Shari Shari Kakigori House 氷屋 (已搬遷) 新店位置

終呢間店主打唔同口味日式刨冰🇯🇵🍧一到秋天就轉menu～用1舊水食1舊水💸，大家又覺得值唔值呢🤣? -1️⃣「Hokkaido Pumpkin (w/ sweet potato🎃🍠($100) 」-膽粗粗抱住試伏嘅心態試，點知唔伏！個醬好creamy，食到底都仲有醬👍🏻食落紫薯味好真，南瓜味好香，係天然甜味嘅感覺👻✨中間有脆脆餅碎🍪，加上南瓜子同Oreo做topping，口感好豐富，但定價真係有d進取😭💸-Unexpectedly, this Japanese slaved ice is really good and multi-textured. The ice is served with creamy sweet potato and pumpkin sauce, with crushed biscuits inside and topped with pumpkin seed. However, it is quite expensiveTT

呢間舖出名啲冰係空運到港，長時間都好多人幫襯。定期都會有新口味推出，所以唔怕食黎食出都係同一個味，最好就多幾個人一齊去，咁就可以食多幾隻味啦。一個冰大大份，就算食到底都仲有味。除咗好食，個冰都好igable架。

宇治金時 $90相信食過日式甜品既朋友對呢個配搭都唔會陌生😚 宇治金時就係紅豆、白玉、抹茶🍵 因為個沙冰既表面淋咗抹茶糖漿 所以望落顏色會比較深 最欣賞既係店員係製作刨冰既時候 每刨到一定份量就會加一次糖漿 然後再刨下一次 所以食落成個冰都充滿住抹茶味 唔會食食下得返冰既味抹茶糖漿係帶苦澀同好濃郁既茶味 食落好消暑解膩 而冰面同裏面既紅豆係相對較甜 用黎平衡返抹茶既苦澀味🤣 白玉亦好煙韌 整個冰都好綿密 味道同開業初期都一樣出色 能夠保持水準實屬難得 唔掛得之佢仲係咁多人食😻😻😻評分: 10/10🌟—————————————————————————Shari Shari Kakigori House 氷屋 (銅鑼灣)銅鑼灣希雲街14號地舖

🍧🍧🍧呢間刨冰店次次經過都好多人排隊，今日平日4點去食都要等，好彩等得唔太耐。原來間鋪頭好細，得大約十零個位，枱之間都比較迫，所以預咗食完就要走。排隊時已經要落定order，入到去坐低就要俾錢先，再等野食就得！揀咗芒果🥭乳酪味個刨冰真係好大份！忍唔住嘩咗一聲😂乳酪係另外細細杯俾你淋上面，芒果味又唔會太假，食到一半仲會有芒果肉係入面，同埋佢唔會溶得好快，兩個人share時間係啱啱好🥰食完成個人都好涼快🤣有食冰tips😛重點係唔好打卡打太耐🤣

一入到去 個店員語氣好快又態度麻麻有啲黑面甘叫我地彼錢先，由於佢講得太快又太細聲所以佢重覆左一次。叫左個焙茶黃豆粉冰，黎到好大碗好吸引🤩店員提醒由上面開始食。一開始食落都好濃味，點知食到落去黎來黎淡，食到最尾係得冰味甘🙈好失望，話曬都$95。我食過佢地嘅冰十幾次，之前嘅冰中間都會有醬就唔會越嚟越淡，點知今日哩個失手左👎🏼中間冇咩醬。食過甘多次，個人推介抹茶同伯爵茶味，好濃好好味會令人食吾停口，吾似今次哩個有1/4個太淡冇食到。Btw，夜晚七點後食哩間係預咗要排隊。

✨秋涼啱啱到🍂，還可以捉緊夏天嘅尾巴，所以我終於去咗bookmark咗好多個世紀既［氷屋］，呢間日式人氣刨冰店大家都唔陌生，所以我都唔多講啦！事實上真係幾好食，我一定會再encore‼️.💬伯爵奶茶味配白玉 🍧$100本來想試期間限定味道，但係試唔到真失望🥺，所以最後試咗伯爵奶茶味，呢個都係我喜歡嘅味道，茶控會勁鍾意💕！整體黎講每一啖都食到有伯爵奶茶味，唔會死甜，味道啱啱好，中間有啲餅碎，底部仲有牛奶布丁，真心唔錯！不過就係覺得價錢有啲進取😆！但好食無計會再試佢其他味道🙈。...📍Shari Shari Kakigori House 氷屋 (銅鑼灣)銅鑼灣希雲街14號地舖..

