Seoul Bros (灣仔道)

营业中

休息中

睇食評見到呢間野幾多好評於是同同事走去試下啦由於我地都係細食一族所以淨係叫左個牛肉拌飯餐（包一小碗醬汁雞塊和西汁）同埋加多一個泡菜芝士薯條。嘩 但個薯條一嚟已經覺得食唔晒超級超級大份泡菜同芝士味出奇地夾，食到停唔到口杯西柚汁係大到要用兩個手拎住！結果飲唔晒要帶返office人均$58食到超飽！

好中意食SeoulBro. 係我同朋友的Comfort Food! UberEats叫左個牛肉拌飯（加泡菜薯條）$81、雞肉越式三文治$53、甜辣炸雞$53，Total $187。兩個女仔食其實都夠！最愛個炸雞上面有幾條韓式年糕，個醬有d似泰式辣醬，其實有d咕嚕雞球既感覺😅泡菜薯條（有芝士醬）係大推，勁肥但都要食👍🏿

環境舒服，食物又抵食，重口味人士必食每次食都係食軟殼蟹韓式拌飯，隻蟹必定有糕~而且一定夠飽今餐叫咗一個Set 3，一份spicy corn salad同加多杯Grapefruit Iced TeaSpicy corn salad份量唔多，味道又唔多覺佢辣，所以呢個就麻麻跟住Set 3除咗有拌飯，仲會有一份Sweet and Sour Chicken (其實一個人食呢個Set係有啲多，但食完好滿足)，味道都好夠同開胃最後係杯Iced Tea，佢嘅大小令我意外，味道中規中矩以Around $100嚟講，整體上性價比高希望會有更多人支持，我見佢平時好似唔多人去... 好怕佢捱唔住...

牛肉拌飯 ($48)一入呢間餐廳第一個感覺係佢完全唔算韓式，而係偏向fusion風，餐牌除左韓式料理仲有意粉、三文治選擇。不過鐘意食韓國野既admins就梗係叫左牛肉拌飯啦！呢個飯唔同平時食到既韓國bibimbap咁多雜菜，只係得蛋，芝士，牛肉同泡菜為主。啲牛肉好香同份量好多，每碗飯都有成6-7舊大大舊既牛肉，撈埋其他配料同啲飯食完全係享受。而且佢既泡菜係偏向甜同酸而唔係一味辣，令個飯酸酸甜甜好易入口，搞到我地食完仲想再叫多個！呢個拌飯單叫$48，如果跟set叫連炸雞同野飲就$78，價錢偏貴不過份量好多，可以兩個人share。炸雞質素就不過不失，雞肉好滑但個汁偏甜，一定要有野飲先食得哂。⭐: 9/10

諗食乜其實有啲煩，唯有去到邊食到邊。見到乜先揾好冇食。今日係附近做野經過依到，一於就試試佢。見依間野賣相好似唔錯咁。入到去見佢啲餐牌有啲亂，都唔知點擇。最後擇左個韓國炸雞飯。配lemonade。個炸雞基本上都幾好。外脆內軟。啲肉唔會太乾。都重嫩既。個甜酸汁十幾好味。不過啲飯真係差啲。好似未係好熟。生生地。唔知係咪我十二點去，第一個客入去，未準備好呢。啲配菜都可以，粟米混左啲酸辣汁，都幾開胃。個泡菜就偏甜。另外重有舊豆腐。都可以。

第一次去seoul bros食午餐，餐廳在w sqaure後面，有少少難搵。Lunch time時段黎都幾多人，當中有唔少都係自己一個黎食。先排隊買完飛再等野食，然後自助拎餐具但我同朋友排隊期間發現....唔計廚房，一直都只有一個oppa一腳踢做所有野落單收錢>叫order>攞野飲>收tray執枱(其實係有食客唔執番自己個tray!).....所以都等左一段時間先落到單呢﹗BIBIMBAP SET - Sweet & Sour Chicken + Beef Bibimbap + Drink ($78)我叫了一個甜酸炸雞+牛肉bibimbap(加$5芝士)連可樂bibimbap個蛋同芝士同埋佢啲醬撈埋一齊好夾好好食炸雞亦都好脆、肉又唔鞋整個餐份量都唔少，$78咁多我覺得算幾抵食呢﹗香港唔多呢類韓式小店，希望佢繼續保持水準，同埋peak time請多啲員工啦﹗

小編今日去左整頭髮，係時候改下形象迎合返呢個summer啦！當然一整又係用左大半日啦皆因又剪又染又treatment咁，而當然最重要既係又要嗌外賣醫肚啦！小編我真的為食得很、捱餓呢兩個字never ｏ係我字典度既！今次登登登登當然又係去ubereats睇下有冇好野食啦，大家可能會問點解唔用網上外賣平台呢？嗯、根據小編上次ｏ係中環嗌外賣既經發現ubereats係快好多既！基本上起碼快15至30分鐘，同樣既距離和店舖、uber用唔洗30分鐘就到、咁當然用uber啦時間就係金錢特別係我個五臟廟係唔等得既講返今次既外賣、叫左seoul bros、佢地既拌飯係唔錯但小編好唔 like佢地既cheddar cheese、好鬼臭、次次我都會嗌少cheese既！我想再食佢既原因除左質素、另外係佢地新出左個軟殼蟹拌飯、都幾吸引我，所以又試下啦！除左拌飯、都有試埋佢地既炸雞同埋泡菜薯條。總體黎講係唔錯、價錢唔貴、朋友們話炸雞超得，我覺得個薯條都👌🏽但未去到must encore階段、因為佢又用cheddar cheese我最唔like既臭🐷💩，所以扣分呀！總括黎講都👌🏽既、不過應該都唔會試第三次、冇乜特別

