Table

营业中

休息中

住得将军澳嘅街坊都知道，Table 开业咗大半年，无论咩时段去到都要排队，我已经嚟过几次啦，食物份量足水准够，午餐好抵食，又唔使加一，真系长期饭堂。今次食咗沙当妮白酒煎焗龙脷鱼、炭烧安格斯西冷牛扒，配上table水果茶以及白桃绿茶，仲加咗个Affogato做甜品。前菜我哋拣咗枫树糖浆坚果燕麦杯，里面有苹果丝，而且好香豆乳味，是日餐汤系黑松露西兰花忌廉汤，配上牛油酸种手工面包，仲加咗个藜麦田园厨师沙律。安格斯牛扒好香，虽然系薄身牛扒，但系有一个半手掌大，加上薯条同沙律其实都好饱。龙脷鱼好幼滑，配上酸酸甜甜嘅黑醋汁，以及少少莎莎酱，底下配有新薯以及车厘茄，薯仔有焗过几香口。饮品方面，table水果茶仲可以加芦荟或者椰果，健康得来好有咬口。Affogato好精致，Expresso加上云呢拿雪糕一样夹，仲伴上少少棉花糖，都几好食。两人埋单大约$330，食物同服务都keep到，只不过可能比较繁忙，唔餐时段要等吓。