Social Kitchen - Bay View

营业中

休息中

黑椒磨菇牛肉蓋飯雖然無咩黑椒味，但勝在醬汁夠咸，唔洗太多汁都夠曬食一個飯，白飯夠淋，方便進食唔洗曬太多牙力，磨菇正正常常唔會太差，牛肉夠入味夠油，肥瘦適中，仲搭左一舊仔西蘭花，真係營養均衡🤭👍🏻加左杯阿華田，feel到水吧員工掌握個粉水比例掌握得幾好，有阿華田味又唔會太淡太甜，果然經驗老到😄下次再幫襯埋佢招牌燒味🕺

依間野起醫學生入面出名唔太好食不過好似算改進咗少少?今次有機會試試入去基本上係飯堂黎比較多地盤人員黎用餐而且係泛亞代理 所以都估到大概有咩食主要都係燒味飯 雙餸飯 焗飯焗意粉叫咗個雙餸飯 ($33.5)佢係俾完錢先去揀餸 啲餸應該係每日唔同我揀咗 蝦米粉絲蒸水蛋 + 蒜頭炒時令蔬菜份量都幾大 (原先仲多飯 只不過我要咗少飯)仲有例湯送 只不過個湯係味精味蝦米粉絲蒸水蛋唔錯 幾好食 味道清清地 質感啱啱好 唔太水汪汪 又香蛋味 蝦米少少硬硬地 同蛋好夾 粉絲就冇乜味 多數起底今日嘅時令蔬菜係油麥菜 用蒜頭炒好香 味道都唔錯 比蒸水蛋濃味 而且咬落清脆唯一係個飯唔太好食 一來唔夠熱 二來比較硬身 似係硬咗好多日夜 亦比較乾身...-整體味道上還可以 冇人地講咁差 (可能因為咁所以自己完全冇期望😂) 個雙餸飯有少少似食緊屋企住家飯咁環境就預咗冇咁好 枱與枱比較逼衛生都預咗唔會好好 但係可以接受服務一般 啲人做野快手價錢算抵食? 起碼份量大 佢連蔬菜都俾勁多我 多過平日食菜嘅份量😯食完記得自己收盤啊!總算試過人地口中嘅大Bay了