Shop9 Restaurant & Lounge (已結業)

琴日（2024/04/06）打去餐廳book（2024/04/07）下午一點，有職員聽左話可以幫我做預約，點知今日去到竟然冇開門。。。有冇搞錯，老人家突登行上行落已經好辛苦，仲要食白果。。。。

呢間本身就係無心插柳之遇出咗糧梗係去食吓好嘢因為唔想來來去去都係銅鑼灣旺角所以今次鎖定喺西營盤搵咗一間素食嘅 但咁啱冇開見呢間裝修幾有英倫風味 又無乜人😂😂靜靜地食個飯 飲少少酒relax下本身無太大期望因為我係openrice重度使用者亦好少唔睇食評咁去一間餐廳😂但今次確實係有驚喜😋😋😋今餐叫左幾樣野 包括有湯 沙律 意粉 小食 仲有啤酒同甜品 真係夠曬豐富帶定頭盔 🪖今餐人客確實唔多 加埋我地有兩枱 如果有機會full house再試 會再出食評😂1. SMCV beer 1pint $58首先黎到既係一杯冰凍既啤酒 因為比較鐘意有果香花香既啤酒 叫侍應推介一下（最後先知佢係老闆加廚師🧑‍🍳）介紹左一隻係生力呢隻牌子但係係德國黎既白啤 順口果香十足帶甜 好適合女仔飲 有時呢啲例如1664 個d有陣爛既水果味🫢呢隻無 因為唔係大路既牌子 個下覺得呢間係有taste既餐廳 2.烤雞蘋果沙律$148沙律好似係最普通無乜野好講既菜式 但我覺得一個沙律除左菜要新鮮 醬汁 擺盤 等等細節就係睇得出佢有冇用心呢個沙律我覺得係好好食烤雞調味唔算好重但表面煎得好香醬汁似自家調製 甜甜地 主要係比少少

所有嘢都不是刻意地推介，因爲昨晚本人好野收工，所以諗下邊度有嘢食，就記起此餐廳，其實呢間餐廳已經差不多打烊喇，當時沖入此餐廳，馬上問仲有乜食呀，跟住老闆回答冇喇，廚房都收咗工了，跟住我就話可唔可以求求其其都煮啲嘢出嚟食啊，因為好肚餓，麻煩你啊，大家真係估唔到，老闆好好人，馬上入廚房整咗一個你唔相信好好味嘅帶子意粉出嚟，當時真係好感動架，講真啊，這間鋪頭完全冇架子，每一個人都好親切，食物方面水準真係一流架，我覺得大家真係可以值得去試下呢間餐廳，最後重複再講多一次，味道好，態度好，好食物當然都好啦。畀100個讚😘😘

天氣無咁熱，一直都想搵啲坐得舒服嘅outdoor餐廳，行過西營盤見到依間餐廳裝修幾靚，決定試下佢地個午餐。頭盤個沙律同南瓜湯好味，南瓜足料，食得出係用南瓜打碎做南瓜茸。紅酒牛尾飯，好好味，啲肉好嫩，又入味，份量都幾多，好高質。同老細傾開佢話入左啲特色手工啤，比利時德國英國都有，焗豬手都係招牌菜，下次一定返黎再試。疫情其間，見到啲高質小店執一間少一間，真係要支持下。如果有狗都可以嚟，戶外位置係pet friendly!

又來到西營盤，記得之前去過間英倫風格既餐廳酒吧，因為疫情關係，比較少來呢區覓食，同時都擔心間餐廳係唔係仲存在，畢竟有太多食肆都敵不過疫情而倒閉😮‍💨😮‍💨！幸運地 餐廳依舊！👍同frd order左兩個lunch set，又餐湯 沙律 主食 甜品 加埋飲品，非常豐富，食物質素認真不錯，意式紅酒燴牛尾配白飯，牛尾非常入味 又夠淋，新鮮蜆肉炒意粉，鮮味得來 又有少少辣 意粉彈牙 又有少少香草味 睇睇個價錢 真係好抵食 一個咁豐富既午餐都係百幾蚊🥳🥳🥳！

一直都有幫襯這間餐廳，老闆好好人，另外侍應方面每個人都好親切，他們都會介紹今日有乜嘢特色食品, 或許有乜想食有乜唔食, 真的好細心, 食物方面有一定嘅水準，價錢合理，地方環境舒服，每逢節日都有好多特色野放出嚟 .

近期最愛的西餐廳❤️（📍西營盤）抵食、好食🤤 環境舒適😍 性價比高👍🏻午餐 : 湯+主食+ 飲品= $200有找😋 服務十分有善🥰，好有禮貌，好Helpful 我哋三個人，叫咗三份午餐: 1). 香辣蒜片雞肉意粉（好惹味，重口味，正）2). 蟹肉忌廉意粉 （好多汁，好惹味）3). 西冷牛扒 （煮得偏熟，所以我通常叫三成）跟住再叫多份小食 ：1）炸雞軟骨 （好大粒，次次去都必叫的）全部都非常好好食🤤上餐時間都非常適當！希望可以keep住呢個水準啦😁

