Table

营业中

休息中

住得將軍澳嘅街坊都知道，Table 開業咗大半年，無論咩時段去到都要排隊，我已經嚟過幾次啦，食物份量足水準夠，午餐好抵食，又唔使加一，真係長期飯堂。今次食咗沙當妮白酒煎焗龍脷魚、炭燒安格斯西冷牛扒，配上table水果茶以及白桃綠茶，仲加咗個Affogato做甜品。前菜我哋揀咗楓樹糖漿堅果燕麥杯，裏面有蘋果絲，而且好香豆乳味，是日餐湯係黑松露西蘭花忌廉湯，配上牛油酸種手工麵包，仲加咗個藜麥田園廚師沙律。安格斯牛扒好香，雖然係薄身牛扒，但係有一個半手掌大，加上薯條同沙律其實都好飽。龍脷魚好幼滑，配上酸酸甜甜嘅黑醋汁，以及少少莎莎醬，底下配有新薯以及車厘茄，薯仔有焗過幾香口。飲品方面，table水果茶仲可以加蘆薈或者椰果，健康得來好有咬口。Affogato好精緻，Expresso加上雲呢拿雪糕一樣夾，仲伴上少少棉花糖，都幾好食。兩人埋單大約$330，食物同服務都keep到，只不過可能比較繁忙，唔餐時段要等吓。

將軍澳中心地有一間人氣cafe我一直都好想食💓 Table採用開放式的設計，光線充盈整個空間。綠意盎然的植物與木質裝飾營造出舒適而放鬆的氛圍。彷彿置身於一個充滿自然氣息的空間中，無論是用餐還是聊天都十分愉悅。★北海道刺身帶子海膽汁意大利粉★這道菜的擺盤精緻。麵條的口感滑順，吸附了海膽汁的鮮味。帶子味道鮮甜。★燒美國頂級封門牛柳北海道咖喱蛋蓋飯★牛柳外焦內嫩，肉質鮮美，肉味香濃。滑蛋與咖哩配搭得宜。份量好多，很飽足。★鹿兒島黑豚餃子★餃子炸得香脆，外皮薄脆香口，搭配特製的醬汁，令人食指大動。★白桃藍蝶花梳打★這款飲品不單色澤誘人，味道也非常清爽，帶有淡淡的水果香氣。★胡麻醬秋葵★套餐加配胡麻醬秋葵。營養更加均衡。📍Table將軍澳唐德街9號將軍澳中心地下G87及G90號

今日約左朋友去將軍澳食飯，見到呢間餐廳好滿座，所以就去食。呢到都有好多唔同款類嘅食物，好啱同朋友一齊食。呢個鹿兒島黑豚餃子嘅質感好得意，唔係一般嘅餃子皮，而係用咗類似腐皮質地，軟身得嚟又有咬口，口感好有趣。而入邊加咗豬肉，豬肉肉汁好豐富，好好味。我地都叫左個是日廚師精選餐湯同香蒜牛油手工酸種包。麵包烘得好脆，配埋蒜蓉牛油好香口。而湯係南瓜湯，好濃郁，口感都幾豐富。為食嘅我仲叫多咗個沙律，呢個係溫泉蛋巴馬火腿堅果藜麥沙律。沙律份量好足，價錢唔算好貴，而且好新鮮，食落口感好好。呢個香煎西班牙杜洛黑毛豬鞍架煮得好好，肉質好鮮嫩，而且外面有一層脆脆地嘅口感，一咬落去肉汁爆開，好好味。最重要嘅係，其他配料同豬嘅味道夾得好好，無論係蘑菇汁、蘋果蓉定係蒜頭都好，都好啱味。呢個炭燒頂級封門牛柳都好正，今次因為同朋友share，朋友唔食太生嘅牛，所以叫咗七成熟，本身都驚太熟會唔好食，點知喜出望外。封門牛柳肉質好粉嫩，而且好腍身，食得出肉質本身真係好好，唔係醃出嚟嘅腍，而且牛味好濃郁，配埋蒜頭食好好味。呢度除咗食物之外，飲品都好出色，估唔到係西餐廳都會飲到手搖茶，而且質素一啲都唔輸比出面嘅手搖店，白桃味好