星期六下就一去已經見到好多人排隊諗住試下新野，所以同朋友照排隊等等候期間，女職員態度好差 不停催我地 可以落得單未、可以落得單未因為店入面好細 我地等左20幾分鐘先入到去比好錢後，我地嘅榛子朱古力冰好快就送到份量的確好大，食到中間有餅乾碎，幾特別。食到下層榛子冰味道有d淡，如果榛子味再濃d會更好。整體黎講，味道幾好，但服務態度實在唔好，食到差唔多，職員已經想趕你走咁，真係試過一次就夠Hazelnuts chocolate kakigori ($95)

👧🏻 ate...Earl grey milk tea (with sharitama mochi)Strawberry special (with panda cotta)Mint chocolateAvocado milk 👧🏻 wants to say...個人認為呢間舖頭最犀利嘅地方係佢將刨冰整到有唔同層次嘅口感 同埋佢用嘅所有syrup食落都冇一種好假嘅感覺🥰 冇加mochi嘅Earl grey milk tea同冇加布甸嘅strawberry special食到中間會有少少「悶」🤣因為好似食極都係冰咁 但前者食到最後又會突然間有大量餅碎同個冰好夾好有驚喜❣️後者就感覺上啲冰嘅質感會有啲唔同❣️講到最正呢我自己就會揀牛油果味🙌🏻成個冰都充滿牛油果味 feel到佢浸咗好多牛油果糖漿入去 食落勁fresh🤪到mint chocolate鍾意薄荷朱古力嘅朋友都可以去試吓 個人就覺得比起其他三隻味佢冇咁突出啦🙈希望下次嚟唔使等咁多張枱啦😭

喺銅鑼灣，希雲街係集結最多黃店嘅一條街。而呢間出曬名嘅冰屋主要係食甜品嘅，適合曬一家大細，朋友平時出去銅鑼灣食完晚飯就食嘅甜品舖。店長係日本人，周不時都見到佢會落舖頭幫手，非常親切。次次去親都大排長龍，但仍無阻大家要食嘅決心！店員會先要求食客排隊，喺等候其間，大家可以揀食咩味，再同店員落單，一入到去就會即刻整，由入座到送甜品，過程只需要幾分鐘，十分省時。大家可以揀唔同味嘅冰，建議兩個人食一個，因為好大份。今次嗌咗earl grey milk tea味同抹茶味，呢兩隻味都係比較大眾化，仲可以揀配唔配白玉(建議可以加十蚊試下)。Earl grey milk tea有少少甜，抹茶味入面有埋焦糖醬，焦糖粒粒同埋脆餅粒粒，中和咗抹茶嘅甘香，味道十分夾！

呢間野，一去到勁多人，一早就預咗係排隊店，但係冇諗過我排咗45分鐘雖然臨近中秋，但係都好啱食刨冰刨冰好大舊，我仲加咗消化餅喺裏面，感覺新奇有趣，有幾夾喎衰鬼面頭啲生果唔使講，日本生果通常都冇得輸，仲要日本人揀嘅日本生果，簡直係冇得輸中嘅冇得輸。刨冰軟綿綿，質感好唔錯，排隊排到熱辣辣，第一兩啖放落口確實過癮至於刨冰上嘅果汁或者糖水或者醬料，唔係嗰啲好假嘅糖水味。而且分布平均，唔會一啖多啲一啖少啲，平均到好似撈過嚟咁，確實好唔錯。價錢唔算話好平，但係亦都唔算好貴，同普通一碗糖水差不多，其實真係可以一戰

