Seoul Noodles

营业中

休息中

之前喺銅鑼灣經過幾次都排晒長龍，今次喺灣仔啱啱開，即刻試吓先。😆餐牌上面有好多唔同種類嘅湯麵，今次試咗牛骨湯麵，叫咗set，入邊跟咗韓國泡菜，韓式蘿蔔，仲有紫菜卷，賣相好之餘非常豐富，唔知食邊樣先好。😋Presentation好好，味道都唔錯，牛骨湯麵嘅質地係煙靭有咬口嘅手工面，湯都好足料，非常有味，而且肉嘅份量都唔少，平時嗰個set呢就揀咗韓式餃子，餃子皮都夠薄餡料好充足，lunch set 嚟講呢個價錢幾抵食，不過就真係排晒長龍，要早少少12點去攞位。

每次經過都見到間舖係排哂長龍，所以一直都好想試下係味真係咁值得排咁岩晏就喺附近做完野，又見陣間冇節目，所以就決定試下排一次～條人龍係一直都冇短過，但餐廳職員都好好，一直都企喺門口到安排位置，所以見到單人去用餐嘅都可以好快入到去，就係因為安排妥當，所以就算人龍幾長都冇人有怨言.我同友人最後大約等左45分鐘，大家可以參考下💪💪本來我想食飯，但見到呢間餐廳出名係拉麵，所以最後我同友人都係揀咗食麵.雞湯拉麵：有成半隻雞喺入面，見到都覺開心雞肉嫰滑且湯頭鮮美，隨餐亦會附送一小碗嘅薏米飯，泡菜偏甜，所以成個午餐都真係好飽肚.辣排骨拉麵：碗入面總共有三舊大嘅豬脊骨，肉質早已被燉到入口即化，確係唔錯！我有喺張單度寫咗加辣，但我都係嫌唔夠辣🤣不過友人係覺得辣嘅，呢度可以俾大家參考吓個辣度🌶同樣都係有一小碗薏米飯附送，所以大家可以根據自己胃口再決定加唔加小食～我哋見到小食都幾多人嗌，但可惜我哋個胃容量有限🥲.總結嚟講個拉麵係唔錯嘅，但至於需唔需要咁樣排法呢，其實同區都有其他選擇。再者，後續我哋行行吓街都發現有啲口渴，所以覺得試過一次就好啦，我哋就未必會回頭，呢度可以俾大家參考吓，祝大家用餐愉快

辣牛肉湯麵湯底是帶辣的，但是吃起來完全不辣湯底內容很豐富，有菌菇、牛肉、雞蛋很多東西面的分量很足，還會配一小碗紫菜飯和兩個小菜可以點套餐，豬肉餃子/泡菜餃子/紫菜包飯任選一個（推薦泡菜餃子/紫菜包飯）蜆湯麵湯是用蜆熬出來的，鮮味十足，有很多蜆肉，配上彈牙的麵條，簡簡單單都好好食。很適合不想吃辣或者想吃得清淡點的人

見到好多影片因此被吸引來食， 食物質素都算唔錯，份量好足，好大份。 性價比不算太高， 在別人的影片中看見餃子時兩隻的， 但現場食只有一隻。 面的質感Q彈， 小菜都是一般韓國餐廳提供的， 能無限添食。 餃子實滴滴但味道一般。 整體上嚟講麵食做得不錯。其他就...大家可以考慮要不要試😅餐廳環境設計相對比較難同朋友一起享受用餐， 但十分適合i人自己食。

