Starry House (已結業)

好多餐廳趁着疫情，打着有優惠嘅價錢來吸引新食客，上年我同朋友喺荃灣行完街，但係未食嘢，然後喺商場見到有塊優惠牌寫住有五折優惠，上網搵過見佢環境正正常常，以為係正常嘅西餐廳，但係點知係一個慘痛嘅經歷。仲記得係上年試過呢一間餐廳，嗰陣有五折優惠，所以貪平想試吓。嗰日我同朋友各自嗌咗牛同埋魚，雖然真係平，但係我嗰塊牛硬到痴線，仲要超級多根，真係不可一不可再。。。另外員工喺上餐之前仲係咁玩手機，完全唔尊重，收錢嗰陣亦好冇禮貌

係OpenRice 訂位時，列明午餐都有折，純覺得價錢抵所以去試。但到達時，侍應表示已過午餐時間，只有主餐牌提供。一場黎到，點都試下喇，叫左一碟牛一碟risotto。食到咁上下，想叫甜品，佢又拎餐牌出嚟，我多口問有沒有下午茶先知根本我地到達時係有下午茶，但由於餐牌既價錢較貴，故佢隱瞞唔比我地知，雖然食物味道都還可以，但做生意唔老實我唔會再幫襯☹️希望店主見到呢篇多事文章，稍為改善一下做生意既作風！！

提前預約到餐廳食晚餐同朋友慶祝生日，八點到確認預約安排入座，本身經理打算安排坐卡位，但我地見卡位坐得比較密，考慮疫情問題想隔開些坐，所以提出想坐近門口位置（近門口幾乎全部吉枱），但經理即晦氣講要九點交番張枱出來，不足六十分鐘仲少過放題，我當你有booking算，快食完行街，點左燒黑毛安格斯肉眼排，香燒羊架，仲有黑松露雜菌意大利飯和薯條，食物上得很大，但分量少，而且味道一般，肉眼排和羊架都落單寫五成熟，可惜切開已經見到幾乎全熟，而羊架只食到酒味，完全掩蓋本身的羊味，黑松露意大利飯無黑松露味，最正常係薯條，食完大家一致決定離開去donki揾再揾食。餐廳唯一值得讚係女侍應（不是女經理）有禮貌，亦有留意枱上水杯無水來加添，最後九點前結賬，離開時近門口仍是吉枱狀態。其實荃灣西餐廳選擇多，競爭大，尤其最近疫情問題，食物質素和服務質素真係決定餐廳生意的重要因素，建議餐廳去其他現時仍很多客既西餐廳取下經。

海之戀有好多新餐廳，之前同事話想試這間西餐廳，但以為公司過來好遠冇去，今日先知原來都唔係，就來試下。openrice訂枱有折，12:00來到，一個人也沒冇，餐廳環境都幾靚，仲有得坐出面的，好舒服同空間也夠大。叫左三份午餐，南瓜湯好奶。都OK的，幾creamy，唔稀呀。份量夠多。紅酒燴牛尾配薯蓉，好濃的味道，好香，牛尾夠晒淋同入味。有些青瓜粒，薯蓉好淋好滑又香，個醬汁都夠濃味。油封煎鴨腿配薯蓉，呢隻鴨腿煎到好香脆，同事話煎得好脆好吃。炭燒西冷牛扒，都好靚呀，煎到好深色，好大塊，同事說好香炭燒的味道，肉質也是好正的。

向某個折扣優惠app見到呢間有50%off本身諗住求其食返餐晚飯行到門口真係嚇親一個客都無但真係有啲眼所以都照行入去食點知啲食物真係幾好Caesar salad啲蔬菜好脆好新鮮有兜亂嗰啲醬先至上碟雞肉係煙燻過嘅雞胸Bread crumbs係整乾咗嘅蒜蓉包Spaghetti carbonara都無hea出唔可以話正宗但起碼啲pasta唔係百德阿姨嗰種亦都唔係食嗰啲光速西餐嘅hea粉係al Dente嘅煙韌意粉煙肉就好普通咁樣煮熟嘅感覺最後就係紅酒牛臉頰配薯蓉佢啲薯蓉係有牛油香味然後係中間有啲粒粒嗰種啲粒粒係翠玉瓜同冇完全整爛嘅薯仔牛臉頰都煮得好霖但唔會爛到一pad嘢咁亦完全無痴牙我夠膽講呢度真係好過SOHO好多西餐廳但係見到佢門面咁冷清我都覺得好慘特登加咗杯果汁不過果汁大家就唔好咁大期望啦我相都廢事影我哋兩個人食埋單$355呢排肺炎如果唔想出街人貼人咁樣食飯呢度都不失為一個好選擇

