Subtle Island

营业中

休息中

晚市堂食再放寬，是跟朋友聚一聚的好時機，適逢朋友生日，就挑選了這間集餐廳、酒吧、cafe為一身的餐廳為朋友慶生。打電話去訂位時，staff很友善，說會盡量安排水池位，而最後我們也真的能坐想坐的打卡位。-晚餐時段人均最低消費為$250，比一般餐廳稍為高，不過由於菜式的價錢也是中位數，所以也不難達到這要求。有自備蛋糕，切餅費為$80，十分合理的價錢。-我們分別點了帶子墨汁意大利飯、慢煮法國豬腩、海膽忌廉扁意粉南瓜汁蟹肉餅和四杯cocktails。整體食物質素很不錯，最喜歡的是豬腩，很香口、肉質很軟，加上一層肥膏，入口即化。--除了最有特色的水池位，其他的位置也有些熱帶雨林的怖置，環境蠻chill，空間感也很好，不會太過逼夾，還有室外的位置。

🍝軟殼蟹咸蛋黃忌廉汁意粉 軟殼蟹🦀原隻上好吸引啊大份有肉食🫶🏻唔會太脆口 但野食夠熱咸蛋黃醬落得好足食到起沙嘅口感加埋忌廉嘅滑係好邪惡但好好味嘅意粉！🍝香辣蒜片帆立貝意粉 呢個有驚喜！少辣 加埋脆蒜片, 🍅蕃茄乾惹味得黎 又少少開胃平衡番其他忌廉汁意粉嘅厚重帆立貝size正常 都有3-4粒 收貨！🍛黑松露野菌忌廉汁意大利飯睇落好細份 但食極都食唔完意大利飯軟硬適中野菌🍄忌廉汁充裕 令每一啖都有滿滿嘅菇菇香氣同細滑口感🐟炸魚薯條 魚柳大塊 厚肉6個人分 每人一件都好滿足！薯條🍟份量還好 正常發揮欣賞佔左半碟嘅🥗沙律菜食完減輕少少食炸野嘅罪惡感😂☕️Latte 見到拉花時已經少少失望🥺係好抽象 好需要想像力先見到嘅unicorn放左一陣 拉花已經開始散個人覺得餐廳嘅飲品價錢略高飲落都係正常發揮 無特別驚喜

去過姊妹店Behumble超鐘意!裝修靚，服務好環境舒服，就係可惜無提供正餐！所以知道佢哋終於開左新餐廳即刻去試！呢間餐廳同樣係異國風，佔地成層連室外坐位面積都幾大！好多裝飾+唔同埸景！不過都可能因為甘，室內擺枱位置會有啲迫！而且環境所限，outdoor 四邊比較多棚架雜物，影相需要就一就！ 但睇得出花過錢同心機裝修，算特別！食物擺盆都幾靚，好似壺烏龍茶，襯曬個景，而且味道幾濃幾好飲！一定一定要讚讚服務，可能當時人唔多，由得我地慢慢玩，無催落單，又無催埋單！ 職員除左有禮貌，仲好細心留意住客人有咩需要！由點菜，執碟，加水 ，埋單我都完全無舉過手，係佢地自己一留意到即刻過黎的！食物到左，會提醒向出邊掛住影相客人先進餐以免搞到凍曬 ！ 總結:是次黎食午餐 ，我去個時午市需要單點無set , 主菜約百幾蚊飲品再另外叫，價錢比同區同級餐廳略高小小。不過跟舊店一樣印象良好和有滿意用餐體驗，所以都值得！ 

早幾日平日，見啱啱開始返夜晚堂食，試吓book唔book到呢一間，點知好快趣就有位啦！嗰日大概6:30到，見到都冇人排隊亦都冇坐滿人既，侍應們都好有禮貌呀，亦都會主動斟下水，餐廳內有幾個打卡嘅位置，但都唔好期望太多，因為除咗嗰幾個打卡位，坐嘅位置都係普普通通，大概都係食個氣氛啦🤣🤣 我叫咗一個西冷牛扒，同埋海膽意粉，海膽意粉竟然有少少沙 但味道上整體都還好嘅… 另外仲叫咗一杯Cocktail，酸酸甜甜，唔會太大酒精味都幾啱女仔飲。