好幾次經過 Table @tablecafehk 都見到大排長龍見今日係平日估計少d人就決定去試吓結果平日夜晚都座無虛席🫨晚市套餐都選擇都幾幾多有咖喱飯有烏冬鍋亦都有西餐淘小姐就揀咗兩款肉類作主菜⭐️胡麻醬秋葵首先試下胡麻醬秋葵呢個冷盤前菜醬汁可以揀另上🥹🥹餐廳係呢方面都幾細心⭐️炭燒頂級封門牛柳炭燒頂級封門牛柳淘小姐就揀五成熟肉質都幾軟腍肉味香濃醬汁亦好好味有烤薯仔、長形西蘭花同烤蒜作伴菜雖然係伴菜但味道上都唔求其好明顯調味上有細心配搭過👍🏻⭐️法式低溫慢煮紐西蘭羊膝唔駛花氣力就切開到嘅羊膝有入口即溶嘅感覺底下有大大份薯蓉非常綿滑旁邊嘅燉菜就大大減低左羊膝油膩感⭐️菠蘿蘆薈夏日特飲⭐️白桃藍蝶花梳打兩款飲品都可以小冰小甜非常清爽最有趣嘅係原來藍蝶花會另上可以親手到落去飲品度睇住佢慢慢散開好治癒🫶🏻⭐️Table雪山最後上枱嘅係淘小姐最期待嘅雪山同想像中嘅不太一樣Table雪山主要都係Cream要Cream嘅下面係芒果味同朱古力味嘅雪糕外面就有四粒馬卡龍面頭就有棉花糖、彩色脆脆、藍莓同埋士多啤梨色彩非常繽紛🍽️ Table 📍 將軍澳唐德街9號將軍澳中心G樓G87及G90號舖

餐廳是開放式之西餐，店員服務快速，開放式設計，舒服感覺，新開打卡店，出餐快速即點即做沙律新鮮沙律菜，伴以柚子醬，清新開胃炸魚薯條香氣滿滿之脆薯條，炸到金黃。香氣層次感提高，焦香內裡肉質嫩滑，鮮味十足，魚籽柳細嫩柔軟，在口中慢溶藍莓芝士旦糕藍莓味酸甜滿滿甜香，香濃，芝士味香濃，柔軟感滿足夏日特飲飲品上有小片菠蘿，精緻，蘆薈清新。水果茶香，不錯藍蝶花可加入飲品杯，令飲品底部滿滿果汁，攪拌完之後味道清新。茶底味道濃郁，來一杯茶，消暑之選。牛肉溫泉旦日飯足料入味，牛肉肉汁滿，溫泉旦香，日式秘製牛肉汁及彈形日本米，醬汁也很棒心太軟朱古力香濃流心，簡單中快樂。朱古力香，香濃流心之感，精緻做法，朱古力香味滿滿

將軍澳呢間cafe每次經過都大排長龍，就知佢一定有過人之處，今次我地排左一陣終於食到佢既lunch。是日餐湯+香蒜牛油手工酸種包今日既餐湯係南瓜忌廉湯，南瓜蓉打到好綿，甜味十足，酸種麵包牛油味突出，麵包煙韌。黑松露牛肝菌雞油菇芝士意大利雲吞平時比較少食意大利雲吞，原來意大利雲吞係咁大粒，入面既餡係包住菠菜芝士，配埋出面既黑松露汁，十分濃厚。炭燒安格斯西冷牛扒薯條西冷扒份量十足，都幾厚身，我地叫左medium，食落牛味濃，相對比較瘦，炭燒味都香。另外，佢地既薯條都好脆口，熱辣辣好食。鹿兒島黑豚餃子以為係傳純日式餃子，點知一上碟就喜出望外，一試原來係腐皮包既餃子，幾新穎有驚喜，鬆脆而唔油膩。美式蜂蜜咖啡用蜂蜜代替糖可以保留到咖啡香又唔會死甜，甜度岩岩好。熱忌廉朱古力燕麥奶咖啡燕麥奶味道唔算突出，反而朱古力可可味就好濃，感覺似mocha。

今日朋友帶左我去將軍澳食下午茶。位於將軍澳中心，鄰近地鐵站上蓋，位置方便。環境方面，餐廳位於商場中庭，位置開闊，裝修都好靚，坐得好舒服。每人嗌咗一個下午茶套餐再加配小食及甜品。南瓜忌廉湯配蒜蓉包餐湯很有驚喜，南瓜味非常濃郁，感覺很有營養哈哈。餐包亦是烤過的蒜蓉包，很用心。意大利黑松露煙肉野菌忌廉蝴蝶粉醬汁濃郁美味，黑松露味濃郁，份量下午茶來講都夠飽肚。安格斯牛肉芝士漢堡配炸薯條麵包質地鬆軟，牛肉味濃郁，上枱時新鮮熱辣。十分好吃。小食（唐陽炸雞+ 番薯條）炸雞有肉汁，唔乾，份量亦足夠。番薯條亦很香口，好吃。飲品 (焦糖爆谷咖啡+ table 水果茶）兩杯飲品亦很出色，水果茶非常豐富，入面有很多生果，不會死甜。咖啡亦香甜濃郁。甜品（伯爵茶巴斯克蛋糕）推介這個甜品，茶味香濃，質感軟綿滑。很好吃。總結而言，環境舒適，服務店員亦很有禮，食物質素出色。下次一定會再光顧。