食個牛扒加個天使麵收我800蚊價錢貴冇問題質素同大家樂差不多感覺就好似入咗間店畀人屈裝修求其連把餐刀生銹嘅就好大問題囉星期日晚餐得四枱客有五個侍應啲侍應嗰度齋企再望都唔識得serve啲客問多兩句好似想同你開拖咁

見經理哥哥噤熱情, 不斷叫我寫下食評比佢地, 就試下寫啦....今天晚上去完荃灣海之戀DONKI DONKI, 差唔多 7 點, 順便就係海之戀商場搵野食. DONKI DONKI 有條電梯出口上3樓的, 我地就上左去睇下. 3 樓基本上無乜野行, 全部都係教育和細路仔Play group 之類的, 無乜野都唔會上去行. 一出電梯一直向前行, 見到有間西餐廳, 裝修不錯, 睇睇餐牌唔算貴, 經理哥哥仲係門口介紹餐牌比我地, 噤就入去試下啦. 3 個人, 叫左 5 野樣. 2 個沙律, 2 個主食, 1 個甜品. 首先來左沙律先. 係 牛油梨蟹肉沙律 同埋 大蝦沙律. 份量都唔少. 唔知牛油梨同牛油果有乜分別. 我覺得差唔多. 配上左D沙律汁, 少少酸甜, 幾清. 都唔錯. 個大蝦沙律隻蝦係燒出來的, 仲脫左殼上碟, 讚 !跟住來既係芝士肉醬意粉OK 喎 ! 表面的芝士肉細焗到脆脆地, 唔太水. 好味 ! 跟住係西班牙豬架配青蘋果蓉豬架嫩腍, 有肉汁, 不乾身. 而且都係燒出來的, 一出來就陣陣燒烤香味, 仲有D鹽係碟邊比我地去點, 點鹽食,  最後加左個甜品, 岩鹽朱古力批. 朱古力都

讚1.味道好，意粉質感精準，蜆肉鮮嫩，煎魚亦做得好精準，皮脆肉滑2.環境幾舒服，夠晒闊落彈1.一個意粉百八幾，一碟煎魚二百左右，係荃灣區食旺角價，仲要無餐，點做得住呀？

有驚喜的西餐廳假期閒逛海之戀商場，在三樓見到一個不大顯眼的 西餐廳Starry House。 人不算太多， 但環境及氣氛不錯，便即管入去試試。首先觀感很重要，見到餐桌上的餐具及透明水杯到好精緻，座位亦很舒服，心情也好起來。再看看餐牌lunch set 有多款選擇，價錢合理，比在屋村的西餐廳還要便宜，此乃第二驚喜。在有選擇困難症嘅情況下，最終揀左三文魚意大利飯及鴨胸薯蓉，二份都是配西湯。大蕀薯蓉湯，湯夠熱，自己比較鍾意少cream，這湯正合心意。三文魚意大利反，份量很足夠，三文魚外脆內軟，有水準。意大利飯個人比較喜歡乾身些。至於鴨胸薯蓉，鴨胸皮脆肉嫩，很用心的厨師，份量也不少，多些伴菜更佳。由於太飽了，冇法試到其甜品呀！總括來說，這是不錯的西餐廳，無反家庭可考慮👍