今日有小美人帶我去食晏，一間充滿風情餐廳，有美同行當然賞心樂事。🥰☕️🍹二杯咖啡睇樣都贏哂喇！凍飲都有濃濃咖啡香，仲有回甘味好飲啊！餐湯係南瓜🎃忌廉湯👏👏🍝鹹蛋王軟殼蟹意粉超惹味，軟殼蟹酥炸香口不覺油膩 👍比多個 👍🥗🥑🥚呢碟班尼廸蛋配牛油果皇，實在太豐富了，兩樣都係軟滑東西配件香烤多士完美。食飽飽當然係打咭，呢度簡直就係鬧市中綠洲，沙灘、水池設計風格好有心思，真係以為自己可以去咗一轉北非，不過落機仲係旺角。🤣🤣🤣🥳

早一個星期已book位，book 星期日5點時間，明明冇咩客就安排坐係廚房位出面，個位勁窄，隻腳都伸唔到。要求轉位，但個男司待應就話其他人book左，但其他枱想打卡既港女就可以自行轉位，一路冇安排我哋去其他位置，所以想打卡都唔洗揀呢度啦。講返野食…點左個黑松露大啡菇芝士意大利飯，好普通。另外叫左個煙三文魚牛油果酥盒，等左大半鐘都未嚟。價錢又唔係平，食物普通，不值得再來。唯一樣嘢ok既係Hoegaarden 七點前買一送一。完。

收藏咗呢間餐廳好耐😝😝今日終於嚟到啦！叫咗兩個小食兩個main dish 同飲品！ 特別鍾意軟殼蟹蛋黃忌廉意粉！ 蛋黃味好正😍😍fish and chips 好正，即叫即炸！食嘅時候仲係熱辣辣😝仲食咗吞拿魚他他，感覺啲刺身好新鮮！佢配埋洋蔥，口感好特別。飲品都係用一啲好靚嘅杯裝住！叫咗熱嘅茶飲，佢嘅茶壺同茶杯都好靚！岩哂打卡🤓另外叫咗一杯熱嘅焙茶 latte, 好濃烈嘅焙茶味，值得一試！最後叫咗甜品Tiramisu🤩🤩🤩🤩 甜而不膩，好好味😍😍😍環境都好民族風，啱晒打卡！Well spent afternoon!

無得去旅行點都要搵D靚靚嘅餐廳去慰藉一吓地點：非常方便,港鐵站一出就係環境：唔使再多講,無論室外或室內,你都可以搵到位打卡,不過最多下午去,有陽光下影相會靚D！另外,最好避開多人去嘅時間,否則,只會影到人海多過景食物： 因晚餐時段去,無得試☕,🍸由$88起,唔係叫平,但有景就值噃哂！叫咗小食脆炸羊助骨$128,份量估唔到咁大,羊味唔算濃,雖炸但仍保留肉質嬾滑,配啤酒一流👍🏻😋再叫海膽忌廉意粉$138,只有兩片加膽係面,其他就係磨菇配菜,意粉偏淋,味道一般Tiramisu $80: 上層如熔岩般流落嚟,仲唔係專為IG 而設🤣🤣不過如果咖啡味同rum酒重多少少就perfect!二人兩杯cocktail, 兩款食物加一甜品,埋單$580, 有景打卡都算係咁！

偶然遇到呢間充滿摩洛哥風情（有啲人覺得係峇里）嘅樓上Cafe，好開心！好開心！當年今日去咗峇里旅行，今年今日真係有旅行嘅感覺！cafe主要分三個區域，室內有水池打卡位，另外有一個沙灘休閒打卡位，仲有室外休閑度假嘅好多打卡位！呢間Cafe嘅食物都係好有驚喜，非常之有質素！推介：原隻軟殼蟹鹹蛋忌廉意粉成隻軟殼蟹係炸得好脆！但係一啲都唔油膩，意粉有淡淡的鹹蛋味，真係好好食！份量係啱啱好，我都係比一百分💯跟餐嘅南瓜湯都係好好飲！好香濃南瓜味真材實料！加$30有杯白咖啡，我就叫咗Latte!呢度嘅咖啡都係好啱我口味啊！用咗係nutty有朱古力味嘅咖啡豆，好香！沖得好好同埋個拉花都好靚！下次約埋姐朋友嚟或者公司喺度搞小派對都可以

