Simplylife Bakery Cafe

营业中

休息中

Simplylife @TKO評分：🌕🌕🌕🌘🌑放假休閑地食個brunch，係TKO Popcorn既Simply就十分之有情調，華實既裝飾加上燭光，十分舒適~· All Day Breakfast 🍳懶洋洋既節日，叫上全日早餐是一種生活態度，香烤德國肉腸、牛油炒蛋、香烤蘑菇、茄汁豆、煙肉條、焗多士不可或缺😋· Guacamole beef cheese burger 和牛漢堡🍔手打和牛厚度份量十足，微微煎香配上牛油果蓉及芝士，簡單又滿足由於Simplylife同時係一間bakery，套餐都會送上香噴噴既 🥯出爐面包作side dish，誠意滿滿~

好耐無幫襯過呢間西餐廳，今晚心血來潮想食漢堡，諗到呢間嘅晚餐有得食，就滿心歡喜試下晚餐加多$30可以有餐湯/沙律 +汽水/冰茶選擇餐湯，今晚係磨菇忌廉湯，指定動作係送上餐前麵飽，配以牛油都唔錯。個湯都相當杰身，入口有磨菇碎粒，充滿菇味，並且都幾飽肚。係我哋差唔多飲完個湯，個主菜車打芝士牛肉漢堡配牛油果蓉/煙肉 ($145)就上枱，相當快速。賣相幾精美，唔少得有佢嘅拍檔薯條一齊上陣選配牛油果蓉代替煙肉，個漢堡本身唔算話好大個，中間除咗有牛肉，仲有芝士蕃茄加生菜同酸瓜，應有嘅都有入口係凍嘅，一咬D肉碎開，但肉嘅質感係軟身，飽身係鬆軟，見到邊位有D燶邊，即係佢有煎過嘅，但可惜放凍咗，即係個漢堡唔係即叫即製......OH NO!個薯條又凍又腍，究竟發生過什麼事...........................?!杯冰茶係熱情果味，已經叫咗要少冰，但你有你叫，黎到都係唔少嘅，眼望以為係濃味啦?!  又錯喎，食到少少熱情果籽，果味甚淡，若果唔甜你係BUY嘅, 咁佢做到啦!總括黎講，百幾蚊食呢個漢堡餐，水準達不到價錢嘅五份一，把鬼。

第一次嚟到嚟間西餐廳，感覺幾有格調，店內坐位亦多，適逢平安夜中午，加上將軍澳新橋通行，很多人進內午餐，等咗 5分鐘左右有位，唔算太耐。啤酒脆醬炸青魚柳、薯條、金橘椰菜絲沙律$143沙律菜清甜新鮮可口，酸酸甜甜醒胃開胃炸魚柳魚質尚新鮮，外皮脆脆可惜魚肉偏乾，沒有內軟的肉汁，有少許失色，反倒薯條炸得脆香可口，薯味濃郁冰茶沒有甜味，反而帶點酸，配搭清新消膩All Day Breakfast $143整體好味醒胃，麵包軟熟，炒蛋嫩滑，磨菇香甜，腸煙肉有水準，不錯之選店員服務亦不錯，係餐枱比較細，當餐飲、湯、沙律、主菜都嚟齊會唔夠放，有待改進，或當天太多食客，餐出得比較快……

琴日冬至，老公不在港，仔仔要返工，自己一個在家求其食。今日仔仔放假，就一齊出去食好D，補番做冬不過其實我家一向都冇乜所謂做節，只係有個借口出街食個飯咁啦。例牌又係行晒成個將軍澳，每間舖都望過下先決定食乜。今日就決定食Simplylife，之前食幾次lunch同下午茶；覺得佢既水準都有保証既。因為我地都早食飯，所以唔駛等位即入，但係食下食下，見間餐廳都好快滿座。我地坐果位望住廚房，真係睇住佢煎扒，唔錯。今日得我同仔仔，預左仔仔食1.5個餐，我食0.5個。因為我對湯或沙律都冇乜興趣，亦冇興趣佢地個果茶，所以只係加左一個Set錢，多個湯，包同飲品。湯我冇飲，個包就幾好味，佢係有2款唔同的麵包的。牛扒，我覺得幾好味，但仔仔話漢堡好食D喎。我就覺得個扒好味D啦。煙肉漢堡，我覺得之前lunch同下午茶時食好味D咁。晚上食，我覺得係差左少少；但都係好味既。埋單400幾差唔多500。其實佢好多set都只係百二至百六一個，係個牛扒貴左要二百幾，咁加埋先差唔多500。如果我地唔叫扒，而係叫個意粉，我唸埋單只係300頭就OK。對於平日少出街食，節日出街食黎講，價錢好OK。

