Snow Sandwich (已結業)

突然間先記起夜晚要去佐敦上堂 仲要7點咁早開始 公司過得去早極都成6半 又唔可以拎入課室食 只好搵D可以企喺街度咬嘅嘢頂下肚 諗住之後返到屋企附近再補下 喺上堂地點附近就搵到呢間 即做三文治 好過小食檔多多聲啦 就order左個軟法包千島醬鴨胸 間舖個地點其實好方便 彌敦道泰林向永安方向嘅下一個街口角落頭棟樓其中一間地舖果個位夜晚其實都幾黑我去果時唔知係咪舖面冇乜點開燈 行到埋去我都以為佢冇開😂拎左個飽就喺街口光少少開餐 打開個飽 掂喎賣相夠好 (因為條街太黑同趕時間所以冇影到相sorry😂) D沙律菜都幾新鮮 食落去千島醬好食 個飽又有質感唔係輕飄飄果D 好似係綠色嘅唔知係咩飽呢🤔 (唔係發霉請放心) 拎上手都暖嘅真係啱晒用來頂肚 鴨胸唔乾 好足料 食到最後一啖都有鴨胸！來緊都仲會去上堂 下次試下第款先

因為政府禁止晚飯時段堂食，所以同朋友行街買外賣返屋企食，之前已經路過幾次呢間小店，但見店仔細細，要坐街邊所以一直無試。今日終於鼓起勇氣去試下，本人一向好意粉，所以揀左黑松露鴨胸意粉，朋友揀左炭燒雞扒炒烏冬。由於即叫即制，所以制作需時，前前後後加埋都等左30分鐘。由於太餓所以唔記得影相，一打開盒最香係雞扒炒烏冬，因為個面落左大量紫菜條，令個炒烏冬啲鑊氣湧晒出黎。調味好好，唔會太咸，而且烏冬仲保持到好彈牙，朋友勁Like話下次一定要encore。至於我個黑松露鴨胸意粉，黑松露醬好足料，鴨胸肉亦煎得好香，意粉都好有咬口，我最怕啲意粉林晒一撻甘，佢唔會，佢係條條分明，唯一缺點係佢落左三色椒，我個人唔好，整體而言，水準好高，絕對值得一試。

經朋友介紹去買呢間舖頭啲三文治，間鋪屈左喺角落頭。雖然佢冇堂食，但係質素好好我叫咗個牛油果伴海蝦麥包，仲有個千島醬煙鴨胸麥包 雖然嗰日冇千島醬所以都變咗牛油果醬，但真係好好食。我係買完過咗一陣先叮翻熱嚟食，個味都keep得好好係一間好值得幫襯嘅小店！

舖頭係內街角落，極細，完全係小店。見佢有得係openrice落order外賣自取，幾方便。點左全份牛油果三文治加三文魚，$40。去到等佢包裝埋就有得拎，份三文治切左一半用紙包住，暖粒粒咁。面包係烘過，但唔會烘到超硬或者脆。牛油果同三文魚都足，仲有大量生菜同蕃茄，唔錯我幾喜歡一早落order，到預定時間就去拎，可以唔使等咁奈。個三文治整體幾好味，感覺比pret既新鮮，同埋冇pret既三文治烘到咁硬整損哂個口。如果要食個quick lunch我覺得係唔錯既選擇，另外也可以選擇要半份。

佢只係一間小本經營既小店 空間唔多 買外賣一流!主要賣三文治, burger, 意粉, all day breakfast類似既野三文治有好多種口味 我試過煙三文魚同碎蛋沙律2樣都好好食 好大份第一次去唔知咁足料… 食完飽到我晚飯食唔落…所以第2次去就嗌半份治配雜菜沙律D菜係有心機揀過黎 目測有7-8款菜 樣樣都好新鮮 好好食!比起一般同價位既café貨仔黎講算中高水平配埋杯自家手調咖啡 好滿足 <3黎過呢2次都有同店員傾兩句(其實可能係店主haha)2次店員態度都好friendly 呢啲就係我鍾意小店果種人情味食客同員工之間不限於只係一單交易同(應該係)老闆娘傾左兩句 生意難做 請大家大大力去懲罰呢間有心既小店!

好耐未食過咁好味嘅三文治，價錢相宜不在話下，而且重要食得出係誠意之作。方包烘得好脆，入面啲料多到咇出嚟牛油亦到食到出有揀過，口感非常creamy，加埋煙文魚真係好好味！另外一份煙鴨胸三文治都好正，鴨胸食落去唔會太油膩，配埋豐富嘅生菜食就啱啱好叫咗一客水牛城雞翼，香辣得嚟又juicy，唔會乾爭爭。最緊要係離晒骨，食落去啖啖肉咁，比起好多連鎖西餐廳嘅好味多多聲。食咗三樣嘢都係一百蚊有找，呢個價錢呢個質素真係冇得輸

我地點左卡邦尼同肉醬意粉。兩種意粉都好食，卡邦尼意粉有芝士味，味道岩岩好，吾會好膩。而肉醬意粉就有d酸酸甜甜同少少辣，個蕃茄醬俾人一個好新鮮既感受。老闆娘仲送左一串雞翼俾我地，雞翼燒得好脆、有蜜糖味，好好食😋