疫情陪伴咗我地有3年，由無得旅行嘅第一年心癢，直至而家都不斷每日冀盼🫥。我癢就會搲，所以今次帶大家到旺角嘅 Subtle Island，感受一下摩洛哥風情！你以為只係天花吊幾盞🇹🇷土耳其燈就叫異國餐廳？No No No～佢真係有水池同沙灘🏖️架！📸打卡CP值爆燈！哩個藍白色許願池充滿🇬🇷希臘風格，而另一邊沙灘區，擺放咗多件木製裝飾物同帳篷，所以餐廳內嘅佈局猶如去左旅行🧳✈️一樣，不竟係香港要有哩種場景佈置程度嘅餐廳都唔多。打卡之餘，會唔會食垃圾都係一般客人concern (🤫男朋友係為女朋友打卡而黎？當然係食物要好食先可以慰勞一下佢 嘰嘰🤭…）我嘅攝影師對炸魚薯條🐟🍟($108) 非常十分滿意❤️成塊炸魚仲長過我隻手✋🏻，仲十分新鮮熱辣辣就已經上碟，所以一刀切落去係脆卜卜，魚肉亦帶有少少水份唔乾。點少少蛋黃醬食好開胃😋然後係🍛⚪️香煎北海道帶子紅菜頭汁意大利飯($128)。帶子大大粒，入口就知帶子唔係cheap 野，即係個d 煎完成陣❄️雪水味，當然個廚都要識處理！整體黎講無論📸打卡定🍟🍛野食都令人相當滿意！如果有特別日子有女朋友係哩到食一轉，我係佢會對你即刻加分🤭

早幾日如常進研"今日食咩好"的課題，有buddy發覺有間旺角地鐵站樓上的一間餐廳，有間裝飾特別精緻的餐廳，佢除了有室內人造沙灘、許願池部分，室外露天都有打卡的位置，係一班女仔或者閨密去的好地方。Lunch有午餐提供，包一個主菜及湯，飲品就要加$15。Menu大約$85-228，食物由沙律、三文治、意大利飯/粉，到All day breakfast都應有盡有。是日餐湯為南瓜湯，入口creamy，南瓜味都幾出。同事們一睇都異口同聲話要試軟殼蟹鹹蛋黃忌廉汁意粉，所以叫了兩碟。軟殼蟹出奇地大隻，唔只厚肉，仲見到有層蟹膏！海膽忌廉汁扁意粉當然先試試個海膽！海膽味道不苦，加埋個忌廉汁真係好creamy。蟹肉蘆筍南瓜汁意大利飯的蟹肉算不少，不過我個南瓜味比忌廉有點蓋了點，整咗都okay的。黑松露野菌忌廉汁意大利飯相信係每間cafe都會見到的菜式。黑松露味比我預期的輕了點，同樣忌廉味香濃。食了咁多個都以忌廉主打的主菜，到最後真係有點膩。午餐無包飲品，大家可以加$15叫咖啡、檸茶等飲料。整體環境夠IG-able，食物水準稱不上好impress，不過比一般的cafe好，算中上吧。=============

上網不停見到好多關於呢間餐廳嘅介紹最出名嘅肯定係佢嘅裝修同風格有一個沙地，可以盡情打卡佢又會有室外嘅地方，有粉紅色摩洛哥風嘅裝修，亦都可以瘋狂打卡所以約埋朋友三五成群一齊去食lunch我哋叫咗好多嘢食估唔到份量都幾多，碟碟都好大碟以為係普通三文治，沙律仔，蛋糕仔點知上菜發現每一碟都係二人份量價錢完全同分量成正比不過可能Cafe仍然好多人，所以上菜方面要等比較耐。但係服務員都幾盡責，有問必應。我哋今次坐咗喺室外嘅位置，雖然冇咩打卡位但係勝在食物取勝。下次都會再嚟。