招牌酒香脆燒雞，熱辣辣香噴噴，半邊燒雞外皮燒至金黃酥脆，外脆內軟，雞肉肉質細嫩多汁，一啲都唔嚡口，仲好入味，淡淡雞肉都有酒香嘅味道，好惹味法式低溫慢煮紐西蘭羊膝，肉質非常軟嫩同埋粉嫩，羊羶味都唔太重，仲有其他新鮮嘅配菜同埋薯蓉一齊食，都幾飽肚鹿兒島黑豚餃子好特別，用腐皮包住鹿兒島黑豚肉作餡料，肉質軟嫩，好多肉汁Table雪山係一個食得嘅雪山，份量都唔少，成個甜品有好多cream，仲配埋雪糕、馬卡龍、棉花糖同埋水果，色彩繽紛，好靚！玄米抹茶士多啤梨燕麥奶配雪糕，抹茶味好濃郁，仲有香濃嘅士多啤梨燕麥奶，好fresh，配埋冰凍嘅雪糕Gin with Lychee Honey Smoothie with Ice Cream氈酒清新可口，帶有荔枝嘅香味同埋蜂蜜嘅甜味，配埋雪糕，味道好夾南瓜忌廉湯+香蒜牛油手工酸種包，南瓜忌廉湯有淡淡嘅南瓜甜味，仲好creamy，香蒜牛油手工酸種包又脆又煙韌！餐廳舒適寬敞，空間感十足！整體食物質素都高，唔怪之得知成日都大排長龍

餐廳位於將軍澳中心商場內，地點方便，木系裝修座位舒適，空間感十足，啱晒三五知己來gathering!招牌酒香乳鴿呢個招牌乳鴿非常推介！乳鴿擺盤已經好靚，充滿酒香，肉質非常嫩滑！有意大利飯墊底，陣陣黑松露香味，口感非常Creamy！仲有蕃茄同紅蘿蔔伴碟，估唔到咁好食！焦糖忌廉爆谷咖啡賣相好靚！Popcorn 🍿 同埋coffee 既組合幾特別！底層係咖啡，再加上一層厚厚嘅焦糖忌廉，面層加埋啲爆谷作裝飾。咖啡香味、焦糖既甜同埋爆谷嘅脆感，層次感好豐富！胡麻醬秋葵小食竟然有我最愛嘅秋葵！秋葵好新鮮又爽甜，胡麻醬分開上，可以根據自己喜好加幾多都得。北海道刺身帶子海膽汁意大利粉意大利粉煮出Al dente口感，海膽汁味道濃郁，醬汁的濃稠度恰到好處，每條意粉都掛滿海膽汁，味道濃厚甘甜！配搭北海道刺身級嘅帶子，煎到兩面金黃色，口感鮮甜又嫩滑！Gin with Lychee Honey Smoothie with Ice Cream想飲酒可以試試呢杯，Gin酒加上荔枝沙冰，面層再加上雪糕，唔錯呀！

將軍澳人氣Cafe, 無論早午晚都一定有人龍排隊, 食物質素唔錯，賣相仲好靚添！Table Secret色彩繽紛好靚！芒果沙冰、芒果雪糕、加上火龍果和士多啤梨，唔單止好飲，視覺令人心情愉快！浦燒鰻魚石鍋烏冬 博多雞白湯上枱的時候熱辣辣香噴噴，石鍋烏冬仲不停煮緊！博多雞白湯湯底鮮甜香濃，烏冬吸收咗湯汁，口感滑順又彈牙，冬天嘅日子食真係特別暖笠笠。蒲燒鰻魚另上，份量都唔少，仲燒得好香，鰻魚汁特別濃郁！手搖Table水果茶味道少甜，有茶的甘香，而水果都好豐富，有菠蘿乾、蘋果、士多啤梨、藍莓等，果香十足。小食拼盤份量十足！有吉列蝦、雞翼、脆皮腸、豆腐卜和薯條. 最愛就係吉列蝦，炸到金黃色，外脆內嫩好香口呀！玄米抹茶士多啤梨燕麥奶配雪糕味道好濃，啖啖抹茶的甘苦，微甜！最特別是內有玄米粒，底層有士多啤梨酸酸甜甜，頂層加上雪糕，好特別好好飲！伯爵茶巴斯克芝士蛋糕配朱古力雪糕自家製的伯爵茶巴斯克芝士蛋糕融合了醇厚的奶油奶酪與優雅的伯爵茶，整體口感順滑綿密，表面焦香濃郁，配埋朱古力雪糕，食埋呢個甜品大滿足！