朋友介紹話呢到既野好好食😜我試左香茜雞胸意粉同薄荷朱古力意粉煮得啱啱好👍🏻味道都啱啱好👍🏻雞胸唔會太老👍🏻杯薄荷朱古力好濃👍🏻仲要好靚😍朋友叫左肉丸意粉都不錯👍🏻仲有個碎蛋火雞肉三意治都好多料🥰價格又唔貴😋鋪頭細細 係走廊有幾張枱坐😆下次要試個海蝦牛油果三文魚意粉同牛肉漢堡😍我地去到賣哂👍🏻👍🏻👍🏻👍🏻

難得一見自家製嘅街頭三文治店，有多款配搭，即叫即做。我最鐘愛嘅係自家研發嘅桂花奶茶，奶茶夾雜淡淡嘅桂花香。另有我唯一喜愛，而又唔係度度都有嘅碳酸飲品一柚子梳打。店舖喺街頭嘅一小角，外搭兩張枱及摺凳，牆身有客人嘅塗鴉，及寫有對店舖嘅小感想，街頭小店又係另一種風味。

今次喺Snow第一次食雙重芝士熱狗，再另加杯桂花奶茶。今次嘅桂花奶茶終於冇咗忌廉，奶茶始終都係純粹嘅冲調，先保持倒原來嘅美味。至於熱狗亦實在唔錯，熱狗腸咬落多汁，亦可眼見有肉汁滲出，而且腸肉內混有紅辣椒，少許辣味更顯惹味。熱狗配以芥末及少量酸青瓜、煙肉、蕃茄襯托，更重要嘅係，我最愛嘅芝士可以拉出特長嘅拉絲，感覺好過癮😍

公司附近食早餐，成日食黎食去都係果啲野，食到好悶，有日俾我喺呢度搵到呢間舖頭，就決定去試下，呢度有8款饀料俾你揀，有白麵包，有麥包(我最愛)，佢烘到個麵包好脆，原來除左order既饀料外，仲會幫你配埋蕃茄，生菜，芝士，變左超級三文治😋😋有埋芝士，蕃茄，生菜呢啲配料之後，呢個包真係岩曬我口味，最衰佢堂食冇冷氣，如果唔係可以慢慢嘆😍😍

本人早前食了該餐廳外賣三文治，不知道是否因為外賣的關係，覺得三文治覺得一般，不夠好食，所以本人給多一次機會給此餐廳，而在午膳時在此餐廳堂食全日早餐。一試便覺得永世難忘，原因：1. 服務超好 —— 職員見座位全是露天，都會主動開風扇給我，等我可在炎熱的下午都不用這麼熱。2. 本人今次落單的食物是全日早餐，雖然食物材料簡單，但味道不是太重或太咸，本人可嚐試到食物本身的味道。另外，飲品方面，我叫咗凍的柚子蜜，味道不會像其他餐廳所沖的那麼甜，本人飲時覺得剛剛好，所以此餐廳可值得一試和推介

有時平日食得多街野，放假都想食返清淡啲，所以選擇黎依間小店食輕食。都食過好多次。佢一開張，選擇唔係好多，只係得三文治。慢慢佢就愈來愈多野食。以前我都唔係好鍾意食依啲三文治。因為我覺得屋企都整到既野，係街食乜一樣。都係烘白包夾啲菜呀肉呀咁。依間係我令我對依啲食物改觀，佢地真係好有Heart住每一樣野，你會看得出食得出佢地對每一樣存在係件三文治既野都好好處理過。簡單見不平凡。時間材料都控制得好好。不過今日打食評主要唔係介紹三文治，係佢地後期做既主食-意粉。今日見個Meun唔係好岩食，問下佢地識唔識整其他意粉。點知佢地就介紹左依個比我。Bloody Mary肉丸意粉。佢地話依個係將會推出既菜式。個名咁得意，當然要試試。一如既往。冇令我失望。好食。酒就唔係好食到。但個意粉味就調得幾好。配料足夠，味唔會單調。唔會得茄醬咁悶，有洋蔥，蕃茄，蒜頭，黑椒。肉丸彈牙有肉味。繼續努力啦。

跟男友一早本想去茶餐廳吃個早餐經過小巷，發現這早餐店位置有點隱蔽，但挺雅緻的環境雖然不是豪華裝修店內燈飾也有小用心坐下選一份SHARE吃早餐都吃不了這麼多可以選的飲料也不少想要飲熱飲，養生點嘛，要了柚子茶一個貼心的男友是，可以知道你的喜愛點的全是我愛吃，牛油果加上碎蛋配麥包整個餐還配了2片薯片...HAHAH..好特別的配搭涵料挺豐富，疏菜新鮮包包是驚喜的點，鬆脆又不會太乾控制火爐控制得很好！一口咬下，配上牛油果跟碎蛋真美味

I was walking to Yau Ma Tei in the sweltering heat when I noticed this bright blue shop so took a look.It was out of place but stood out because of the bold design and fonts.The name of the joint cooled me down a bit. When I got nearer, I realized it was a sandwich joint and they had some homemade icecreams.As it was stifling hot, I decided to get the avocado icecream since it was a rare flavour. It was a bit icy but perfect on a hot day with a nice avocado flavour and real bits of avocado it it