Shop9 Restaurant & Lounge (已結業)

炎熱正午曬到佛都有火 見到路邊這家小店 雖然喺酒吧 但原來也有午餐 價格合適 68-148不等 包餐湯同餐飲.今日餐湯喺蘑菇忌廉湯 入口超驚喜 不是罐頭湯！應該是用料理機打碎蘑菇做成的 奶油用量也少 唔會膩 反而好清爽 夏天都合適.主菜我揀了鮮蝦龍蝦汁risotto 蝦有三隻 肉質彈牙 有事先醃過 沒有雪味. 意大利飯粒粒分明 口感煙韌有咬口 汁微鹹. 一上台時覺得份量偏少 但原來食完啱啱好 perfect. 飲品我揀了凍咖啡 都不錯.特別想讚下兩位店員 一個在吧台的小哥哥和長腿小姐姐 服務態度超級好 一直微笑待客 有問必答 今時今日這樣的服務態度真的太少見了 值得一讚！餐廳外面還有戶外平台 夜晚喺外面飲啤酒肯定好chill.

今日平安夜所以午餐的時間就吃好一點去咗這一間都開咗一段時間的餐廳試試餐牌價格合理價套餐 約平均也是$70左右一位是今日就點了貴一點的澳洲安格斯肉眼扒首先上了是日餐湯是蘑菇湯味道還好賣上也OK我不過若果叫牛扒上菜的時間比較耐我們也等了15至20分鐘才有得食。因為今次我們一行三個人都叫牛扒都係5成熟，但係上台的時候煮有點過熟，而且冇咗肉眼本身嘅林口感，比較實同難咬。我同事有半塊沒吃到。耳根牛扒一起上的豉油汁就太鹹了而且餐廳有分戶外及戶外座位 ，如果是飲酒傾計坐室外效果比較好氣氛。今餐也是不過不失

可愛老婆介紹，帶埋細妹、外甥食好西環，冒住雨黎到西營盤Shop9。店內環境合打卡、開Party、慶祝活動，有冷氣區亦有半戶外區，閒時都會見到外國人嘆啤酒Hea下。店主對啤酒有要求，會先試過品評過先入貨。🍻Hoss Doppel-Hirsch德國啤酒，味雖重卻易入口wor，好飲🤤跟餐沙律🕵🏻‍♀️跟餐自助拿的沙律吧（只拿一次），生果新鮮，不過款式不多，希望黎緊會有更多款。🤤蒜香意粉👍🏻炒得香，意粉口感好。🤤銀雪魚意大利飯🕵🏻‍♀️可能係古早味風情，本身會較重口味，可以預先叫小咸。魚肉口感好，飯不會硬。🤤南瓜蟹肉意大利飯👍🏻南瓜味濃，好似飲南瓜湯咁，同樣飲既質感好。

😍靚鋪Shop9係西環第三間及薄扶林道交界，具有特色的餐廳環境（一半室內又有平台戶外，又係地鋪又係一樓平台👍），餐廳裝修佈置一流，氣氛好好，食物賣相good😍👍食物大份，Ribs 醬汁配合得較惹味，啤酒企雞好有特色 😂薯角及粟米好味👍😋 凱撒沙律👍餐廳多西人，型仔索女多，另宜生日慶祝🎊🎉🎂🎈同店員講慶祝生日，店員樂於在Cake 🥧碟上寫上生日字眼👍🙏☺

搵間有瓦遮頭嘅餐廳咪可以落雨都帶埋狗狗去食嘢囉 😁 呢間有個好大嘅平台可以俾佢地走黎走去架肉醬意大利麵 📍$108呢個似係扁意粉多啲喎, 一上枱已經有對失望 😥 見到好似好多汁咁，不過唔入味百里香雞扒飯配洋蔥汁 📍$88午餐跟一次自助salad bar, 款式唔多，不過杯紅棗蜂蜜水就幾好飲。雞扒飯好似去咗茶餐廳咁 😅 都幾大件嘅

又再一次去Shop 9, 今次係食下午茶好抵食 就算假日都係$68 一個意粉叫咗黑松露薯條，西多士，三文魚意粉飲品就叫咗mocha 同latte-黑松露薯條，薯條啱啱炸好，好脆，個黑松露醬係黑色一粒粒嘅黑松露，唔係平時blend 成醬咁，所以特登鮮甜西多士以為係茶記個種點知係入面有料嘅呢種，都好食，炸得好均匀三文魚意粉好食嘅，但份量原來好多，食完好濟-Mocha 好飲，latte 就個樣普通但飲落都ok, 唔識評論咖啡，但latte 好似奶味重過平時多好多，不過我其實係好flat white 嘅人，所以對我嚟講就好ok

屋企附近有間Shop9 Restaurant，之前成經過見到裝修唔錯，一路都想去試，早幾日終於都有機會去試下佢啦！店鋪地方分左室內同室外兩部分，室外部分目測有16-20人嘅位，適合一大班人晚餐聚會開party，亦有暖爐提供，唔會太凍；室內大概有四至五張四人枱，座位寬敞舒適，唔會有逼硤嘅感覺。我地order 左三樣野，第一樣係香辣水牛城雞翼，翼雞炸得極之香脆熱辣，唔會炸到乾曬，配上兩款附上嘅醬料(一個係辣椒仔溝出黎嘅汁，另一個係Ranch sauce)點黎食，真係冇得頂！第二味係北京燒鴨pizza，pizza 就食得多，但北京燒鴨pizza 真係第一次食，估唔到又出奇地唔錯喎，pizza 餅底就普普通通啦，應該唔係自己搓嘅餅皮。第三樣係澳洲黑安格斯牛肉眼配紅酒汁。落單時店員未有詢問我地牛扒想要嘅生熟程度，我地以為係佢地有個特定嘅烹煮方式，上枱時目測與一般燒牛扒分別不大，我估應該係店員忙得滯以致唔記得問啫。牛扒有啲過熟(大約八成)，但都juicy嘅，不過不失。整體黎講，今次用餐感覺良好，食物質素水準以上，服務細心有禮，有機會會再黎嘅...!!! 😄😋😋