本身仲𝟙𝟝𝟙𝟞揀緊今晚既晚餐係台灣野好定越南野好但諗起今晚可以會睇黑白大廚 ꉂ ೭(˵¯̴͒ꇴ¯̴͒˵)౨” 我就想食韓國菜啦掃ǫʀ ᴄᴏᴅᴇ 落單好想食泡菜湯飯 但佢無⌯'Ⱉ'⌯ 退而求其次 唯有叫辣牛肉湯飯𝔠𝔬𝔪𝔟𝔬$𝟡𝟠𝖀𝖒…無話好食 亦唔係難食 但呢個價錢可以好食啲囉૮⑉･-･⑉ა 我男朋友就叫左湯麵既𝔠𝔬𝔪𝔟𝔬 $𝟠𝟠都係叫辣牛肉 但佢個款要加十蚊 𖦹𖦹 .ᐟ.ᐟ 雖然有寫話可以添小菜但個小菜真係完全唔吸引 •̆₃•̑ 小食 可以揀餃子又或者迷你紫菜包飯個餃子係大大舊 幾好食既迷你紫菜包飯 有六舊 正正常常無太特別可以係櫥窗度睇住人手整麵都係一種娛樂 但係我覺得呢個價錢 可以啲料再好啲๑ᵒᯅᵒ๑ 同埋無位擺袋 真係好敗北(⑉꒦ິ^꒦ິ⑉)

今日試吓人氣韓式拉麵店，由於潮流已過，週末正午時分，亦沒有人排隊。餐廳主要供應韓式拉麵和湯飯，價錢由$60多元到$90多元不等。湯麵餃子套餐$108雞湯麵份量十足有成半隻雞！雞件幾大隻，係白烚嘅，吃嘅係雞嘅原味，配上鹽巴，吃到雞天然的風味，肉質軟身離骨。湯麵底係雞湯,雞湯係天然風味,沒有太多味精,而且完全沒有油份，配上刀削麵，麵條香滑，味道係幾唔錯，好有homemade家常便飯的感覺。豬肉餃子大大件，餃子皮好薄，有少少豚肉味，味道唔錯。配菜還有紫菜飯，泡菜等等，個人覺得比較辣，淺嚐而宜。

餐廳裝修係帶點古舊既韓風，有個透明櫥窗睇到廚房整手工刀削麵既環境，食物方面，湯麵餸既份量好大，味道最出色係蒸餃同朋友試曬泡菜餃子同豬肉餃子，餃子皮好煙韌，餡料裡面有豆腐、粉絲、豬肉，滿滿既肉汁。蜆湯麵所有湯麵會送泡菜、醃蘿蔔、紫菜薏米飯蜆份量需多，但湯比較清淡，啲湯好耐熱，食左十幾分鐘仲出緊煙。雞湯麵雞既份量好多，有成半隻雞。首爾牛肉醬油湯飯牛肉份量麵唔少，啲飯係比較硬身，痴埋一舊舊。不過感覺啲味混唔埋一齊

我同老婆夜晚去呢間食嘢，我老婆放低個袋喺張櫈度，唔夠一分鐘就俾伙計叫拎開，其實都仲有位，駛唔駛咁呀，搞到我老婆全程都食得唔舒服。我明你想做多啲生意，等有客嚟先叫我老婆拎開都未遲啦。反正灣仔區係午市忙過晚市啦，再唔係，你都可以提供多張櫈或者籃仔俾人擺下嘢都好吖，搞到我老婆坐得唔舒服。唔會有下次啦～～～呢個係乜鬼kimchi,乾爭爭，無乜醬汁，都唔同韓國食開嘅傳統kimchi,似係韓國超級市場買番嚟咁。

不用飛到韓國也可被銅鑼灣鬧市這餐廳內的裝潢及播放的音樂氣氛，感覺置身於韓劇中的情景。這份套餐份量非常豐富，小食可選餃子或紫菜飯，主食湯麵有多項選擇，另外也有其他冷麵的餐點。最重要的是主角 ~麵條~ 煙韌有彈力，而湯底非常厚身濃郁，但出奇地不太鹹，真的不知道老闆用了多少牛骨來熬湯底，足料抵讚湯麵配料方面，牛腩片,蛋絲,大蔥等等也非常充足，最重要的是上枱是熱燙燙的，選用的餐具也非常高貴合宜，我相信嚟緊係冬天一定大受歡迎，必食之選。

