影片
以上资料只供参考，请与餐厅确认详情
环境优美，平日晚上很宁静， 可以与朋友聊天。西班牙海鲜炒饭属二人分量， 味道不错。小朋友若嫌饭太硬，可选儿童餐，肉丸配意粉及甜品，价钱100元内。香煎M9侧腹横肌牛排亦很好吃， 肉质刚好，配菜亦很美味，唯分量较少， 一个人食都未能饱肚。 极力推荐大家试香蕉船鸡蛋仔，内有三球大雪糕， 小朋友和大人都很喜欢， 分量足够二至三人一同共享。另外，餐厅有不同酒精饮品提供，可让食客一边看电视足球比赛，一边享用。 食客亦可买到帝苑的蝴蝶酥。 可惜洗手间在餐厅外边，比较不方便。
继续阅读
全日餐唔系全日供应，夜晚价钱贵又选择少，意粉得一个选择，三百几一个意粉唔选太贵，但得一只好梅既虾 。。。唔会再唔该夜晚黎儿童餐钱菜已经block咗两个，即系其实冇选择要拣沙律菜，但讲真有几多个小朋友会钟意食沙律菜？ 夜晚转餐牌又冇温提叫左只春鸡入面系未熟哂。。。。
继续阅读
今次就第二次过嚟Bistro呢间餐厅食饭，自从上次食咗个夏威夷盖饭之后，觉得西式嘢食应该都有返咁上，就拣咗食红虾意粉。 一摆上嚟嘅时候讲真只虾嘅size系有啲吓亲人嘅，都几大只下，色泽红润，肉质鲜甜，口感滑润，唔洗专家都会食得出系新鲜海鲜。意粉搭埋个酱摆入口，啖啖都系清新嘅味道，口感非常之有层次。 跟住朋友今次就试星洲炒米，因为我本人唔太好食辣嘢，朋友本身就爱辣之人，就评价话个炒米唔够辣，我就觉得都接受到。米粉同配菜、肉同香料夹埋，睇得出厨师嘅心机！
继续阅读
其实自己本身唔系住呢马鞍山呢头，都系听朋友讲先知西沙呢头有间叫SPORTS Bistro嘅餐厅，系附近做完运动之后特登走入嚟试下。首先就系餐厅环境唔错啦，菜式同饮品都多款式拣嘅。主菜就拣咗台式牛肉面，首先牛肉面最紧要就系个汤头啦，咁就真系要赞返系几香几浓郁下嘅，面就入口弹滑，加埋够晒咬口嘅牛肉、萝卜同配菜，每一啖你都感受到唔同食材系口入面个层次感，真心推荐可以试下！我自己就本身唔系好食辣嘅，但呢道西班牙辣肉肠煮青口就真系一试难忘，青口本身就已经啖啖肉，加上辣肉肠个汁互相融合完全系完美嘅结合，如果本身真系唔惯食得太辣嘅，可以叫返杯健康果汁沙冰，再加埋其它菜式中和下。如果美中不足要挑剔嘅就系天色无咁好嘅时候，坐室外影相打卡会争啲啦🤣，同埋商场仲装紧修，饭后散步无乜嘢可以行。但嘢食水准系唔错嘅，推荐各位入嚟附近玩嘅朋友入嚟试下。👍👍
继续阅读
黎左几次食饭，今日第一次食咖喱牛配薄饼，感觉偏印度咖喱(可以再辣少少)，好正宗，好好味！真系要加多碗饭先得！清哂！鲜奶咖啡看似平平无奇，但系真系好饮嘅。一边食饭一边食景(有山有海，可惜无影)，真系几重享受。
继续阅读