有時唔想排隊又唔想同人迫中環搭兩個站去到西營盤會感受到完全唔同嘅氣氛😊呢度俾人一種慢活chill既寫意感覺一坐低未夠8:00pm店員就親切推介happy hour既menu有非常多選擇因為明天一早要做運動所以揀咗apple cider淺嘗配上冰杯😚岩曬依家既天氣串燒併盤係必食推介配上燒汁🤤送酒一流🍺🍺🍺豬手亦係另一必食之選上碟時熱辣辣皮脆肉嫩而且非常大碟仲有薯角、酸菜非常抵食😋最後要食番啲澱粉質忌廉蟹肉意粉劃上完美句號😊老闆閒時仲會出黎同客人吹水飲番杯非常親切埋單每人都係二佰幾三百蚊絕對會再encore👍🏻👍🏻👍🏻

之前去食都覺得幾好，但今次去真係太失望了。- 無service - 野食出得好慢，要三催四請先出到野食- 個甜品叫咗兩次先送到黎- 野食水準差左- 貴- 食完肚屙- 叫左杯汽水都可以無汽

獨特的地理位置令我感到呢間餐廳非常特別有個人之處,他是馬路轉角位陽光開揚,紅磚有英國嘅感覺,儘管不是完全傳統英國的設計但係糅合香港的文化更加切合我們本土的風味.我是食羊肉丸意粉,價格非常合理而且質素竟然達百幾二百蚊的級數,意粉質地彈牙煙韌,羊肉丸的騷味只有少少,能夠得知是羊肉,但不會太過騷而產生油膩的感覺.這間可以經常去,因為食物不會中伏,而且價格非常合理又高質素.甚至我覺得它的價錢加倍我也覺得合理.

本來打算跟朋友 附近食火鍋 天氣熱 行到留晒汗 經過見到呢間酒吧餐廳裝潢頗有特色戶外區域可以有狗進入 一致決定入去試試小店人手有限 出菜時間有點慢但食物質素不錯值得等待而且所有食材新鮮加工 烹制需時 差不多了（專業廚師朋友判斷）份量很足 咸豬手非常出色 真材實料薄餅沙律牛扒也很不錯 蘋果批應該非常出色 聽見兩桌人食完加單我們太飽了 吃不了 沒下單總體來說 很滿意

不時都會返check 過黎呢度食豬手，個皮真係好脆，D肉又香又林，仲有個蜜糖芥末醬，係出面真係食唔到。大份到⋯好誇張，兩個人有時都食唔晒⋯仲有好多手工啤酒選擇。我哋今次點左waitress 推介既幾款，隻ipa 真係好香。值得推介🥰呢度嘅環境都值得一讚💕。成間店好有英國feel 好chill, 仲有個outdoor 有得食煙，放工過嚟真係好relax ... 下次再嚟。

Friday night同同事食飯，有同事會帶狗狗，所以黎上環呢間狗狗有善餐廳。餐廳有戶外座位，一半有帳篷，一半露天。餐廳位置近薄扶林道，會幾多車經過，不過一班人傾計都唔會覺得嘈嘅。我地叫左二人餐再加兩主菜。忌廉湯Mushroom soup個忌廉湯可以食到蘑菇碎，增加左個湯口感，味道亦唔錯。兩條蒜蓉麵包好夠蒜蓉味，是脆的，不錯。串燒Kobob Platter串燒有牛肉、雞軟骨、雞翼、大啡菇、菠蘿，蕃茄仔。一般般。香草羊架配青醬意粉Lamp Rack with Pesto Spaghetti 羊架唔錯，可接受的羊膻味。青醬都幾香，只是意粉煮得有點硬，個人喜歡稔身。黑松露野菌意大利飯Black Truffle Risotto 黑松露香，味道唔錯，只係個人覺得意大利飯有點硬。香脆德國咸豬手配蜜糖芥末醬German Crispy Roasted Pork Knuckle with Honey mustard除左見到嘅豬手，底下有薯角同酸菜。豬手味道唔錯，但個皮唔太脆，煙韌為主。個蜜糖芥末醬好味！蕃茄羅勒水牛城芝士薄餅Margaritas Pizza 9’’ 薄餅焗到好似餅乾，蕃茄醬未免太多太濃

Have always wanted to give this a try as its exterior resonates so much with british pubs😆The food was quite disappointed though. The crab meat pasta was mediocre, but buffalo wings were meh😳 they basically were deep fried wings with sour and spicy sauce on the side🤨ok the wings themselves were fried ok but they simply werent buffalo wings right?🙈Feel like this is a place more suitable for happy hour than proper meals

難得一遇高水準既dog friendly餐廳，一定會再去~叫咗個2人餐，只係488，有湯/沙律，一個小食，兩個main，兩杯野飲，同甜品。果日太肚餓，全部嘢食都食左一半先醒起要影相🤣蘑菇湯好足料!一炸起就上菜，熱辣辣又夠脆，咬落仲好多肉汁，非常好食。蟹肉意粉好足料，食落好鮮味，極力推薦｡另外羊排青醬意粉都唔錯，值得一讚嘅係個羊煎得好好。甜品就不過不失｡因為帶左狗狗去，只能講坐室外，風扇略嫌唔喺好夠強，但overall都坐得好舒服。店員服務好nice，仲請狗狗食蘋果~另外呢度亦都好多手工啤酒，帶狗狗可以chill 成晚😄