每次經過都會被其裝修吸引，歐陸式設計，非常浪漫🌹今次終於可以一試其水準！餐廳室內、室外都有坐位，適逢天氣清涼舒服😌我地決定坐室外！餐廳店內唔算多人，只有一兩枱客人。因為唔係鬧區，所以你想坐幾耐都得，係一個非常適合同密友傾計既地方🍸Dinner Set價錢同區內餐廳差不多，都係~$200，不過有salad bar既就好少有啦🥗我地揀左Set A同Set D☺️Salad Bar配料選擇都幾多，有粟米🌽，青瓜🥒，蕃茄仔🍅，菠蘿🍍等等，任君選擇🤩餐湯係南瓜湯，味道唔錯👍🏼濃度適中🍤天婦羅軟殼蟹白酒忌廉汁意大利燉飯 $198/set賣相唔錯，不過份量唔多，男士應該未必夠。忌廉汁香濃，意大利飯軟硬適中。🦞波士頓龍蝦車打芝士汁燴扁意粉 $238/set有半隻波士頓龍蝦，約一隻手大小，芝士汁香濃惹味，每條意粉都能夠沾上醬汁總括而言，食品質素不錯，不過環境更值加分，可以短暫慢活一下😌

水牛雞翼-每度地方製法都唔同，呢度係外面有炸漿，都有好多隻，炸得鬆脆，醬汁都係一般水牛雞翼汁囉黑松露帶子意粉- 醬汁係忌廉醬汁，意粉煮得軟硬適中豬扒-切得幾厚，煎得剛好如住附近，又想食西餐，可以一試

2019/1/20 完成上午課程後到香港大學附近搵食，居然找到一間愜意的小店：食品質素中上、自助沙律新鮮、露天或室內的座位各有特色、招呼體貼、還有價錢合適(一個餐由六十至一百元)，值得推薦。

2018最後一天上班，仲要收早半天！lunch不可求其食，當然要食豪少少的。我今日突然想食返塊扒，所以走左去西營盤第三街食西餐。今日有A-H咁多個餐，我見牛同豬都係$98，我又見人哋個扒都幾靚，咁咪食牛扒。肉質都好柔軟嘅。但欠牛味。有一次salad bar任夾，有沙律菜，蕃茄，青瓜，生果有西瓜，提子。午餐有包湯加麵包，周打魚湯都算足料，不過唔熱，暖嘅！加$15叫咗杯飲到底都仲有心型嘅latte，好可惜，杯熱飲又係暖嘅。＊午餐都係要➕10%

好朋友生日，就喺呢度靜靜地食餐飯，因為大家都係住港島。不過附近冇停車場，啲標位又好少，同埋都好遠，所以就泊左系門口，好彩呢度兩邊都係玻璃，可以望到自己架車，有咩事都可以即刻衝出去。入到去先發現原來有露天嘅地方，見到唔係太熱，就坐咗出去。成個露天位置得我地一張枱，好靜好舒服，兩個女仔唔係食得好多嘢，所以叫咗兩杯酒兩個餸就算。我哋叫咗一個牛扒同埋一個豬手，兩樣嘢都好好食，豬手外脆內院，牛扒就雖然韌咗左少少，但係好彩肉味夠濃，如果肉質可以再林啲就好了。呢度真係靜靜地食餐飯嘅好地方

餐廳位于斜路上，經常經過，終于去試下餐廳有自助沙律供應、前菜可自取，選擇不俗。另外主菜在半餐單中選擇其中一款。如果唔中意沙律可以選擇餐湯。主菜有牛排，韓式牛肉石頭鍋飯，意粉可以選配豬手或三文魚。 朋友選擇了韓式肉碎石頭鍋飯，但飯是粢住一大舊同爛曬。 我就點了豬手意粉，可惜德國豬手有點咸，肉硬，但仲脆同分量多，抵食！

《All-day Breakfast》雖然成日都覺得all day breakfast好易整，不過我永遠都冇咁嘅情趣一早起身整呢樣嗰樣，所以都係落街食個brunch吧啦懶人~見到雙蛋同croissant 都幾開心，香草牛油炒菇都好味，總之見到咁多樣擺埋一碟就開心啦宜度環境十分舒適，岩晒一班朋友仔吹下水，飲下咖啡，設有户外位，可以坐出去望街景chill下。服務員亦都很友善，好好笑容。有機會我一定會返黎再試宜家餐廳。

一向有黎開shop 9食飯，近排有驚喜！出左個自助沙律吧，選擇非常多，有新鮮水果，凱撒沙律，超正凍意粉，湯，麵包。所有材材都好新鮮，沙律菜咬落脆卜卜非常新鮮，最正既係即使係多左個自助沙律吧，午餐同之前既價錢仲係一樣68hkd起。淨係食個沙律吧都已經回本，好開心。最重要係好食！不枉我常常來幫親。like like like ! 另外想講下支Apple cider，好易入口，係食飯傾計幾好的選擇。