呢日同屋企行街去Table食個Late Lunch，餐廳好靚好開揚，好似置身於樹林一樣，係商場正中間，好易搵。點了2個餐，每個餐加配食物都係$18起，可以試多啲不同款真唔錯。我點了匈牙利牛肉意粉，份量多，牛肉大嚿而且多，軟滑易咬，另外鹿兒島黑豚餃子都好好食，估唔到係腐皮豆腐包煮再炸，有驚喜 。🩵Table全日早餐是日餐湯+香蒜牛油手工酸種包鹿兒島黑豚餃子 +$28加配蛋糕 +$38(伯爵茶巴斯克芝士蛋糕)（熱）燕麥鮮奶咖啡+$16🩵匈牙利牛肉意粉美式炸薯條 +$18雪糕杯 +$28（熱）玫瑰燕麥奶咖啡 +$18

由從日出康城個間outback執左之後，都搵唔到一間岩心水既西餐廳食。好彩朋友介紹左我來呢間，價錢比outback更抵食，你地睇下佢啲價錢，真係性價比極高。下次可以試下佢地既下午茶🐷食完之後覺得整體食物味道都幾唔錯！份量方面都好充足，最大驚喜就係佢地既咖啡，膽粗粗叫左佢地既特別版咖啡飲，橙味咖啡本身以為會勁奇怪，點知飲落好有驚喜！好開心在將軍澳區，終於可以搵到間可以經常幫襯的西餐廳了❤️❤️❤️

假日當然係訓到飽飽先起身去食brunch啦～點知個個都同我⼀樣諗法😂Table喺假日⼀樣有下午茶餐選擇非常多難怪咁多人排隊我咁啱卡左點黎食就可以午餐同下午茶餐都試到午餐可以加配餐湯同香蒜牛油手工酸種包成個餐即刻豐富左配特飲嘅話半價就有佢啲飲品好有特色加錢都抵飲今日餐湯係黑松露西蘭花湯味道香濃口感稠密黑毛豬東京黑蒜豬骨湯讚岐烏冬配鹿兒島豚肉餃子個豚肉餃子好特別用左腐皮作外層感覺無咁厚實腐皮亦有另⼀種口感👍黑蒜豬骨湯湯頭香甜配有咬口嘅讚岐湯冬啱晒加配黑牛經典黑牛加上爆炸糖入口立時又爽又爆炸！下午茶餐我揀左黑松露煙肉野菌忌廉意大利粉雖然係下午茶餐但份量無特別細女生當午餐都得櫻花燕麥奶玄米抹茶抹茶味香杯底仲有玄米增加口感Table食物質素唔錯價錢合適難怪早午晚市都有人排隊

將軍澳食飯多數都係連鎖餐廳，都冇咩特別好食所以今日就去咗將軍澳中心嘅Table 食，朋友講呢間已經係將軍澳比較推介嘅餐廳午市套餐大概$90-$100左右，唔駛加一都算合理午市都幾多人，要等大概20分鐘先入座咖喱魚柳飯$88舊魚柳好大條，炸完脆卜卜，撈埋咖喱汁送飯食一流白飯上面鋪左層滑蛋，略嫌無咩蛋汁有點兒乾西冷配薯條$108西冷牛扒正常發揮，唔算特別好食薯條份量唔算多，上枱個陣已經有點涼掉，如果熱辣辣會好食點

好友專登入嚟將軍澳同我食飯，緊係要搵間有質素嘅餐廳。記得幾個月前嚟呢間餐廳食過下午茶，令我非常滿意，諗住下次食晚餐，今晚終於實行啦!環境沒有大改變，開放式嘅設計，簡約優雅，地方闊落，座位幾多，坐得很舒適。晚巿有多款主菜選擇，而惠顧任何主菜都可加錢追加不同食品和以半價轉飲品。最後，我地叫咗兩份主菜餐，再追加多款小食，還點了一份甜品和兩杯飲品，大滿足!是日餐湯是黑松露忌廉椰菜花湯配香蒜牛油手工酸種包（+$38）。湯身質感濃厚，味道濃郁，既有淡淡嘅黑松露幽香，亦有椰菜花味，很合我口味。還配上一片煙韌的蒜油酸種包，點下湯食更好味。廚師精選沙律(+$28) 新鮮爽脆，加了爆汁嘅車厘茄和清爽嘅櫻桃蘿蔔，配上酸咪咪的醋汁，健康有益，清新怡人。胡麻醬秋葵(+$28) 翠綠清爽，非常新鮮，配上胡麻醬，絕配!多款主菜都好吸引，我地掙扎了好耐先揀到……北海道刺身帶子海膽汁意大利粉 ($158)  沾滿鮮香嘅海膽汁，味道非常香濃入味，好得！加埋紅黃椒絲和菇菌，配搭更加吸引。而厚厚嘅帶子煎至半刺身狀，外表香口，中間柔軟鮮美，正!法式低溫慢煮紐西蘭羊膝（$168）賣相一流! 未食已令我地流晒口水。重量級的羊膝巨型