今日好想食西餐，唔知去邊度食好，就約埋表妹一齊去將軍澳Popcorn嘅Simplylife食嘢，佢最吸引我就係麵包同埋佢個牛扒🤣😂因為佢每間分店嘅環境座位都比較舒適，舒服！我哋可以一路食嘢一路傾偈我同表妹今次叫咗燒美國安格斯肉眼扒、我個女就叫咗烤蘑菇忌廉汁闊條麵、配香草燒春雞胸佢每個晚餐都配有麵包牛油是日南瓜湯、餐飲是配冰茶或者汽水我哋三個都係叫冰茶😬😬😌肉眼扒七成熟啱啱好唔會太生唔會太熟，食落軟林林唔會太硬仍然有肉汁而女女的闊條麵意粉、忌廉蘑菇一如以往的有水準如果晚飯唔知食咩好，我哋都會選擇Simplylife😂

Simply Life呢間餐廳系我最喜愛的連鎖西餐，沒有之一。因為價錢公道，品質上乘，待客有禮，環境舒服，簡直是無可挑剔，errr…都有既，杯茶可以在好飲d,再少冰d既～哈哈第二次黎將軍澳呢邊，一開始見裝修得幾好，仲估唔到系simply life添～平時都系食午餐多，見晚餐都唔系話加左好多價，緊系唔執輸啦～1）Grilled Black Cod, Mashed Ptoato, Grilled Zucchini, Tapenade $218 + daily soup and Iced Tea $30 = $248呢個本來系我一直以來的最愛，因為我系超級喜歡食魚。而呢個黑鱈魚系焗到外脆內juicy的，而且味道好fresh，你系會一啖接一啖地enjoy成個魚！而且配菜也煎得十分好，薯蓉更加系一定令你飽肚～不過呢間魚好似焗過龍，內裡不夠嫩，可以再改進一下。2）Handmade Tagliatelle with Slow Coked Meat Ragu $125 + Daily soup and Iced Tea$30 =$155而家呢個才是我的最愛，手工意麵黎講，絕對好食過pici（個人感覺）

This was my first visit since covid, and it wasn’t a good one. We waited about 30mins for our table. They serve our starter and drinks shortly after order was placed. We ordered soft drink and wine. The soft drink - more than half the glass was filled with ice! Since my kid doesn’t really take that much of icy drink, I asked waitress if can help to remove the ice. To my surprise, the waitress gave us an angry look, took a mug and a spoon from drawer, toss them on to our table and said:”I give yo

Simplylife 係中價又有水準的餐廳，常常諗唔到去邊食就食佢。今日點了午餐 All Day Breakfast ，雖然食過無數次但今日有驚喜。Portion 超大，煙肉厚身唔太肥，重點係多士，有乾果同合桃，非常正！

《Simplylife - 將軍澳》將軍澳而家發展到多咗好多好野食😋所以喺呢區番工根本就唔洗擔心無啖好食😁前日同事突然話想食西餐，另一個同事提議不如食Simplylife 啦🤩我當堂醒左一醒，因為以前其實我係好鍾意食呢間西餐同佢既甜品架😎原來將軍澳都有仲要咁近番工既地方，當然係Join 埋一份啦💁🏻‍♀️lunch set 有分淨係main course 同埋有salad/湯既set，分別係$98同埋$108 再加一😝我就簡左最常叫既開蘑菇忌廉汁手製闊條麵配香草燒雞胸同燒野菌🤔其實佢燒既定義係咪即係煎呀😂😂個麵算係比想像中淡左少少，不過成個忌廉汁都好creamy同充滿菇味，闊條麵彈牙好有咬口，正常Simplylife 水準囉😅我另外跟配要左個沙律🥗沙律汁應該係用左芥末同埋醋，酸酸甜甜好開胃😍餐飲當然係signature ice tea😁當日既ice tea 係熱情果冰茶，唔會太甜同膩，十分解渴 其實呢個setting 算係我每次幫襯Simplylife 固定必叫既設定🤔下次真係要考慮試下其他野先得😂最後埋單連加一每人$120有找😅又係飽住個肚番工既一次