2020-09-03踏入九月依然夏日炎炎，約了朋友在附近行街，記得半年前食過呢間味道唔錯嘅冰屋。我立即邀請朋友黎食過冰再行。由於其他人都未食過，所以一去到我就負責排隊，另外兩位就去睇餐牌睇下有咩岩食。當值侍應馬上走出來並大叫：「係後面排隊，一個跟一個」原來來餐牌嘅位置與隊頭的位置一樣。她誤會了我們打尖，我哋立即都講返聲唔好意思並跟足指示排好。排到中段嘅時候，同一侍應竟然呼喝我地叫我地排好啲 膊頭貼住膊頭唔好面對面咁排。當時我只喺度同緊我嘅朋友細聲地傾偈，應該係冇影響到其他人，之後我哋就唔出聲直到我哋入去。入到去環境比起以前唔同咗，變得商業化而且大部份員工都係廚房。係排隊嘅時候已經落咗單 一入到去就比完錢已經有得食。所以成個進食過程都好快，入去之後大概10分鐘我哋就食完。除咗排隊嗰陣會同員工接觸到之外大部份時間都好似喺food court度食嘢咁，其實都無咩機會接觸到店入面嘅侍應，但係就係我哋走嗰陣，竟然見到同一侍應怒視我地。我知道俾錢唔係大晒但係都唔應該受到咁樣嘅服務同埋呼喝。真心無下次

餐廳：Shari Shari Kakigori House 氷屋 地區：銅鑼灣地址：銅鑼灣希雲街14號地舖日期：29/9/2020 時間：20:05人數：2人 等位： 20mins 價錢：$90係樂富食完壽司郎見仲早先得7點半，於是一齊決定去食我哋之愛既刨冰🍧我哋諗住大家尼個時間應該仲食緊晚餐唔使排隊，結果8:05到達已經約有十人排緊隊，而家唔同以往留名等候，排隊嘅期間佢就會俾Menu你選擇，大約等咗20分鐘左右先可以入坐，坐低比完錢就已經即刻上刨冰，速度非常快。每次我哋都必嗌抹茶忌廉焦糖味，其實本人之前唔係太鍾意抹茶味嘅甜品，但自從有次試完尼個刨冰之後大大愛上，刨冰既抹茶味唔會太濃太澀帶有少少回甘，啲冰綿密細緻入口即溶加上配搭忌廉同焦糖脆脆，意想不到咁夾，冰內仲有類似餅碎或啲焦糖粉🤔，簡單嘅刨冰估唔到帶出咁多層次嘅口感，真係每次食都忍唔住讚嘆😋雖然刨冰望落好大🤩但對於我哋兩個食完晚餐再食啱啱好🤣可能我哋太大食😂

雖然每次都要排長龍但依然無阻想食嘅心情排得長龍真係有原因 因為佢哋嘅冰真係好高質素呢度標榜從日本進口既冰去製造刨冰身為日本人的老闆想一絲不苟甘還原日本的味道而香港本身比較少地方有提供到日式刨冰今次試左伯爵奶茶配白玉💯伯爵味好濃 白玉好煙韌中間仲有布甸同餅碎 口感再豐富左😋雖然長期都要排隊 但都係會成日去encore仲有好多唔同口味可以揀!每款刨冰個樣都勁吸引但如果想影相嘅要快因為好快會溶同份量都幾大通常share會比較好🙌🏻

這間吃冰店很多顧客，每次經過都見到有長長的人龍在門外等位，今天難得不用等位，就來試一試。我們二人同行，分享一個刨冰：伯爵奶茶味 加白玉，另加38元有一件焙茶芝士蛋糕。刨冰原來超出我想像般的高，很大份，難怪要二人分食，伯爵奶茶味香濃，甜度適中，冰的質感很好，在冰的當中還有其他配料如布丁、餅碎等，超讚。焙茶芝士蛋糕十分甜，反而顯得茶味不足，可能是因為剛吃過伯爵奶茶味的冰，影響了味覺吧，芝士蛋糕的質感結實又香滑，都很好吃。100元一個刨冰好像有點貴，但勝在好味又足料，難怪會有這麼多顧客。

週末跟港島區朋友搵食，來到她極力推薦的刨冰店，下午4點多門外大排長龍，大概等候30分鐘左右。店員問會不會考慮take away，份量會少一點價錢比堂食平，但附近主要是車房，室外食冰比較困難，唯有乖乖排隊。店內空間不大，不過刨冰比較快食完，所以等位不算太久，如果想休閒地聊天就不太適合。抹茶忌廉焦糖味配白玉（$100）刨冰好巨型！冰磨得好碎，完全入口即溶，因此店員特別提醒不要花太多時間拍照。外面淋上香濃的抹茶醬，裡面包著餅碎令口感更加豐富！最底層有焦糖醬，可以中和抹茶的微微苦澀。白玉有3粒，分開上，味道正正常常。整體來講好好食，食完覺得好滿足。刨冰的份量適合2人share，雖然價錢不平但絕對值。下次會再來試試其他口味。