呢間Seoul Bros係快餐店形式既韓國野，同普通韓國餐廳唔同既係，佢係比較西化，走美國風🇺🇸🌞佢menu一張紙咁，去counter俾左錢先等佢送黎，堂食得外賣亦得！佢比較少用膠，外賣包裝都主要用紙👍🏻今次同朋友黎食lunch，我地三個人，一個叫意粉，兩個叫一個set share食再加個lemonade。注意佢個lemonade係 1L 架！好飲推介- Shrimp Rosè $55- Set 2 Spicy Corn salad, Chicken Bahn, cheese fries, change soft drink to Lemonade ($78+5)總結：好食，relaxing and chill

Beef banh mi has been consistently delicious each time we visit. The bun is warm and toasted, the filling is just right and has a nice kimchi kick. Fries are crispy and tasty. When it first opened we were served by Korean staff and they were super nice and charming which made us loyal regulars. The staff today are fine too.  

呢間 Seoul bros 嘅位置算係橫巷，喺個球場仔隔離，人流都OK，唔洗怕劏死牛。Beef bibimbap 韓式烤牛拌飯($48)：飯面隻蛋 OK，泡菜酸多過辣，粟米與紫菜存在感好低，牛肉唔韌、小汁、味道OK，份量同飯嘅比例剛剛好，女仔夠飽，男仔勉強少少。beef bibimbap with Cheese 加芝士($5)：只係蛋面加咗啲芝士，溶哂，味道似漢堡包入面果啲芝士。有人鍾意食藍芝士，有人鍾意食水牛芝士，總之芝士嘅嘢...各人口味。辣炸雞($48)：入口第一感覺係硬，好多炸粉，咬多兩啖，咦？咁似麥當當啲炸雞翼嘅？晚餐時間，以$48晚食到碗有餸飯，都幾抵。

同朋友食lunch經過有間韓式快餐店,覺得幾吸引便入左黎食野.我order左一個三文治同lemonade,大大件,超級好食食到好飽,而且價錢也不算貴,三文治約$48,1L lemonade$28,食完晚飯時間還飽...朋友order了一個set lunch $68有個雞飯,一杯飲品,一個炸雞(可揀辣和不辣).也是食到飽飽,好滿足地走.OH爸也很熱情,很好人...所以我要再帶朋友來吃

約左成個禮拜先食到Seoul Bros，其實無咩research，本身諗住只係普通韓食，點知原來係韓式快餐，驚喜重重，又夠飽肚，一定會再返去食！Bibimbap Tuna w/cheese 吞拿魚芝士飯🍚 佢好多layers，有撈咗沙律醬嘅吞拿魚，泡菜，白飯， 仲有芝士，芝麻，蔥同paprika 做topping， 食材簡單但係非常搭，而且配料同白飯嘅比例岩岩好!Tofu Banh Mi 豆腐三文治🌮 同bibimbap一樣配料好多，有驚喜嘅係有酸蘿蔔絲好開胃，另外用嘅係大大塊嘅豆腐， 而且雖然有一定份量嘅醬汁，但係個包仍然都好香脆，好味！Spicy Corn Salad🌽 辣粟米沙律 雖然係side，但一啲都唔馬虎，除左有蔥同洋蔥，仲有 jalapeno，辣得好微妙！Cheese Fries🍟 芝士薯條 粗薯條得黎炸得皮脆，唔簡單！Seoul Ade🍋 招牌lemonade， 唔會好似平時罐裝嗰啲咁甜牙牙， 加咗檸檬同薄荷葉，少少frizzy，感覺好refreshing！不得不提Seoul Bros 服務一流，去嘅時候full house，floor staff得一個，但佢忙得黎仲好

今日行過灣仔無意中見倒間韓式餐廳，見環境幾好，就入左去坐低飲杯野食個沙律。餐廳係半自助形式，自己出去落order，轉頭就會帶人送餐過黎，唔使加一服務費。今次叫左個軟殻蟹沙律同一杯超大既青檸梳打。價錢唔貴，味道都俾我想像中好。啲沙律菜好新鮮，牛油果份量都多，軟殻蟹都算大舊。杯青檸梳打好大杯，兩個人都夠飲，仲要好抵，$25一杯。我見倒有人叫左韓式炸雞，好似好正咁，一人份，價錢唔貴，下次可以再黎試下。因為平時出面食啲韓式炸雞都好大份，多人食先食得晒，呢度細細份，可以叫晒兩種味試。食緊既時候，真係見倒有韓仔入黎幫襯😆

This restaurant is located in a back alley hidden from the Main Street in Wan Chai. If people have not tried this place, I would think it will be quite difficult to attract new customers.I have ordered from this restaurant via online food app. And their food has always been very tasty and quality is great. I especially like their fried chicken sandwich. The chicken is always crispy whenever I order it via online app. This is my first time visiting their restaurant and the food did not disap

年三十既lunch去左Seoul bros 大家都唔太餓 所以揀左炸雞同吞拿魚飯 岩岩開始食都覺得唔錯既 不過食落去會發覺比較膩 一定要kimchi/飲品配合先會比較好而本身單點食物份量唔大 建議唔太肚餓既時候食