同朋友整蛋糕途中臨時book咗呢間餐廳食下午茶。員工好有忍耐力，我哋轉咗兩次位都冇畀說話我哋聽🫢應該慣咗，因為整咗好多打卡位畀人打卡🤣室內有個摩洛哥風水池同沙灘，室外就有民族風地台。雖然好多影相位，但佢哋嘅食物質對絕對唔差，因為唔餓，淨係嗌咗個軟殼蟹鹹蛋黃忌廉汁意粉、薯條同一壺伯爵茶。伯爵茶可以share飲，無限添加，好抵飲🤣薯條正正常常。意粉十分推薦，成隻軟殼蟹炸得外脆內juicy，又鹹蛋黃又忌廉聽落好膩，但keep住食咗半碟都唔覺得滯，而且忌廉入面帶有鹹蛋黃味令意粉味道又提升咗一個層次。Btw食完先知佢同be humble係姊妹店，上年又係同呢個朋友去咗be humble食嘢慶生，超有緣。又有得食又有得影相，啱晒鐘意打卡嘅我哋呀！建議餐廳喺餐牌加一啲摩洛哥地道美食會更加有風味😍

is靚靚摩洛哥主題嘅cafe~然後發現係之前去過嘅Be Humble分店!!! 可惜佢嗰日落雨冇得出去露天同朋友打卡QAQ 成個環境好靚 又可以慢慢食同傾偈🤎💟軟殼蟹鹹蛋黃忌廉汁意粉 [$118]最鍾意鹹蛋黃味嘅嘢食 通常都冇得輸 軟殼蟹大大嚿 多膏🥹撈埋夠質感嘅意粉食 又唔會過鹹又惹味 naisu!💟蟹肉蘆筍南瓜汁意大利飯 [$118]都係果句 不嬲對risotto 冇興趣 但係一大班人嘅時候都係會嗌🤣 然後幾驚喜！好食！可能因為好鍾意南瓜湯 成個口感幾好 唔會好膩！想嗌飯嘅可以嗌呢個！💟香辣蒜片帆立貝意粉 [$118]超鍾意辣意粉 AND GARLIC成個味道幾好 不過帆立貝就細隻啲 不太特別~💟德國腸拼盤 [$138]我俾一萬分🤣🤣🤣🤣I LOVE SAUSAGEY! 又脆皮又Juicy又大大嚿 sides有紫薯蓉&veggies 有個friend食薯蓉食到傻咗(唔講邊個請自己對號入座: 「我覺得好夾喎！」)再嚟都一定會嗌 腸腸！💟慢煮法國豬腩 [$238]嗯 不太建議這個 分量唔大而且味道不出眾 正常燒腩嘅味道 下次可能試豬胺扒 instead!!💟宇治抹茶鮮奶 (H) [$6

Subtle Island (旺角）今次試咗呢間餐廳係走摩洛哥風佢有好多特色嘅佈置好啱打卡而今次我就坐正室內池邊位置環境真係唔錯除咗呢一個池佢仲有沙地同室外梳化位置全部都佈置得好靚感覺勁chill通常以為呢啲打卡餐廳食物質素都會好一般不過又比我想像中好好多食物質素都唔錯黑松露忌廉汁意大利飯半芝士焗大飛菇黑松露味幾突出仲有大量雜菌用料十足芝士大啡菇都焗到金黃色而且好Juicy調味唔錯不過就略嫌意大利飯唔夠有咬口白酒羅勒煮托托蜆配蒜蓉包托托蜆超大隻💪超肥美而且完全無沙食落好鮮甜不過塊蒜蓉包就唔夠脆而且浸住醬汁果部份變得超鹹甜品試咗Tiramisu佢有一層膠片圍住向上拉起就會有瀑布流出嚟嘅效果打卡真係一流😂手指餅浸得算幾淋有好香嘅咖啡味不過酒味就唔算突出如果再多少少酒味就更好飲品方面試咗兩杯Cocktail都好靚Conut Sea ($128)呢杯飲品係藍色仲要係用椰殼裝飾裝住賣相好靚好吸引而且飲落有好香嘅椰子味G.T.G($128)朋友果杯都一樣好靚杯外面有少少玫瑰花碎做點綴但朋友話太甜而且好細杯😂整體嚟講都係一間幾值得去嘅打卡餐廳下次有機會要坐戶外試試😊同埋希望可以小人啲咁就可以影多啲靚