濃 勁夠黑🤣🤣但唔會苦 好好飲 乾左佢😍😍

痴_線朱古力🍫🥛$5x非常適合打卡📸面層布滿不同朱古力品種的刨絲🍫，口感是半融的，有牛奶🥛/黑🍫/白🤍朱古力等，開頭會覺得比較濃郁因為啲朱古力和可可粉係曬面層，飲到去下面就係淡淡的朱古力奶味，口感順滑，整體非常豐富，但又唔會超甜，好滿足😋必試🌟🌟🌟廚師幫你諗好意粉🧑‍🍳🍝 $9x講真menu上嘅意粉唔多選擇，其他食物又偏貴，係呢款意粉比較平，所以就問下是日意粉係咩，原來係“煙三文魚大蝦意粉”🐟🦐🍝，意粉口感偏硬身；三文魚和大蝦鮮味，份量適中；醬汁唔會太溜，酸酸微微；再配上多款蔬菜🥦，感覺較健康😊同唔會太濟👍

唔錯唔錯。今日lunch time揀左黎呢到食，呢間sensory zero係太古城城品入面。如果係城品會員仲有9折。我食左佢地既澳洲M5和牛飯，佢地俾既和牛都多片，厚身，入口都有種會溶左係口既感覺，係有一兩舊有根咬唔到姐。加錢跟餐飲埋佢地既「痴_線朱古力咖啡」，英文係crazy mocha, 杯crazy mocha外貌出色加左d朱古力碎碎但味道覺得普通唔太突別。鰻魚飯既鰻魚好厚身，個汁好味。枱又大大張，坐得好舒服

我哋今日叫左兩個set ，一個柚子唐揚雞飯，甜甜地幾好食，雞炸得幾脆，又有汁，另外叫左一個名叫真，豬扒藜麥沙律，豬扒炸得唔錯，藜麥份量太少，如果多啲會好啲，環境可以，唔會太迫

之前都喺銅鑼灣試過呢間嘅Lunch今次喺太古城行街行到攰就試咗佢嘅下午茶，選擇唔算太多，主要係牛角包試咗佢最普通嘅牛角包同埋yogurt 牛角包份量唔算好多，滑蛋幾好食加埋牛油果芥茉醬唔會好肥膩Yogurt係有士多啤梨果醬同埋啲燕麥脆三樣嘢加埋幾夾，不過略嫌有少少太甜飲品方面有條氣順晒茶同埋橙紅茶條氣順晒茶有啲檸檬草，味道幾Fresh飲落幾舒服

因為等人，所以邊飲邊等先來杯食評多讚的Crazy Chocolate朋友到了，再order浦燒三層鰻魚滑蛋飯和脆炸番薯條，最後大家都一樣試了被食評讚的First KissCrazy Chocolate濃香滑朱古力迷一定要試；浦燒三層鰻魚滑蛋飯肉質厚肉肥美；First Kiss味道帶點微微玉桂香，輕甜值得試

Sensory Zero 近年發展都幾平穩，新店開完一間又一間，之前幫襯過兩三次，每次體驗都好唔錯，不過冇寫食評留記錄，今日同太太到太古城行街又見到，反正都要午餐，決定再次幫襯，結果都係冇令人失望😃裝修簡單平實不豪華，唔似坊間好多只focus 俾人打卡果隻，因為睇得出佢哋專注嘅，係用料上乘，以至食物出品及咖啡質素👍Sensory Zero 用嘅米原來係好有要求，睇餐牌發現原來佢哋從日本岩手縣挑選日本精米到港，然後由香港唯一一位「米•食味鑒定士」新鮮精磨後先再煮成飯，難怪啲飯咁好食😋🔻蜜糖炸雞球飯米嘅質素剛才已提到不多說，煮出黎嘅飯當然好食，炸雞大大件份量好足亦非常鮮嫩，食落去類似咕嚕肉口感😋🔻蒲燒鰻魚雙份滑蛋牛角酥牛角酥焗得好鬆脆，夾住嘅滑蛋好香好滑填滿成個牛角包，鰻魚份量亦對得住個價錢，足足有兩大件厚厚鋪上面，鰻魚醬汁亦非常非常出色，咁樣食牛角酥真係令人好滿足感覺😍🔻日式芝麻雞翼呢個炸雞翼睇相都覺得香脆美味，不多說自己黎試喇👍😉👍🔻First Kiss咖啡選左呢杯叫 First Kiss，見個名咁得意，果然幾好飲，其實應該係一杯 latte 再造焦糖喺面上，當你一啖飲上去嘅時候，咀唇

之前去過灣仔分店吃堂食，這次因為疫情關係叫了外賣吃，賣相也是不遜色.外賣自取 85折.❈午餐❈{主菜}☞ 澳洲M5+和牛肩肉温泉蛋飯🍛 Australian M5+ Wagyu Flat Iron Rice w/Onsen Egg 原價HK$158 | 評分：8.5/10 牛肉：嫩紅但沒出血，肉質嫩滑juicy，唯一要吐槽的就是筋還滿多的，有些咬不斷醬汁：甜甜鹹鹹的日式燒汁，很開胃温泉蛋：一戳即破的温泉蛋，也因為它的“脆弱”，就算我已經小心翼翼把它放在飯上，也還是破了，所以沒拍照給你們看🤣 另外還有些紫菜絲和蔥花增加了色彩還有微微的香氣~{飲品}沒有包餐飲~☞ Flat white☕ 原價HK$40 | 評分：8.5/10咖啡豆是固定沒得選的，咖啡一點也不酸不苦，而且散發出nutty香，個人還滿喜歡的..❈總括❈外賣包裝和飲料的味道都不錯服務態度好