假日的中午，熱門的韓國刀削麵店總是要排隊✨這次我單點了雞湯麵 ($68) ，但如果選擇套餐，還會附上餃子哦！單點的話也有一小碗伴飯、泡菜和蘿蔔泡菜。雞湯麵：▫️份量：一碗裡有雞腿和一大塊雞胸肉，幾乎有半隻雞的份量，單吃雞肉就已經很飽了！▫️肉質：肉質相當不錯，雞胸肉也不會柴。▫️湯底：濃郁的雞湯味，喝起來很舒服，不會過鹹。▫️麵條：麵質彈牙，口感很好。同場的朋友點了蜆湯麵，湯頭則偏清，但味道稍鹹一些。

🇭🇰Seoul Noodles·呢間餐廳係我同朋友做完運動 經過見到勁多人排隊 所以跟住排嘅😈果然真係超級唔錯😌·雞湯麵 l 蜆湯麵$68佢呢度餐牌選擇唔算好多 我哋就揀咗呢兩款麵 兩款我自己都覺得好好食🍜佢個雞湯麵係超級舒服 好濃雞味 而且佢個雞係超級滑 份量仲要好多🐤佢係俾咗差唔多半隻雞我地 佢個麵質都好好 超級彈牙😚😚另外個蜆湯麵都好唔錯 呢一個個湯頭就主要係海鮮既鮮味 蜆都好甜 又係另一個感覺🤩🤩不過呢一個就咁食嘅話 因為佢配料淨係得蜆 就寡少少🫢·#rbyeat#rby韓國菜#rby灣仔 #rby銅鑼灣 #rby中環 #rby旺角·📍灣仔軒尼詩道68號新禧大樓地下A號舖📍銅鑼灣謝斐道482號兆安廣場地下4-6號舖📍中環士丹利街38號金禾大廈1樓📍旺角花園街1號鴻禧大廈地下6號舖

今日放假約左朋友出灣仔，見到呢間韓國野食好似唔錯，所以入黎試吓！我地大概11:30到，起初無咩人，但隨著lunch hour 開始，愈來愈多人！自己手機落單，我地叫左2個釜山白肉湯飯（$78），本身想叫多份迷你紫菜包飯，可惜太早，餐廳未準備好！講下個湯飯先，好大碗，好多豬肉，湯底都夠味，不過我自己再倒啲泡菜落去，感覺更加惹味！整體唔錯！如果下次再黎，都想試埋其他，因為臨埋單見到隔離客人叫左雞湯麵，好似有成隻雞！

見到Openrice咁多人比負皮覺得睇唔過眼要幫手平反平時見到中午好多人排隊，到今日夜晚覺得人少少先入去食。一入到去已經好似返左傳統韓國餐廳咁。個Setting好靚同埋好光猛，呢間係主打手切麵同湯飯。我同在男朋友叫左個$298二人餐，超多嘢食！一個牛肉湯飯一個雞肉麵仲有碟凍肉食，非常抵！ 個湯底好鮮甜，牛肉好腍；個雞麵個份雞好大份，麵係有質感🤩 會再黎的！佢同平時食開嘅韓國餐廳好唔同，以往個啲都係口味偏重，有時候食返少少清淡呢間係唔錯嘅選擇

和朋友中午來吃這間店，排了十幾分鐘，人氣不錯的一間我點的排骨湯麵，朋友點的辣牛肉湯飯。面吃起來口感不太好，沒有韌勁，湯味道還行，整一份裡面最好吃的是排骨，有三大塊排骨，肉算多！以及套餐裡的拌飯味道也不錯朋友點的辣牛肉湯飯不好吃，沒有味道，很工業的辣味，牛肉也沒幾塊，不推薦這個和朋友一致認為最好吃的是小菜裡面的辣蘿蔔哈哈哈哈如果不排隊可以來吃吃，大排長龍就沒必要啦，有一個透明揉麵間，可以看到師傅在做麵條

Dined here with my colleagues for dinner as they were craving for Korean food. .All of us ordered the Noodle Combo. I got myself Yukgaejang Noodle and Kimchi Dumpling. While my Yukgaejang Noodle was packed with various ingredients, I could hardly found any shredded beef. The handmade noodles had the right level of spiciness in the broth. The kimchi dumplings tasted so-so and were a bit oily. My colleagues ordered Clams Noodle and Bone Broth Noodle. The portion were generous and the broth was cle