$143 + 10% 一個brunch, 有沙律/湯,一主菜同一杯飲品....唔算天價,食材質素對得起這個價錢,但奇怪竟然包紅/白酒但就唔包咖啡,如果要飲咖啡就要加15蚊,令人費解😓沙律好fresh, 湯好creamy, 濃濃的南瓜味...再配埋佢自家製麵包, perfect 👍🏻👍🏻😋牛肉漢堡配牛油果蓉...估唔到係咁配...牛油果蓉可減輕剩食啖啖牛肉太膩感覺,薯條又唔炸得太乾...正燒春雞皮燒到有少少脆,但仍保持到肉質嬾滑...唔好以為得好少肉,你試過就知有幾多🤣雖然食到好飽,但忍唔住外賣多兩件cake 返屋企食🤣🤣

晚飯黃金時段，7點半，唔洗排隊，望完set dinner 既 menu, 都有心水既野食就決定入去麵包凍既，湯正常，怪味冰茶，老婆叫左個燒黑鱸魚，賣相ok, 味道係腥到入唔到口，一d 燒過既痕跡都無，最後經理幫我地換左肉眼，諗住穩陣野，點知黎到炭味超勁，完全蓋過肉味，但因為已經唔好意思再叫佢換，我地都食左半塊，食完半個鐘成口都仲係果陣油益同炭味而我就叫左個蘑菇闊條麵，合格，無特別最後同經理都反映左個魚同個牛整體黎講，服務態度同食物賣相都係合格以上，不過味道接近0分

已WFH 一段時間，如可以的話，中午一定會出去食個 lunch 透下氣，當係疫情下生活嘅一種平衡。今日揀咗 Simplylife，貪佢近屋企，唔使搭車行去就得😅呢間店舖空間感好好，入到去已有一種好自在好舒服感覺😃呢度午餐有11種選擇，簡單但足夠，每個午餐都跟一杯菓茶或汽水，一律$98，如想加多個湯或沙律，亦只係$108，最後想再top up一杯咖啡的話就加多$15，尚算不錯👍🔻紅酒燴牛尾有機糙米飯個飯嘅份量唔算大，薄薄嘅一份，但論味道我個人幾喜歡，牛尾已拆肉撈喺飯入面，所以食起上嚟好方便，個紅酒汁亦煮得香濃野味，一匙一匙好快就食晒😅🔻紅梅菓茶好大杯，見到有紅梅種子喺裡面，應該係榨出嚟嘅，味道偏酸，不過不失！總睇而言，加埋服務費$108可以喺一間較為舒服嘅餐廳午餐，都算合理，可惜當日太趕冇時間飲埋杯咖啡，如同朋友一齊叫埋咖啡再 hea 下，不失為一個好聚腳地方👍

喺附近食完野之後，想同朋友傾吓計，飲杯咖啡食啲甜嘢就見到門口好多人都揀緊甜品，見到入邊好似都坐得幾舒服，環境有幾有情調，於是就決定嗌杯咖啡同啲甜品啦叫咗一杯凍朱古力咖啡，唔會話太甜，而且都幾大杯。另外就叫咗榛子丹麥酥同埋草莓酥，草莓嗰個感覺幾Fresh，而且啲吉士醬都幾好味。另外個榛子丹麥酥就更加推薦，甜甜地嘅榛子醬加上鬆軟嘅丹麥酥，都只係10幾蚊，實在太吸引成個環境配上咖啡同甜品，都好適合同朋友喺度傾吓計，而且環境都幾靚，有一種喺外國嘅悠閑感覺

一踏入餐廳，呢度嘅環境氣氛令人好放鬆好舒服，再加上員工安排坐沙發位舒適度再加分👍🏻Lunch set有all day breakfast, 漢堡包, 意粉等等。餐牌分兩個價錢，單叫就係$98 ，如果想要埋是日餐湯或沙律就加多$10 ，姐係$108 是日餐湯配自制麵包🥖餐湯係甘筍湯，質地濃厚，飲到差唔多見底時發現裡面仲有芝士粒添，好飲！⭐️烤蘑菇忌廉汁手製闊條麵.香草燒雞胸. 燒野菌菇菌挺多，闊條麵被醬汁黏住，啖啖濃郁蘑菇味，雞胸被闊條麵蓋住，肉質軟身唔會覺得乾爭爭，份量對我嚟講啱啱好，過多就會覺得漏🙂埋單時員工會問係咪yuu會員，可以即時嘟機儲分👍🏻 餐廳門外更有多款新鮮自家製麵包，賣相吸引😍

Haven’t been back for awhile. Simplylife still offer my favorite lunch set: salad + beef burger. Salad is refreshing with a vinaigrette dressing. Beef burger is same as before, big enough for hungry men. Patty tastes like all beef and topped with cheddar cheese and bacon. Fries has a nice flavor coating which tastes great even without ketchup, though the portion seems to have gotten smaller.