我要向大家介紹下呢間又貴野食又好麻麻既餐廳話說我上網睇佢lunch$108有扒好抵一直心思思想試有次2:31去佢話得番下午茶咁食啦$6x都抵味道ok咁琴日就带人去食食左$953就係呢堆野食完勁空虛牛扒切到六舊燒春雞得半隻仲細過雞比飯份量勁少不過佢百幾就由佢最抵食係咩呢係薯條$48大大兜但無味既Shit真心推介大家夜晚唔好去食無得揀既情況下lunch tea ok既搞到我勁內疚叫人食左間難食又唔抵既野垃圾😒

份量同價錢完全唔成比，份量少得可憐。三個女仔叫隻春鷄，上枱原來得半隻，size 係一隻女仔手size. Pasta ， salad同risotto 又係得幾啖.埋單有同負責人反影隻春鷄，成二百幾蚊，建議佢寫住半隻lor.負責人都nice gei ,話多謝建議。

難得假期，今日同阿B 出去行街食飯，順便揀下聖誕禮物先。知道荃灣西新商場 - 海之戀 開咗間好大嘅Donki, 一心諗住去行下, 嘩〜勁多人排隊呀〜 我都阿B 都係唔鍾意排隊嘅人, 唯有係附近行下食個晚飯先啦〜其實海之戀入面只係得好少店舖係開咗, 本身諗住食係荃灣廣場搬咗過黎嘅Ruby Tuesday, 但係又係大排長龍。喺Open Rice 終於搵到哩間comment 唔錯嘅西餐廳，上到3樓都係幾入嘅地方，途中又會經過啲地産店剪髮店，如果唔係上OpenRice睇左地址，平常應該都唔會行到咁入。終於去到啦！ 舖頭環境幾安靜幾舒服， 啲客人或waiter 亦無好大聲係度講野，我同阿B叫咗一份Rib Eye 同比目魚，價錢好平。Rib Eye 好鬆軟，點汁或就咁點岩鹽都咁好味👍🏻比目魚滑一滑，好正，連啲side dishes 都好味😋門口帶位姐姐同侍應小姐都好nice〜唯一唔掂就係佢杯Mocha, 係一杯好似齋啡嘅野同埋自己另外落奶, 都幾難飲下〜價錢算平, 兩個人$400有找〜款式比較少希望遲啲會增加, 等佢開耐啲會再嚟試過😍

对於今次第一次到此餐廳我一家人真感到太失望、既冇款式基本聖誕節連兒童大餐都冇，最緊要送嘅所謂2片火雞係唔熟嘅，份量又少價格同食品質數不合理環境好似大排擋，坐得唔舒服，失望!

走到海之戀 入Donki 的人太多要排長龍，所以我都係放棄。那麼就去找東西吃啦，又去尋寶。走到3樓 見到餐廳裝修都幾別緻，又去試吓佢哋嘅食物。 要左一客 燒西班牙黑毛豬架(8oz) 配青蘋果蓉，上枱時已經聞到陣陣肉香，再看一下肉的顏色，這是我想要的肉質，外面燒得香 把肉汁封住，內裏中心部位還是有少少粉紅，這是最佳吃黑毛豬的熟度，肉本身已經灑上少少鹽份，這能帶出黑毛豬的味道，肉質還是嫩嫩的帶嚼口，很不錯，加上酸酸少甜的青蘋果蓉，非常合拍非常好味。抹茶心太軟 有抹茶甘香清幽，焗出來熱烘烘的，皮脆心軟，不會太甜，越食越好味。

French Onion Soup法式洋蔥湯 是一個我喜愛的餐湯，洋蔥焦糖化後變得深色，加上高湯讓洋蔥的甜味更特出。在湯中放上一片法包，灑上芝士，放入焗爐使其金黃香脆，這也為洋蔥湯增加了情趣。Clams Spaghetti in Aioli Style 一道簡單的香蒜蜆肉意粉，蜆肉肥美，意粉帶麵粉香氣，烹調時間剛剛好，有嚼口，入口富質感，配搭香濃的醬汁，非常好味。Cheese Macaroni with Bacon芝士煙肉通心粉 用香濃來形容最合適，通粉上桌時熱辣辣，可以聞到芝士、煙肉的香味，伴隨著的洋蔥和大蒜有微微的甜，通心粉的生熟度又做得很好，要趁熱吃呀，這才可吃到最好的口味和質感。