Snow Sandwich (已結業)

有时平日食得多街野，放假都想食返清淡啲，所以选择黎依间小店食轻食。都食过好多次。佢一开张，选择唔系好多，只系得三文治。慢慢佢就愈来愈多野食。以前我都唔系好钟意食依啲三文治。因为我觉得屋企都整到既野，系街食乜一样。都系烘白包夹啲菜呀肉呀咁。依间系我令我对依啲食物改观，佢地真系好有Heart住每一样野，你会看得出食得出佢地对每一样存在系件三文治既野都好好处理过。简单见不平凡。时间材料都控制得好好。不过今日打食评主要唔系介绍三文治，系佢地后期做既主食-意粉。今日见个Meun唔系好岩食，问下佢地识唔识整其他意粉。点知佢地就介绍左依个比我。Bloody Mary肉丸意粉。佢地话依个系将会推出既菜式。个名咁得意，当然要试试。一如既往。冇令我失望。好食。酒就唔系好食到。但个意粉味就调得几好。配料足够，味唔会单调。唔会得茄酱咁闷，有洋葱，蕃茄，蒜头，黑椒。肉丸弹牙有肉味。继续努力啦。