Subway (已結業)

返屋企之前，決定買份外賣回家享受，外賣嘅限制係要放長時間都唔會太走樣嘅食物！呢間三文治好味又放得！ 包得札實唔怕散！ 入到去好細，除櫃檯之外只有一張4人枱！美式快餐格局，裝修簡潔！櫃檯店員超級忙，因為上一位客人叫了十個包！幸好店員好快手，之後我叫了兩份！加汽水外賣！ 十分鐘包好走得！ 火雞火腿6吋潛艇堡：足料好味！麵包揀了白麵包，鬆軟好味！西南醬微辣好好食！火雞火腿薄切唔嚡，加上大量爽脆蔬菜（生菜、青瓜、青椒）好食！ 火腿薄餅卷：自己轉薄餅果然係啱！薄餅唔會吸水份後變淋，煙韌好味，火腿一樣薄切，鹹香啲，西南醬辣辣地，多加酸瓜開胃！蔬菜一樣爽口！好味！ 汽水：正常！店員勤快（唔快唔得，好多客人！）有時都會兼顧唔到，例如比咗我之後嘅客人落單先，不過佢一發現即刻好有禮幫我即落單，仲好快手包好我嘅三文治！所以我都無介意！外賣嘅好選擇！

6吋長的芝士牛扒潛艇堡, 選擇了Honey Oat Bread, 職員把麵包切開、拖半, 放入大量牛扒粒, 撒上嫩炒洋蔥和青椒, 覆上一層芝士再放入焗爐裏熱一遍, 熱溶溶的芝士上再配上各種顏色繽紛的新鮮蔬菜和調味醬汁 (我選擇味道酸甜的洋蔥醬)牛扒肉質軟嫩, 有肉味, 啖啖肉吃得甚過癮, 可是當熱騰騰的麵包+餡料遇上從雪櫃裏拿出來的蔬菜, 吃過一啖, 那種半熱又冷的感覺在口腔中展現, 個人暫時還接受不了呢...Soft cookies 煙煙韌韌, 有雙重朱古力、白朱古力夏威夷果仁......的確是好味到不行!!!

利申：在袋鼠國留學時吃了多次subway。乍聞香港分店開張抱著去試試既心態黎點餐，結論係同外國既品質差太遠......小弟點了個日式烤雞粒配意大利包，包身唔夠爽不在話下（太濕），生菜更有股怪味，而且芝士無得選擇得一款。不過最要命係價錢，一個foot long既包要成5x蚊，係同區實在有其他更好既選擇。如果大家係外國有食過subway既話，我實在唔建議係香港再食，品質差價錢貴。